بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

بەلگىسىز كەلتە حاتتار، توراپ جالعانىمى، توراپ بەتى قاتارلىلاردان ساق بولىڭىز

كەلتە حات ارقىلى «قارماق سالاتىن» الدامكوستىكتەردەن ابايلاڭىز

حالىق گازەتىنىڭ ءتىلشىسى وۋياڭ جيە

2021.03.29 16:20     كەلۋ قاينارى : حالىق تورابى

  بەلگىلى ءىس ورنىندا قىزمەت ىستەيتىن ۋاڭ نيڭ جۋىردا «بانكەدەن» كەلگەن كەلتە حاتتى تاپسىرىپ الادى، كەلتە حاتتا ونىڭ كرەديت كارتۋچكاسىنان سەنىمدى قارىز الۋ سوماسىن جوعارىلاتۋىنا بولاتىنى ەسكەرتىلگەن ەكەن. وتباسىن اشەكەيلەۋمەن قاربالاس بولىپ جۇرگەن ۋاڭ نيڭ كرەديت كارتۋچكاسىنان قارىز الۋ سوماسى جوعارىلاسا، ءوزىنىڭ شۇعىل قاجەت ەتىپ وتىرعان قاراجات ماسەلەسىنە كومەگى تيەتىنىن ويلايدى دا، كەلتە حاتتاعى ەسكەرتۋ بويىنشا اتقارا باستايدى، ول كەلتە حاتتاعى كۋالاندىرۋ ءنومىرىن كىرگىزگەن ساتتە، ساۋدا دۇكەنى جولداعان كەلتە حاتتى تاپسىرىپ الادى، حات مازمۇنىنا قاراسا، پالەن ون مىڭ يۋان زات ساتىپ العان بولىپ شىعادى. ول سوندا بارىپ ءوزىنىڭ الدانىپ قالعانىن بىلەدى.

  جۋىردا ءىشىنارا زاڭسىز ەلەمەنتتەر كەلتە حاتتى توپتىق جولداۋ ارقىلى الدامكوستىك جۇرگىزگەن، ولار بىرنەشە بانكەنىڭ اتىن جامىلىپ، بانكەنىڭ قىزمەت وتەۋىنە قاتىستى مازمۇنداردى جولداپ، كليەنتتەردىڭ قولفون بانكەسى، بانكە كارتۋچكاسى، ازاماتتىق كۋالىگى قاتارلىلاردىڭ ۋاقىتى ءوتىپ كەتتى دەپ حابارلاپ، كليەنتتەردى كەلتە حاتتاعى توراپ جالعانىمىن باسۋعا جەتەلەيدى، وسى ارقىلى ولاردى جالعان قولفون بانكەسى جۇيەسىنە كىرۋگە شىرعالايدى، كليەنتتەر الدانىپ قالىپ، بانكە كارتۋچكاسى نەمەسە قولفون ءنومىرى، ەسەپ ءنومىرىنىڭ قۇپيا سيفرى، كەلتە حاتتاعى كۋالاندىرۋ ءنومىرى قاتارلى ينفورماتسيالاردى قارسى جاققا بەرسە، زاڭسىز ەلەمەنتتەر دەرەۋ كليەنتتىڭ سالاۋاتىنان پايدالانىپ، اقشا جوتكەۋ فۋنكتسياسىن ىسكە قوسىپ، بانكە كارتۋچكاسىنداعى اقشانى ۇرلاپ اكەتىپ، كليەنتتەردى اۋىر شىعىنعا ۇشىراتادى.

  بانكە – قامسىزداندىرۋ ىستەرىن باقىلاۋ – باسقارۋ كوميتەتى تۇتىنۋشىلاردىڭ ۇقىق – مۇددەسىن قورعاۋ مەكەمەسىنىڭ قاتىستى جاۋاپتىسىنىڭ تانىستىرۋىنشا، تۇتىنۋشىلاردى توراپ جالعانىمىن جولداۋ ارقىلى شىرعالاۋ ءتاسىلى — تەلەگراف جاعىنداعى الدامكوستىكپەن شۇعىلدانۋشىلاردىڭ ۇنەمى قولداناتىن تاسىلدەرىنىڭ ءبىرى. مۇنداي كەلتە حات ارقىلى «شىرعالاۋدان» پايدالاناتىن الدامكوستىك بۇكىل ەلىمىز كولەمىندە ۇنەمى تۋىلىپ تۇرادى، الدانىپ قالاتىنداردىڭ كوبى حاۋىپ – قاتەردەن ساقتانۋ تانىمى ءبىرشاما ءالسىز، قولفون بانكەسىنە نەمەسە ينتەرنەت بانكەسىنە تىركەلۋگە ونشا قانىق ەمەس ادامدار. مۇنداي الدامكوستىكتەردى ادەتتە ۇيىمداسقان، الدامكوستىكتى كاسىپ ەتكەندەر ىستەيدى، ولار ادەتتە تۇتىنۋشىلاردىڭ بانكە ەسەپ ءنومىرى سىندى سەزىمتال ينفورماتسيالاردى ۇرلاۋ نەمەسە بانكە ەسەپ نومىرىندەگى قاراجاتتى ۇرلاۋدى ماقسات ەتەدى.

  اتالعان جاۋاپتى ادام قالىڭ تۇتىنۋشىلارعا بەلگىسىز كەلتە حاتتارعا، بەلگىسىز توراپ جالعانىمدارىنا جانە توراپ بەتتەرىنە، بەلگىسىز قولفون APP قولدانبالارىنا ساقتىقتى ارتتىرۋدى، وتە – موتە، جەكەلىك بانكە ەسەپ ءنومىرى سىندى سەزىمتال ينفورماتسيالارمەن قامداۋدى تالاپ ەتكەن كەزدە، كوبىرەك باجايلاۋى، كوبىرەك ويلانۋى، الدانىپ قالۋ حاۋىپ – قاتەرىن ازايتۋعا كۇش سالۋى كەرەك.

  بىرىنشىدەن، كەلتە حاتتىڭ شىن – جالعاندىعىنا قاراۋ كەرەك. تۇتىنۋشىلار «بانكەدەن» كەلگەن كەلتە حاتتاردى تاپسىرىپ العاندا، شىن – جالعانىن پارىقتاۋعا كوڭىل ءبولۋى، وتە – موتە، قالىپسىز تەلەفون نومىرلەرى ارقىلى جولدانعان كەلتە حاتتارعا كوزسىزدىكپەن سەنە كەتپەۋى كەرەك. تۇتىنۋشىلار ەگەردە كەلتە حاتتىڭ شىن – جالعانىن پارىقتاي الماسا، بانكەنىڭ تيجارات ورىندارىنا بارۋ ارقىلى نەمەسە بانكەنىڭ رەسمي تورابىنداعى قىزمەت وتەۋ تەلەفونى ارقىلى كەڭەس سۇراۋىنا بولادى.

  ەكىنشىدەن، توراپ جالعانىمدارى مەن توراپ بەتتەرى رەسمي ارنالار ما، الدە، ەمەس پە دەگەنگە كوبىرەك كوڭىل ءبولۋ كەرەك. الدامكوستەر جولداعان كەلتە حاتتارداعى توراپ جالعانىمدارى جالعاننان جاساعان قولفون بانكەسىنىڭ نەمەسە جالعاننان جاسالعان ينتەرنەتتەگى بانكەنىڭ تورابىنا شىرعالاپ كىرگىزەتىن جالعانىم بولۋى مۇمكىن، ياكي، اعاش ات ۆيرۋسى بولۋى دا مۇمكىن، مۇنداي جالعانىمداردى الباتى باسپاۋ كەرەك. تۇتىنۋشىلار قولفونداعى بانكەگە نەمەسە ينتەرنەتتەگى بانكەگە تىركەلگەن كەزدە، بانكەنىڭ قولفونعا ارنالعان رەسمي APP قولدانبالارى نەمەسە رەسمي تورابى قاتارلى جۇيەلى ارنالاردان پايدالانعانى ءجون.

  ۇشىنشىدەن، قارسى جاق سۇراعان ينفورماتسيالار جەكەلەر جونىنەن ماڭىزدى، سەزىمتال ينفورماتسيالارعا جاتا ما، جوق پا دەگەنگە قاراۋ كەرەك. تۇتىنۋشىلاردىڭ ازاماتتىق كۋالىك ءنومىرى، بانكە كارتۋچكاسىنىڭ ءنومىرى، ەسەپ ءنومىرىنىڭ قۇپيا سيفرى، كەلتە حات ارقىلى كۋالاندىرۋ ءنومىرى، اقى تولەۋ كودى قاتارلىلاردىڭ بارلىعى جەكەلەردىڭ ماڭىزدى ءارى سەزىمتال ينفورماتسيالارىنىڭ كولەمىنە كىرەدى، ءۇشىنشى جاق جوعارىداعى ينفورماتسيالاردى بەرۋدى نەمەسە كىرگىزۋدى سۇراسا، قىراعىلىقتى ارتتىرۋ، الباتى ايتا سالماۋ كەرەك.

  كەلۋ قاينارى: حالىق تورابى

  
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار