”ءبىر ەل، ەكى ءتۇزىمنىڭ“ ورنىقتى، باياندى بولۋىنا شىنايى كەپىلدىك ەتۋدەگى تۇبىرىنەن جونگە سالۋ شاراسى
□ حالىق گازەتىنىڭ شولۋشىسى
2021.04.01 13:40 كەلۋ قاينارى : شينجياڭ گازەتى
3 - ايدىڭ 30 - كۇنى مەملەكەتتىك حالىق قۇرىلتايى تۇراقتى كوميتەتى جاڭادان وزگەرىس ەنگىزىلگەن «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭىنىڭ ءبىرىنشى قوسىمشا حۇجاتى شياڭگاڭ ەرەكشە اكىمشىلىك رايونىنىڭ اكىمىن سايلاۋ ءادىسىن»، جاڭادان وزگەرىس ەنگىزىلگەن «جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ ءتۇبىرلى زاڭىنىڭ ەكىنشى قوسىمشا حۇجاتى شياڭگاڭ ەرەكشە اكىمشىلىك رايونىنىڭ زاڭ شىعارۋ كەڭەسىن سايلاۋ ءادىسى مەن داۋىسقا سالۋ ءتارتىبىن» داۋىسقا سالىپ ماقۇلدادى. بۇل ”ءبىر ەل، ەكى ءتۇزىم“ ءتۇزىمى جۇيەسىنە تاباندى بولىپ جانە ونى كەمەلدەندىرىپ، نەگىزگى زاڭ مەن شياڭگاڭنىڭ ءتۇبىرلى زاڭىندا بەلگىلەنگەن شياڭگاڭ ەرەكشە اكىمشىلىك رايونى نەگىزگى زاڭدىق ءتۇزىم ءتارتىبىن قورعاپ، شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرىپ، شياڭگاڭنىڭ ءىس جۇزىندىك جاعدايىنا ۇيلەسەتىن دەموكراتيالىق ساياسي ءتۇزىمنىڭ دامۋىن ىلگەرىلەتىپ، شياڭگاڭنىڭ باياندى تىنىشتىعى مەن ۇزاق ۋاقىت گۇلدەنۋىنە، ورنىقتى بولۋىنا شىنايى كەپىلدىك ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ جونىنەن توتەنشە كەلەلى دە تەرەڭ ءمان الادى.
ەل باسقارىپ، حالىقتى تارتىپكە شاقىرۋ ءۇشىن، ءتۇزىمدى اقاۋسىزداندىرۋ كەرەك. جۋىقتاعى بىرنەشە جىلدان بەرى، اسىرەسە، 2019 - جىلى شياڭگاڭدا ”ەرەجەنى وزگەرتۋدەن تۋىنداعان نارازىلىق دۇربەلەڭ“ تۋىلعاننان بەرى شياڭگاڭ قوعامىندا ءىشىنارا بىلىقپالىقتاردىڭ جارىققا شىعۋى شياڭگاڭ ەرەكشە اكىمشىلىك رايونىنىڭ قازىر اتقارىپ وتىرعان سايلاۋ تۇزىمىندە كورنەكتى ولقىلىقتار مەن اقاۋلار ورىن تەپكەندىگىن كورسەتتى. مەملەكەتتىك حالىق قۇرىلتايى تۇراقتى كوميتەتى «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىنىڭ» ۇقىق بەرۋىنە ساي، زاڭدا بەلگىلەنگەن تارتىپكە قاتاڭ بويسۇنىپ، ءار سالادان كەڭ كولەمدە پىكىر الىپ، شياڭگاڭ ءتۇبىرلى زاڭىنىڭ ءبىرىنشى قوسىمشا حۇجاتىنا، ەكىنشى قوسىمشا حۇجاتىنا وزگەرىس ەنگىزۋى شياڭگاڭنىڭ سايلاۋ تۇزىمىندەگى ساڭلاۋدى دەر كەزىندە بىتەپ، ”وتانشىلداردىڭ، شياڭگاڭدى سۇيەتىندەردىڭ شياڭگاڭدى باسقارۋىنا، ورتالىق ۇكىمەتكە قارسى تۇرىپ، شياڭگاڭدى