حان جىڭ جۇڭگو قازىنا عىلىمىن زەرتتەۋ ورنىندا قازىنا - سالىق قىزمەتى اڭگىمە ءماجىلىسىن اشقاندا مىنانى دارىپتەدى
ءتۇيىندى قازىنا - سالىق قىزمەتىن تىڭعىلىقتى ىستەپ، قازىنا - سالىق ساياساتىن زەرتتەۋدى بەلسەنە ورىستەتىپ، «14 - بەسجىلدىقتا» جاقسى باستاما باستاپ، جاقسى قادام تاستاۋعا كەپىلدىك ەتۋ كەرەك
2021.03.25 16:55 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 24 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 3 - ايدىڭ 23 - كۇنى جۇڭگو قازىنا عىلىمىن زەرتتەۋ ورنىندا قازىنا - سالىق قىزمەتى اڭگىمە ءماجىلىسىن اشىپ، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى مەن ورتالىقتىڭ ەكونوميكالىق قىزمەت ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، قازىرگى قازىنا - سالىق اينالىم جاعدايىنا تالداۋ جاساپ، مامان - وقىمىستىلار مەن قازىنا - سالىق تاراۋلارىنىڭ قازىنا - سالىق ءتۇزىلىسى رەفورماسى جونىندەگى ۇسىنىس - پىكىرلەرىن تىڭداپ، كەلەسى قادامداعى ءتۇيىندى قازىنا - سالىق قىزمەتتەرىن اقىلداسىپ ورنالاستىردى.
حان جىڭ مىنالاردى دارىپتەدى: «14 - بەسجىلدىق» جوبا مەزگىلى − ەلىمىز جاپپاي دوڭگەلەك داۋلەتتى قوعام ورناتقاننان كەيىن، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاعان العاشقى 5 جىل. قازىنا - سالىق تاراۋلارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى كۇش سالا ىلگەرىلەتىپ، بىرگە اۋقاتتانۋدى تىڭعىلىقتى ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، «14 - بەسجىلدىقتا» جاقسى باستاما باستاپ، جاقسى قادام تاستاۋعا كەپىلدىك ەتۋى كەرەك.
حان جىڭ بىلاي دەپ اتاپ كورسەتتى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن جاپپاي دايەكتى تياناقتاندىرىپ، بەلسەندى قازىنا ساياساتىن ويداعىداي اتقارىپ، ءتۇرلى قازىنا - سالىق قىزمەتىن پارمەندى، ءتارتىپتى تۇردە ويداعىداي ىستەۋ كەرەك. قىزمەت مەحانيزمى مەن شارالارىن كەمەلدەندىرىپ، نەگىزگى ساتىنىڭ اينالىمىنا كەپىلدىك ەتۋ كولەمىن ايقىنداپ، نەگىزگى ساتىدا نەگىزگى حالىق تۇرمىسىنا، ەڭبەكاقىعا، اينالىمعا كەپىلدىك ەتۋدە ماسەلە شىقپاۋىنا كەپىلدىك ەتۋ كەرەك. عىلىم - تەحنيكادا جاڭالىق جاراتۋعا ىشكەرىلەي قولداۋ كورسەتىپ جانە شابىت بەرىپ، عىلىم - تەحنيكا، اسىرەسە، نەگىزدىك زەرتتەۋ ۇسىنىلىمىنىڭ تەبىنىن ارتتىرىپ، عىلمي زەرتتەۋ قارجىسىنىڭ پايدالانىلۋ ونىمدىلىگىن جوعارىلاتۋ كەرەك. وسى رەتكى جاڭا تيپتى ايدادرشا ۆيرۋس ۆاكسيناسىن زەرتتەپ اشۋ تاجىريبەسىنەن ۇلگى الىپ، «قابىلەتتىلەر باستاماشى بولىپ ىستەۋ» سياقتى مەحانيزمدەردى جالپىلاستىرىپ، ءوندىرۋ، وقىتۋ، زەرتتەۋ ىستەرىنىڭ ىشكەرىلەي توعىسۋىن ىلگەرىلەتۋ كەرەك. وسى زامانعى سالىق ءتۇزىمىن كەمەلدەندىرىپ، ماكرولىق سالىق اۋىرتپالىعىن ورنىقتىرىپ، سالىق ءتۇزىمى قۇرىلىمىن ساپالىلاندىرىپ، سالىق الۋ - باسقارۋ ءتۇزىمى رەفورماسىن تەرەڭدەتۋ كەرەك. قاتىستى كەلەلى قوعامدىق ساياساتتاردى كەمەلدەندىرۋدى ىلگەرىلەتىپ، كاسىپورىن جۇمىسشى - قىزمەتكەرلەرىنىڭ نەگىزگى زەينەتكەرلىك قامسىزداندىرۋ قورىن ورتالىق رەتتەۋ ءتۇزىمىن كەمەلدەندىرىپ، نەگىزگى زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى ورنىقتى، ءتارتىپتى ىلگەرىلەتىپ، زاڭدا بەلگىلەنگەن زەينەتكە شىعۋ جاسىن بىرتىندەپ ۇزارتۋ كەرەك. ارتىق ءوندىرىس قۋاتىن قاتاردان قالدىرۋ، باسىلىپ قالعان تاۋارلاردى ءبىر جاقتى ەتۋ، سۇيمەندەردى كۇشىنەن قالدىرۋ، وزىندىك قۇندى تومەندەتۋ، ولقىلىقتاردى تولىقتىرۋداعى ماڭىزدى مىندەتتەردى ۇزدىكسىز ورىنداۋعا قولداۋ كورسەتىپ، ءتۇيىندى كاسىپ سالالارىنىڭ قاجەتتەن اسىپ قالعان ءوندىرىس قۋاتىن ازايتۋ قىزمەتىن ويداعىداي ىستەۋ كەرەك. ۇكىمەتتىڭ قارىز باسقارۋ ءتۇزىمىن اقاۋسىزداندىرىپ، جەرگىلىكتى ۇكىمەتتەردىڭ ارناۋلى زايوم تاراتۋ، پايدالانۋ ءتۇزىمىن كەمەلدەندىرىپ، جەرگىلىكتى ۇكىمەتتەردىڭ قارىز حاۋىپ - قاتەرىن شەشۋ قىزمەتىن شىنايى يگەرۋ كەرەك. بازارلاندىرۋ، زاڭمەن جونگە سالۋ پرينسيبىندە تاباندى بولىپ، جەرگىلىكتى فينانس قۇرىلىمدارىنىڭ حاۋىپ - قاتەرىن ورنىقتى ءبىر جاقتى ەتۋ جانە شەشۋ كەرەك.
حان جىڭ مىنانى دارىپتەدى: داۋىرمەن بىرگە العا باسۋدا، ارتىقشىلىق پەن جەتەرسىزدىكتى ۇشتاستىرۋدا تاباندى بولىپ، ماكرولىق ساياساتتى، اسىرەسە، قازىنا - سالىق ساياساتىن زەرتتەۋدى كۇشەيتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم جاساۋىنا اناعۇرلىم ويداعىداي قىزمەت وتەۋ كەرەك. قازىرگى ماڭىزدى ءتۇيىن كومىرتەگى قوس توتىعىن ىعىستىرۋدى شەگىنە جەتكىزۋ، كومىرتەگىن بەيتاراپتاندىرۋ، سونداي - اق قورا - جاي بازارىن رەتتەۋ - مەڭگەرۋدى كەمەلدەندىرۋ، تەكشە ەكونوميكاسىنىڭ جۇيەلى، اقاۋسىز دامۋىن ىلگەرىلەتۋ سياقتىلاردى ارقاۋ ەتىپ، ىشكەرىلەي تەكسەرۋ - زەرتتەۋ جۇرگىزۋ كەرەك. ءىرى ساندى مالىمەت جانە ينفورماتسيالاندىرۋ تاسىلىنەن ويداعىداي پايدالانىپ، قازىنا - بۇعالتىرلىق باقىلاۋىن كۇشەيتىپ، قازىنا - سالىق ىستەرىن زاڭمەن جونگە سالۋ قۇرىلىسىن كۇشەيتىپ، قازىنالىق باقىلاۋ ءتارتىبىن رەتكە سالىپ، كاسىپ سالالارىن تازارتىپ، قازىنالىق جالعاندىقتى زاڭ بويىنشا باتىل تەكسەرىپ ءبىر جاقتى ەتۋ كەرەك. پارتيا تاريحىن ۇيرەنۋ تاربيەسىن مۇقيات ورىستەتىپ، قازىنا - سالىق كادرلارى قوسىنى قۇرىلىسىن مىقتى يگەرىپ، ادال، كىرشىكسىز، جاۋاپكەرلىك ارقالايتىن قازىنا - سالىق قۇرىش قوسىنىن قۇرۋ كەرەك.
قازىنا مينيسترلىگىندەگى، مەملەكەتتىك سالىق باس مەكەمەسىندەگى نەگىزگى جاۋاپتى جولداستار جانە جۇڭگو قازىنا عىلىمىن زەرتتەۋ ورنىنداعى 3 مامان - وقىمىستى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
