شي جينپيڭ شريلانكانىڭ زۇڭتۇڭى گوتابايامەن تەلەفوندا سويلەستى
2021.03.30 16:55 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 29 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 29 - كۇنى كەشتە شريلانكانىڭ زۇڭتۇڭى گوتابايامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن شريلانكا تار جول، تايعاق كەشۋلەردەن بىرگە ءوتىپ، ءبىر - بىرىنە قارايلاسىپ، ەكى ەل دوستىعىنىڭ تىڭ داستانىن جازدى. جۇڭگو جۇڭگو – شريلانكا قاتىناسىن دامىتۋعا ايرىقشا ءمان بەرەدى، شريلانكامەن بىرگە ەكى ەل قاتىناسىنىڭ ستراتەگيالىق بەتالىسىن ويداعىداي جوبالاپ، جۇڭگو - شريلانكا قاتىناسىنىڭ نىق قاداممەن العا باسۋىن ىلگەرىلەتۋدى قالايدى. جۇڭگو شريلانكانىڭ ىندەتپەن كۇرەسۋىنە شاماسىنىڭ جەتىسىنشە ۇزدىكسىز كومەكتەسىپ، ىندەتتەن ساقتانۋ - تىزگىندەۋ شارت - جاعدايىندا اۆياتسيا، وقۋ - اعارتۋ سياقتى جاقتارداعى سەلبەستىكتى بىرتىندەپ ورىستەتىپ، سەلبەستىكتىڭ جاڭا جولىن، جاڭا سالاسىن ۇزدىكسىز اشۋدى اقىلداسادى. جۇڭگو شريلانكا جاقپەن كولومبو پورت قالاسى، حانبانتوتا پورتى سياقتى ءتۇيىندى نىسانداردى ورنىقتى ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋدى جوعارى ساپامەن ىلگەرىلەتىپ، شريلانكانىڭ ىندەتتەن كەيىنگى ەكونوميكانى قالپىنا كەلتىرۋى مەن باياندى دامۋىنا پارمەندى قوزعاۋشى كۇش ازىرلەۋدى قالايدى.
شي جينپيڭ بىلاي دەپ دارىپتەدى: جۇڭگو مەن شريلانكا − ءبىر - بىرىنە ادال، قارايلاسىمدى، دوستىعى ۇرپاقتان - ۇرپاققا جالعاسقان ستراتەگيالىق سەلبەستىك سەرىكتەرى. جۇڭگو شريلانكانىڭ جۇڭگونىڭ ب م ۇ - داعى زاڭدى ورنىن قالپىنا كەلتىرۋ ماسەلەسىندە كورسەتكەن قاستەرلى قولداۋىن ۇمىتپايدى، شريلانكامەن بىرگە ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءوزارا باتىل قولداۋ كورسەتىپ، ءوزىنىڭ زاڭدى ۇقىق - مۇددەسىن قورعاپ، حالىقارالىق ادىلدىك پەن ادىلەتتىلىكتى جەبەپ، دامۋ ۇستىندەگى ەلدەردىڭ ورتاق مۇددەسىن ويداعىداي قورعاۋعا پەيىل.
گوتابايا مىنانى ءبىلدىردى: شريلانكا جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتايدى، جۇڭگو كوممۋنيستىك پارتياسىنىڭ قول جەتكىزگەن تاريحي تابىستارىن بارىنشا القايدى. اسىرەسە، ءتوراعا شي جينپيڭنىڭ پارمەندى باسشىلىعىندا، جۇڭگو ەكونوميكانى دامىتۋ جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جاعىندا ۇلى تابىستارعا قول جەتكىزدى. شريلانكا جۇڭگونىڭ شريلانكاعا كورسەتكەن قاستەرلى قولداۋىنا العىس ايتادى، جۇڭگومەن تىعىز سەلبەسىپ، ءبىر - ءبىرىنىڭ وزەكتى مۇددە ماسەلەسىندەگى تۇرعىسىن باتىل قولداپ، ەكى جاقتىڭ ورتاق مۇددەسىن قورعاۋعا پەيىل. شريلانكا جۇڭگو كوممۋنيستىك پارتياسىنىڭ ەل باسقارۋ تاجىريبەلەرىن ۇيرەنۋدى، ۇلگى ەتۋدى، اسىرەسە، كەدەيلىكتەن ارىلتۋدان قامال الۋ جانە اۋىل - قىستاقتى گۇلدەندىرۋ ستراتەگياسى جونىندە اۋىس - كۇيىستى، سەلبەستىكتى كۇشەيتۋدى ءۇمىت ەتەدى. شريلانكا جۇڭگومەن نەگىزدىك قۇرىلعى، ساياحات سياقتى سالالارداعى سەلبەستىكتى كەڭەيتىپ، كولومبو پورتى سياقتى ءتۇيىندى نىساندار قۇرىلىسىن ءساتتى ىلگەرىلەتۋگە پەيىل، مۇنىڭ شريلانكانىڭ ەكونوميكالىق، قوعامدىق دامۋىنا دەم بەرىپ، شريلانكا حالقىن اناعۇرلىم كوپ يگىلىككە كەنەلتەتىنىنە سەنەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
