قالىڭمالعا بانكەدەن قارىز الۋعا بولا ما؟ مىنا بانكە جاۋاپ قايتاردى
2021.03.22 12:52 كەلۋ قاينارى : حالىق تورابى
جيۋجياڭ بانكەسىنىڭ «قالىڭمالدىق قارىز بەرۋ» دەگەن ەلەكتروندى جارناماسى ينتەرنەتتە جۇرتتىڭ نازارىن وزىنە اۋداردى. ءتىلشىنىڭ ۇعىسۋىنشا، جياڭشي ولكەسى جيۋجياڭ قالاسى فينانستى باسقارۋ تاراۋلارىنان ۇيىمداسقان بىرلەسكەن تەكسەرۋ گرۋپپاسىنىڭ تەكسەرۋ ناتيجەسىنە قاراعاندا، جارنامانى بانكەنىڭ قىزمەتكەرلەرى ءوز بىلگەنىنشە جولداپ جىبەرگەن. قازىر جيۋجياڭ بانكەسى بۇعان تىكەلەي جاۋاپتى ادامدى قىزمەتتەن توقتاتتى، ءبولىمنىڭ جاۋاپتىسىنا كىنا جازدى ءارى بۇل ءىستىڭ ناشار ىقپال تۋدىرعانىنا كەشىرىم سۇرادى.
ينتەرنەتتە قىزۋ تالقىلانعان جيۋجياڭ بانكەسىنىڭ «قالىڭمالدىق قارىز بەرۋ» ەلەكتروندى جارناماسىنا قاراعاندا، بۇل «جاس جۇبايلارعا» ارنايى باعىتتالعان قارىز ءتۇرى، ەڭ كوپ بولعاندا 300 مىڭ يۋانعا دەيىن قارىز الۋعا بولادى، جىلدىق ءوسىمى %4.9، ەڭ ۇزاق بولعاندا ءبىر جىلعا دەيىن الۋعا بولادى. بانكە قارىزىن پايدالانۋ جولدارى دەگەن شاقپاققا، بۇل قارىزبەن شىرىن اي ساياحاتىن وتكىزۋگە، ماشينا ساتىپ الۋعا، القا – مونشاق ساتىپ الۋعا جانە ءۇي ەلەكتر جابدىقتارىن ساتىپ الۋعا بولادى دەپ جازىلعان.
ءتىلشى وسى جونىندە جيۋجياڭ بانكەسىنىڭ بىرنەشە تارماق بانكەسىنە بارىپ سۇحبات العان، كليەنتتەرگە جاۋاپتى بىرنەشە ديرەكتوردىڭ ايتۋىنشا، «قالىڭمالدىق قارىز»، ءىس جۇزىندە، بانكەنىڭ بۇرىننان بار اقشا قۇراۋ ءونىمى «قولفونداعى جەدەل بىتىرۋگە بولاتىن قارىز — تين – تەبەن» نىسانى ەكەن. «بۇل ءبىر ءتۇرلى كەپىلگە زات قويۋدى قاجەت ەتپەيتىن، جەكەلەردىڭ تۇتىنۋىنا ارنالعان سەنىمدى قارىز ءتۇرى، قولفون بانكەسى ارقىلى ءوتىنىش بەرۋگە بولادى»، — دەدى كليەنتكە جاۋاپتى ديرەكتورلاردىڭ بىرەۋى.
تەكسەرۋگە قاراعاندا، «قالىڭمالدىق قارىز» — اتالعان بانكەنىڭ بولشەك ساتۋ بانكەسى باس باسقارماسى قىزمەتكەرلەرىنىڭ «تين – تەبەن» اتىنداعى تۇتىنۋ قارىزىنىڭ نەگىزىندە، جاڭا ۇيلەنگەندەرگە باعىتتاپ جاساعان جارناما جوباسى ەكەن، الايدا بۇل بانكەنىڭ قاتىستى تارتىپتەرى بويىنشا ماقۇلداۋدان وتكىزىلمەگەن، اتالعان قىزمەتكەر ءالى دە جوبالاۋ كەزەڭىندە تۇرعان جارنامانى ۋيچاتتاعى دوستار شەڭبەرىنە جولداپ جىبەرگەن. ىلە – شالا، اتالعان ءبولىمنىڭ باسقا قىزمەتكەرلەرى دە دوستار شەڭبەرىندە جوتكەپ تاراتقان.
تەكسەرۋگە قاراعاندا، اتالعان بانكەنىڭ جۇيەسىندە «قالىڭمالدىق قارىزعا» قاتىستى قارىز تۇرلەرى ءارى وعان قاتىستى سەنىمدى قارىز سوماسى دا بايقالماعان، الايدا، قارىز ءتۇرىن بەلگىلەمە بويىنشا تەكسەرۋدەن وتكىزبەي تۇرىپ، قاتىستى قىزمەتكەرلەر ءوز بىلگەنىنشە تاراتقان، بۇل جيۋجياڭ بانكەسىنىڭ بەلگىلەمەگە بويسۇنۋ تانىمىنىڭ ءالسىز، ىشكى جاقتاعى باسقارۋىنىڭ جەتەرسىز بولۋى سىندى ماسەلەنى اشىققا شىعارعان.
وسى جونىندە بىرلەسكەن تەكسەرۋ گرۋپپاسى جيۋجياڭ بانكەسىنىڭ قاتىستى قىزمەتكەرلەرىن ءبىرجاقتىلى ەتۋدى ءارى وسىعان بايلانىستى ناشار ىقپال تۋدىرعانى جونىندە كەشىرىم سۇراۋدى بۇيىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
