شينجياڭ قيىنشىلىعى بار بۇقارانى قۇتقارۋ - كومەكتەسۋ، قامتاماسىز ەتۋدىڭ 2021 - جىلعى ولشەمىن جوعارىلاتتى
2021.03.26 12:16 كەلۋ قاينارى : حالىق تورابى
شينجياڭ گازەتىنىڭ 3 - ايدىڭ 24 - كۇنى ۇرىمجىدەن بەرگەن حابارى. شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسىنەن ۇعىسۋعا قاراعاندا، جۋىردا، شينجياڭ قيىنشىلىعى بار بۇقارانى قۇتقارۋ - كومەكتەسۋ، قامتاماسىز ەتۋ ولشەمىن جوعارىلاتىپ، قالا، اۋىلداعى قيىنشىلىعى بار بۇقارانىڭ نەگىزگى تۇرمىس دەڭگەيىنىڭ ەكونوميكالىق، قوعامدىق دامۋ دەڭگەيىمەن بىردەي جوعارىلاۋىنا شىنايى كەپىلدىك ەتكەن.
قالا، اۋىلدىڭ ەڭ تومەنگى تۇرمىستى قامتاماسىز ەتۋ ولشەمىنىڭ ارتۋى قالا، اۋىل تۇرعىندارىنىڭ جان باسىندىق ورتاشا قولداعى تابىسىنىڭ ارتۋىنان تومەن بولماۋ پرينسيبىنە ساي، 2021 - جىلعى شينجياڭداعى قالالاردىڭ ەڭ تومەنگى تۇرمىستى قامتاماسىز ەتۋ ولشەمى 2020 - جىلعى ايىنا 500 يۋاننان تومەن بولماۋدان ايىنا 530 يۋاننان تومەن بولماۋعا جوعارىلادى، اۋىل - قىستاقتىڭ ەڭ تومەنگى تۇرمىستى قامتاماسىز ەتۋ ولشەمى 2020 - جىلعى جىلىنا 4100 يۋاننان تومەن بولماۋدان جىلىنا 4350 يۋاننان تومەن بولماۋعا جوعارىلادى. شينجياڭداعى قالالاردىڭ ەڭ تومەنگى تۇرمىستى قامتاماسىز ەتۋ بويىنشا بەرىلەتىن ورتاشا كومەك قاراجات دەڭگەيى بۇرىنعى نەگىزدە ءار ادامعا ايىنا 25 يۋان قوسىلدى، شينجياڭداعى اۋىل - قىستاقتىڭ ەڭ تومەنگى تۇرمىستى قامتاماسىز ەتۋ بويىنشا بەرىلەتىن ورتاشا كومەك قاراجات دەڭگەيى بۇرىنعى نەگىزدە ءار ادامعا ايىنا 20 يۋان قوسىلدى. قالا، اۋىلداعى ەڭ تومەنگى تۇرمىسى قامتاماسىز ەتىلەتىن «ءتورت تۇردەگى ادام» اراسىنداعى قارتتار مەن ازامات جاسىنا تولماعاندارعا بەرىلەتىن كومەك قاراجات دەڭگەيى كومەك بەرىلەتىن وبيەكتىلەرگە ءىس جۇزىندە بەرىلەتىن كومەك قاراجات دەڭگەيى نەگىزىندە ايىنا تاعى 26 يۋان قوسىلدى، قالا، اۋىلداعى ەڭ تومەنگى تۇرمىسى قامتاماسىز ەتىلەتىن «ءتورت تۇردەگى ادام» اراسىنداعى اۋىر مۇگەدەكتەر مەن سالماقتى اۋرۋعا شالدىققان ناۋقاستارعا بەرىلەتىن كومەك قاراجات دەڭگەيى كومەك بەرىلەتىن وبيەكتىلەرگە ءىس جۇزىندە بەرىلەتىن كومەك قاراجات نەگىزىندە ايىنا تاعى 36 يۋان قوسىلدى. دارەجە بويىنشا تاراتۋدى جولعا قويعان اۋدان، قالالار جەرگىلىكتى ورىننىڭ دارەجە بويىنشا تاراتۋعا قاتىستى بەلگىلەمەسىن اتقارادى.
قالاداعى ەرەكشە قيىنشىلىعى بارلاردىڭ نەگىزگى تۇرمىس ولشەمى 2020 - جىلعى ايىنا 800 يۋاننان تومەن بولماۋدان ايىنا 850 يۋاننان تومەن بولماۋعا جوعارىلادى؛ اۋىل - قىستاقتاعى ەرەكشە قيىنشىلىعى بارلاردىڭ نەگىزگى تۇرمىس ولشەمى 2020 - جىلعى شوعىرلى باعۋ بويىنشا ايىنا 700 يۋاننان تومەن بولماۋدان ايىنا 800 يۋاننان تومەن بولماۋعا جوعارىلادى، جەكەلەي باعۋ بويىنشا ايىنا 500 يۋاننان تومەن بولماۋدان ايىنا 550 يۋاننان تومەن بولماۋعا جوعارىلادى. تۇرمىستا ءوز قاجەتىنەن بۇكىلدەي شىعا المايتىندارعا قارايلاسۋ، كۇتىمدەۋ ولشەمى 2020 - جىلعى ايىنا 500 يۋاننان تومەن بولماۋدان ايىنا 900 يۋاننان تومەن بولماۋعا جوعارىلادى. ءوز قاجەتىنەن شىعا الاتىندار مەن ءوز قاجەتىنەن جارتىلاي شىعا الاتىندارعا قارايلاسۋ، كۇتىمدەۋ ولشەمى 2020 - جىلعى ايىنا 100 يۋاننان جانە ايىنا 300 يۋاننان تومەن بولماۋدان جەكە - جەكە ايىنا 150 يۋاننان جانە ايىنا 350 يۋاننان تومەن بولماۋعا جوعارىلادى. جەتىم بالالاردىڭ نەگىزگى تۇرمىسىن قامتاماسىز ەتۋ ولشەمى 2020 - جىلعى يگىلىك قۇرىلىمداردىڭ جەتىم بالالاردى باعۋىنا ايىنا بەرىلەتىن 1100 يۋاننان ايىنا 1250 يۋانعا جوعارىلادى، قوعامداعى ءبولىپ باعىلاتىن جەتىم بالالارعا ايىنا بەرىلەتىن قاراجات 900 يۋاننان ايىنا 950 يۋانعا جوعارىلادى.
قالا، اۋىلدىڭ ەڭ تومەنگى تۇرمىستى قامتاماسىز ەتۋ جاڭا ولشەمى 2021 - جىلى 1 - ايدىڭ 1 - كۇنىنەن باستاپ اتقارىلعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
