لحاسا سوعىس كەمەسى ساپقا قوسىلدى!

2021.03.26 13:06   كەلۋ قاينارى : حالىق تورابى

　　3 – ايدىڭ 25 – كۇنى تۇستەن كەيىن، قورعانىس مينيسترلىگى تىلشىلەردى قابىلداۋ ءماجىلىسىن وتكىزدى، قورعانىس مينيسترلىگى اقپارات مەكەمەسىنىڭ ورىنباسار باستىعى، قورعانىس مينيسترلىگىنىڭ اقپارات مالىمدەمەشىسى رىن گوچياڭ اعا پولكوۆنيك تىلشىلەردىڭ سۇراۋىنا جاۋاپ قايتاردى.

　　ءتىلشى: اقپارات قۇرالدارىنىڭ حابارلاۋىنشا، شيزاڭ اۆتونوميالى رايونى لحاسا قالاسىنىڭ باسشىسى 3 – ايدىڭ باسىندا گرۋپپا باستاپ، تەڭىز ارمياسى لحاسا سوعىس كەمەسىندەگى كوماندير – جاۋىنگەرلەردەن حال سۇراي بارعان. ساراپتاۋعا قاراعاندا، بۇل ەلىمىزدىڭ 055 تۇرپاتتى ەكىنشى باسقارىلمالى بومبىلى قۋعىنداعىش كەمەسىنىڭ رەسمي كورسەتىلۋى بولىپ، ەلىمىزدىڭ تەڭىزدەگى قورعانىس قۋاتىنىڭ جاڭا بەلەسكە كوتەرىلگەنىنەن دەرەك بەرەدى ەكەن. قاتىستى جاعدايلاردى تانىستىرساڭىز.

　　رىن گوچياڭ: ۇعىسۋعا قاراعاندا، 055 تۇرپاتتى قۋعىنداعىش سوعىس كەمەسى — لحاسا سوعىس كەمەسىنىڭ كەمە ءنومىرى 102، جاساۋ جانە تەڭىزدە سىناق ەتۋ قىزمەتى ءساتتى ورىندالىپ، 3 – ايدىڭ 2 –كۇنى جۇڭگو تەڭىز ارمياسىنىڭ ساپىنا ءساتتى قوسىلدى.

　　اتالعان سوعىس كەمەسى ەلىمىز دەربەس زەرتتەپ جاساعان ون مىڭ توننالىق دارەجەدەگى قۋعىنداعىش كەمە، جۇڭگو تەڭىز ارمياسىنىڭ ستراتەگيالىق بۇرىلىس جاساپ دامۋدى ورىنداۋداعى نىسانالىق جەتىستىككە قول جەتكىزگەنىنىڭ بەلگىسى، وسى بارىستا ءىرى سوعىس كەمەسىنىڭ جالپى جوباسىن جاساۋ، ينفورماتسيالاردى شوعىرلاندىرۋ، جالپى تۇلعالىق جاقتان قۇراستىرۋ – جاساۋ قاتارلى ءبىرقىدىرۋ شەشۋشى تەحنيكالاردا جەتىستىكتەرگە قول جەتكىزىلدى، وعان جاڭا تيپتى اۋەدەن قورعاناتىن، باسقارىلمالى بومبى، سوعىس كەمەسى، سۇڭگۋىر كەمە قاتارلىلارعا قارسى سوققى بەرەتىن قارۋلار ورنالاستىرىلعان بولىپ، جۇڭگو تەڭىز ارمياسىنىڭ مەملەكەتتىڭ يەلىك ۇقىق، حاۋىپسىزدىك، دامۋ مۇددەلەرىن قورعاۋ، دۇنيە ءجۇزىنىڭ بەيبىتشىلىگىن، ورنىقتىلىعىن جانە گۇلدەنىپ – كوركەيۋىن قورعاۋ سىندى قاستەرلى بورىشتى اناعۇرلىم ويداعىداي ارقالاۋعا كومەگىن تيگىزەدى.

　　كەلۋ قاينارى: حالىق تورابى