بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قۇلاق ءتۇرىڭىز، حوتاننىڭ جاسىل القابىنان اتلاس جاڭا كۇيى شىعاندادى

2021.03.23 15:35     كەلۋ قاينارى : شينجياڭ گازەتى

  3 - اي، تارىم ويپاتىنىڭ وڭتۇستىگىندەگى حوتان قالاسى جييا اۋىلى، ءبيداي كوك تارتىپ، تال شىبىق بۇرشىك اتقان شاق. ءتۇس اۋا توپىراق ءتۇستى كەرپىش ۇيدەن تارسىلداعان داۋىستار قۇلاققا شالىنا باستادى. داۋىستى قۋالاي ۇيگە كىرگەنىمىزدە، 6 − 7 جىبەك توقۋشىنىڭ اياق - قولدارىن بىردەي ىستەتىپ، اعاشتان جاسالعان توقىما جابدىعىن مەڭگەرىپ، قىزىل، سارى، جاسىل، كوك، اق، قارا سياقتى رەڭدەرمەن بويالعان نەشە مىڭداعان جىبەك جىپتەن ۇزىندىعى 7 مەتر، كەڭدىگى 48 سانتيمەتر كەلەتىن اتلاس تورعىنىن توقىپ شىعارىپ جاتقانىن كوردىك.

  اتلاس تورعىنى شينجياڭنىڭ ەرەكشە قولونەر بۇيىمى، 1000 جىلدان استام ۋاقىت جىبەك توقۋ شارۋاشىلىعى تاريحىنا يە حوتاننىڭ جاسىل القاپتارىنان باستاۋ العان. 2008 - جىلى اتلاس تورعىنىن بوياۋ تەحنيكاسى مەملەكەت دارەجەلى بەيزاتتىق مادەنيەت مۇرالارى تىزىمدىگىنە ەنگىزىلدى. سونان باستاپ، اتلاس تورعىنىنىڭ ابستراكت تا الۋان رەڭدى ورنەگى كيىم - كەشەك، باس كيىم، سونداي - اق ءار ءتۇرلى مانەرلى بۇيىمداردا بارعان سايىن كوپ كەزدەسىپ، شينجياڭنىڭ ايگىلى كوركەم بەلگىلەرىنىڭ بىرىنە اينالدى.

  توقىماشىلىق شەبەرحاناسىندا جىبەك توقيتىن شەبەرلەر قۇددى كوركەمونەر بۇيىمىن جاساپ جاتقانداي، قولدارىنداعى ءاربىر تال جىبەك ءجىپتى زەيىن قويا توقۋدا. ءبىر بولىك اتلاس تورعىنى ەڭ تەز دەگەندە ءبىر جارىم دا ەكى كۇندە ازەر توقىلىپ بولادى.

  التۇنحان ۇرايىم اۋلەتتەرىنىڭ التىنشى ۇرپاق جىبەك توقۋ شەبەرى. 12 جاسىنان باستاپ ونەر ۇيرەنگەن ونىڭ قازىرگە دەيىن 48 جىلدىق توقىماشىلىق تاجىريبەسى بار. مۇنداي ءداستۇرلى توقىماشىلىق تىم ءبىر سارىندى ەمەس پە دەپ سۇراعاندا، التۇنحان قولىنداعى جۇمىسىن توقتاتىپ قويىپ، جىميا كۇلىپ: ”اتلاس تورعىنىن قولمەن توقۋدا سىنالاتىنى ’جاي، باياۋ ونەر‘، سان الۋان رەڭدەگى جىبەك جىپتەردىڭ بىرتىندەپ كوركەم سۋرەتكە اينالعانىن كورۋدىڭ ءوزى ءبىر ءتۇرلى شاتتىق ەمەس پە!“، - دەپ جاۋاپ بەردى.

  اتلاس تورعىنىن قولمەن توقۋدى ءبىر ءتۇرلى باياۋ، مامىرلاعان ىرعاق دەسەك، ال اتلاس توقۋ جابدىعىن اسقاق تا ايبىندى اۋەندى مۋزيكا تاراۋى دەۋگە بولادى.

  تاعى دا سول جييا اۋىلىندا اق رەڭدى بولات تاقتايدان سالىنعان سەحتا 10 نەشە توقىما ماشيناسى توقتاۋسىز اينالىس جاساۋدا، 4 − 5 جۇمىسشى قۇلاقتارىن تىعىنداپ الىپ ماشينالاردىڭ جانىندا توقۋ ماشيناسىنىڭ ۇستىندە اينالىپ تۇرعان جىبەك جىپتەن كوزدەرىن ايىرماي قاداعالاپ زىر جۇگىرۋدە.

  ”ءبىر توقۋ ماشيناسى كۇنىنە 3 − 4 بولىك اتلاس تورعىنىن توقيدى، ءبىر جۇمىسشى، كەم دەگەندە، وسىنداي 2 توقۋ ماشيناسىن باسقارادى“، - دەدى 34 جاستاعى گۇلنۇرالى سەيىت. 2019 - جىلى كۇيەۋى ەكەۋى وسى 2 توقۋ سەحى، ءبىر بوياۋ زاۆودى بار اتلاس تورعىنى سەلبەستىك كووپەراتيۆىن قۇرعان بولاتىن.

  قولمەن توقۋدىڭ كۇردەلى جۇمىسىنا قاراعاندا، ماشينامەن توقۋ كوپ وڭاي، جاي ادامدار ماشينانى جارىم جىلعا جەتپەيتىن ۋاقىتتا جەتىك مەڭگەرىپ كەتە الادى. كەدەي وتباسىلارىنىڭ جۇمىستانۋ قيىنشىلىعىن شەشۋ ءۇشىن، قىستاقتىڭ باعىتتامالى كومەكتەسۋ - سۇيەمەلدەۋ ورنى گۇلنۇرالىنىڭ سەلبەستىك كووپەراتيۆىن كەڭەيتىپ سالۋىنا كومەكتەستى، سونىمەن توقۋ ماشيناسى 24تەن 39عا كوبەيىپ، سەلبەستىك كووپەراتيۆى كەدەي وتباسىلارىنان تاعى 20 جۇمىسشى قابىلدادى.

  باعاسى ارزان بولعاندىقتان، ماشينامەن توقىلعان ءونىمدى ادەتتەگى تۇتىنۋشىلار تىپتەن جاقسى قابىلدايدى. گۇلنۇرالى مەن كۇيەۋى بازاردا تانىستىرىپ ساتۋ جاساماي - اق سەلبەستىك كووپەراتيۆىنىڭ ورنىقتى اينالىس جاساۋىنا كەپىلدىك ەتە الادى.

  ”ماشينا اينالىپ تۇرسا بولعانى، جۇمىسشىلار ايىنا 2000 − 2500 يۋانعا دەيىن ەڭبەكاقى الا الادى“، - دەدى گۇلنۇرالى. اتلاس تورعىنى جەرگىلىكتى ورىنداعى بۇقارانىڭ كەدەيلىكتەن ارىلۋىنداعى تەتىكتەرىنىڭ بىرىنە اينالدى.

  تەز قارقىندى، ىركىلىسسىز تاس جول، تەمىر جول زات اينالىمىنىڭ ارقاسىندا، قازىر اتلاس تورعىنى الەمدىك كاسىپ تىزبەگىمەن توعىسۋدا. اتلاستى قولمەن توقۋعا ىستەتىلەتىن كوپ مولشەردەگى جىبەك ءجىپ جياڭسۋ، جىجياڭ وڭىرىنەن تاسىپ اكەلىنىپ، تورعىن ءونىمى بولىپ مانەرلەنگەننەن كەيىن، تاعى دا اۆتوموبيل نەمەسە پويەز ارقىلى قاشقارعا، ۇرىمجىگە، ءتىپتى، ونان دا الىس جەرلەرگە ساتىلادى.

  گۇلنۇرالى ءبىر ايدان استام ۋاقىتتا ءبىر رەت پويەز ستانسياسىنا شيكىزات قابىلداپ الۋعا بارادى. ”بيىل قاشقار، اتۇش سياقتى جەرلەردەن كوپتەگەن زاكازدار كەلىپ ءتۇستى، سەحىمىز تولىق كوتەرىمدىلىكپەن جۇمىس ىستەپ جاتىر. كۇيەۋىم جاقىننان بەرى ءار جەرگە جۇك جونەلتۋمەن قاربالاس“، - دەدى ول.

(شينحۋا اگەنتتىگىنىڭ 3 - ايدىڭ 19 - كۇنى ۇرىمجىدەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار