شينجياڭنىڭ جەر - جەرى، تاراۋلارى جەكەنىڭ وزدىگىنەن ۇيرەنۋى مەن توپتىق ۇيرەنۋدى ويداعىداي يگەردى
كۇندەلىكتى قىزمەتپەن توعىستىرىپ، ۇدايى يگەرىپ، ناقتى ونىمدىلىككە قول جەتكىزدى
2021.03.25 16:24 كەلۋ قاينارى : شينجياڭ گازەتى
كوپ ءتۇرلى تۇعىردان پايدالانىپ، ”پارتيا تاريحىن ۇيرەنۋ ايدارىن“ اشىپ، كەڭ كولەمدە ۇگىت - لەكسيا جاسادى... بىرنەشە كۇننەن بەرى رايونىمىزدىڭ جەر - جەرى، تاراۋلارى پارتيا تاريحىن ۇيرەنۋ تاربيەسىن ورىستەتۋدى كەلەلى ساياسي مىندەت ەتىپ، كۇندەلىكتى قىزمەتپەن توعىستىرۋعا، ۇدايى يگەرۋگە باسا ءمان بەرىپ، جەكەنىڭ وزدىگىنەن ۇيرەنۋى مەن توپتىق ۇيرەنۋدى ويداعىداي يگەرىپ، تىڭعىلىقتى ونىمدىلىككە قول جەتكىزۋگە شىنايى كەپىلدىك ەتتى.
اۆتونوميالى رايوندىق پارتكوم بىرلىكساپ ءبولىمى پارتيا تاريحىن ۇيرەنۋ تاربيەسىن پارتيالى كادرلاردىڭ ماڭداي الدى ساياسي مىندەتى ەتۋگە تاباندى بولىپ، پارتيالى كادرلاردى ۇيرەنۋگە مۇقيات ۇيىمداستىرىپ، بەلگىلەنگەن مازمۇن بويىنشا تىڭعىلىقتى ۇيرەنۋگە، ءوزى تاڭداعان مازمۇنمەن كەڭەيتىپ ۇيرەنۋگە، ۇيرەنۋدى قۋزاۋعا، تەكسەرۋگە، ىلگەرىلەتۋگە تاباندى بولدى.
ءار اپتالىق پارتيا تاريحىن ۇيرەنۋ تاربيەسى جوسپارىن جاساپ، توپتىق ۇيرەنۋ مەن جەكەنىڭ وزدىگىنەن ۇيرەنۋ مازمۇنىن ايقىنداۋدان سىرت، اۆتونوميالى رايوندىق پارتكوم بىرلىكساپ ءبولىمى ”ۇيرەنۋ ارقىلى مەملەكەتتى قۇدىرەتتەندىرۋ“، ”ەڭ سوڭعى ءبىر شاقىرىم“، ”تيانشان اۆانگاردتارى“ سياقتى ۇيرەنۋ تاربيەسى تۇعىرلارى مەن «شينجياڭ پارتيا تاريحى» سياقتى مەرزىمدىك باسىلىمداردان، ورتالىق كوميتەت پارتيا مەكتەبىنىڭ پارتيا تاريحىن ۇيرەنۋ جەلىلەس ساباقتارى سياقتى ينتەرنەتتەگى بايلىقتاردان پايدالانىپ، پارتيا تاريحى جونىندە كىتاپ وقۋ ۇجىمىن، پارتيا تاريحىن ۇيرەنۋ گرۋپپاسىن قۇرۋ سياقتى فورمالار ارقىلى ۇيرەنۋدىڭ نازاريالىق تەرەڭدىگىن، امالياتتىق تەبىنىن، سەزىمدىك مەيىرىن كۇشەيتتى. سونىمەن بىرگە اۋدان، باسقارما دارەجەلى پارتيالى كادرلاردىڭ باستاماشىلىق، ۇلگىلىك رولىن تولىق ساۋلەلەندىرىپ، تاڭەرتەڭگى ۇيرەنۋ مەن كەشكى وقۋدى ۇشتاستىرۋعا، كۇندەلىكتى ۇيرەنۋ مەن اپتا سوڭىندا وزدىگىنەن ۇيرەنۋدى ۇشتاستىرۋعا، 8 ساعات ىشىندە ۇيرەنۋ مەن 8 ساعاتتان تىس ۇيرەنۋدى ۇشتاستىرۋعا تاباندى بولىپ، پارتيا تاريحىن ۇيرەنۋ تاربيەسىنىڭ ونىمدىلىگىن جىگەر - قايراتتى جەلپىندىرۋدە، قىزمەتتى تىڭعىلىقتى ىلگەرىلەتۋدە قۇلشىنا ايگىلەدى.
ماناس اۋدانى ”زەردەلى الەۋمەتتىك اۋماق“ تەلەۆيزور كليەنتىنەن پايدالانىپ، ينتەرنەتتەگى ۇيرەنۋ بايلىقتارىن ءبىر تۇتاس جوسپارلاپ، پارتيا تاريحى بىلىمدەرى، ساياسي نازاريا، قىزىل كينو - تەلەۆيزيا سياقتى ايدارلار اشىپ، ينتەرنەت جەلىسىندە ۇيرەنۋ جەتكىزۋ ورىستەتىپ، پارتيا مۇشەلەرى مەن بۇقارانىڭ جان - جاقتىلى، نولدىك قاشىقتىقتان كەز كەلگەن ۋاقىتتا ۇيرەنۋدەن يگىلىكتەنۋىنە شىن مانىندە مۇمكىندىك جاسادى. ”’زەردەلى الەۋمەتتىك اۋماقتا‘ اشىلعان پارتيا تاريحىن ۇيرەنۋ تاربيەسى ايدارى ەرەكشە پايدالى، مەنىڭ پارتيا تاريحى بىلىمدەرىن كەز كەلگەن ۋاقىتتا ۇيرەنۋىمە مۇمكىندىك جاسادى“، - دەدى ماناس اۋدانى ماناس قالاشىعى دۇڭگۋان الەۋمەتتىك اۋماعىنداعى پارتيا مۇشەسى گاۋ لياندي.
تاريحتى ۇيرەنۋ ارقىلى قاعيدانى ايقىنداۋعا بولادى. ۇلىقشات اۋداندىق كىتاپحانا ارناۋلى ورىن اشىپ، ”پارتيا تاريحىن ۇيرەنۋ باقشاسىن“ قۇرىپ ءارى ارنايى سورەگە «شي جينپيڭ ەل باسقارۋ جونىندە»، «جۇڭگو كوممۋنيستىك پارتياسىنىڭ تاريحى» سياقتى كىتاپتاردى قويىپ، وقىرمانداردىڭ وسى ارادان شي جينپيڭنىڭ جاڭا ءداۋىر جۇڭگوشا سوتسياليزم يدەياسىن اناعۇرلىم ويداعىداي ۇيرەنۋىنە، پارتيا تاريحىن ۇيرەنۋىنە، توڭكەرىستىك اعا بۋىنداردىڭ قاجىرلى كۇرەس بارىسىن قايتالاي ەسكە الىپ، توڭكەرىستىك رۋحتى سەزىنۋىنە مۇمكىندىك جاسادى. سونىمەن بىرگە ۇلىقشات اۋداندىق كىتاپحانا قاتىستى كىتاپتاردى نەگىزگى ساتىداعى ءارقايسى اۋىل، قىستاق مادەنيەت پۋنكتتەرىنە (كەڭسە) تاراتىپ، نەگىزگى ساتى ءبىرىنشى شەبىندە ”پارتيا تاريحىن ۇيرەنۋ باقشاسىن“ قۇرىپ، پارتيا تاريحىن ۇيرەنۋ تاربيەسىنىڭ ”ميكرو بازاسىن“ تۇلعالاپ، ”بارلىق ادام قاتىناساتىن، بارلىق ادام وقيتىن، بىرگە العا باساتىن“ ۇيرەنۋ رايىن قالىپتاستىردى.
”وسى جەردەن ءار ءتۇرلى پارتيا تاريحى كىتاپتارىن وقۋعا بولادى. ۇيرەنۋ ارقىلى مەنىڭ كوممۋنيزمگە دەگەن سەنىمىم ءتىپتى دە بەكەمدەلدى، ەرتەرەك كوممۋنيستىك پارتيا مۇشەسى بولىپ، اتا مەكەنىمە، توڭىرەگىمدەگىلەرگە اناعۇرلىم جاقسى قىزمەت وتەيمىن“، - دەدى ۇلىقشات اۋداندىق ءان - ءبي ۇيىرمەسىنىڭ پارتياعا كىرۋ بەلسەندىسى سۇلتان ءعايرات.
ۇگىت - لەكسيا قىزمەتىن جاقسى ىستەۋ − پارتيا تاريحىن ۇيرەنۋ تاربيەسىن ويداعىداي ورىستەتۋدەگى ماڭىزدى بۋىن. حوشۇت اۋدانى ”جۇڭگو كوممۋنيستىك پارتياسىنىڭ داڭقتى تاريحى مەن وراسان زور ەڭبەگى“ ۇگىت - لەكسياسىن بۇكىل اۋداننىڭ ۇگىت - لەكسيا قىزمەتىن ۇدايىلاندىرۋ جالپى تۇلعالىق جوسپارىنا ەنگىزىپ، اۋدان دارەجەلى ”التىن الاپ . قىزىل حوشۇت“ ۇگىت - لەكسيا باس اترەتى جانە التىن توراڭعى ۇگىت - لەكسيا بولىمشە اترەتى، حۇڭليۋتان ۇگىت - لەكسيا اترەتى، اتتىلى - تۇيەلى ۇگىت - لەكسيا اترەتى قاتارلى 17 ۇگىت - لەكسيا بولىمشە اترەتىنىڭ رولىن تولىق ساۋلەلەندىرىپ، وتباسى سايىن ارالاپ ۇگىت - لەكسيا جاسادى. سونىمەن بىرگە دۇيسەنبىدەگى تۋ شىعارۋدا پارتيا تاريحى جونىندەگى شاعىن اڭگىمەلەردى بايانداۋ، وتانشىلدىق اندەردى جالعاستىرىپ شىرقاۋ، ادەبيەت - كوركەمونەر بولىمشە اترەتىنىڭ ”ۇگىت - لەكسيا + ادەبيەت - كوركەمونەر“ قيمىلى سياقتى كوپ ءتۇرلى تاسىلدەردى جولعا قويىپ، قالىڭ پارتيا مۇشەلەرىن، كادرلاردى پارتيا تاريحىن ۇيرەنۋ بارىسىندا العا ىلگەرىلەۋ كۇشىن قابىلداۋعا جەتەكتەدى.
ۇگىت - لەكسيانى تىڭداعاننان كەيىن، حوشۇت اۋدانى تاعارشى قالاشىعى حويورمودون قىستاعى پارتيا ياچەيكاسىنىڭ ورىنباسار شۋجيى نيۋ حۋان بىلاي دەدى: ”قىستاقتاعى پارتيا مۇشەلەرىمەن بىرگە ۇيرەنۋدىڭ جەتىستىكتەرىن ’مەن بۇقارا ءۇشىن ناقتى ءىس ىستەيمىننىڭ‘ ناقتى امالياتىنا اينالدىرىپ، قىستاق تۇرعىندارىنىڭ تۇرمىسىنىڭ بارعان سايىن جاقسارۋىنا مۇمكىندىك جاسايمىن“.
(ءتىلشى جاڭ يۇنمەي، قاتىناسقان ەرىكتى تىلشىلەر چىڭ لۇڭباۋ، يە شياۋرۇڭ، ياڭ پىڭ، حى حۇڭلياڭ)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
