الدىڭعى 2 ايدا كولەمنەن جوعارى ونەركاسىپ كاسىپورىندارىنىڭ ۇستەمە قۇنى ％19.6 ارتتى
2021.03.26 14:59 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما ينيڭ 3 - ايدىڭ 24 - كۇنى ۇرىمجىدەن حابارلايدى. الدىڭعى 2 ايدا شينجياڭ ونەركاسىپ ەكونوميكاسى جاقسى باستامانى جۇزەگە اسىرىپ، كولەمنەن جوعارى ونەركاسىپ كاسىپورىندارىنىڭ ۇستەمە قۇنى سايكەس مەزگىلدەگىدەن ％19.6 ارتىپ، تاياۋ 15 جىلدان بەرگى ەڭ جوعارى قۇن جاراتتى.
ءتىلشىنىڭ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىنشا، بيىل جىل باسىنان بەرى شينجياڭنىڭ قوعام ورنىقتىلىعىنىڭ پايداسى ۇزدىكسىز جارىققا شىعۋىنا جانە ىندەتتەن ساقتانۋ - تىزگىندەۋدە كەزەڭدىك ماڭىزدى جەتىستىككە قول جەتۋىنە ىلەسە، شينجياڭنىڭ كومىر، ەلەكتر، مۇناي، گاز، تاسىمال ماڭىزدى ءوندىرىس فاكتورلارى تولىق قامتاماسىزداندىرىلىپ، كاسىپورىنداردىڭ كاسىپ سالاسى تىزبەگى، قامداۋ تىزبەگى حاۋىپسىز، ورنىقتى بولىپ، ونەركاسىپ ەكونوميكاسى ءۇرتىس جاقساردى. ونەركاسىپتە قازىر اتقارىلىپ وتىرعان كورسەتكىش رەتىندە، ەلەكتر پايدالانۋ مولشەرى، تەمىر جول تاسىمال مولشەرى، زات يمپورت - ەكسپورت مولشەرىنىڭ وزگەرىسى ەندى ءبىر جاعىنان وڭىرلىك ەكونوميكانىڭ تەبىندەۋ دەڭگەيىن كورسەتەدى. الدىڭعى 2 ايدا شينجياڭنىڭ جالپى ەلەكتر تاراتۋ مولشەرى 76 ميلليارد 470 ميلليون كيلوۆات - ساعات بولىپ، سايكەس مەزگىلدەگىدەن ％22.7 ارتتى؛ شينجياڭنىڭ ەلەكترىن سىرتقا جەتكىزۋ مولشەرى 17 ميلليارد 760 ميلليون كيلوۆات - ساعات بولىپ، سايكەس مەزگىلدەگىدەن ％45.2 ارتتى؛ تەمىر جولدىڭ زات جەتكىزۋ مولشەرى 29 ميلليون 371 مىڭ توننا بولىپ، سايكەس مەزگىلدەگىدەن ％15.3 ارتتى.
الدىڭعى 2 ايدا شينجياڭداعى 14 ايماقتا، وبلىستا، قالادا ونەركاسىپتىڭ ۇستەمە قۇنى تۇگەلدەي وڭ ارتۋدى جۇزەگە اسىردى. شينجياڭنىڭ 10 ءىرى ءتۇيىندى ونەركاسىپ كاسىپ سالاسىندا جابدىق جاساۋ، توقىماشىلىق، اۋىل شارۋاشىلىق قوسىمشا ازىق - تۇلىكتەرىن مانەرلەۋ، قۇرىلىس ماتەريالدارى، بولات - تەمىر، كومىر، ەلەكتر، ءتۇستى مەتال، حيميا ونەركاسىپ سالاسىنىڭ ونەركاسىپتەگى ارتۋ قارقىنى ەكى ورىندى سانمەن ارتۋدى ساقتادى، مۇناي كاسىپ سالاسى ورنىقتى ارتۋدى ساقتادى. تىلگە الۋعا تاتيتىنى، شينجياڭنىڭ توقىماشىلىق، كيىم - كەشەك كاسىپورىندارىنىڭ ءوندىرىس كوتەرىمدىلىگى تەز كوتەرىلىپ، شينجياڭنىڭ ءجىپ، حيميالىق تالشىعىنىڭ ءونىم مولشەرى سايكەس مەزگىلدەگىدەن جەكە - جەكە ％84.2 جانە ％10.6 ارتىپ، كولەمنەن جوعارعى توقىماشىلىق، كيىم - كەشەك كاسىپورىندارىنىڭ تيجارات كىرىسى ％30 اينالاسىندا ارتىپ، توقىماشىلىق، كيىم - كەشەك تۇتاس كاسىپ سالاسى زياننان قۇتىلىپ پايدا تابۋدى جۇزەگە اسىردى. الدىڭعى 2 ايدا توقىماشىلىق كاسىپ سالاسىنىڭ ۇستەمە قۇنى سايكەس مەزگىلدەگىدەن ％107.6 ارتتى.
بيىل شينجياڭ سول جەردىڭ وزىندە تەكسەرۋ - زەرتتەۋ جۇرگىزۋ، نىسان جانە كاسىپورىن جاۋاپتىلارىمەن اڭگىمەلەسۋ سياقتى تاسىلدەر ارقىلى ”كاسىپورىنعا بارىپ كومەكتەسۋ، سۇيەمەلدەۋ، تەكسەرىپ - زەرتتەۋ جۇرگىزۋ قيمىلىن“ ورىستەتىپ، كاسىپورىننىڭ ناقتى قيىنشىلىعى مەن ماسەلەلەرىن شەشۋىنە كومەكتەسىپ، شينجياڭ ونەركاسىپ ەكونوميكاسىنىڭ ورنىقتى ارتۋىن ىلگەرىلەتەدى. سونىمەن بىرگە، 2021 - جىلعى ونەركاسىپ جانە ينفورماتسيالاندىرۋداعى 50 كەلەلى نىسانعا ىلەسە ءجۇرىپ قىزمەت وتەۋ قىزمەتىن ۇزدىكسىز ويداعىداي ىستەپ، ”تۇيىننەن تۇيىنگە“ كومەكتەسۋ، سۇيەمەلدەۋ مەحانيزمىن ورناتىپ، ءتۇيىندى نىسانداردىڭ ەڭ جاڭا ىلگەرىلەۋ جاعدايىن مەڭگەرىپ، نىسانداردا ساقتالعان ماسەلەلەردى اداقتاپ ءارى قاتىستى ورىندارمەن سايكەسە وتىرىپ نىسان قۇرىلىسىنداعى ماسەلەلەر مەن قيىنشىلىقتاردى ءبىر جايلى ەتىپ، نىسانداردىڭ ەرتەرەك جۇمىس باستاپ، قۇرىلىس جۇرگىزىپ، ءوندىرىس قۋاتىنا جەتىپ، ونىمدىلىكتى ارتتىرۋىن ىلگەرىلەتىپ، ونەركاسىپكە قارجى قوسۋدى ورنىقتى ارتتىرۋدى جەبەيدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
