جۇڭگو ماقتاسىنان شينجياڭعا نازار سالعاندا
انار بۇلت / شينجياڭ گازەتىنىڭ ءتىلشىسى ليۋ ي
2021.03.31 14:23 كەلۋ قاينارى : شينجياڭ گازەتى
دۇنيە ءجۇزى ماقتاسىنان جۇڭگوعا نازار سالۋ، جۇڭگو ماقتاسىنان شينجياڭعا نازار سالۋ كەرەك.
ەلىمىزدىڭ باتىس سولتۇستىك ىشكى قۇرلىقتىق قۋاڭ وڭىرىنە ورنالاسقان شينجياڭنىڭ ماقتانىڭ وسۋىنە باپ كەلەتىن وزگەشە كليمات شارت - جاعدايى بار، قارداي اپپاي ماقتا اتىزدارى − وسى ارانىڭ ەگىن شارۋاشىلىعىنىڭ دامۋىنىڭ جاندى بەينەسى سانالادى، بۇكىل ەلدەگى ماقتا ءونىمىنىڭ ％87.3ىن ۇستايدى، مۇنىڭ ءوزى بۇكىل ەلدەگى ەڭ ۇلكەن ساپالى تاۋار ماقتا ءوندىرىس بازاسى رەتىندەگى سەرپىندى قۋاتىن تىپتەن دالەلدەيدى.
جۇڭگودا شينجياڭ ماقتاسىنىڭ ورنى بولەك، مۇندا تەك ءونىم مولشەرىنە عانا قاراۋ جەتكىلىكتى ەمەس. كولەمدەنگەن، شوعىرلانعان ءوندىرىس ۇلگىسى، توپ - توبىمەن جۇمىس جۇرگىزەتىن وسىزاماندانعان ەگىن شارۋاشىلىعى ماشينا - جابدىقتارى، سايكەستىرىلگەن جوعارى ءونىمدى وسى زامانعى ەگىن شارۋاشىلىعى تيجارات جۇيەسى، ءبار - ءبارى شينجياڭنىڭ ماقتا كاسىبى سالاسىنىڭ ادامدارعا قالدىرعان تەرەڭ اسەرى. ماقتا وندىرىسىندە باسىمدىققا يە ادەتتەگى وڭىردەن بۇكىل ەل بويىنشا ەڭ ۇلكەن تاۋار ماقتا ءوندىرىس بازاسىنا، ەرەكشە كاسىپ سالاسىنان ءوڭىردىڭ دامۋىنداعى تىرەكتى كاسىپ سالاسىنا دەيىن شينجياڭنىڭ ماقتا كاسىبى سالاسىنىڭ دامۋى ءدال بۇكىل رايوننىڭ ەگىن شارۋاشىلىعىنىڭ وسىزاماندانۋ ءۇردىسىنىڭ ىقشام كورىنىسى ءارى بۇكىل رايوننىڭ جاڭا دامۋ ۇستانىمىن تياناقتاندىرىپ، كاسىپ سالاسىنىڭ جوعارى ساپالى دامۋىن جۇزەگە اسىرۋىنىڭ جاندى بەينەسى سانالادى.
بۇگىندە، ءونىمى مول، تيىمدىلىگى جاقسى، سەنىمى زور شينجياڭنىڭ ماقتا كاسىبى سالاسى الەمدىك ماقتا كاسىپ سالاسى تىزبەگىندە مىقتاپ تابان تىرەپ، جۇڭگونىڭ ساپالى شينجياڭ ماقتاسىنا ۋاكىلدىك ەتىپ، ەشكىم ورنىن باسا المايتىن ماڭىزدى رولىن ساۋلەلەندىرىپ، جوعارى ساپالى دامۋدىڭ جاڭا كورىنىسىن جارىققا شىعارىپ وتىر.
ءونىمى مول، ساپاسى جوعارى، ونىمدىلىگى جاقسى، سورتى تاڭداۋلى
2020 - جىلى شينجياڭدا ماقتانىڭ جالپى ءونىم مولشەرى 5 ميلليون 161 مىڭ تونناعا جەتىپ، بۇكىل ەلدەگى ماقتا جالپى ءونىم مولشەرىنىڭ ％87.3ىن ۇستادى، شينجياڭدا ماقتا ەگىلگەن جەر اۋدانى بىرلىك ءتۇسىمى، جالپى ءونىمى، تاۋارلىق مولشەرى، شىعارىلۋ مولشەرى ءۇرتىس 27 جىل بويى بۇكىل ەل بويىنشا الدىڭعى ورىندا كەلەدى.
ءوندىرىس قۋاتى باسىمدىعى ءشۇباسىز تۇردە شينجياڭ ماقتا كاسىبى سالاسىنىڭ ماڭىزدى ورنىن بەكەمدەدى، سونىمەن قاتار ادامدارعا شينجياڭنىڭ ماقتا كاسىبى سالاسىنىڭ سەرپىندى قۋاتىن كورسەتتى.
سوڭعى جىلدارى بۇكىل رايوندا ەگىن شارۋاشىلىعى، اۋىل - قىستاق تاراۋلارى ماقتا ءوندىرىسىن باسىمدىققا يە ءوندىرىس وڭىرلەرىنە قاراي شوعىرلانۋعا بەلسەنە جەتەكتەدى، ماقتا ەگۋگە قولايلى ەكىنشى ورىنداعى وڭىرلەر مەن حاۋىپ - قاتەرلى ماقتا القاپتارىن ماقتا وندىرىسىنەن بىرتىندەپ شەگىندىرىپ، اناعۇرلىم تەرەڭ قاباتتا جانە اناعۇرلىم كەڭ كولەمدە ماقتامەن قامداۋ ساپاسىن جانە تيىمدىلىگىن جوعارىلاتىپ، ءوندىرىستىڭ ”سانعا“ بوي ۇرۋدان ”ساپاعا“ تالپىنۋعا قاراي بۇرىلىس جاساۋىن جەدەل ىلگەرىلەتتى. 2020 - جىلى بۇكىل رايوندا ماقتا ەگىلگەن جەر اۋدانى 2 ميلليون مۋ ازايتىلعان جاعدايدا دا ءونىمى ارتتى، ساپاسى مەن تيىمدىلىگى شينجياڭ ماقتاسىنىڭ ءونىم مولشەرىنەن كەيىنگى قالىپتاسقان جاڭا باسەكەلىك قۋاتىنا اينالدى.
”تالشىقتىڭ بىركەلكى بولماۋى رايونىمىزدىڭ ماقتا كاسىبى سالاسىنىڭ ولقىلىعى بولىپ كەلە جاتقان، وسى جىلداردا بۇكىل رايوندا ماقتا سورتى قۇرىلىمىنىڭ ۇزدىكسىز ساپالىلانا تۇسۋىنە بايلانىستى وسى ولقىلىق تەز تولىقتىرىلدى“، - دەدى شينجياڭ اۋىل شارۋاشىلىعى عىلىم اكادەمياسى ەكونوميكالىق داقىلدار زەرتتەۋ ورنى پارتيا ياچەيكاسىنىڭ شۋجيى، اعا زەرتتەۋشى عالىپ ءارشي، - سوڭعى جىلدارى رايونىمىزدىڭ قاتىستى تاراۋلارى ماقتانى ماشينامەن تەرۋ جۇمىسىن دامىتۋداعى ”ماقتا سورتى“ سىندى تەجەمدىك ماسەلەگە باعىتتاي وتىرىپ، ماقتا بايلىعىن زەرتتەۋدەن ماشينامەن تەرىلەتىن ماقتا سورتىن جەتىلدىرۋدە عىلىم - تەحنيكادان قامال الۋدى بەلسەندى تۇردە ورىستەتۋگە دەيىن ماقتا سورتىن سۇرىپتاپ جەتىلدىرۋ قابىلەتىن بارىنشا جوعارىلاتتى. ۇكىمەتتىڭ جەتەكشىلىگى مەن قولداۋىنىڭ ارقاسىندا شينجياڭنىڭ عىلمي زەرتتەۋ ورتاسى ۇزدىكسىز جاقسارىپ، دارىندىلار قوسىنى ۇزدىكسىز زورايىپ نىعايىپ، تۇقىم جەتىلدىرۋدەگى شەشۋشى تەحنيكالاردا تىڭ سەرپىلىستەر تۋدىرىپ، كەلەلى عىلىم - تەحنيكا تابىستارىن ۇزدىكسىز تۇردە كەڭ اۋقىمدى پايدالانىپ، ماقتا كاسىبى سالاسىنىڭ ”كولەمدەنۋگە، شوعىرلانۋعا، ولشەمدەنۋگە، ماشينالاسۋعا، زەردەلىلەنۋگە، ينفورماتسيالانۋعا“ قاراي دامۋىن پارمەندى تۇردە ىلگەرىلەتتى.
2020 - جىلى شينجياڭنىڭ ءوزى سۇرىپتاپ جەتىلدىرگەن ماشينامەن تەرىلەتىن ماقتا جاڭا سورتىنىڭ مۋ باسىندىق ءتۇسىمى 690 كيلوگرامنان اسىپ، ساپاسى قوس 31 ولشەمگە جەتتى، ءشيت ايىرعاننان كەيىن دە ماقتا تالشىعىنىڭ ۇزىندىعى مەن سەرپىمدىلىگىنە كەپىلدىك ەتىپ، ورتا، جوعارى دەڭگەيلى ءوندىرىس كاسىپورىندارىنىڭ ساپالى ماقتاعا بولعان تالابىن تولىق قامتاماسىز ەتتى. سونىمەن بىرگە ماقتا سورتى قۇرىلىمىنىڭ جانە ءوندىرىس - تيجارات جۇيەسىنىڭ ۇزدىكسىز ساپالىلانۋىنا بايلانىستى، بۇكىل رايوندا 10 مىڭ مۋدان استام جەرگە ەگىلگەن ماقتا نەگىزگى سورتتارىنىڭ قامتۋ مولشەرى ％75كە جەتىپ، اۋەلگى ماقتا ساپاسىنىڭ بىردەيلىگى ونان ارى جوعارىلادى.
بۇگىندە شينجياڭ ماقتاسى ەل ىشىندەگى ماقتا توقىماشىلىعى كاسىپ سالاسىنىڭ باياندى، اقاۋسىز دامۋىنىڭ ماڭىزدى شيكىزات قامتاماسىزدىعىنا اينالىپ وتىر. شينجياڭنىڭ ماقتا توقىماشىلىق كاسىپورىندارى ەل ءىشى - سىرتىنداعى وزىق جابدىقتار مەن اۆتوماتتى قۇرىلعىلاردان جاپپاي پايدالانا وتىرىپ قۇرعان زەردەلىلەنگەن ءوندىرىس سەحتارى ەل ىشىندەگى ماقتا توقىماشىلىق كاسىبى سالاسىنىڭ دامۋىنىڭ ەڭ جوعارى دەڭگەيىن ايگىلەدى، ەل ىشىندەگى ماقتا توقىماشىلىق كاسىبى سالاسىنىڭ كەم بولسا بولمايتىن تىرەكتى كۇشىنە اينالدى.
تيىمدىلىگى جاقسى، وسى زامانعى تيجاراتتىڭ نەگىزى بەرىك
شينجياڭ ماقتاسىنىڭ ءونىمى مەن ساپاسىنىڭ وسۋىندە وسىزاماندانعان اۋىل شارۋاشىلىعى ءوندىرىس - تيجارات جۇيەسى مەن ءوندىرىس تەحنيكاسى سۇيەنىش ەتىلدى، مۇنى بۇكىل رايوننىڭ ماقتا كاسىبىنىڭ ماشينالاسقان دامۋىنىڭ ۇردىسىنەن انىق كورۋگە بولادى.
”13 - بەسجىلدىقتان“ بەرى بۇكىل رايوندا ماقتانى ماشينامەن تەرۋ اۋدانى جىلىنا ورتا ەسەپپەن ءبىر ميلليون مۋلىق جىلدامدىقپەن تەز ارتتى. 2020 - جىلى بۇكىل رايوندا ماقتانى ماشينامەن ەگۋ، ماشينامەن تۇقىم سەبۋ بۋىنىن بۇكىلدەي ماشينالاندىرۋ نەگىزىنەن جۇزەگە اسىرىلدى، ماقتانى ماشينامەن تەرۋ مولشەرى ％75.5كە جەتتى، ماقتا تەرۋ ماشينالارىنىڭ جالپى سانى 5800دەن استى، ماقتا وندىرىسىندە كولەمدەنگەن ەگىمشىلىك سالىستىرماسى ارتقان، ەگىمشىلىك وزىندىك قۇنى تومەندەگەن، شوعىرلانۋ دەڭگەيى وسكەن دامۋ اۋقىمى جارىققا شىقتى.
”سەلبەستىك كووپەراتيۆىمىز ماقتا ءوندىرىسىن تۇتاس بارىس بويىنشا باسقارۋدى جۇزەگە اسىردى“. اۋات اۋدانى شينحۇيچىڭ اۋىل شارۋاشىلىعى ماشينالارىنا قىزمەت وتەۋ شارۋالار كاسىپتىك سەلبەستىك كووپەراتيۆىنىڭ القا باستىعى لەي يانگاڭ تانىستىرىپ بىلاي دەدى: ماقتانى سەلبەستىك كووپەراتيۆى كولەمدەندىرىپ، شوعىرلاندىرىپ، ولشەمدەندىرىپ وندىرگەننەن كەيىن، مۋ باسىندىق ءوندىرىستىڭ وزىندىك قۇنىن 380 يۋان تومەندەتىپ، ءونىم مولشەرىن 120 كيلوگرام جوعارىلاتىپ، ماقتا ءوندىرىسىنىڭ مۋ باسىندىق كىرىسىن 1100 يۋاننان استامعا ارتتىرۋعا بولادى، تيىمدىلىكتىڭ جوعارىلاۋى كورنەكتى بولدى.
ماشينالانۋدىڭ جالپىلاسۋى ماقتا ءوندىرىسىنىڭ ۋنيۆەرسال تيىمدىلىگىن جوعارىلاتتى، ال جەردى اينالىمعا سالۋ مەن بىرىكتىرۋ ماشينالاندىرۋدى جالپىلاستىرۋعا شارت - جاعداي ازىرلەدى. جۋىرداعى جىلداردان بەرى اۋات اۋدانى جەردى تەگىستەۋ، جوعارى ونىممەن سۋ ۇنەمدەۋ سياقتى جوعارى ولشەمدى اتىز - ارىق قۇرىلىسى قىزمەتىن بەلسەندىلىكپەن ىلگەرىلەتىپ، ءبىر ميلليون مۋدان استام جەردى تەگىستەپ، ماقتا ءوندىرىسىنىڭ ماشينالانۋ ورەسىن جوعارىلاتىپ قانا قويماي، شارۋالار كاسىپتىك سەلبەستىك كووپەراتيۆى قاتارلى اۋىل شارۋاشىلىعى جاڭا تيپتى شارۋاشىلىق تۇلعالارىنىڭ دامۋىنا دا شارت - جاعداي ازىرلەپ، ماقتا كاسىبى سالاسى دامۋىنىڭ نەگىزىن ىشكەرىلەي بەكەمدەدى.
”مەن سەلبەستىك كووپەراتيۆىندە اۋىل شارۋاشىلىق ماشينالارىن جۇرگىزىپ، ايىنا 5000 يۋان توڭىرەگىندە تابىس تابامىن“. اۋات اۋدانى تامتوعىراق اۋىلى تامتوعىراق قىستاعىنىڭ تۇرعىنى اسەنجان وسمان قۋانىشپەن بىلاي دەدى: سەلبەستىك كووپەراتيۆىنىڭ دامۋ كولەمى ۇزدىكسىز زورايىپ، اۋىل شارۋاشىلىق ماشينالارىن جۇرگىزۋشىلەردىڭ قىزمەتى دە بارعان سايىن قاربالاستادى. قازىر تراكتوردى دا، ماقتا تەرۋ ماشيناسىن دا جۇرگىزە الاتىن ول ءار جىلى 3 - ايدان 12 - ايعا دەيىن قاربالاستاپ، ماقتانى ەگۋدىڭ، تەرۋدىڭ تۇتاس بارىسىنا ات سالىسادى.
قازىر بۇكىل رايونداعى جوعارى ولشەمدى اتىز - ارىق قۇرىلىسىنىڭ (جوعارى ونىممەن سۋ ۇنەمدەۋدى قامتيدى) اۋدانى 6 ميلليون مۋدان اسىپ، بەيدوۋ جول نۇسقاۋ جۇيەسىمەن دالمە - ءدال ولشەممەن ەگۋ، ۇشقىش اپپاراتىمەن وسىمدىك جابىنىن قورعاۋ، وسىمدىكتىڭ ءوسۋىن زەردەلى باقىلاۋ - ولشەۋ سياقتى وسىزاماندانعان اۋىل شارۋاشىلىق تەحنيكالارى جەردى شوعىرلاندىرىپ، كولەمدەندىرىپ تيجارات ەتۋ سەبەبىنەن كەڭىنەن قولدانىسقا ءتۇستى. تەگىس تە اشىق وسىزاماندانعان ماقتا اتىزدارىندا ەڭكەيىپ ماقتا تەرەتىن جۇمىسشىلار ازايىپ، وسىزاماندانعان ماقتا تەرۋ ماشينالارى ”باس كەيىپكەرگە“ اينالدى. جەردى ۇيلەسىمدى كولەمدە تيجارات ەتۋ ورەسىنىڭ جوعارىلاۋىنىڭ جانە شارۋالار كاسىپتىك سەلبەستىك كووپەراتيۆتەرىنىڭ اقاۋسىز دامۋىنىڭ ارقاسىندا اسەنجان سياقتى ءبىر توپ جاي شارۋا ماقتا كاسىپ سالاسىنىڭ تيپ وزگەرتىپ، دارەجە جوعارىلاتۋ بارىسىنا قاتىناسىپ، كاسىپ سالاسىنىڭ دامۋى الا كەلگەن پايدادان يگىلىكتەنىپ، كىرىستەرىن ارتتىرىپ، بايۋدى جۇزەگە اسىرۋمەن بىرگە، ماقتا كاسىبى سالاسىنىڭ ۇزدىكسىز اقاۋسىز دامۋ نەگىزىن دە بەكەمدەدى.
سەنىم ارتىپ، كاسىپ سالاسىنىڭ اقاۋسىزدانۋ الەۋەتى زورايدى
شينجياڭ ماقتا وندىرىسىنە ۇيلەسىمدى جاراتىلىستىق بايلىق شارت - جاعدايىنا يە بولىپ قانا قويماي، ماقتا كاسىبى سالاسىنىڭ ۇزدىكسىز اقاۋسىز دامۋىنىڭ كاسىپ سالاسى نەگىزىنە دە يە.
”تۇقىم كاسىبىندە ءوز كۇشىنە سۇيەنىپ جاڭالىق اشۋ رايونىمىز ماقتا ءوندىرىسى دامۋى سەنىمىنىڭ تياناعى“. عالىپ بىلاي دەدى: جۋىرداعى جىلداردان بەرى بۇكىل رايوننىڭ ماقتا تۇقىمىن جەتىلدىرۋدە جاڭالىق اشۋ قابىلەتى ۇزدىكسىز جوعارىلاپ، ءبىر توپ ەرەكشە ساپالى ءوزىمىز جەتىلدىرگەن سورت ىركەس - تىركەس تەكسەرىپ تۇراقتاندىرۋدان ءوتتى جانە كەڭ كولەمدە جالپىلاستىرىلدى. قازىر ءوزىمىز جەتىلدىرگەن ماقتا سورتى بازاردا جەتەكشى ورىندى يەلەپ، بازارداعى ارا سالماعى ％90تەن استامعا جەتتى.
”ءوزىمىز جەتىلدىرگەن سورتتى تاڭداپ جەتىلدىرۋ مەن جالپىلاستىرۋدىڭ ماقتا كاسىپ سالاسىنىڭ جۇمساق كۇشىنىڭ ءبىر ءتۇرلى بەينەسى ەكەنى انىق“. عالىپ تانىستىرىپ بىلاي دەدى: مولەكۋلانى تاڭبالاپ تۇقىم جەتىلدىرۋگە كومەكتەسۋ سياقتى تەحنيكالاردىڭ ماقتانىڭ تۇقىمىن جەتىلدىرۋدە قولدانىلۋىنا ىلەسە، ماقتا سورتىن تاڭداپ جەتىلدىرۋدىڭ ونىمدىلىگىن ىشكەرىلەي جوعارىلاتىپ جانە تاڭداپ جەتىلدىرۋ پەريودىن قىسقارتىپ، كاسىپ سالاسىنا قاجەتتى تاماشا سورت جەتىلدىرىپ شىعىپ، كاسىپ تىزبەگىنىڭ تومەنگى بۋىنىنىڭ ماقتانىڭ ساپاسىنا دەگەن سۇرانىسىن اناعۇرلىم ويداعىداي قاناعاتتاندىرامىز.
جاقىنداعى ءبىر مەزگىل ۋاقىتتا شايار بىنشىران زەردەلى اۋىل شارۋاشىلىق ماشينالارى شەكتى سەرىكتەستىگىنىڭ بارلىق جەرىندە قىزۋ قاربالاستىق باستالدى، جۇمىسشىلار سەرىكتەستىكتىڭ جاڭادان زەرتتەپ اشقان 6A −4MZD تۇرپاتتى ءوزى ءجۇرىپ قاپتايتىن ماقتا تەرۋ ماشيناسىن وندىرۋدە، ”شينجياڭ جاساعان“ بۇل قاپتاۋ، ماقتا تەرۋ ماشيناسى جينالعان ماقتانى توتە قاپتاپ، جۇمىس بۋىنىن ازايتىپ، تەرۋ ونىمدىلىگىن جوعارىلاتىپ، ماقتاشىلاردىڭ تاسىمال وزىندىك قۇنىن تومەندەتەدى.
”شەتەلدىڭ قاپتاۋ، ماقتا تەرۋ ماشيناسىن الۋدىڭ وزىندىك قۇنى جوعارى، ساتىپ العاننان كەيىن دە بازاردىڭ سۇرانىسىن قاناعاتتاندىرا المايدى، ءبىز وسى ماسەلەنى شەشۋدى ءۇمىت ەتتىك“. وسى سەرىكتەستىكتىڭ ينجەنەرى ليۋ جۇنتيان بىلاي دەدى: سەرىكتەستىكتىڭ زەرتتەپ اشۋ ۇجىمى اسىلگى قوراپتىق ماقتا تەرۋ ماشيناسىن زەرتتەپ اشۋ تاجىريبەسىنەن ۇلگى الىپ، 3 جىل قۇلشىنۋ ارقىلى 6A −4MZD تۇرپاتتى ءوزى ءجۇرىپ قاپتايتىن ماقتا تەرۋ ماشيناسىنىڭ ءارقايسى ءوندىرىس كورسەتكىشتەرىن تۇگەلدەي بەلگىلەنگەن ولشەمگە جەتكىزىپ، رەسمي تۇردە بازاردى بەتكە الىپ وندىرىسكە سالدى.
”شينجياڭنىڭ ماقتا كاسىپ سالاسى دامۋىنىڭ باسىمدىعى ءونىمى مول، ءتۇرى كوپ بولۋ جاعىندا ايگىلەنىپ قانا قويماي، اقاۋسىز كاسىپ سالاسى نەگىزى دە تيپ وزگەرىپ، دارەجە جوعارىلاتۋدى جۇزەگە اسىرۋ الەۋەتىنىڭ تياناعى بولىپ تابىلادى“. شينجياڭ اۋىل شارۋاشىلىق عىلىم اكادەمياسى اۋىل شارۋاشىلىق ەكونوميكاسىن جانە عىلىم - تەحنيكا ينفورماتسياسىن زەرتتەۋ ورنىنىڭ باستىعى، اعا زەرتتەرمەن داي جۇنشىڭ بىلاي دەدى: نەشە ونداعان جىلدىق دامۋ ارقىلى شينجياڭ بۇكىل ەلدەگى ەڭ ماڭىزدى، ءتىپتى، دۇنيە جۇزىلىك ىقپالعا يە ماقتا بازاسىنا اينالىپ قانا قويماي، ءبىرشاما بەرىك كاسىپ سالاسى دامۋ نەگىزىن دە قالىپتاستىرىپ، ماقتا كاسىپ سالاسى تەحنيكاسىنىڭ، جابدىعىنىڭ، دارىندىسىنىڭ بيىگىنە اينالدى.
”شينجياڭنىڭ، سونداي - اق توڭىرەكتەگى ەلدەردىڭ ماقتا ءونىمى دۇنيە جۇزىندەگى جالپى ماقتا ءونىمىنىڭ جارىمىنا جۋىعىن ۇستايدى، سەلبەستىكتىڭ جانە بازاردىڭ كەلەشەگى زور“. داي جۇنشىڭ بىلاي دەدى: سەلبەسىپ تيجارات جۇرگىزۋ سياقتى ادىستەر ارقىلى شينجياڭنىڭ ماقتا كاسىپ سالاسى جاعىندا جيناقتاعان تەحنيكا باسىمدىعىن اناعۇرلىم ءىرى بازاردا جالپىلاستىرىپ، كەڭەيتىپ، ماقتا كاسىپ سالاسى دامۋىنىڭ ساپاسى مەن ۋنيۆەرسال تيىمدىلىگىن ىشكەرىلەي جوعارىلاتىپ، كاسىپ سالاسى دامۋىنىڭ قادامىن ءتىپتى دە كەڭەيتە تۇسۋگە بولادى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
