شي جينپيڭ مەن كامەرۋننىڭ زۇڭتۇڭى بييا ءوزارا قۇتتىقتاۋ تەلەگرامماسىن جولدادى

2021.03.29 16:43 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 3 - ايدىڭ 26 - كۇنى، بەيجيڭ. مەملەكەت ءتوراعاسى شي جينپيڭ مەن كامەرۋننىڭ زۇڭتۇڭى بييا 3 - ايدىڭ 26 - كۇنى ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.

　　شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: ديپلوماتيالىق قاتىناس ورناتقان جارتى عاسىردان بەرى جۇڭگو مەن كامەرۋن ەكى ەل قيىن - قىستاۋدا بىرگە بولىپ، ءداستۇرلى دوستىعى ۋاقىت وتكەن سايىن بەكەمدەلە ءتۇستى. جۋىق جىلداردان بەرى ەكى ەلدىڭ دوستىق سەلبەستىك قاتىناسىنىڭ دامۋ ارىنى تەبىندى بولدى، ساياسيدا ءوزارا سەنىم ارتۋى كۇن سايىن تەرەڭدەدى، ناقتى سەلبەستىگىنىڭ جەمىسى مول بولدى، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا ءتۇسىنىسىپ جانە قولداۋ كورسەتىپ، حالىقارالىق جانە وڭىرلىك ىستەردە تىعىز سايكەستى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو جاق كامەرۋندى قامتىعان افريكا ەلدەرىمەن قيىندىقتى بىلەك بىرىكتىرە جەڭىپ، ءوزارا قارايلاسىپ، ىندەتكە قول ۇستاسا قارسى اتتانىپ، جۇڭگو مەن افريكانىڭ تار جول، تايعاق كەشۋلەردى بىرگە وتكەرەتىن باۋىرلاس دوستىق سۇيىسپەنشىلىگىن ايگىلەدى.

　　شي جينپيڭ بىلاي دەپ دارىپتەدى: مەن جۇڭگو مەن كامەرۋننىڭ قاتىناسىنىڭ دامۋىنا وسكەلەڭ ءمان بەرەمىن، بييا زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، جۇڭگو - افريكا سەلبەستىك تالقى مىنبەرى بەيجيڭ باسشىلار باس قوسۋىنىڭ جەتىستىگىن ويداعىداي تياناقتاندىرىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن كۇشەيتىپ، ەكى ەلگە جانە ەكى ەل حالىقتارىنا باقىت جاراتىپ، اناعۇرلىم تىعىز جۇڭگو - افريكا تاعدىرلاس ورتاق تۇلعاسىن قۇرۋعا بەلسەنە ۇلەس قوسۋدى قالايمىن.

　　بييا قۇتتىقتاۋ تەلەگرامماسىندا مىنالاردى ءبىلدىردى: ۇزاق مەزگىلدەن بەرى ەكى ەل باسشىلارىنىڭ ىلگەرىلەتۋىنىڭ ارقاسىندا، كامەرۋن مەن جۇڭگونىڭ ءوزارا پايدا جەتكىزىپ، بىرگە يگىلىككە كەنەلەتىن دوستىق سەلبەستىك قاتىناسى كورنەكتى ناتيجەگە قول جەتكىزىپ، ۇزدىكسىز بەكەمدەلدى. ەكى ەل سەلبەستىگىنىڭ جەتىستىگى كامەرۋن حالقىنىڭ ىرىس - قۇتىن ارتتىرىپ، كامەرۋننىڭ مەملەكەتتى وسىزامانداندىرۋدى جۇزەگە اسىرۋىن جەبەۋدە ماڭىزدى ۇلەس قوستى. جۇڭگونىڭ باسشىلارى كورەگەن، بولجامپاز، جۇڭگو حالقى ەڭبەكشىل، ەرجۇرەك، جۇڭگو حالىقارالىق ساحناداعى ماڭىزدى كۇشكە اينالدى. ادامدى ءتىپتى دە جەلپىندىرەتىنى، جۇڭگو بۇرىننان بەرى دامۋ ۇستىندەگى ەلدەر سەلبەستىگىنە ءمان بەرىپ، افريكا ەلدەرىنىڭ دامۋدى، گۇلدەنۋدى جۇزەگە اسىرۋىنا قولداۋ كورسەتىپ كەلەدى. ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن سالتاناتتى قۇتتىقتاۋ ورايىندا كامەرۋن مەن جۇڭگونىڭ سەلبەستىگىنىڭ اناعۇرلىم تىعىز، بولاشاعىنىڭ اناعۇرلىم ءورىستى بولىپ، ەكى ەل حالىقتارىنا اناعۇرلىم زور باقىت جاراتۋىن تىلەيمىن.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved