بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ورتالىق كوميتەتتىڭ ۇگىت ءبولىمى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلىنىڭ سەگىز ءتۇرلى ماڭىزدى مازمۇنىن تانىستىردى

2021.03.23 15:37     كەلۋ قاينارى : حالىق تورابى

  جۇڭگو كوممۋنيستىك پارتياسى اقپارات تورابىنىڭ 3 – ايدىڭ 23 – كۇنى بەرگەن حابارى. بۇگىن تۇستەن بۇرىن، ج ك پ ورتالىق كوميتەتى جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلىنا قاتىستى جاعدايلار جونىندە اقپار جاريالاۋ ءماجىلىسىن وتكىزدى. ورتالىق ۇگىت ءبولىمىنىڭ كۇندەلىكتى قىزمەتتەردى باسقارۋعا جاۋاپتى ورىنباسار باستىعى ۋاڭ شياۋحۇي ماجىلىستە جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلىنا قاتىستى ورنالاستىرۋلاردى تانىستىردى. ۋاڭ شياۋحۇي مىنانى اتاپ كورسەتتى: پارتيامىزدىڭ ءجۇز جىلدىق مەرەيتويىندا قۇتتىقتاۋ قيمىلىن وتكىزۋدىڭ بۇكىل پارتياداعىلار مەن بۇكىل ارمياداعىلاردى، بۇكىل ەلىمىزدەگى ءار ۇلت حالقىن شابىتتاندىرىپ جانە اتتانىسقا كەلتىرىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، سوتسياليستىك وسىزامانداندىرىلعان مەملەكەت قۇرۋدىڭ جاڭا ساپارىنا نىق سەنىممەن قادام تاستاۋىمىزدا كەلەلى دە تەرەڭ ءمان الادى.

  ۋاڭ شياۋحۇيدىڭ تانىستىرۋىنشا، پارتيا ورتالىق كوميتەتىنىڭ بەكىتكەن جوباسىنا نەگىزدەلگەندە، قۇتتىقتاۋ قيمىلىنىڭ باستى مازمۇندارى مىنالاردى قامتيدى:

  ءبىرىنشى، پارتيا تاريحىن ۇيرەنۋ تاربيەسى ورىستەتىلەدى. «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق ۇيرەنۋىنىڭ جەتىستىكتەرىن بەكەمدەۋ، ىشكەرىلەي ورىستەتۋمەن ۇشتاستىرا وتىرىپ، بۇكىل پارتياداعىلار اراسىندا پارتيا تاريحىن ۇيرەنۋ تاربيەسى ورىستەتىلەدى. بۇل رەتكى ۇيرەنۋ تاربيەسى 2021 – جىلى تۇتاس جىل بويىنشا وتكىزىلەدى، باستى تالاپتارى: تاريحتى ۇيرەنىپ، ءجون – جوسىقتى ءبىلۋ، تاريحتى ۇيرەنىپ، سەنىمدى ارتتىرۋ، تاريحتى ۇيرەنىپ، ءمورالدى قاستەرلەۋ، تاريحتى ۇيرەنىپ، قۇلشىنا جۇمىس ىستەۋ، پارتيالى كادرلاردى پارتيا تاريحىن ۇيرەنۋگە، سانانى وياتىپ، ناقتى ءىس تىندىرۋعا، جاڭا جاعداي جاراتۋعا تاربيەلەۋ جانە جەتەلەۋ.

  ەكىنشى، قۇتتىقتاۋ ءماجىلىسى اشىلادى. ج ك پ ورتالىق كوميتەتىنىڭ اتىندا، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ءماجىلىسى سالتاناتپەن اشىلادى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى.

