شينجياڭدا ورمان اۋماعى 120 ميلليون مۋعا ارتتى
2021.03.22 16:31 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ساۋ حۋا 3 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋعا قاراعاندا، سوڭعى جىلدارى شينجياڭ تابيعي ورمانداردى قورعاۋ، ەكپە ورمان ءوسىرۋ سياقتى ەكولوگيانى قورعاۋ، قالپىنا كەلتىرۋ ينجەنەرياسىن ۇزدىكسىز اتقارعان ورمان اۋماعى جانە ساقتالۋ مولشەرى وتكەن 5 جىلدا جەكە - جەكە 3 ميلليون 768 مىڭ مۋ جانە 35 ميلليون تەكشەمەتر ارتقان. كەزەكتە شينجياڭدا ورمان اۋماعى 120 ميلليون مۋعا ارتىپ، ورمانمەن كومكەرىلۋ سالىستىرماسى ％5.02كە جەتكەن.
شينجياڭنىڭ ورمان شارۋاشىلىعى ەكولوگيالىق جۇيەسى قۇرىلىسىن ۇزدىكسىز ىلگەرىلەتۋ ءۇشىن 2008 - جىلى شينجياڭ 10 ءىرى ورمان شارۋاشىلىعى ەكولوگيالىق ينجەنەريا قۇرىلىسىن باستادى، بۇل تاۋلى ءوڭىردى، جازىقتاعى جاسىل القاپتاردى، سونداي - اق جاسىل القاپ جيەگىندەگى شولگە اينالعان بايتاق ءوڭىردى قامتىدى، ىشكەرىلەي اتقارۋ جانە ىلگەرىلەتۋ ارقىلى شينجياڭدا ورمان بايلىعى اۋماعى ۇزدىكسىز ارتىپ، ورمانمەن كومكەرىلۋ سالىستىرماسى ۇزدىكسىز جوعارىلاپ، ورمان ءتۇرى قۇرىلىمى، جەر ۇقىعى قاراستىلىعى قۇرىلىمى، ورمان تۇرلەرى قۇرىلىمى ۇزدىكسىز ۇيلەسىمدى بولۋعا بەت الىپ، شينجياڭنىڭ ەكولوگيالىق ورتاسىن قورعاۋ جانە دەڭگەيىن جوعارىلاتۋ، سونداي - اق كليمات وزگەرىسىنە توتەپ بەرۋ جونىنەن ماڭىزدى رول اتقاردى.
تابيعي ورمانداردى قورعاۋ جاعىندا، شينجياڭ 1998 - جىلدان باستاپ تابيعي ورمانداردى قورعاۋ ينجەنەرياسىن تۇيىندەردە سىناق ەتۋدى جۇرگىزە باستادى، 2000 - جىلدان 2004 - جىلعا دەيىن شينجياڭ تابيعي ورمانداردى قورعاۋ ينجەنەرياسى اۋماعىنداعى اعاش ماتەريالدارى ءونىم مولشەرى ءار جىلعى 280 مىڭ تەكشەمەتردەن 80 مىڭ تەكشەمەترگە رەتتەلىپ، ازايتىلىپ، 2005 - جىلى تابيعي ورمانداردى ساۋدالىق كەسۋدى جاپپاي توقتاتتى. 22 جىلدان بەرى شينجياڭنىڭ تابيعي ورمانداردى قورعاۋ سەرپىنى ۇزدىكسىز ارتىپ، جيىنى 5 ميلليارد 870 ميلليون يۋان قارجى قوسىلىپ، تابيعي ورماندار ءونىمدى قورعالدى.
مەملەكەت جەرىن جاسىلداندىرۋ جاعىندا، ”13 - بەسجىلدىق“ مەزگىلىندە شينجياڭ جيىنى 14 ميلليون 769 مىڭ مۋ جەرگە ورمان ءوسىرىپ، 100 ميلليوننان استام ءتۇپ اعاشتى مىندەتتى ەكتى. سوڭعى جىلدارى شينجياڭ ”سۋ ارقىلى جاسىلداندىرۋدى بەلگىلەۋ“ پرينسيبىنە ساي، ورمان ءوسىرىپ جاسىلداندىرۋ ءتۇيىنىن قورعانىس ورمانىنىڭ ساپاسىن جوعارىلاتۋدى جانە ەكولوگيانى قورعاۋدى، قالپىنا كەلتىرۋدى كۇشەيتۋ جاعىنا ويىستىرىپ، ەگىنجاي قورعانىس ورمانى مەن اۋىل - قىستاقتى جاسىلداندىرۋدى، كورىكتەندىرۋدى نەگىز ەتكەن مەملەكەت جەرىن جاسىلداندىرۋدى بەلسەنە ىلگەرىلەتىپ، اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق كوركەم شينجياڭ قۇرۋعا پارمەندى تىرەك ازىرلەدى.
بيىل رايونىمىز تابيعي ورمانداردى قورعاۋ، قالپىنا كەلتىرۋ ءتۇزىمىن اتقارۋ جوباسىن شىعارىپ، قاتاڭ، عىلمي قورعاۋ شارالارىن قولدانىپ، تابيعي ورمانداردى نەگىزگى تۇلعا ەتكەن اقاۋسىز، ورنىقتى ورمان ەكولوگيالىق جۇيەسىن ورناتۋدى جەدەلدەتتى. قۇمايتتانۋدان ساقتانۋدى جانە ونى تىزگىندەۋدى، ءشول ورمانىن قورعاۋدى، جاسىل القاپتىڭ ىشكى جاعىنداعى ازعان قورعانىس ورمانىن قالپىنا كەلتىرۋدى، ەگىستىكتەن ورماندى قالپىنا كەلتىرۋدى، ت.ب ءتۇيىن ەتىپ، تارىم جانە جوڭعار سىندى ەكى ۇلكەن ويپاتتى وراعىتقان جيەكتىك جاسىل القاپتى ءوڭىر ەكولوگيالىق قالتقىسىن ورناتتى. قورىق قۇرىلىسىن، سازدىقتى قورعاۋدى جانە قالپىنا كەلتىرۋدى ءتۇيىن ەتىپ، تۇيىندەردە ورنالاسقان جاراتىلىستىق قورىقتار، قۇمايتتانعان جەرلەردەگى تيىم سالىنعان قورىقتار، سازدىق باقشاسى، ورمان باقشاسى، ءشول باقشاسى، ماڭىزدى سۋ قاينارى ءوڭىرى، سونداي - اق ماڭىزدى سازدىق قۇرىلىسىن كۇشەيتتى. ەكولوگيالىق نەگىزدى ورنىقتى بەكەمدەپ، ەكولوگيالىق مازمۇنىن بايىتىپ، ەكولوگيالىق كەڭىستىگىن كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا ەكولوگيالىق حاۋىپسىزدىك قامتاماسىزدىعىن ازىرلەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
