لي كىچياڭ جياڭسۋدا قىزمەت تەكسەرگەندە مىنانى دارىپتەدى
رەفورما جاساپ، ەسىك اشۋدى تەرەڭدەتىپ، جاڭالىق اشۋدى زور كۇشپەن ىلگەرىلەتىپ، دامۋ بارىسىندا حالىق تۇرمىسىن ۇزدىكسىز جاقسارتۋ كەرەك
2021.03.29 16:49 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 28 – كۇنى، نانجيڭ (ءتىلشى ليۋ جىڭ). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جياڭسۋ ولكەلىك پارتكومنىڭ شۋجيى لوۋ چينجياننىڭ، ولكە باستىعى ۋ جىڭلۇڭنىڭ سەرىك بولۋىندا 3 - ايدىڭ 25 – كۇنىنەن 26 – كۇنىنە دەيىن چاڭجوۋدا، نانجيڭدە قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، رەفورما جاساۋدى، ەسىك اشۋدى تەرەڭدەتىپ، جاڭالىق اشۋ قابىلەتى مەن دامۋ قوزعاۋشى كۇشىن نىعايتىپ، حالىق تۇرمىسىنىڭ ىرىس - قۇتىن ارتتىرىپ، ساپالى دامۋدى ىلگەرىلەتۋ كەرەك.
لي كىچياڭ چاڭجوۋ حىڭلي سۇيىقتىق قىسىمى سەرىكتەستىگىنە كەلىپ، ءونىم، تەحنيكالىق زەرتتەۋ - تاپقىرلاۋ جاعدايىن ۇعىسىپ، كاسىپورىنداردى ەسىك اشۋ، سەلبەسۋ بارىسىندا ۇزدىكسىز جاڭالىق اشىپ، تاباندىلىقپەن يگىلىك جاراتۋعا، تاباندىلىقپەن كاسىپپەن شۇعىلدانۋعا شابىتتاندىردى. ول جەرگىلىكتى ورىنداعى 10 نەشە جاساۋ كاسىپورنىنىڭ جاۋاپتىلارىمەن اڭگىمەلەستى. كوپشىلىك بىلاي دەستى: جاساۋ كاسىبى كاسىپورىندارىنىڭ زەرتتەۋ - تاپقىرلاۋ قاراجاتىنان الىناتىن سالىقتى سالىق الۋ كولەمىنەن شىعارىپ تاستالاتىن قاراجاتقا قوسىپ ەسەپتەۋ سالىستىرماسىن جوعارىلاتۋ ساياساتىنىڭ شابىتتاندىرۋىندا، كاسىپورىندار زەرتتەۋ - تاپقىرلاۋعا ۇسىنىلىمدى بارىنشا ارتتىرۋعا شابىتتانىپ وتىر. لي كىچياڭ القاۋ ءبىلدىرىپ بىلاي دەدى: مەملەكەت سالىقتى زور مولشەردە ازايتۋعا باتىلدىقپەن بەل بايلاپ وتىر، اتاپ ايتقاندا، بازارلاندىرۋ، جالپىعا ءتيىمدى ساياسات ارقىلى «از كۇشپەن كوپ ناتيجە جاراتۋدى» جولعا قويىپ، كاسىپورىنداردى جاڭالىق اشۋ تەبىنىن ارتتىرۋعا جەبەيمىز. جاڭالىقشىل كاسىپورىن بولعاندا عانا بولاشاق بولادى، مەملەكەت ءتىپتى دە ويداعىداي داميدى.
چاڭجوۋ فۋچياڭ جاڭا قىستاعىندا لي كىچياڭ الەۋمەتتىك رايوندا قارتتاردى كۇتىمدەۋ، بالالاردى بالا باقشاعا بەرۋ سياقتى تۇرمىستىق قىزمەت وتەۋ جاعدايىن كوزدەن كەشىردى. قارتتاردى كۇتىمگە الۋ ورتالىعىندا ول قارتتاردىڭ تاماقتانۋ، دەنساۋلىعىن باقىلاۋ سياقتى جاعدايلاردى كوزدەن كەشىرىپ، جەرگىلىكتى ۇكىمەتتىڭ قىزمەت وتەۋدى ساتىپ الۋ، الاڭمەن جانە سۋ، ەلەكتر، گازبەن اقىسىز قامداۋ تاسىلدەرىمەن قوعامدىق كۇشتەردى قارتتاردى كۇتىمگە الۋعا قىزمەت وتەۋگە جۇمىلدىرۋ ناتيجەلەرىن تۇراقتاندىردى. لي كىچياڭ تۇرعىندارعا بىلاي دەدى: سىزدەردىڭ وزدەرىڭىزگە ءتان جەكە وتباسىلارىڭىز بار، ال، مىناۋ الەۋمەتتىك رايوندى دا وزدەرىڭىزدىڭ ۇلكەن وتباسىلارىڭىز دەۋگە بولادى، الەۋمەتتىك رايون قارتتاردى كۇتىمگە الۋ، بالالاردى قاراۋ جاعىنان قىزمەت وتەگەندە، ادامدار قىزمەتكە شىققاندا الاڭسىز بولادى؛ قارتتار ءومىرىنىڭ سوڭعى شاقتارىن قام - قايعىسىز وتكىزگەندە عانا جاستار بولاشاققا الاڭسىز ساپار شەگە الادى؛ بالالار الەۋمەتتىك رايوننىڭ قامقورلىعى مەن تاربيەسىندە الاڭسىز ەسەيىپ - ەرجەتەدى، ءتىپتى دە مول مەيىرگە بولەنەدى.
لي كىچياڭ كوشە بويىنداعى ءبىر جەكەشە قىزمەت وتەۋ تۇيىنىنە باردى. وندا ءارى كۇندەلىكتى بۇيىمدار ساتىلاتىنىن، ءارى جەدەل جەتكىزۋ بۇيىمدارى ۋاكىلدىك تابىس ەتىلەتىنىن بىلگەندە لي كىچياڭ بىلاي دەدى: ءسىزدىڭ قىزمەت وتەۋىڭىز كوپشىلىككە قولايلىلىق تۋدىرادى، ءوز كىرىسىڭىز دە ارتادى. ول جەرگىلىكتى ورىننىڭ جاۋاپتىلارىنا بۇقارانىڭ قولايلى جۇمىستانۋىنا شارت - جاعداي ازىرلەۋدى تاپسىرىپ، مۇنىڭ بولاشاعى زور ەكەنىن ايتتى.
لي كىچياڭ جياڭسۋ ەركىن ساۋدا سىناق رايونىنىڭ رەفورما، دامۋ جاعدايى جونىندەگى مالىمەتتى تىڭدادى ءارى ەركىن ساۋدا رايونىنداعى جۇڭگو مۇناي - حيميا توبى مەن باسف توبى بىرلەسىپ قارجى قوسقان ياڭبا سەرىكتەستىگىن كوزدەن كەشىردى. ول جەرگىلىكتى ورىنداعى جولداستاردى تۇزىمدە جاڭالىق اشۋدى ىلگەرىلەتىپ، دارىندىلار سياقتى وزىق فاكتورلاردى شوعىرلاندىرىپ، ەركىن ساۋدا رايونىن رەفورمانىڭ بەلەسى بولۋ، ەسىك اشۋدا الدىڭعى لەكتە ءجۇرۋ، ىقپال كورسەتۋ، جەتەكتەۋ رولىن ساۋلەلەندىرۋگە شابىتتاندىردى.
لي كىچياڭ نانجيڭ داشۋەسىنە كەلىپ، نەگىزدىك زەرتتەۋ جاعدايىن ۇعىسىپ، زەرتتەۋ جەتىستىكتەرىنىڭ كادەگە جاراۋىن، قولدانىلۋىن تەكسەرىپ، عىلمي زەرتتەۋ قىزمەتكەرلەرىن سالا اتتاعان سەلبەستىكتى كۇشەيتۋگە، توعىسپالى جاڭالىق اشۋدى ىلگەرىلەتۋگە شابىتتاندىردى. ول مەكتەپتەگى اكادەميكتەرمەن ىقىلاسپەن اڭگىمەلەسىپ، ۇرپاقتان - ۇرپاققا ۇلاستىرا جاڭالىق اشۋدى ىلگەرىلەتۋدى ءۇمىت ەتتى. لي كىچياڭ مەكتەپ بىتىرگەن ستۋدەنتتەردىڭ جۇمىستانۋىنا ايرىقشا كوڭىل ءبولىپ، مەكتەپتىڭ بۇل جاعىنداعى ارناۋلى مالىمەتىن تىڭدادى. ول وقۋشىلارمەن اڭگىمەلەسىپ، بيىل وقۋ بىتىرەتىن وقۋشىلاردىڭ جۇمىستانۋ ويى مەن توقتامعا قول قويۋ جاعدايىن ۇعىستى. لي كىچياڭ قالىڭ وقۋشىلارعا بىلاي دەدى: سىزدەر نانجيڭ داشۋەسىنىڭ مەكتەپ تاربيەسىندە ايتىلعان «ادال، قاراپايىم، باتىل، ەگەي بولۋ» ءتالىمىن ەستە بەرىك ساقتاپ، دەن قويا ءبىلىم الىپ، جاقىن ماڭدا، كىشكەنە ىستەردەن باستاپ كىرىسە ىستەپ، بولاشاقتا ۇلى مۇراتتى جۇزەگە اسىرىپ، قوعامعا، مەملەكەتكە پايدا تيگىزۋلەرىڭىز كەرەك.
لي كىچياڭ جياڭسۋدىڭ ەكونوميكالىق - قوعامدىق دامۋدا قول جەتكىزگەن تابىستارىن تولىق تۇراقتاندىردى، جياڭسۋدان شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءوز ابزالدىعىن جانە ەكونوميكالىق ءىرى ولكە رولىن اناعۇرلىم ويداعىداي ساۋلەلەندىرىپ، دامۋدىڭ تىڭ ساتىعا كوتەرىلۋىن ىلگەرىلەتۋدى ءارى مەملەكەتتىڭ دامۋىنا اناعۇرلىم زور ۇلەس قوسۋدى ءۇمىت ەتتى.
شياۋ جيە قىزمەت تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
