جۇڭگو كوممۋنيستىك پارتياسى ورتالىق كوميتەتى اقپار جاريالاۋ ءماجىلىسىن وتكىزىپ
جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلى جاعدايىن تانىستىردى
2021.03.25 16:23 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 23 - كۇنى بەيجيڭنەن بەرگەن حابارى (تىلشىلەر سۇن تيەشياڭ، سۇن شاۋلۇڭ). جۇڭگو كوممۋنيستىك پارتياسى ورتالىق كوميتەتى 3 - ايدىڭ 23 - كۇنى تۇستەن بۇرىن اقپار جاريالاۋ ءماجىلىسىن اشىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ قيمىلىنا قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
تانىستىرۋعا قاراعاندا، جۇڭگو كوممۋنيستىك پارتياسىنىڭ 100 جىلدىق مەرەي تويى بايلانىسىمەن قۇتتىقتاۋ قيمىلىن وتكىزىپ، جۇڭگو كوممۋنيستىك پارتياسىنىڭ حالىقپەن بىرگە قيىندىقتاردى بىلەك بىرىكتىرە جەڭىپ، اششى مەن تۇششىنى بىرگە تاتىپ، جەڭىستەن - جەڭىستەرگە بەت العان ۇلى بەلەسىنە قايىرىلا قاراپ، جۇڭگو كوممۋنيستىك پارتياسىنىڭ 100 جىلدىق شۇعىلالى تابىسىن جانە قىمباتتى تاجىريبەلەرىن قورىتىندىلاپ، جاڭا داۋىرگە قادام قويىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا مەن مەملەكەت ىستەرىندە قول جەتكىزگەن تاريحي تابىستاردى، تۋىلعان تاريحي وزگەرىستەردى ايگىلەپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا نىق سەنىممەن قادام قويۋعا ىنتالاندىرادى جانە جۇمىلدىرادى ەكەن.
ۇعىسۋعا قاراعاندا، قۇتتىقتاۋ قيمىلى، باستىسى، مىنالاردى قامتيدى ەكەن: ءبىرىنشى، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن بەكەمدەپ، تەرەڭدەتۋمەن بىرلەستىرىلىپ، بارلىق پارتيا مۇشەلەرى اراسىندا پارتيا تاريحىن ۇيرەنۋ تاربيەسى ورىستەتىلەدى. ەكىنشى، جۇڭگو كوممۋنيستىك پارتياسى ورتالىق كوميتەتى اتىنان، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسى سالتاناتپەن وتكىزىلىپ، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى. ءۇشىنشى، جۇڭگو كوممۋنيستىك پارتياسى ورتالىق كوميتەتى اتىنان، پارتيا ءۇشىن ەلەۋلى ۇلەس قوسقان، باعالى رۋحاني بايلىق جاراتقان پارتيا مۇشەلەرىنە ”1 - شىلدە وردەنى“ تارتۋ ەتىلىپ، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويىپ، كۋالىك بەرەدى، وردەن تاراتادى؛ مەملەكەتتىك تاڭداۋلى كوممۋنيستىك پارتيا مۇشەلەرى، مەملەكەتتىك تاڭداۋلى پارتيا ىستەرى قىزمەتكەرلەرى، مەملەكەتتىك وزات نەگىزگى ساتى پارتيا ۇيىمدارى سارالانىپ، ماداقتاپ - سيلانادى؛ پارتيا ستاجى 50 جىلعا تولعان، بەينەسى ەجەلدەن جاقسى كوزى ءتىرى ساقا پارتيا مۇشەلەرىنە ”پارتيا قۇشاعىنداعى داڭقتى 50 جىل“ اتتى ەستەلىك زناك تاراتىلادى؛ پارتيا ىشىندە ەڭبەك ءسىڭىرىپ، داڭققا يە بولىپ، ماداقتالىپ - سيلانعان پارتيا مۇشەلەرىنە، تۇرمىستا قيىنشىلىعى بار پارتيا مۇشەلەرىنە، ساقا پارتيا مۇشەلەرىنە، ساقا كادرلارعا جانە قۇربانداردىڭ وتباسىنداعىلارعا، قىزمەت ۇستىندە قۇربان بولعان پارتيالى كادرلاردىڭ وتباسىنداعىلارعا امانداسا بارۋ، ولاردان حال سۇراۋ سياقتى قيمىلدار ۇيىمداستىرىلىپ ورىستەتىلەدى. ءتورتىنشى، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ كولەمدى نەگىزگى تاقىرىپتىق كورمە وتكىزىلىپ، جۇڭگو كوممۋنيستىك پارتياسىنىڭ 100 جىلدىق شۇعىلالى بارىسى، ۇلى تابىستارى جانە قۇندى تاجىريبەلەرى جان - جاقتى، جۇيەلى، جاندى، ستەرەولدى تۇردە بەينەلەنەدى. بەسىنشى، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ كولەمدى ادەبيەت - كوركەمونەر كونسەرتى وتكىزىلىپ، پارتيا مەن مەملەكەتتىڭ باسشىلارى، ەڭبەك ءسىڭىرىپ، داڭققا يە بولىپ، ماداقتالىپ - سيلانعاندار ۋاكىلدەرى، نەگىزگى ساتى پارتيا مۇشەلەرى جانە بۇقارا ۋاكىلدەرى قاتارلى ءار سالا قايراتكەرلەرى كونسەرتتى كورۋگە ۇسىنىس ەتىلەدى. التىنشى، ورتالىق كوميتەت ۇگىت ءبولىمى ورتالىق كوميتەت ۇيىمداستىرۋ بولىمىمەن، ورتالىق پارتيا مەكتەبىمەن (مەملەكەتتىك اكىمشىلىك شۋەيۋانى)، ورتالىق كوميتەت پارتيا تاريحى جانە حۇجات زەرتتەۋ ورنىمەن، وقۋ - اعارتۋ مينيسترلىگىمەن، جۇڭگو قوعامدىق عىلىمدار اكادەمياسىمەن، اسكەري ىستەر كوميتەتىنىڭ ساياسي قىزمەت بولىمىمەن بىرلەسىپ پارتيا قۇرىلعاندىعىنىڭ 100 جىلدىعىن قۇتتىقتاۋ نازاريالىق زەرتتەۋ - تالقىلاۋ ءماجىلىسىن اشادى؛ ورتالىق كوميتەت ۇيىمداستىرۋ ءبولىمى مەملەكەتتىك تاڭداۋلى كوممۋنيستىك پارتيا مۇشەلەرى، تاڭداۋلى پارتيا ىستەرى قىزمەتكەرلەرى، وزات نەگىزگى ساتى پارتيا ۇيىمدارى ۋاكىلدەرىنىڭ پارتيا قۇرىلعاندىعىنىڭ 100 جىلدىعىن قۇتتىقتاۋ اڭگىمە ءماجىلىسىن جانە ساقا پارتيا مۇشەلەرىنىڭ، ساقا كادرلاردىڭ اڭگىمە ءماجىلىسىن، پارتيا قۇرىلىسىنىڭ تاريحي تاجىريبەلەرىن زەرتتەۋ - تالقىلاۋ ءماجىلىسىن اشادى؛ ورتالىق كوميتەت بىرلىكساپ ءبولىمى ءارقايسى دەموكراتيالىق پارتيا - توپتاردىڭ ورتالىق كوميتەتتەرىمەن، پارتيادا، توپتا جوق قايراتكەرلەرمەن جانە مەملەكەتتىك ساۋدا - ونەركاسىپشىلەر بىرلەستىگىمەن اقىلداسىپ، ءار سالا قايراتكەرلەرىنىڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ اڭگىمە ءماجىلىسىن اشادى. جەتىنشى، جۇڭگو كوممۋنيستىك پارتياسى قۇرىلعان 100 جىلدان بەرگى شۇعىلالى تاريحتى، ۇلى تابىستاردى جانە قۇندى تاجىريبەلەردى، سونداي - اق ءارقايسى تاريحي كەزەڭدە جارىققا شىققان وزات تيپتەردى نەگىزگى مازمۇن ەتىپ، كولەمدى حۇجاتتى فيلم مەن ارناۋلى باعدارلاما جاسالادى، تاراتىلادى؛ يدەيالىق كوركەمونەرلىك دەڭگەيى ءبىرشاما جوعارى تەاتر، مۋزيكا، ءبي جانە كينو، تەلەفيلم سياقتى ءبىر توپ ءار ءتۇرلى تاڭداۋلى ادەبيەت - كوركەمونەر تۋىندىلارى جارىققا شىعارىلادى جانە ۇسىنىلادى؛ ءتۇيىندى پارتيا تاريحى شىعارمالارى جانە نازاريالىق ماقالالار ۇسىنىلادى؛ «جۇڭگو كوممۋنيستىك پارتياسنىڭ 100 جىلى» سياقتى ءتۇيىندى باسىلىمدار قۇراستىرىلادى جانە ۇسىنىلادى؛ پارتيا قۇرىلعاندىعىنىڭ 100 جىلدىعىن قۇتتىقتاۋدى نەگىزگى تاقىرىپ ەتىپ، ەستەلىك ماركا، ەستەلىك كانۆەرت جانە ەستەلىك اقشا تاراتىلادى. سەگىزىنشى، بۇكىل ەل بويىنشا قالا، اۋىلداردا ”پارتياعا ماڭگى ىلەسەمىز“ بۇقارالىق نەگىزگى تاقىرىپتىق ۇگىت - تاربيە قيمىلى كەڭىنەن ورىستەتىلەدى؛ جەر - جەر، اسىرەسە، پارتيا تاريحىندا كەلەلى ماڭىز الاتىن جەرلەر پارتيا ورتالىق كوميتەتىنىڭ ءبىر تۇتاس ورنالاستىرۋىنا ساي، ءوز جەرىنىڭ ءىس جۇزىندىك جاعدايىمەن بىرلەستىرىپ، پارتيا تاريحىنداعى ماڭىزدى ىستەر، ماڭىزدى قيمىلدار جانە ماڭىزدى كونە جۇرت، بايىرعى تۇراق سياقتىلاردى ارقاۋ ەتىپ، باي مازمۇندى، الۋان ءتۇرلى قۇتتىقتاۋ قيمىلدارىن ۇيىمداستىرىپ ورىستەتەدى.
تانىستىرۋعا قاراعاندا، قۇتتىقتاۋ قيمىلدارى ورتالىقتىڭ سەگىز ءتۇرلى بەلگىلەمەسىنىڭ، سونداي - اق ونى اتقارۋدىڭ ەگجەي - تەگجەيلى ەرەجەسىنىڭ رۋحىنا ساي قاتاڭ اتقارىلىپ، ىندەتتەن ساقتانۋ - تىزگىندەۋ قاتىستى تالاپتارىن قاتاڭ تياناقتاندىرىپ، سالتاناتتى، قىزۋ مەرەيلى، شىنايى، ۇنەمدى، حاۋىپسىز، ءتارتىپتى وتكىزىلۋىنە شىنايى كەپىلدىك ەتىلەدى ەكەن.
ورتالىق كوميتەت ۇگىت ءبولىمىنىڭ كۇندەلىكتى قىزمەتكە جاۋاپتى ورىنباسار باستىعى ۋاڭ شياۋحۇي جاعدايدى تانىستىردى، ورتالىق كوميتەت ۇيىمداستىرۋ ءبولىمىنىڭ ورىنباسار باستىعى فۋ شيڭگو، ورتالىق كوميتەت ۇگىت ءبولىمىنىڭ ورىنباسار باستىعى، مادەنيەت جانە ساياحات مينيسترلىگىنىڭ مينيسترى حۋ حىپيڭ، ورتالىق كوميتەت پارتيا تاريحى جانە حۇجات زەرتتەۋ ورنىنىڭ باستىعى چۇي چيڭشان، ورتالىق اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسىنىڭ كومەكشىسى لي جۇن اقپار جاريالاۋ ماجىلىسىنە بىرگە قاتىناستى ءارى تىلشىلەردىڭ سۇراۋىنا جاۋاپ بەردى. ورتالىق كوميتەت ۇگىت ءبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ مەڭگەرۋشىسى شۇي لين اقپار جاريالاۋ ءماجىلىسىن باسقاردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
