شاڭحاي سەلبەستىك ۇيىمىنىڭ حاتشىلار باسقارماسى حالىقارالىق ناۋرىز مەرەكەسىن قۇتتىقتاۋ قيمىلىن وتكىزدى

2021.03.22 16:56   كەلۋ قاينارى : حالىق تورابى

　　حالىق تورابىنىڭ 3 - ايدىڭ 19 - كۇنى بەيجيڭنەن بەرگەن حابارى، 3 - ايدىڭ 19 - كۇنى شاڭحاي سەلبەستىك ۇيىمى بەيجيڭدە حالىقارالىق ناۋرىز مەرەكەسىن قۇتتىقتاۋ قيمىلىن وتكىزدى. شاڭحاي سەلبەستىك ۇيىمىنىڭ باس حاتشىسى نۇروۆ، جۇڭگو سىرتقى ىستەر مينيسترلىگىنىڭ ورىنباسار مينيسترى لى ۋەيچىڭ، شاڭحاي سەلبەستىك ۇيىمىنىڭ تۇڭعىش باس حاتشىسى جاڭ دىگۋاڭ، كوپتەگەن مەملەكەتتىڭ بەيجيڭدە تۇراتىن ەلشىحانالارىنىڭ ەلشىلەرى، سونداي - اق جۇڭگو مەن شەتەل سەرىكتەستىكتەرىنىڭ ۋاكىلدەرى، شەتەلدىك ستۋدەنتتەر ٵن سالىپ، ءبي بيلەپ وسى ءبىر تاماشا كۇندى بىرگە اتاپ ٶتتى.

　　شاڭحاي سەلبەستىك ۇيىمىنىڭ باس حاتشىسى ۋلاديمير يماموۆچا نۇروۆ ءسوز سويلەپ بىلاي دەدى: شاڭحاي سەلبەستىك ۇيىمى قۇرىلعالى 20 جىلدان بەرى حالىقارالىق ىقپالعا يە ۇيىمعا اينالىپ، بارعان سايىن كوپتەگەن مەملەكەتتەر شاڭحاي سەلبەستىك ۇيىمىمەن بەلسەندىلىكپەن سەلبەستىك جاساۋدا.

　　جۇڭگو سىرتقى ىستەر مينيسترلىگىنىڭ ورىنباسار مينيسترى لى ۋەيچىڭ بىلاي دەدى: مىڭداعان جىلدىق داستۇرگە يە ناۋرىز مەرەكەسى شاڭحاي سەلبەستىك ۇيىمىنداعى كوپتەگەن مەملەكەتتەردىڭ ماڭىزدى مەرەكەسى، كوپتەگەن مەملەكەتتەردىڭ اسىل تاريحي مادەنيەتى مەن ءداستۇرىن بويىنا سىڭىرگەن. ناۋرىز مەرەكەسىن تويلاۋ شاڭحاي سەلبەستىك ۇيىمىنىڭ رۋحىنىڭ بەينەلەنۋى بولىپ عانا قالماستان، شاڭحاي سەلبەستىك ۇيىمى سىندى ۇلكەن شاڭىراقتىڭ ەڭ جاقسى تۇسىندىرمەسى.

　　قۇتتىقتاۋ جينالىسىندا تاراپتار ۋاكىلدەرى ءسوز سويلەپ عانا قالماستان، ونەر كورسەتتى، ۇلتتىق مادەني مۇرا ەرەكشەلىگىندەگى ءداستۇرلى قولونەر بۇيىمدارى مەن تاعامداردى كورسەتتى.

　　2010 - جىلى 2 - ايدىڭ 23 - كۇنى بىرلەسكەن مەملەكەتتەر ۇيىمىنىڭ ماجىلىسىندە– بۇل مەرەكە حالىقارالىق ناۋرىز مەرەكەسى دەپ بەلگىلەدى، سونىمەن بىرگە اتالعان مەرەكە بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم - تەحنيكا، مادەنيەت ۇيىمىنىڭ بەيزاتتىق مادەني مۇرالار تىزىمدىگىنە ەنگىزىلدى. حالىقارالىق قوعام اتالعان جيىندا: ناۋرىز مەرەكەسى مادەني مۇرا مەن ءجۇز جىلدىق ءداستۇردىڭ ءبىرتۇتاس بەينەلەنۋى، ٵر ەل حالقىنىڭ ٶزارا قۇرمەت ەتۋ جانە بەيبىت، تاتۋ - ءتاتتى كورشىلىك قاتىناسىن ساقتاۋ جاعىندا ماڭىزدى رول اتقارادى دەپ قارادى.

　　كەلۋ قاينارى: حالىق تورابى