دەنساۋلىق كودىندا جاڭا وزگەرىستەر بولادى!
2021.03.25 16:32 كەلۋ قاينارى : حالىق تورابى
مەملەكەتتىك دەنساۋلىق ساقتاۋ – سالاماتتىق كوميتەتى جوبالاۋ مەڭگەرمەسىنىڭ باستىعى ماۋ چۇن - ان 3 – ايدىڭ 23 – كۇنى مەملەكەتتىك دەنساۋلىق ساقتاۋ – سالاماتتىق كوميتەتىنىڭ اقپار جاريالاۋ ماجىلىسىندە بىلاي دەدى: قازىر بۇكىل ەلىمىز بويىنشا «ءبىر كودپەن ءجۇرۋ» نەگىزىنەن ىسكە اسىرىلدى، كەلەسى قادامدا دەنساۋلىق كودى ونان ارى جالپىلاستىرىلىپ، ونى باسقارۋ اناعۇرلىم كەمەلدەندىرىلىپ، دەنساۋلىق كودىن باسقارۋدا بۇكىل ەلىمىز بويىنشا بىركەلكى ساياسات جۇرگىزۋ، ءبىركەلكى ولشەم قولدانۋعا كەپىلدىك ەتىلەدى، سونىمەن بىرگە، تەحنيكالىق تاسىلدەر ارقىلى نۋكلەين قىشقىلىن تەكسەرتۋ جاعدايى، ۆاكسينا ەكتىرۋ جاعدايى، حاۋىپ – قاتەر دارەجەسى ورتاشا، جوعارى ورىندارعا بارعان – بارماعانى قاتارلى ينفورماتسيالاردى اۆتوماتتى تۇردە دەنساۋلىق ساقتاۋ كودىنا ەنگىزۋ بەلسەندى جالپىلاستىرىلادى، سول كەزدە بۇل ينفورماتسيالاردى جەكەلەردىڭ ءوزىنىڭ جازىپ وتىرۋىنىڭ قاجەتى بولمايدى. بۇل قىزمەتتەر قازىر ورىستەتىلۋدە.
ماۋ چۇن – ان بىلاي دەپ تانىستىردى: مەملەكەتتىك دەنساۋلىق ساقتاۋ – سالاماتتىق كوميتەتى نەگىزدىك دەرەكتەردى ءوزارا تانۋ، ورتاقتاسۋ ارقىلى مەملەكەتتىك كەڭەستىڭ ەلەكترونداندىرىلعان اكىمشىلىك ىستەر كەڭسەسى قاتارلى تاراۋلارىمەن بىرگە دەنساۋلىق كودىن باسقارۋ جانە وسى جاعىندا قىزمەت وتەۋ ءتۇزىمى بەكىتىپ، كودقا جۇكتەۋ جانە كودتى جوتكەۋ ءتارتىبىن ايقىنداپ، قازىر بار ءتۇرلى ىندەتتەن ساقتانۋ – تىزگىندەۋ كودتارىن اداقتاپ، جۇيەگە ءتۇسىردى، پرينسيپتىك جاقتان، ءبىر ولكەدە (اۆتونوميالى رايون، توتە قاراستى قالا) تەك ءبىرتۇتاس جوسپارلانىپ جاسالعان ءبىر عانا دەنساۋلىق كودى قولدانىلادى، بۇكىل مەملەكەت بويىنشا دەنساۋلىق كودى جاعىندا «ءبىر كودپەن ءجۇرۋ» نەگىزىنەن ورىندالادى.
جەكەلەردىڭ دەنساۋلىق كودىن الۋعا ءوتىنىش بەرۋىنە جانە ودان پايدالانۋىنا قولايلىلىق جاراتۋ جاعىندا، مەملەكەتتىك دەنساۋلىق ساقتاۋ – سالاماتتىق كوميتەتى قاتىستى شارالاردى ايقىنداعان. جەكەلەر بۇكىل مەملەكەت بويىنشا ءبىرتۇتاس پايدالانىلاتىن اكىمشىلىك ىستەرگە قىزمەت ىستەۋ تەكشەسىندەگى ىندەتتەن ساقتانۋعا قاتىستى دەنساۋلىق كودىندا «قالىپسىز جاعداي جوق» دەگەن ينفورماتسياعا نەمەسە جەر – جەردىڭ دەنساۋلىق كودىنداعى «جاسىل كودقا» سۇيەنىپ، قاتىناس كۇزەت ورىندارىنان وتە الادى، وتكەل قايىقتارعا وتىرا الادى، تۇرعىندار اۋماعى، اۆتوموبيل بەكەتتەرى، اۋەجاي، كەمەجاي، جولاۋشى تاسىمال بەكەتى، اشىق تيجارات ەتەتىن كەمەتۇراق، ەمحانا، باقشا قاتارلى جەرلەرگە كىرە الادى، بارعان جەرىنىڭ دەنساۋلىق كودىن ءوتىنىش ەتۋىنىڭ نەمەسە كورسەتۋىنىڭ قاجەتى جوق.
قارتتار، ازامات جاسىنا تولماعاندار قاتارلى ەرەكشە توپتاردىڭ دەنساۋلىق كودىنان پايدالانۋى كەمەلدەندىرىلدى. جەر – جەر دەنساۋلىق كودىن ءبىتىرۋ جاعىندا، دەنساۋلىق كودىن تۋىس – تۋعان، دوس – جارانى كومەكتەسىپ ءبىتىرىپ بەرۋ، ءبىر ادامعا كوپ ادامدى تىركەۋ قاتارلى يقۋاتتاردى كەمەلدەندىرۋى، بىرگە جۇرگەن وتباسىنداعىلارىنىڭ، دوستارىنىڭ زەردەلى قولفونى ارقىلى دەنساۋلىق ساقتاۋ كودىن الۋدى قولداپ، زەردەلى قولفوننان پايدالانۋعا ونشا ادەتتەنبەگەن ادامداردىڭ ءجۇرىس – تۇرىسىنا قولايلىلىق تۋدىرۋ كەرەك. سونىمەن بىرگە، قاعاز نۇسقاسىنداعى دەنساۋلىق كودى «جاسىل كود» بولسا نەمەسە «قالىپسىز جاعداي جوق» بولسا ءجۇرىس – تۇرىسقا رۇقسات ەتۋ كەرەك.
مۇنان سىرت، جەكەلەردىڭ ءوزىنىڭ رۇقسات بەرۋىمەن، ازاماتتىق كۋالىگى ارقىلى تەكسەرۋ قاتارلى تاسىلدەرمەن، قىزمەتكەرلەردىڭ كومەگىندە دەنساۋلىق كودىن تەكسەرۋگە مۇمكىندىك بەرىلىپ، وسى ارقىلى زەردەلى قولفون پايدالانبايتىن ادامداردىڭ ءجۇرىس – تۇرىسىنا قولايلىلىق جاراتىلادى. شارت – جاعدايى بار جەرلەردە جانە وڭىرلەردە زەردەلى قولفوننان پايدالانبايتىن قارتتار قاتارلىلارعا «دەنساۋلىق كودى قولدانىلمايتىن ءدالىز» ورنالاستىرىلادى. دەنساۋلىق كودىنىڭ دەرەكتەرىنىڭ حاۋىپسىزدىگىن باسقارۋ كۇشەيتىلىپ، دەرەكتەردىڭ جايىلىپ كەتۋىنەن قاتاڭ ساقتانادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