  ءۇشىنشى، «1 – شىلدە وردەنىنىڭ» يەگەرلەرىن باعالاپ شىعۋ، وردەندى تاراتۋ جانە مەملەكەتتىك «ەكى وزات، ءبىر تاڭداۋلىنى» باعالاۋ – ماراپاتتاۋ ورىستەتىلەدى. ج ك پ ورتالىق كوميتەتىنىڭ اتىندا، پارتياعا ەرەن ۇلەس قوسقان، قىمباتتى رۋحاني بايلىق جاراتقان پارتيا مۇشەلەرىنە «1 – شىلدە وردەنى» بەرىلەدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كۋالىك تاراتادى، وردەن بەرەدى. مۇنان سىرت، مەملەكەتتىك ۇزدىك كوممۋنيستەردى، مەملەكەتتىك پارتيا قىزمەتىن ىستەيتىن وزات قىزمەتكەرلەردى، مەملەكەتتىك تاڭداۋلى نەگىزگى ساتى پارتيا ۇيىمدارىن باعالاۋ – ماراپاتتاۋ وتكىزىلەدى؛ پارتيالىق ستاجى 50 جىلدان اساتىن، ومىردە جاساپ جاتقان، ەجەلدەن بەينەسى جاقسى ساقا پارتيا مۇشەلەرىنە «پارتياداعى داڭقتى 50 جىل» اتتى ەستەلىك ىزناك بەرىلەدى. مۇنان سىرت، پارتيا ىشىندە ەلەۋلى ەڭبەك ءسىڭىرىپ، داڭقپەن ماراپاتتالعان پارتيا مۇشەلەرى، تۇرمىسىندا قيىنشىلىعى بار پارتيا مۇشەلەرى، ساقا پارتيا مۇشەلەرى، ساقا كادرلار جانە قاھارمانداردىڭ وتباسىنداعىلار، ۇكىمەت قىزمەتى ۇستىندە قازا بولعان پارتيالى كادرلاردىڭ وتباسىنداعىلار قاتارلىلارعا امانداسا بارىپ، حال سۇراۋ قيمىلدارى ۇيىمداستىرىلادى.

  ءتورتىنشى، كولەمدى تاقىرىپتىق كورمە وتكىزىلەدى. «اۋەلگى ماقساتتى ۇمىتپاي، بورىشتى ەستە بەرىك ساقتاۋ» كولەمدى تاقىرىپتىق كورمەسى وتكىزىلىپ، جۇڭگو كوممۋنيستىك پارتياسىنىڭ ءجۇز جىلدىق شۇعىلالى ساپارى، ۇلى جەتىستىكتەرى مەن باعالى تاجىريبەلەرى جالپى بەتتىك، جۇيەلى، جاندى، جان – جاقتىلى كورسەتىلەدى.

  بەسىنشى، كوركەمونەرلىك ساۋىق - كەش وتكىزىلەدى. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ كولەمدى كوركەمونەرلىك ساۋىق كەشى وتكىزىلىپ، پارتيا مەن مەملەكەت باسشىلارى، ەڭبەك ءسىڭىرىپ، داڭقتى ماراپاتقا يە بولعانداردىڭ ۋاكىلدەرى، نەگىزگى ساتىلارداعى پارتيا مۇشەلەرىنىڭ جانە جۇرتشىلىقتىڭ ۋاكىلدەرى قاتارلى ءار سالاداعىلار تاماشالاۋعا ۇسىنىس ەتىلەدى.

  التىنشى، نازاريالىق تالقى ءماجىلىسى جانە اڭگىمە ءماجىلىسى وتكىزىلەدى. ورتالىق كوميتەتتىڭ ۇگىت ءبولىمى ورتالىق كوميتەتتىڭ ۇيىمداستىرۋ بولىمىمەن، ورتالىق كوميتەتتىڭ پارتيا مەكتەبىمەن (مەملەكەتتىك اكىمشىلىك شۋەيۋانى)، ورتالىق كوميتەتتىڭ پارتيا تاريحى جانە قۇجاتتاردى زەرتتەۋ مەكەمەسىمەن، وقۋ – اعارتۋ مينيسترلىگىمەن، جۇڭگو قوعامدىق عىلىمدار اكادەمياسىمەن، اسكەري ىستەر كوميتەتى ساياسي قىزمەت بولىمىمەن بىرلەسە وتىرىپ، پارتيا قۇرىلعاندىعىنىڭ 100 جىلدىعىن قۇتتىقتاۋ نازاريالىق تالقى ءماجىلىسىن وتكىزەدى، ورتالىق كوميتەتتىڭ ۇيىمداستىرۋ ءبولىمى مەملەكەتتىك ۇزدىك كوممۋنيستەر، پارتيا قىزمەتىن ىستەيتىن ۇزدىك قىزمەتكەرلەر، تاڭداۋلى نەگىزگى ساتى پارتيا ۇيىمدارى ۋاكىلدەرىنىڭ پارتيا قۇرىلعاندىعىنىڭ 100 جىلدىعىن قۇتتىقتاۋ اڭگىمە ءماجىلىسىن وتكىزەدى، سونىمەن بىرگە، ساقا پارتيالى كادرلاردىڭ اڭگىمە ءماجىلىسىن جانە پارتيا قۇرىلىسىنىڭ تاريحي تاجىريبەلەرى تالقى ءماجىلىسىن وتكىزەدى؛ ورتالىق كوميتەتتىڭ بىرلىكساپ ءبولىمى ءارقايسى دەموكراتيالىق پارتيا – توپتاردىڭ ورتالىق كوميتەتتەرىمەن، پارتيادا جوق قايراتكەرلەرمەن جانە مەملەكەتتىك ونەركاسىپ – ساۋداگەرلەر بىرلەستىگىمەن كەڭەسىپ، ءار سالاداعى قايراتكەرلەردىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ اڭگىمە ءماجىلىسىن اشادى.

