اۋدان قالاشىقتارىندا جاڭادان سالىناتىن تۇرعىن ۇيلەردىڭ بيىكتىگىنە شەكتەمە قويىلادى

6 قاباتتى نەگىز ەتۋى، ەڭ بيىك بولعاندا 18 قاباتتان اسپاۋى كەرەك

2021.03.31 13:23   كەلۋ قاينارى : حالىق تورابى

　　شينحۋا اگەنتتىگىنىڭ ءتىلشىسى ۋاڭ يوۋليڭ 3 – ايدىڭ 30 – كۇنى بەيجيڭنەن حابارلايدى. تۇرعىن ءۇي جانە قالا – اۋىل قۇرىلىسى مينيسترلىگى جۋىردا «اۋدان قالاشىقتارىن زالالسىز، تومەن كومىرتەكتى ەتىپ قۇرۋدى كۇشەيتۋ جونىندەگى ۇقتىرۋدى (پىكىر الىناتىن نۇسقا)» باسىپ تاراتىپ، اۋدان قالاشىقتارىنداعى تۇرعىن ۇيلەردىڭ بيىكتىگىنە شەكتەمە قويۋدى تالاپ ەتتى. اۋدان قالاشىقتارىنداعى تۇرعىن ۇيلەردىڭ بيىكتىگى ءورت ءوشىرۋ، قۇتقارۋ – كومەكتەسۋ قۋاتىمەن ساي كەلۋى كەرەك. اۋدان قالاشىقتارىندا جاڭادان سالىنعان تۇرعىن ۇيلەر 6 قاباتتىق ۇيلەردى نەگىز ەتۋى، 6 قاباتتىق نەمەسە ودان تومەن قاباتتى تۇرعىن ۇيلەردىڭ سالىستىرماسى %75 تەن تومەن بولماۋى كەرەك. اۋدان قالاشىعىندا جاڭادان سالىنعان تۇرعىن ۇيلەر ەڭ بيىك بولعاندا 18 قاباتتان اسىپ كەتپەۋى قاجەت. 18 قاباتتان اساتىن تۇرعىن ۇيلەردى سالۋ شىنىندا قاجەت بولعان جاعدايدا، قاتاڭ، تولىق دالەلدەمە جاساۋ ءارى ءورت ءوشىرۋ، شۇعىل جاعدايلارعا توتەپ بەرۋ، قالا ىستەرىنە سايكەستى قۇرىلعىلار قاتارلى جاقتاردى كۇشەيتۋى كەرەك.

　　ۇقتىرۋدا اۋدان قالاشىقتارىنداعى قۇرىلىستاردىڭ جيىلىگى مەن قارقىنىن مەڭگەرۋ تالاپ ەتىلگەن. اۋدان قالاشىقتارىنداعى قۇرىلىستاردىڭ جيىلىگى لايىقتى بولۋى، ورنالاسۋى رەتتى بولۋى، اتاپ ايتقاندا، وتە جيى بولماۋى، وتە تەز قارقىنمەن قانات جايدىرماۋى كەرەك، «كورپەگە قاراي كوسىلمەستەن»، رەتسىز اۋا جايىلىپ كەتۋدەن ساقتانۋ كەرەك. اۋدان قالاشىعىنداعى جان سانىنىڭ تىعىزدىعىن ءار شارشى كيلومەترىنە 6000 ادامنان 10000 ادام ارالىعىندا مەڭگەرۋ كەرەك، اۋدان قالاشىعىنىڭ سالىنىپ بولعان رايونىنداعى قۇرىلىستاردىڭ جالپى كولەمى مەن قۇرىلىسقا پايدالاناتىن جەردىڭ جالپى كولەمىنىڭ سالىستىرماسىن 0.6 دان 0.8 گە دەيىنگى ارالىقتا مەڭگەرۋ كەرەك.

　　ۇقتىرۋدا اۋدان قالاشىعىن كوركەيتۋدەگى حاۋىپسىزدىكتىڭ تومەنگى شەگىن قاتاڭ ساقتاۋ باسا دارىپتەلگەن. اۋدان قالاشىعىن كوركەيتۋدە جۇيەلىك كوزقاراستا تاباندى بولىپ، دامۋ مەن حاۋىپسىزدىكتى ءبىرتۇتاس جوسپارلاۋ، اۋدان قالاشىعىن كوركەيتۋدەگى حاۋىپسىزدىكتىڭ تومەنگى شەگى جونىندەگى تالاپتى ايقىنداۋ كەرەك. اۋدان قالاشىعىندا جاڭادان سالىنعان قۇرىلىستار حاۋىپسىز، ۇيلەسىمدى جەرلەرگە سالىنۋى كەرەك، تاسقىن، بەتكەي كوشۋ، لاي كوشكىنى قاتارلى گەولوگيالىق جانە جاراتىلىستىق اپاتتار وڭاي تۋىلاتىن جەرلەرگە سالىنباۋى كەرەك، ورتتەن ساقتانۋ حاۋىپسىزدىگى جونىندە دالەلدەمە جۇرگىزۋ قاجەت. مۇنان سىرت، اۋدان قالاشىعىن كوركەيتۋدە اسلىگى جەر بەدەرىنەن، جەر بىتىمىنەن تولىق پايدالانۋ، تاۋدى تەگىستەمەۋ، كولدى تولتىرماۋ، اسىلگى تابيعي ورتانى بۇلدىرمەۋ، تاۋ مەن سۋدىڭ جۇلگەسىن جانە تابيعاتتىڭ كەلبەتىن ساقتاۋ كەرەك.

　　كەلۋ قاينارى: حالىق تورابى