بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قارتتاردى بانكە كارتۋچكاسىنان پايدالانۋعا ماجبۇرلەۋگە بولمايدى

2021.03.31 13:53     كەلۋ قاينارى : حالىق تورابى

  قاعاز نۇسقاداعى امانات كۋالىگىن كۇشىنەن قالدىرماۋ، ارىپتەرى ۇلكەيتىلگەن APP قولدانباسىن شىعارۋ كەرەك، بانكە – قامسىزداندىرۋ ىستەرىن باقىلاۋ – باسقارۋ كوميتەتى قۇجات جاريالاپ، قارتتاردىڭ فينانستىق قىزمەت وتەۋدىڭ زەردەلىلەنۋىنە توتەپ بەرۋىنە دەم بەرۋ كەرەك

  شينحۋا اگەنتتىگىنىڭ ءتىلشىسى لي يانشيا 3 – ايدىڭ 30 – كۇنى بەيجيڭنەن حابارلايدى. قارتتاردىڭ بانكە – قامسىزداندىرۋ جاعىنداعى قىزمەت وتەۋدەن يگىلىكتەنۋ بارىسىندا زەردەلى تەحنيكالاردان پايدالانۋدا جولىققان قيىنشىلىقتارىن ونان ارى شەشىم ەتۋ ءۇشىن، بانكە – قامسىزداندىرۋ ىستەرىن باقىلاۋ – باسقارۋ كوميتەتى 3 – ايدىڭ 30 – كۇنى اشىق ۇقتىرۋ شىعارىپ، بانكە – قامسىزداندىرۋ جاعىنداعى قىزمەت وتەۋ بارىسىندا قارتتار ۇنەمى بىتىرەتىن جۇمىس تۇرلەرى مەن جۇمىس ءبىتىرۋ تاسىلدەرىنە نازاردى شوعىرلاندىرا وتىرىپ، 16 ءتۇرلى شارانى ورتاعا قويىپ، فيانستىق قىزمەت وتەۋلەردى حالىق اراسىنا ىشكەرىلەي جالپىلاستىرۋدى، قارتتارعا قىزمەت وتەيتىن ارناۋلى بولىمشەلەردى دامىتۋدى، قارتتاردىڭ ادەتتەرىنە قۇرمەت ەتىپ، قارتتارعا ۇيلەسەتىن ونىمدەر مەن قىزمەت وتەۋ تۇرلەرى قاتارلىلاردى مولايتۋدى تالاپ ەتتى.

  «جۇڭگو بانكە – قامسىزداندىرۋ ىستەرىن باقىلاۋ – باسقارۋ كوميتەتى كەڭسە مەڭگەرمەسىنىڭ بانكە – قامسىزداندىرۋ قۇرىلىمدارىنىڭ قارتتاردىڭ زەردەلى تەحنيكادان پايدالانۋ بارىسىندا جولىققان قيىنشىلىقتارىن شىنايى شەشىم ەتۋى جونىندەگى ۇقتىرۋىندا» ءارقايسى بانكە – قامسىزداندىرۋ قۇرىلىمدارىنان نەگىزدىك فينانستىق قىزمەت وتەۋدى اناعۇرلىم كەمەلدەندىرىپ، قارت كليەنتتەردىڭ سانىنا جانە فينانستىق قىزمەت وتەۋدەن يگىلىكتەنۋ قاجەتىنە نەگىزدەلە وتىرىپ، بولىمشەلەردى ۇيلەسىمدى، عىلىمي تۇردە ورنالاستىرۋدى تالاپ ەتكەن. قىزمەت وتەيتىن ارناۋلى قىزمەتكەر قويۋ جانە قىزمەت وتەۋدى جاقسارتۋ، قىزمەتكەرلەردى ۇيلەسىمدى ءبولىپ ورنالاستىرۋ، قارتتاردىڭ جۇمىس بىتىرۋىنە جەتەكشىلىك ەتۋ كەرەك. شارت – جاعدايى بار بولىمشەلەردە جاسىل ءدالىز نەمەسە ارناۋلى قىزمەت وتەۋ تەرەزەسىن اشۋ قاجەت.

  ۇقتىرۋدا ساۋدالىق بانكەلەردەن قازىرگە دەيىن قولدانىلىپ كەلگەن قاعاز جۇزىندەگى امانات كۋالىگى، امانات تالونى قاتارلى قارتتارعا تانىس قىزمەت وتەۋ تاسىلدەرىن ساقتاپ قالۋ تالاپ ەتىلگەن، قارتتاردى بانكە كارتۋچكاسىن پايدالانۋعا ماجبۇرلەۋگە بولمايدى، قارتتاردى اۆتوماتتى، زەردەلى قۇرىلعىلار ارقىلى جۇمىس بىتىرۋگە ماجبۇرلەۋگە بولمايدى، بەلگىلەمەگە قايشى تۇردە قارتتاردىڭ اتىنان جۇمىس بىتىرۋگە بولمايدى، قارتتارعا ادام كۇشىمەن قىزمەت وتەيتىن تەرەزەدەگى قىزمەتكەردەن كورىلىم سانىن ارتتىرۋ سياقتى باعالاۋ كورسەتكىشتەرىن تالاپ ەتۋگە بولمايدى.

  ينتەرنەتتەگى تۇتىنۋ ىستەرىن قولايلىلاندىرۋ ورەسى جاعىندا، ۇقتىرۋدا قارتتارعا قولايلى قولفون بانكەسى APP قولدانباسىن جاساۋ تالاپ ەتىلگەن. ءارقايسى ساۋدالىق بانكەلەر قولفونداعى بانكە قولدانباسىنىڭ ارىپتەرى ۇلكەيتىلگەن نۇسقاسى، دىبىستى نۇسقاسى، ۇلتتىق تىلدەردەگى نۇسقاسى قاتارلى قىزمەت وتەۋ تۇرلەرىن جاساۋى قاجەت، تەكسەرۋ، اقشا جوتكەۋ جانە اقى تاپسىرۋ قاتارلى قارتتار ۇنەمى پايدالاناتىن يقۋاتتاردى كورنەكتى جەرگە قويۋى، باستى ينفورماتسيالاردىڭ وقۋعا وڭاي بولۋىن، باستى يقۋاتتاردىڭ تابۋعا وڭاي بولۋىن، باسقارۋدىڭ وڭاي دا تۇسىنىكتى بولۋىن ورىنداۋى كەرەك. سونىمەن بىرگە، قارتتارعا لايىقتى ونىمدەر مەن قىزمەت وتەۋ تۇرلەرىن بايىتىپ، ينتەرنەت ارقىلى تۇتىنۋعا ارنالعان قاتىستى فينانستىق ونىمدەر مەن قىزمەت وتەۋ تۇرلەرىندە اناعۇرلىم جاڭالىق جاراتۋ، قارتتاردىڭ قاجەتىنە جانە حاۋىپ – قاتەرگە توتەپ بەرۋ قۋاتىنا ۇيلەسەتىن كولەمدەگى ينتەرنەتتىك تۇتىنۋعا ارنالعان فينانس ونىمدەرى مەن قىزمەت وتەۋ تۇرلەرىن زەرتتەپ جاساۋ كەرەك.

  ۇقتىرۋدا مىنالار تالاپ ەتىلگەن، ءارقايسى بانكە – قامسىزداندىرۋ تاراۋلارى قارتتاردىڭ كۇندەلىكتى تۇرمىس بارىسىندا ءجيى قولداناتىن قىزمەت وتەۋ تۇرلەرىنە نازاردى شوعىرلاندىرىپ، قاراپايىم دا تۇسىنىكتى قولدانبا كىتاپشالاردى جانە كەسكىندى ساباقتاردى شىعارۋى، قارتتار جۇمىس بىتىرۋگە كەلگەندە، دەر كەزىندە قارتتارعا جەتەكشىلىك ەتۋى، قارتتاردىڭ زەردەلى تەحنيكالاردان پايدالانۋ قابىلەتى مەن ورەسىن جوعارىلاتۋىنا كومەكتەسۋى كەرەك.

  سونىمەن بىرگە، ۇقتىرۋدا ءارقايسى بانكە – قامسىزداندىرۋ قۇرىلمدارىنان زەردەلىلەندىرىلگەن ونىمدەر مەن قىزمەت وتەۋ تۇرلەرىنە بايلانىستى جەكەلەردىڭ ينفورماتسيالارىن جيناۋ، ودان پايدالانۋ قاتارلى جاقتارداعى ساياساتتاردى جۇيەگە ءتۇسىرىپ، ءتۇرلى حاۋىپسىزدىكتى قورعاۋ تاسىلدەرى مەن حاۋىپ – قاتەردى تەجەۋ شارالارىن جان – جاقتىلى قولدانىپ، قارتتاردىڭ زەردەلى تەحنيكادان پايدالانۋى بارىسىنداعى حاۋىپسىزدىككە كەپىلدىك ەتۋدى شىنايى كۇشەيتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار