ۋاقىتى تۇراقتاندىرىلدى! قوعامدىق قامتاماسىزداندىرۋ ىستەرىندە 6 ءتۇرلى زور وزگەرىس بولادى
2021.03.30 13:50 كەلۋ قاينارى : حالىق تورابى
شينحۋا اگەنتتىگىنىڭ 3 – ايدىڭ 28 – كۇنى بەيجيڭنەن بەرگەن حابارى. تاقىرىپ: ۋاقىتى تۇراقتاندىرىلدى! قوعامدىق قامتاماسىزداندىرۋ ىستەرىندە 6 ءتۇرلى زور وزگەرىس بولادى
شينحۋا اگەنتتىگىنىڭ تىلشىلەرى جياڭ لين، پىڭ يۇنجيا
مەملەكەتتىك كەڭەس جۋىردا «‹ۇكىمەت قىزمەتىنەن بايانداماداعى› باستى قىزمەتتەرگە قاتىستى جۇمىس ءبولىسىن تياناقتاندىرۋ جونىندەگى پىكىردى» باسىپ تاراتىپ، 44 ءتۇرلى باستى قىزمەتكە قاتىستى جۇمىس ءبولىسىن، جاۋاپكەرشىلىكتى، ورىندالىپ بولاتىن ۋاقىت شەگى قاتارلىلاردى ايقىندادى. مۇندا، قوعامدىق قامتاماسىزداندىرۋعا قاتىستى 6 ءتۇرلى ساياساتتىڭ ۋاقىتى جونىندەگى ورنالاستىرۋ تۇراقتاندىرىلدى.
زەينەتكە شىققانداردىڭ زەينەتاقىسى قانشالىق وسەدى؟ 4 – ايدىڭ سوڭىندا جاريالانادى
2021 – جىلعى ۇكىمەت قىزمەتىنەن باياندامادا زەينەتكەرلەردىڭ نەگىزدىك زەينەتاقىسىن جوعارىلاتۋ ورتاعا قويىلعان. زەينەتاقى قاشان جوعارىلاتىلادى؟ قانشالىق جوعارىلاتىلادى؟ «پىكىردە» 4 – ايدىڭ سوڭىنان بۇرىن قاتىستى ساياساتتار شىعارىلادى دەپ تۇراقتاندىرىلعان.
2020 – جىلى زەينەتاقى تاراتۋ ورەسى جوعارىلاتىلىپ، 120 ميلليون ادام يگىلىككە كەنەلدى. بيىل زەينەتكە شىققاندارعا باعىتتالعان مامىلە ۇزدىكسىز جوعارىلاتىلادى، زەينەتاقىنى 17 جىل بويى ۇزدىكسىز جوعارىلاتۋ ورىندالادى. قانشالىق جوعارىلاتىلاتىنى الدا ءمالىم بولادى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسىنىڭ تانىستىرۋىنشا، ورتالىق قازىنانىڭ زەينەتاقى قورىنا قوسىمشا كومەك بەرۋ تەبىنى ءالى دە ۇزدىكسىز ارتتىرىلۋدا. قالعان زەينەتاقىنىڭ جالپى مولشەرى 4 تريلليون 700 ميلليون يۋان، مەجەمەن 2021 – جىلى زەينەتاقى قورىنىڭ كىرىم – شىعىمىن ءوزارا دولايلاستىرعان سوڭ، ازىناۋلاق ىركىندى قور قالادى، بولاشاقتا زەينەتاقىنىڭ تاراتىلۋىنا كەپىلدىك ەتۋگە بولادى.
جەكەلەرگە باعىتتالعان زەينەتاقى ءتۇزىمىنىڭ جاعدايى قالاي؟ 9 – ايدىڭ سوڭىنان بۇرىن جاريالانادى
ۇكىمەت قىزمەتىنەن باياندامادا ءۇشىنشى تىرەكتىك زەينەتاقى قامسىزداندىرۋىن جۇيەگە ءتۇسىرۋ ورتاعا قويىلعان. بۇل قىزمەت جونىندە «پىكىردە» 9 – ايدىڭ سوڭىنان بۇرىن قاتىستى ساياساتتاردى ورتاعا قويۋ تالاپ ەتىلگەن.