  جەتىنشى، ءبىر توپ كوركەمونەر تۋىندىلارى جانە باسىلىمدار شىعارىلادى. جۇڭگو كوممۋنيستىك پارتياسى قۇرىلعان 100 جىلدان بەرگى شۇعىلالى تاريحتى، ۇلى جەتىستىكتەردى جانە باعالى تاجىريبەلەردى، سونداي – اق، ءارقايسى تاريحي مەزگىلدە جارىققا شىققان تاڭداۋلى تيپتەردى نەگىزگى مازمۇن ەتىپ، كولەمدى قۇجاتتىق ارناۋلى فيلىمدەر مەن ارناۋلى باعدارلامالار جاسالادى جانە تاراتىلادى. يدەيالىلىعى ءبىرشاما جوعارى، كوركەمدىك ورەگە يە ءبىر توپ تەاتر، مۋزيكا، ءبي، كينو، تەلە فيلم قاتارلى ءتۇرلى ۇزدىك كوركەمونەر تۋىندىلارى شىعارىلادى. پارتيا تاريحىنا قاتىستى ءبىر توپ ءتۇيىندى شىعارمالار مەن نازاريالىق ماقالالار شىعارىلادى، «جۇڭگو كوممۋنيستىك پارتياسىنىڭ 100 جىلى» قاتارلى ءتۇيىندى باسىلىمدار قۇراستىرىلادى جانە شىعارىلادى. مۇنان سىرت، پارتيا قۇرىلعاندىعىنىڭ 100 جىلدىعىن باستى تاقىرىپ ەتىپ، ەستەلىك پوچتا ماركالارى، ەستەلىك كانۆەرتتەر جانە ەستەلىك اقشالار شىعارىلادى.

  سەگىزىنشى، بۇقارالىق سيپاتتاعى تاقىرىپتىق ۇگىت تاربيە قيمىلدارى ورىستەتىلەدى. بۇكىل ەلىمىزدەگى قالا – اۋىلداردا «ماڭگى پارتياعا ىلەسەمىز» اتىنداعى بۇقارالىق سيپاتتاعى تاقىرىپتىق ۇگىت تاربيە قيمىلى كەڭ كولەمدە ورىستەتىلەدى. جەر – جەر، وتە – موتە، پارتيا تاريحىندا ماڭىزدى ءمان الاتىن جەرلەر جەرگىلىكتى ورىننىڭ ءىس جۇزىندىك جاعدايىمەن ۇشتاستىرا وتىرىپ، پارتيا تاريحىنداعى ماڭىزدى وقيعالار، ماڭىزدى قيمىلدار جانە ماڭىزدى جۇرتتار قاتارلىلاردى توڭىرەكتەي وتىرىپ، باي مازمۇندى، الۋان ءتۇرلى قۇتتىقتاۋ قيمىلدارىن ورىستەتەدى.

  مۇنان سىرت، ۋاڭ شياۋحۇي مىنانى ءبىلدىردى: پارتيا ورتالىق كوميتەتىنىڭ تالابىنا ساي، ءتۇرلى قۇتتىقتاۋ قيمىلدارى بارىسىندا پارتيا ورتالىق كوميتەتىنىڭ سەگىز ءتۇرلى بەلگىلەمەسىن جانە ونىڭ اتقارىلاتىن ناقتى ەرەجەسىنىڭ رۋحىن قاتاڭ اتقارۋ، ىندەتتەن ساقتانۋ – تىزگىندەۋگە قاتىستى تالاپتاردى قاتاڭ تياناقتاندىرۋ، سالتاناتتى دا جالىندى، شىنايى دا ۇقىپتى، حاۋىپسىز دە ءتارتىپتى ورىستەتىلۋىنە كەپىلدىك ەتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار