تاجىريبەلەردى، ادىستەردى جانە ماڭىزدى جەتىستىكتەردى جەرگىلىكتى زاڭ ەرەجەلەرمەن بەكەمدەيىك
«شينجياڭ ۇيعۇر اۆتونوميالى رايونىنىڭ ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋ ەرەجەسى» اتقارىلدى
2021.03.25 16:21 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ميھرگۇل عوپۇر 3 - ايدىڭ 23 - كۇنى ۇرىمجىدەن حابارلايدى. ءتىلشىنىڭ 3 - ايدىڭ 23 - كۇنى اشىلعان اۆتونوميالى رايوننىڭ ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋ ەرەجەسى اقپار جاريالاۋ ماجىلىسىنەن ۇعىسۋىنشا، «شينجياڭ ۇيعۇر اۆتونوميالى رايونىنىڭ ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋ ەرەجەسى» (تومەندە قىسقارتىلىپ «ەرەجە» دەلىنەدى) اۆتونوميالى رايوندىق 13 - كەزەكتى حالىق قۇرىلتايىنىڭ 4 - ماجىلىسىندە 2021 - جىلى 2 - ايدىڭ 5 - كۇنى ماقۇلدانىپ، 3 - ايدىڭ 1 - كۇنى رەسمي اتقارىلعان.
ۇلتتار ىنتىماعى − ءار ۇلت حالقىنىڭ جانى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتىنە، اسىرەسە، ۇلتتار ىنتىماعى قىزمەتىنە ايرىقشا ءمان بەردى، باس شۋجي شي جينپيڭ تالاي رەت ماڭىزدى ءسوز سويلەپ، ماڭىزدى نۇسقاۋ بەرىپ، رايونىمىزدىڭ كەزەكتەگى جانە مۇنان بىلايعى ءبىر مەزگىلدەگى ۇلت قىزمەتىنە العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. اۆتونوميالى رايوننىڭ ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋىن جۇيەگە ءتۇسىرۋ جانە قامتاماسىز ەتۋ، ۇلتتار ىنتىماعى، العاباسارلىعى ىستەرىندە جاڭالىق اشۋدى ىلگەرىلەتۋ، جۇڭحۋا ۇلتى ورتاق تۇلعا تانىمىن سومداۋ ءۇشىن، نەگىزگى زاڭعا، «جۇڭحۋا حالىق رەسپۋبليكاسىنىڭ ۇلتتىق وڭىرلىك اۆتونوميا زاڭىنا» جانە قاتىستى زاڭدارعا، زاڭ - ەرەجەلەرگە نەگىزدەلىپ، اۆتونوميالى رايوننىڭ ءىس جۇزىندىگىنە ۇشتاستىرىپ، اۆتونوميالى رايوندىق حالىق قۇرىلتايى تۇراقتى كوميتەتى وسى ەرەجەنى جاسادى.
«ەرەجە» جالپى 8 تاراۋ، 63 تارماق، قىزمەت جاۋاپكەرشىلىگى، قوعامدىق جاۋاپكەرشىلىك، ۇگىت - تاربيە، قۇرۋ، ماداقتاۋ - سيلاۋ سياقتى جاقتاردان باستاپ ناقتى جۇيەگە ءتۇسىرىپ، ءار دارەجەلى ۇكىمەتتىڭ قۇرۋ قىزمەتىن ورىستەتۋ بارىسىنداعى جاۋاپكەرشىلىگىن جانە تالابىن ايقىندادى ءارى اۋدان دارەجەلىدەن جوعارى حالىق ۇكىمەتى ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋ قىزمەتىن حالىق شارۋاشىلىعى جانە قوعامدىق دامۋ جوباسىنا ەنگىزۋى كەرەكتىگىن بەلگىلەدى.
«ەرەجەدە» مىنالار باسا دارىپتەلدى: ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋدا جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، جۇڭحۋا ۇلتى ورتاق تۇلعا تانىمى تاربيەسىن حالىقتىق تاربيەگە، كادرلار تاربيەسىنە، جاستار مەن ورەندەر تاربيەسىنە، قوعامدىق تاربيەگە ەنگىزىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا تاربيەلەپ، جەتەكتەپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى كۇشەيتىپ، ءار ۇلتتىڭ تاتۋ - ءتاتتى بىرگە تۇرۋىن، قيىنشىلىقتى بىلەك بىرىكتىرە جەڭۋىن، جاراسىمدى دامۋىن جەبەپ، جۇڭحۋا ۇلتى ورتاق تۇلعا تانىمىنىڭ جۇرەك تۇكپىرىندە تەرەڭ تامىر تارتۋىنا مۇمكىندىك جاساۋ كەرەك.
«ەرەجەدە» تاعى ءار دارەجەلى، ءار تۇردەگى ۇلتتار ىنتىماعىنداعى، العاباسارلىعىنداعى ۇلگىلى رايون قۇرۋدى ورىستەتۋ، اتاق بەرۋ، ۇلگىلەردى باعالاۋ، ماداقتاۋ - سيلاۋ ادىستەرىنە بەلگىلەمە جاساپ، اۆتونوميالى رايوننىڭ ۇلتتار ىنتىماعىنداعى، العاباسارلىعىنداعى ۇلگىلى رايوندى، ۇلگىلى ورىندى اۆتونوميالى رايوندىق ۇلت ىستەر كوميتەتى ەرەجە بويىنشا سارالاپ - تەكسەرىپ، باعالاپ، اتاق بەرۋدى ۇيعاراتىندىعىن اتاپ كورسەتتى. اۆتونوميالى رايوندىق ۇلتتار ىنتىماعىنداعى، العاباسارلىعىنداعى ۇلگىلى رايون، ۇلگىلى ورىن قۇرۋ 5 جىلدا ءبىر رەت ورىستەتىلىپ، يكەمدى باسقارۋ جولعا قويىلىپ، مەرزىمى تولعاننان كەيىن قايتالاي ءوتىنىش ەتىلەدى.
وسى «ەرەجەنى» جاساۋ − شينجياڭنىڭ ۇلتتار ىنتىماعى، العاباسارلىعى قىزمەتى جونىندەگى تاجىريبەلەرىن، ادىستەرىن جانە ماڭىزدى جەتىستىكتەرىن جەرگىلىكتى زاڭ - ەرەجەلەرمەن بەكەمدەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ۇلتتار ىنتىماعىن كۇشەيتىپ، قوعام ورنىقتىلىعى مەن باياندى تىنىشتىقتىڭ بۇقارالىق نەگىزىن بەكەمدەۋدە ماڭىزدى مانگە يە.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
