ەگىس دايىندىقتارى ءتارتىپتى جۇرگىزىلدى، جازعى استىقتان مول ءونىم الۋعا مىعىم نەگىز قالاندى
□ انار بۇلت / شينجياڭ گازەتىنىڭ تىلشىلەرى ءپاريزات ابدۇل، گى يوۋجۇن
2021.03.30 16:50 كەلۋ قاينارى : شينجياڭ گازەتى
تامشىلاتىپ سۋارۋ تۇتىگىن ورناتتى، سۋ جىبەرىپ، تىڭايتقىش بەردى... بۇل كۇندەرى شايار اۋدانى يىڭى اۋات نۇڭفىڭ اۋىل شارۋاشىلىعىنا قىزمەت وتەۋ شارۋالار كاسىپتىك سەلبەستىك كووپەراتيۆىنىڭ جاۋاپتىسى احمەت سايىم قاباعات قاربالاس، ول: ”بىلتىر ءبيدايدىڭ مۋ باسىندىق ءونىمى 550 كيلوگرام بولدى، بيىل جاقسىراق باپتاپ، مۋ باسىندىق ءونىمدى 600 كيلوگرامنان اسىرۋعا قۇلشىنامىز“دەدى.
مانالاۋ ماشيناسى گۇرىلدەپ وتە شىققاندا توپىراق كەسەكتەرى مايدا توپىراققا اينالدى؛ ۇشقىش اپپارات ”زىرىلداپ“، ءبيداي اتىزىنىڭ ۇستىندە تازالاۋ - جويۋ جۇمىستارىن جۇرگىزۋدە... قازىرگى ۋاقىتتا، بۇكىل رايوندا كوكتەمگى ەگىس دايىندىعى قىزمەتى وڭتۇستىكتەن سولتۇستىككە قاراي بىرتىندەپ قانات جايدى، وڭتۇستىك شينجياڭنىڭ كوكتەمگى ەگىن شارۋاشىلىعى ءوندىرىسىنىڭ باستاماسى تاماشا بولدى، جالپىلىق اياق الىسى بىلتىرعى سايكەس مەزگىلدەگىدەن تەزدەدى. تۇتاس رايوننىڭ ەگىمشىلىك قۇرىلىمىنىڭ ورنالاسۋى بىرتىندەپ ساپالىلانىپ، استىق پەن كوكونىس ەگىلگەن جەر اۋدانى ارتتى؛ تۇتاس رايوننىڭ ەگىن شارۋاشىلىق ماتەريالدار قورى نەگىزىنەن تولىق، كوكتەمگى ەگىس ءوندىرىسىنىڭ قاجەتىن قاناعاتتاندىرا الادى دەپ مەجەلەنىپ وتىر؛ تۇتاس رايوندا دۇمبە ءبيدايدىڭ جالپى جاقتان قىستان ءوتۋى قالىپتى بولدى، وڭتۇستىك شينجياڭ ءوڭىرىنىڭ دۇمبە ءبيدايى قايتا كوكتەۋ مەزگىلىنە ءوتتى، ءوسۋى جاقسى، كوكتەمگى ءبيداي تۇقىمىن سەبۋ جۇمىسى ىركەس - تىركەس باستالدى؛ تۇتاس رايوننىڭ قۇرىلعىلى ەگىن شارۋاشىلىعىنىڭ وندىرىستىك جەر اۋدانى بىرتىندەپ ارتىپ، كوكونىس ەگىلگەن جەر اۋدانى 76 مىڭ مۋعا، قور مولشەرى 572 مىڭ تونناعا جەتتى. وڭتۇستىك شينجياڭ ءوڭىرى كوكتەمدە ەرتە قامدالاتىن قۇرىلعىلى كوكونىس مايساسىن ەگۋدى اياقتاتتى، سولتۇستىك شينجياڭ مايسا جەتىلدىرۋ كەزەڭىندە تۇر. دابىرالى كوكتەمگى ەگىس دايىندىعى قىزمەتى جازعى استىقتان مول ءونىم الۋدىڭ نەگىزىن بەكەمدەدى.
كوكتەمگى ەگىس دايىندىعى مول ءونىم الۋدى جەبەدى
”جاندىك جاندانىپ، ءبيداي كوكتەدى، اتىز باپتاۋ جۇمىستارىن كەشىكتىرمەۋ كەرەك“. 3 - ايدىڭ 23 - كۇنى شايار اۋدانى نۇرباق اۋىلىنىڭ يىڭى اۋات قىستاعى پارتيا ياچەيكاسىنىڭ شۋجيى، قىستاق كوميتەتىنىڭ مەڭگەرۋشىسى ياسىن ايۇپ: بيىل قىستاعىمىز 2700 مۋدان استام جەرگە دۇمبە ءبيداي، 700 مۋ جەرگە جازدىق ءبيداي ەكتى، - دەدى.
كوكتەمگى ەگىس دايىندىعىندا استىق ەڭ شەشۋشى ورىندا تۇرادى.
”ەگىس ۋاقىتىن“ اقساتپادى، ”ەگىس ىستەرىن“ اقساتپادى. شايار اۋدانى كوكتەمگى ەگىس وندىرىسىنە كەپىلدىك ەتۋدە ءتيىمدى ورايدى مىقتى ۇستاپ، سۋارا سالا تىڭايتقىش بەرۋ، تولىمدى مايسا جەتىلدىرۋ سياقتى جاقتاردان كىرىسىپ، ءبيداي اتىزىن باپتاۋ قىزمەتىن دەن قويا ويداعىداي ىستەدى.
شايار اۋدانى يىڭى اۋات نۇڭفىڭ اۋىل شارۋاشىلىعىنا قىزمەت وتەۋ شارۋالار كاسىپتىك سەلبەستىك كووپەراتيۆىنىڭ ءبيداي ەگۋ وندىرىسىنەن ۇلگى كورسەتۋ بازاسىندا تۇتاسقان اتىزداعى ءبيداي جاپ - جاسىل بولىپ ايتارلىقتاي وسە باستاپتى. ”الدىڭعى مەرزىمدەگى تۇقىم سەبۋ، باپتاۋ قىزمەتى تىڭعىلىقتى ىستەلگەندىكتەن، بيىل دۇمبە ءبيداي بۇرىنعى جىلدارداعىدان جاقسى ءوستى“، - دەدى احمەت.
ءبيدايدىڭ جاقسى ءوسۋى وسى سەلبەستىك كووپەراتيۆىنە جارنا قوسقان شارۋا ابىلا قۇرباندى قاتتى قۋانىتتى: ”بىلتىر وتباسىمىزدىڭ 13 مۋ جەرىن سەلبەستىك كووپەراتيۆىنە اينالىمعا سالعان ەدىم، جىل سوڭىندا ءار مۋىنان 888 يۋان پايدا بولىستىك. بيىل مىناداي جاقسى ءوسىپ تۇرسا، ءار مۋىنان مىڭ يۋان پايدا ۇلەسىن الۋعا سەنىمىمىز بار“، - دەدى ول. ابىلا يىڭى اۋات قىستاعىنىڭ تۇرعىنى، ونىڭ سەنىمى سەلبەستىك كووپەراتيۆىنىڭ ءبىر تۇتاس تۇقىم، ءبىر تۇتاس ەگۋ، ءبىر تۇتاس باپتاۋ، ءبىر تۇتاس ورۋ سىندى ءبيداي ەگىمشىلىگى ۇلگىسىنەن، سونداي - اق كولەمدەنگەن، ولشەمدەنگەن، جىنتىكتەلگەن، كاسىپ سالالاندىرىلعان دامۋ ۇلگىسىنەن كەلگەن.
