وتاندى قورعاۋ، شەكارانى كۇزەتۋ ىنتا - ىقىلاسى وتباسى سالتىنان باستاپ قالىپتاسقان
− كوپشىلىكتىڭ نازارىنداعى لاچين بايەكە ④
2021.03.23 15:40 كەلۋ قاينارى : شينجياڭ گازەتى
لاچين بايەكە داڭقتى تاريحى بار وتباسىندا ەسەيىپ - ەرجەتكەن، اتاسى بىلەك سىبانا العا شىعىپ حونچيراپ شەكارا قورعانىس ليانىنداعى تۇڭعىش ”قوداس مىنگەن جول باستاۋشى“ بولعاننان تارتىپ، وتاندى ءسۇيىپ، وتاندى قورعاۋ، شەكارانى كۇزەتىپ، شەكارا ءوڭىردى قورعاۋ ىنتا - ىقىلاسى، ىزگى نيەتتى نەگىز ەتكەن، باسقالارعا ادالدىقپەن مامىلە جاسايتىن وتباسى سالتى وسى قاراپايىم تاجىك مالشى وتباسىندا ۇرپاقتان - ۇرپاققا جالعاستى.
”ونىڭ كىشكەنە كەزىندە ەڭ ۇناتىپ تىڭدايتىنى اتاسىنىڭ شەكارانى شارلاپ، وتاندى قورعاۋ جونىندەگى اڭگىمەلەرى ەدى“. 3 - ايدىڭ 17 - كۇنى تۇستە لاچين بايەكەنىڭ اكەسى، قارت شەكارا كۇزەتشىسى بايەكە كەلدىبەك ءبىر ۇيدەگى 3 ۇرپاقتىڭ شەكارانى شارلاعانداعى سۋرەتتەرى قويىلعان كورمە سارايىنا قايتالاي كەلىپ، بۇرىنعى كەسكىن سۋرەتتەرگە قاراپ، ادام قۇتقارۋ جولىندا ەرلىكپەن قۇربان بولعان ۇلىن ءۇنسىز ەسكە الدى.
”قانشا تىڭداسا دا جالىقپاۋشى ەدى، ءار جولى كوزىن باقىرايتىپ الىپ، زەر سالا تىڭدايتىن“. وتكەندى ەسكە العانىندا بايەكە كەلدىبەكتىڭ جۇزىنەن مەيىرلى كۇلكى ەستى، ”مەن دە ۇنەمى وعان شەكارانى جاقسى شارلاۋدى، ونان دا ماڭىزدىسى، ىزگى جان بولۋدى ايتۋشى ەدىم“.
ۇلكەن كىسىلەردىڭ بىرتە - بىرتە ىقپال جاساۋىمەن بالعىن جاس لاچين بايەكە ءوز اۋلەتىنىڭ تاڭداۋلى ءمورالدىق قاسيەتىنە مۇراگەرلىك ەتتى، قويۋ وتباسى، وتان سۇيىسپەنشىلىگى جۇرەگىنىڭ تەرەڭ تۇكپىرىنە ۇيالاپ، الداعى جەردە بيىككە قانات قاعىپ، ءۇستىرتتى قورعايتىن ”پامير قىرانى“ بولۋىنا بەرىك رۋحاني نەگىز قالادى.
كوپ ساندى ۇل بالالاردىڭ بالا كەزى سياقتى، بالالىق شاقتاعى لاچين بايەكە دە ۇيىندە بوس وتىرا الماي، ۇنەمى قىستاقتى ارالاپ شاۋىپ جۇرەتىن.
”باسقا ۇل بالالارمەن ۇقسامايتىنى، ول وتە ىجداعاتتى ەدى، ويناپ جۇرگەنىندە باسقالاردىڭ قيىنشىلىققا جولىققانىن كورسە، ىرىقتىلىقپەن بارىپ كومەكتەسەتىن“. لاچين بايەكەنىڭ باستاۋىش مەكتەپتەگى مۇعالىمى امانيلا راشيق اڭگىمە تيەگىن اعىتتى: ”قىستاق تۇرعىندارىنىڭ سيىر، قويلارى جوعالىپ كەتكەنىن بىلسە، ول توڭىرەكتىڭ ءتورت بۇرىشىن شارلاپ باسقالارعا كومەكتەسىپ ىزدەسەتىن؛ قارتتاردىڭ اۋىر جۇك كوتەرگەنىن كورسە، ول جۇگىرىپ بارىپ كوتەرىسەتىن، بار كۇشىن سالىپ جۇكتى كوتەرىپ، بەتى البىراپ كەتسە دە جۇكتى قولىنان تاستامايتىن؛ ساباقتان تۇسكەننەن كەيىن ساباقتاستارىنىڭ ءبارى كەتىپ قالسا دا ول سوڭىندا قالىپ وقىتۋشىعا كومەكتەسىپ دوسكا سۇرتەتىن...“
لاچين بايەكە 14 جاسقا شىققان جىلى ءبىر كۇنى بايەكە كەلدىبەكتىڭ شەكارا قورعانىس كوماندير - جاۋىنگەرلەرىن باستاپ تاۋدا شارلاۋ جۇرگىزۋىنە تۋرا كەلەدى، مۇندا ءبىر كەتكەندە 7 − 8 كۇن جوق بولادى، وندا ۇيدەگى قويعا كىم قاراۋى كەرەك؟
اكەسىنىڭ ءتۇيۋلى قاباعىن بايقاعان اقىلدى لاچين بايەكە: ”اكە الاڭسىز بارا بەرىڭىز، مەن ەرجەتتىم - عوي، قويدى جاقسىلاپ قاراي الامىن“، - دەيدى. سول شاقتاعى لاچين بايەكەنىڭ ونشا كەڭ بولماعانىمەن، شىمىر كەلگەن يىعىنان قاققان بايەكە كەلدىبەك وي تۇيە كۇلىمسىرەپ، تاۋ ىشىنە قاراي كەتە بارادى.
الايدا ويلاماعان جەردەن توسىن وقيعا تۋىلادى − قويعا قاسقىر شاۋىپ، كەيبىرەۋى ءولىپ، كەيبىرەۋى جان - جاققا بىتىراي قاشادى. بالا لاچين بايەكە ساسقالاقتاپ بارلىق جەردەن قويلارىن ىزدەستىرەدى، شاقايى دا تەسىلىپ توزادى.
ساسقالاقتاعاننان ەش پايدا جوق، ول جول بويى امال قاراستىرادى، ”دۇرىس! شەكارا قورعانىس ليانىنا بارۋ كەرەك! ولار، ءسوزسىز، ماعان كومەكتەسەدى!“.
ەڭ سوڭىندا شەكارا قورعانىس ليانىنداعى كوماندير - جاۋىنگەرلەر وعان كومەكتەسىپ 10 قويىن تاۋىپ بەرەدى، تاعى قاسقىردان قورعاناتىن قوي قورا دا سالىپ بەرەدى.
بايەكە كەلدىبەك ۇيىنە قايتىپ كەلگەننەن كەيىن ليانجاڭ لاچين بايەكەنى: ”قيىنشىلىققا جولىققاندا بايىپتىلىقپەن امال قاراستىرعان، اقىلدى دا ەرجۇرەك بالا، اسكەر بولاتىن تاماشا وركەن!“، - دەپ ماقتاي جونەلەدى.
ءىس جۇزىندە ”اسكەر بولۋ“ لاچين بايەكەنىڭ دە بۇرىننان بەرگى ارمانى بولاتىن. 2001 - جىلى 12 - ايدا ول ارمانىنا جەتىپ اسكەر بولادى.
2004 - جىلى 7 - ايدا اسكەري قوسىننان بوساعان لاچين بايەكە داڭقپەن جۇڭگو كوممۋنيستىك پارتياسىنا مۇشە بولادى. ءدال سول ساتتەن باستاپ ول ۇتىلامالى تاياقشانى قولىنا الىپ، اكەسى سالعان ءىزدى بويلاپ، شەكارا قورعانىسىنىڭ ءبىرىنشى شەبىنە شەرۋ تارتادى، ”پامير قىرانىنىڭ“ حيكىمەتتى حيكاياسىنىڭ بەتاشارى وسىلايشا باستالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