ءۇشىنشى تىرەكتىك زەينەتكەرلىك قامسىزداندىرۋى مەملەكەتتىڭ باجى كىرىسى قاتارلى ساياساتتارىنىڭ قولداۋىنداعى، جەكەلەرگە باعىتتالعان زەينەتكەرلىك قامسىزداندىرۋى جانە بازارلاندىرىلعان، جەكەلەرگە باعىتتالعان ساۋدالىق زەينەتكەرلىك قامسىزداندىرۋى توعىستىرىلعان كاسىپ ءتۇرى سىندى ەكى بولىكتى قامتيدى.
جەكەلەرگە باعىتتالعان زەينەتكەرلىك قامسىزداندىرۋى ءتۇزىمى جونىندە ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسى مىنانى ءبىلدىردى، جالپى جاقتان ايتقاندا، ەسەپ ءنومىرى ءتۇزىمىن نەگىز ەتىپ، جەكەلەردىڭ ەرىكتى تۇردە قاتىناسۋى، مەملەكەتتىك قازىنانىڭ باجى كىرىسى جاعىندا قولداۋ كورسەتۋى، قاراجاتتى بازارلاندىرىلعان فورمادا قارجى قوسۋعا جۇمساۋ سىندى جۇمىس اينالىمى ويلاستىرىلعان.
وسى سالاداعى مامانداردىڭ ايتۋىنشا، مۇنداعى باستى ماقسات — جۇرتشىلىقتىڭ اماناتتىق زەينەتاقىسىن قارجىلىق زەينەتاقىعا وزگەرتۋ، بازاردا ۇزاق مەرزىمدىك قارجى قوسۋ جانە زەينەتاقىنى ۇزاق ۋاقىت بويى الۋدى ورنالاستىرۋ ارقىلى جەكەلەرگە باعىتتالعان زەينەتاقىنىڭ قۇنىن ساقتاۋىن، قۇنىن ارتتىرۋدى ورىنداۋ.
جاڭا كاسىپ فورماسىندا كاسىپكە قاتىستى زاقىمدالعانداردى قامتاماسىزداندىرۋ جۇمىسى قالاي ىستەلەدى؟
ۇكىمەت قىزمەتىندە «جاڭا كاسىپتەنۋ فورمالارىن دامىتۋعا قولداۋ كورسەتۋ جانە ونى جونگە سالۋ، كاسىپكە قاتىستى زاقىمدالعانداردى قامتاماسىزداندىرۋدى تۇيىندە سىناق ەتۋ» اتاپ كورسەتىلگەن، «پىكىردە» 6 – ايدىڭ سوڭىنان بۇرىن قاتىستى ساياساتتاردى ورتاعا قويۋ تالاپ ەتىلگەن.
ينتەرنەتتەگى تەكشەلىك ەكونوميكا زور مولشەردەگى جاڭا تيپتى جۇمىس ورىندارىن تۋىنداتتى، سونىمەن بىرگە، قوجايىنسىزداندىرۋ، ەڭبەك قارىم – قاتىناسىنىڭ يكەمدى بولۋى سىندى ەرەكشەلىكتەر تاعام جەتكىزۋشىلەر سىندى جاڭا كاسىپ تۇرلەرىمەن شۇعىلداناتىنداردىڭ قازىر اتقارىلىپ جاتقان جۇمىس ۇستىندە جارالانعانداردى قامسىزداندىرۋ ءتۇزىمىنىڭ قامتاماسىزداندىرۋىنا يە بولا الماۋىنا سەبەپ بولىپ وتىر.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ وسىنىڭ الدىندا ءتىلشىسىنىڭ سۇحباتىن قابىلداعاندا ايتۋىنشا، قازىر جاڭا كاسىپ تۇرلەرىمەن شۇعىلداناتىندار كاسىپكە قاتىستى جارالانعان جاعدايدا، ولاردى قالاي قامتاماسىزداندىرۋ كەرەكتىگى جونىندەگى وي جەلىسى العاشقى قادامدا قالىپتاسقان.
قاتىستى مامانداردىڭ تانىستىرۋىنشا، تۇيىندە سىناق ەتۋ تاماق جەتكىزۋ، ينتەرنەتتىك تاكسي، لەزدە جەتكىزۋ سىندى ءۇش ءتۇرلى كاسىپتەن باستالادى، الدا شىعارىلاتىن ساياساتتا ناقتى قارجى دايىنداۋ فورماسى، قامتاماسىزداندىرىلاتىن جاعدايلار، مامىلە نىساندارى، سونداي – اق، سايكەستى مامىلەلەردىڭ ولشەمى قاتارلىلار ايقىندالادى.
كاسىپتەنگەن جەردە قامسىزداندىرۋعا قاتىناسۋ جاعىنداعى نوپوستىق شەكتەمە كۇشىنەن قالدىرىلادى، بۇل جونىندە 9 – ايدىڭ سوڭىنان بۇرىن ساياسات شىعارىلادى
ۇكىمەت قىزمەتىنەن بايانداماداعى ورنالاستىرۋلارعا ساي، بيىل كاسىپتەنگەن جەردە قامسىزداندىرۋعا قاتىناسۋ جاعىنداعى نوپوستىق شەكتەمەنى كۇشىنەن قالدىرۋ ىلگەرىلەتىلەدى. «پىكىردە» 9 – ايدىڭ سوڭىنان بۇرىن قاتىستى ساياساتتاردى ورتاعا قويۋ تۇراقتاندىرىلعان.
سەنىمدى ساناقتارعا نەگىزدەلگەندە، بۇكىل ەلىمىز بويىنشا يكەمدى كاسىپتەنگەندەردىڭ سانى 200 ميلليون ادام اينالاسىندا ەكەن. قازىر باسىم كوپ ساندى قالالاردا يكەمدى كاسىپتەنگەندەردى قامسىزداندىرۋعا قاتىناستىرۋ جاعىندا نوپوستىق شەكتەمە كۇشىنەن قالدىرىلعان، وتە – موتە، ولكە كولەمىندەگى قالا نوپوسى مەن اۋىل نوپوسى اراسىنداعى شەكتەمە نەگىزىنەن كۇشىنەن قالدىرىلعان. الايدا، ءىشىنارا ەرەكشە ءىرى قالالار ءالى دە سول جەردىڭ نوپوسىنا يە بولعاندا عانا، كاسىپتەنگەن جەردە قامسىزداندىرۋعا قاتىناسۋعا بولادى دەگەن تالاپتى قويۋدا.
«باستىسى ءىشىنارا ەرەكشە ءىرى قالالاردا زەينەتكەرلىك، ەمدەۋ قاتارلى جاقتارداعى قوعامدىق قامتاماسىزداندىرۋ قاراجاتتارىنىڭ ولشەمى ءبىرشاما جوعارى بولاتىندىقتان، ەگەر قامسىزداندىرۋعا قاتىناستىرۋدا نوپوس شەكتەمەسىن كۇشىنەن قالدىرسا، جەرگىلىكتى ورىنعا قازىنالىق شىعىم جاعىندا ءبىرشاما زور سالماق تۇسىرەدى. بيىل يكەمدى كاسىپتەنگەندەرگە قوعامدىق قامتاماسىزداندىرۋ قوسىمشا قاراجاتى ۇزدىكسىز بەرىلەدى، سونىمەن بىرگە، قامسىزداندىرۋعا قاتىناسۋداعى نوپوس شەكتەمەسىن كۇشىنەن قالدىرۋ ىلگەرىلەتىلەدى، بۇل ورنىقتى كاسىپتەندىرۋ، حالىق تۇرمىسىنا كەپىلدىك ەتۋدەگى باستى شاراعا اينالادى»، — دەدى وسى سالاداعى ماماندار.
تۇرعىنداردىڭ ەمدەۋ قامسىزداندىرۋىنا بەرىلەتىن قوسىمشا قاراجات 30 يۋان جوعارىلاتىلادى، 5 – ايدىڭ سوڭىنان بۇرىن ساياسات شىعارىلادى
ۇكىمەت قىزمەتىنەن بايانداماداعى ورنالاستىرۋعا نەگىزدەلگەندە، تۇرعىنداردىڭ ەمدەۋ قامسىزداندىرۋى مەن نەگىزدىك الەۋمەتتىك دەنساۋلىق ساقتاۋعا قىزمەت وتەۋ قاراجاتىنا قازىنادان بەرىلەتىن قاراجاتتىڭ كىسى باسىنا تيەتىن ولشەمى جەكە – جەكە تاعى دا 30 يۋان جانە 5 يۋان جوعارىلاتىلادى. «پىكىردە» بۇل قىزمەت جونىندە 5 – ايدىڭ سوڭىنان بۇرىن قاتىستى ساياساتتاردى ورتاعا قويۋ تالاپ ەتىلگەن.
وسى بويىنشا ەسەپتەگەندە، قالا – اۋىل تۇرعىندارىنىڭ ەمدەۋ قامسىزداندىرۋىنا قازىنادان بەرىلەتىن قوسىمشا قاراجاتتىڭ كىسى باسىنا تيەتىن ولشەمى جوعارىلاتىلعاننان كەيىن، ءار ادامعا جىلىنا 580 يۋان بولادى، جەكەلەردىڭ اقى تاپسىرۋ ولشەمى دە قادامداس تۇردە 40 يۋان جوعارىلاتىلىپ، ءار ادام جىلىنا 320 يۋانعا جوعارىلاتىلادى؛ نەگىزدىك الەۋمەتتىك دەنساۋلىق ساقتاۋعا قىزمەت وتەۋ قاراجاتىنا قازىنادان قوسىمشا قاراجات بەرۋدىڭ كىسى باسىنا تيەتىن ولشەمى جوعارىلاتىلعاننان كەيىن، ءار ادامعا جىلىنا 79 يۋانعا جوعارىلاتىلادى.
ەمدەۋ قاراجاتىن ولكە اتتاپ ەسەپتەن كوتەرتۋدە تولىقتاي قامتۋ مىندەتى ورىندالادى، 2022 – جىلدىڭ سوڭىنان بۇرىن ورىندالىپ بولادى
ۇكىمەت قىزمەتىنەن باياندامادا كەلەسى جىلدىڭ سوڭىنا دەيىن ءاربىر اۋداندا كەمىندە ءبىر ەمدەۋ قۇرىلىمىن تۇراقتاندىرىپ، امبۋلاتوريالىق قاراجاتتاردى قامتىعان ەمدەۋ قاراجاتتارىن ولكە اتتاپ ەسەپتەن كوتەرۋ قىزمەتىمەن قامداۋ ورتاعا قويىلعان. «پىكىردە» بۇل قىزمەتتى 2022 – جىلى 12 – ايدىڭ سوڭىنان بۇرىن ورىنداپ بولۋ ورنالاستىرىلعان.
بيىل 2 – ايدا ەلىمىزدە جاڭادان 15 ولكە جاي امبۋلاتوريالىق قاراجاتتاردى (امبۋلاتوريالىق ەرەكشە اۋرۋلاردى قامتىمايدى) ولكە اتتاپ ەسەپتەن كوتەرتۋدى تۇيىندە سىناق ەتتى. قازىر بۇكىل ەلىمىز بويىنشا جيىنى 27 ولكە امبۋلاتوريالىق قاراجاتتادى ولكە اتتاپ ەسەپتەن كوتەرتۋدى سىناق رەتىندە اتقارا باستادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