2021 - جىلى شايار اۋدانىنىڭ ءبيداي ەگىلگەن جەر اۋدانى 253 مىڭ مۋ. كوكتەمگى ەگىس ءوندىرىسىنىڭ حاۋىپسىز، ءتارتىپتى جۇرىلۋىنە شىنايى كەپىلدىك ەتۋ ءۇشىن، شايار اۋدانى ”شارۋا وتباسى + سەلبەستىك كووپەراتيۆى + كاسىپورىن + بازا“ ۇلگىسىن قولدانىپ، كولەمدەندىرىپ ەكتى، ولشەمدەندىرىپ ءوندىرىس جۇرگىزدى، جىنتىكتەپ باپتادى، بازارلاندىرىپ تيجارات جۇرگىزدى؛ ءبيدايدى تامشىلاتىپ سۋارۋدى بار كۇشپەن جالپىلاستىرىپ، عىلمي باسقارىپ - باپتاپ، ءبيدايدىڭ ءونىم مولشەرى مەن ساپاسىن جوعارىلاتتى؛ باپتاۋ بارىسىندا جاسىل، ورگانيكالى تىڭايتقىشتى جالپىلاستىرىپ، ەگىس دارىلەرىن قولدانۋدى قاتاڭ تىزگىندەپ، ەكولوگيالىق، جاسىل، ورگانيكالىق ءبيداي ماركاسىن تۇلعالادى.
سانجى حۇيزۋ اۆتونوميالى وبلىسى استىق حاۋىپسىزدىگىندە پارتيا مەن ۇكىمەت بىردەي جاۋاپكەرشىلىك ارقالاۋ جانە ”كوجە قاتىق“ بويىنشا قامداۋعا كەپىلدىك ەتۋ جاۋاپكەرشىلىك ءتۇزىمىن قاتاڭ تياناقتاندىرىپ، نىسانالاردى، مىندەتتەردى ساتىلار بويىنشا اۋىل - قالاشىق، شارۋا جانە جەر بولىگىنە دەيىن جىكتەپ تياناقتاندىرىپ، تۇتاس جىلداعى استىق جەر اۋدانى مەن ءونىم مولشەرىنىڭ تومەندەمەۋىنە شىنايى كەپىلدىك ەتتى. سانجى وبلىسى بيىل 250 مىڭ مۋ جەرگە جازدىق ءبيداي ەگۋدى ورىنداپ، ءبيداي ەگىلەتىن جەر اۋدانىنىڭ بىلتىرعىدان تومەندەمەۋىنە شىنايى كەپىلدىك ەتۋدى، جۇگەرى ەگىلەتىن جەر اۋدانىن 750 مىڭ مۋدان استامعا ورنىقتىرۋدى جوسپارلاپ وتىر.
كوكتەمگى ەگىسكە قاجەتتى ەگىن شارۋاشىلىعى ماتەريالدارىمەن قامداۋ جەتكىلىكتى بولدى
چارقىلىق اۋدانىنداعى ءبىر ەگىن شارۋاشىلىعى ماتەريالدارى ساۋدا دۇكەنىندە تۇقىم، حيميالىق تىڭايتقىش، ەگىس جارعاعى سياقتى ەگىن شارۋاشىلىعىنا پايدالانىلاتىن ماتەريالدار قامباعا تولتىرىلعان، ەگىن شارۋاشىلىعى ماتەريالدارىن ساتىپ الۋعا كەلگەن شارۋالاردىڭ اياعى ۇزىلمەدى. ”بۇل دۇكەننىڭ كونە قاريدارىمىن، مۇندا ەگىن شارۋاشىلىعى ماتەريالدارىنىڭ ءتۇرى تولىق“، - دەدى ەگىن شارۋاشىلىعى ماتەريالدارىن ساتىپ الۋ ءۇشىن تىكەنلىك قالاشىعى تىكەنلىك قىستاعىنان كەلگەن شارۋا ساۋ جىكۇن.
كوكتەمگى ەگىس دايىندىعىندا ەگىن شارۋاشىلىعى ماتەريالدارىن الدىمەن دايىنداۋ كەرەك. كوكتەمگى ەگىس دايىندىعىن ءتارتىپتى جۇرگىزۋدى قامتاماسىز ەتۋ ءۇشىن، تيانشان الابىنداعى جەر - جەر ”ەرتە بولۋعا“ تولىق قامدانىپ، ەگىن شارۋاشىلىعى ماتەريالدارىمەن قامداۋ نەگىزگى ارناسىنىڭ رولىن ساۋلەلەندىرىپ، ەگىن شارۋاشىلىعى ماتەريالدارىمەن قامداۋ قىزمەتىن بار كۇشپەن جاقسى ىستەدى. قازىر اۋلا تىڭايتقىشى، تۇقىم، ەگىس جارعاعى سياقتى ەگىن شارۋاشىلىعى ماتەريالدارى نەگىزىنەن تولىق دايىندالىپ بولدى، مەجەمەن كوكتەمگى ەگىس ءوندىرىسىنىڭ قاجەتىنەن شىعادى.
وسى ەكى كۇننەن بەرى شونجى اۋدانى داچۋان تاتار ۇلتتىق اۋىلى ۋانشىڭ سۋ ۇنەمدەۋ - قىسىممەن تامشىلاتىپ سۋارۋ - وڭدەۋ زاۆودى تامشىلاتىپ سۋارۋ تۇتىگىن جەدەلدەتىپ ءوندىرىپ جاتتى. ءوندىرىس سەحىنىڭ ىشىندە ماشينا گۇرىلدەپ، قىزمەتكەرلەر ولشەۋمەن، سالىستىرۋمەن، ماتەريال قوسۋمەن، قىسىم بەرىپ سىناۋمەن قاربالاس، ءاربىر بۋىن مەن جۇمىس ءتارتىبى تۇگەلدەي رەتتى، ءتارتىپتى ءجۇرىلىپ جاتىر.
”قازىر ءبىز 80 مىڭىن ءوندىرىپ بولدىق، 300 مىڭ مۋ جەردى (ەگىستىك) قالىپتى تامشىلاتىپ سۋارۋعا كەپىلدىك ەتتىك“، - دەدى شونجى اۋدانى داچۋان تاتار ۇلتتىق اۋىلى ۋانشىڭ سۋ ۇنەمدەۋ - قىسىممەن تامشىلاتىپ سۋارۋ - وڭدەۋ زاۆودىنىڭ ورىنباسار باستىعى چىن جىگاڭ.
شونجى اۋدانىندا سۋ ۇنەمدەۋ ونىمدەرىن وندىرەتىن 11 كاسىپورىن بار، ەگىس جارعاعى جۇيەسىندە تامشىلاتىپ سۋارۋ - سۋ ۇنەمدەۋ ونىمدەرىنەن جىلىنا 3000 نەشە تونناسىن ءوندىرىپ، وسى اۋداننىڭ جانە ماڭىنداعى اۋدان - قالالاردىڭ قاجەتىن نەگىزىنەن قامدايدى. قازىر ءارقايسى كاسىپورىن تامشىلاتىپ سۋارۋ تۇتىگىن كۇش سالا ءوندىرىپ جاتىر، 4 - ايدىڭ ورتا شەنىندە ءوندىرىس مىندەتىن جالپى بەتتىك ورىنداپ بولادى.
بۇدان سىرت، سانجى وبلىسىنداعى ءار دارەجەلى ەگىن شارۋاشىلىعى تاراۋلارى ءۇنحات، دوۋيىن سياقتى تاراتۋ مەديالارىنىڭ رولىن تولىق ساۋلەلەندىرىپ، قالىڭ شارۋا وتباسى مەن ەگىن شارۋاشىلىعى ماتەريالدارى تيجاراتى تۇلعالارى ءۇشىن ينفورماتسيا الىسۋ كوپىرىن سالىپ، ەگىن شارۋاشىلىعى ماتەريالدارىنىڭ، ەگىن شارۋاشىلىعى ماشينالارى بولشەكتەرىنىڭ جانە ەگىن شارۋاشىلىعى ونىمدەرىنىڭ رەتتەلىپ، تاسىلۋىن تەزدەتىپ، ەگىن شارۋاشىلىعى ماتەريالدارى ونىمدەرىنىڭ دەر كەزىندە قىستاقتارعا، دۇكەندەرگە جەتكىزىلۋىنە شىنايى كەپىلدىك ەتتى، ەگىن شارۋاشىلىعى ماتەريالدارىمەن ءونىمدى قامداۋعا شىنايى كەپىلدىك ەتتى. قازىرگە دەيىن سانجى وبلىسىندا 161 مىڭ 500 توننا حيميالىق تىڭايتقىش، 910 توننا ەگىس ءدارىسى، 20 مىڭ توننا ەگىس جارعاعى، 52 مىڭ 500 توننا ءتۇرلى تۇقىم دايىندالىپ بولدى، بازار قاجەتىن تولىق قامداي الادى. سونىمەن بىرگە، وبلىستىڭ ەگىن شارۋاشىلىعى تاراۋلارى ەگىن شارۋاشىلىعى ماتەريالدارىن كىرگىزۋ وتكەلىن قاتاڭ يگەرىپ، جالعان، جارامسىز ەگىن شارۋاشىلىعى ماتەريالدارى ونىمدەرىنىڭ بازارعا ەنۋىنە قاتاڭ تيىم سالىپ، شارۋالاردىڭ الاڭسىز ساتىپ الۋىنا، الاڭسىز ىستەتۋىنە، دەر كەزىندە ەگىس جۇمىستارىن جۇرگىزۋىنە شىنايى كەپىلدىك ەتتى.
توعىزتاراۋ اۋدانى ەگىن شارۋاشىلىعى ماتەريالدارىنىڭ (ەگىن شارۋاشىلىعى ماشينالارى) ”جاعدايىن“ انىقتاپ تەكسەرىپ، كەم بولعان ەگىن شارۋاشىلىعى ماتەريالدارىن زاۆودتارمەن، ساۋداگەرلەرمەن بەلسەندىلىكپەن حابارلاسىپ تولىقتاپ، كوكتەمگى ەگىسكە ەگىن شارۋاشىلىعى ماتەريالدارىنىڭ تولىق دايىندالۋىنا كەپىلدىك ەتتى. قازىرگە دەيىن ءتۇرلى تۇقىمنان 6590 توننا (مۇنىڭ ىشىندە جۇگەرى تۇقىمى 4330 توننا، جازدىق ءبيداي تۇقىمى 1760 توننا، باسقا تۇقىم 500 توننا)، حيميالىق تىڭايتقىشتان 24 مىڭ 620 توننا (ازوتتى تىڭايتقىش 11 مىڭ 900 توننا، فوسفورلى تىڭايتقىش 12 مىڭ 720 توننا) دايىندالدى؛ ەگىس دارىلەرىنەن 15 توننا، ەگىس جارعاعىنان 146 توننا دايىندالدى.
قىزمەت وتەۋدى كۇشەيتىپ، كوكتەمگى ەگىستى قامتاماسىز ەتتى
”ءبىز جوعارى ات كۇشىندىك 2 تراكتورىمىزدى تەكسەرىپ رەمونتتاپ، كۇتىمدەپ بولدىق، ەندى كوكتەمگى ەگىس ’دابىلىنىڭ‘ قاعىلۋىن عانا كۇتىپ وتىرمىز“، - دەدى 3 - ايدىڭ 23 - كۇنى فۋكاڭ قالاسى شاڭحۋگوۋ اۋىلى ديگوۋ قىستاعىنداعى ەگىن شارۋاشىلىق ماشينالارىنىڭ يەسى ۋاڭ حايفىڭ.
ەگىن شارۋاشىلىق ماشينالارى ەگىن شارۋاشىلىق وندىرىسىندەگى پارمەندى كومەكشى. كوكتەمگى ەگىس باستالعاننان كەيىن ەگىن شارۋاشىلىق ماشينا - جابدىقتارىنىڭ تاماشا كۇيمەن جانە يكەمدىلىكپەن ەگىن شارۋاشىلىق وندىرىسىنە كىرىسۋىنە شىنايى كەپىلدىك ەتۋ ءۇشىن، سانجى وبلىسى اۋدان، قالالارداعى ەگىن شارۋاشىلىق ماشينالارى تەحنيكتەرىن ءبىرىنشى شەپكە بارىپ، ەگىن شارۋاشىلىق ماشينالارىن قولدانۋ تەحنيكاسى كۋرستارىن وتكىزۋگە ۇيىمداستىرىپ، قورعامالى سيپاتتى ەگۋ، سۇرىپتاپ، ازدان تۇقىم سەبۋ، ەگىن شارۋاشىلىق ماشينالارىمەن توپىراقتى تەرەڭ قوپسىتۋ، سۋ ۇنەمدەپ سۋارۋ سياقتى تەحنيكالاردى جالپىلاستىرىپ، ەگىن شارۋاشىلىق ماشينالارىنىڭ جۇمىس ىستەۋ دەڭگەيىن جوعارىلاتتى. قازىرگە دەيىن تۇتاس وبلىستا ءتۇرلى ەگىن شارۋاشىلىق ماشينا - جابدىقتارىنان 63 مىڭى تەكسەرىپ رەمونتتاۋدان ءوتىپ، تەكسەرىپ رەمونتتاۋ مولشەرى ％60كە جەتتى.
”ءبيداي ەككەندە، ءبىر مۋ جەرگە ءبىر قىر قالدىرۋعا، سۋارۋدى، ارام ءشوپ وتاۋدى دەر كەزىندە ىستەۋگە كوڭىل ءبولۋ كەرەك...“ ياركەن اۋدانى يىڭى وستەڭ اۋىلى يىڭى وستەڭ قىستاعىنىڭ ءبيداي اتىزىندا اۋىلدىق ەگىن شارۋاشىلىق عىلىم - تەحنيكا پۋنكتىنىڭ باستىعى گۇلباھار مامەت قىستاق تۇرعىندارىنا ءبيدايعا تولىقتاپ تىڭايتقىش بەرۋ، سۋارۋ سياقتى باسقارۋ - باپتاۋ قىزمەتتەرىن ءتۇسىندىرىپ تۇر.
”ەكىنشى سۋدى قاي ۋاقىتتا بەرۋ كەرەك؟“، پۋنكت باستىعىنىڭ ءسوزى اياقتاماستان يىڭى وستەڭ قىستاعىنىڭ تۇرعىنى ابىلەت وسمان ءوستىپ سۇراۋ قويا باستادى.
ابىلەت 13 مۋ جەرگە ءبيداي ەككەن بولاتىن، وسى بىرنەشە جىلدا تەحنيكتەردىڭ جەتەكشىلىگىندە، ونىڭ ءبيدايى جاقسى ءوسىپ، ءونىم مولشەرى دە بارعان سايىن جوعارىلادى. ”بىلتىر مەن ەككەن ءبيدايدىڭ مۋ باسىندىق ءونىمى 500 كيلوگرامعا جەتىپ، ءار مۋ جەردەن جاردەماقىنى قوسقاندا 1400 يۋان كىرىس كىرگىزدىم. بيىل تەحنيكتەردىڭ جۇمىس باسىندا جەتەكشىلىك ەتىپ، ەگۋ تەحنيكاسىن ۇيرەتۋىنىڭ ارقاسىندا مول ءونىم الاتىندىعىم انىق“، - دەدى ول.
بىلتىر قىس كىرگەننەن بەرى رايونىمىزدىڭ جەر - جەرى قىسقى سايابىرلىقتى قىسقى قاربالاستىققا اينالدىرىپ، ەگىن شارۋاشىلىق ماشينالارىن جۇرگىزۋشىلەردى باۋلۋدى ۇزدىكسىز كۇشەيتىپ، ەگىن شارۋاشىلىق ماشينا - جابدىقتارىنىڭ جۇمىس قابىلەتىنىڭ ورنىقتى، كۇيىنىڭ تاماشا بولۋىنا شىنايى كەپىلدىك ەتتى. بيىل 2 - ايدىڭ اياعىنا دەيىن بۇكىل رايوندا شارۋالار 111 مىڭ 100 ادام - رەت كۋرستان ءوتىپ، 326 مىڭ 900 ەگىن شارۋاشىلىق ماشينا - جابدىعى تەكسەرىلىپ رەمونتتالدى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