بىلىقتىرۋشىلاردى قاتاردان شىعارۋعا“ شىنايى كەپىلدىك ەتۋ بولىپ تابىلادى. وزگەرىس ەنگىزىلگەن ءبىرىنشى قوسىمشا حۇجات، ەكىنشى قوسىمشا حۇجات ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، وسكەلەڭ اۆتونوميا باعىتىن جانە شياڭگاڭدى زاڭمەن جونگە سالۋ پرينسيبىن تولىق ايگىلەپ، ”وتانشىلدار شياڭگاڭدى باسقارۋ“ پرينسيبىن جاپپاي تياناقتاندىردى. بۇل شياڭگاڭ ەرەكشە اكىمشىلىك رايونى ۇكىمەتىنىڭ جونگە سالۋ رولىن جوعارىلاتۋعا سەپتىگىن تيگىزەدى، ۇكىمەت ىسىنە ات سالىسىپ، ۇكىمەت ءىسىن كەڭەسۋگە بىردەي ات سالىسۋدى ايگىلەيدى، شياڭگاڭنىڭ ءىس جۇزىندىك جاعدايىنا ۇيلەسەدى، بەرىك زاڭمەن جونگە سالۋ نەگىزىنە جانە كۇشتى حالىق رايى نەگىزىنە يە، بۇكىلدەي دۇرىستىققا جانە كورنەكتى العاباسارلىققا يە، شياڭگاڭنىڭ دەموكراتيالىق ءتۇزىمىنىڭ نىق قاداممەن العا قاراي دامۋىن جەبەۋدەگى قاجەتتى ارەكەت، ”ءبىر ەل، ەكى ءتۇزىمنىڭ“ ورنىقتى، باياندى بولۋىنا شىنايى كەپىلدىك ەتۋدەگى تۇبىرىنەن جونگە سالۋ شاراسى.
باس شۋجي شي جينپيڭ بىلاي دەپ اتاپ كورسەتتى: ”ءبىر ەل، ەكى ءتۇزىم“ امالياتىنىڭ ورنىقتى، باياندى بولۋىنا شىنايى كەپىلدىك ەتۋ ءۇشىن، ءسوز جوق، ”وتانشىلدار شياڭگاڭدى باسقارۋعا“ باستان - اياق تاباندى بولۋ كەرەك. شياڭگاڭ ەرەكشە اكىمشىلىك رايونىنىڭ بيلىك جۇلگەسىندە ماڭىزدى قىزمەت ورنىندا وتىرعان، ماڭىزدى بيلىكتى ۇستاعان، ماڭىزدى باسقارۋ، جونگە سالۋ جاۋاپكەرشىلىگىن ارقالاعان قايراتكەرلەر، ءسوز جوق، بەرىك وتانشىلدار بولۋ كەرەك. بۇل رەتكى شياڭگاڭنىڭ سايلاۋ ءتۇزىمىن كەمەلدەندىرۋدە قاجەتتى حاۋىپسىزدىك كلاپانىن ورناتۋ ”وتانشىلدار شياڭگاڭدى باسقارۋ“ پرينسيبىن ناقتى تياناقتاندىرىپ، شياڭگاڭ ەرەكشە اكىمشىلىك رايونى بيلىگىن، شياڭگاڭ ەرەكشە اكىمشىلىك رايونىنىڭ باسقارۋ - جونگە سالۋ بيلىگىن وتانشىلداردىڭ قولىنا مىقتاپ ۇستاتۋعا شىنايى كەپىلدىك ەتىپ، وسى ارقىلى ”ءبىر ەل، ەكى ءتۇزىم“ امالياتىنىڭ ورنىقتى، باياندى بولۋىنا بەرىك تۇزىمدىك قامتاماسىزدىق ازىرلەۋ ءۇشىن بولىپ تابىلادى. وزگەرىس ەنگىزىلگەننەن كەيىنگى شياڭگاڭ ءتۇبىرلى زاڭىنىڭ ءبىرىنشى قوسىمشا حۇجاتىنا، ەكىنشى قوسىمشا حۇجاتىنا ساي، شياڭگاڭدا كەڭ كولەمدى ۋاكىلدىك سيپاتقا يە، شياڭگاڭنىڭ ءىس جۇزىندىك جاعدايىنا ۇيلەسەتىن، شياڭگاڭ قوعامىنىڭ تۇتاس تۇلعالىق مۇددەسىن ايگىلەيتىن سايلاۋ كوميتەتىن قۇرىپ، سايلاۋ كوميتەتىنە جاڭا فۋنكتسيا جۇكتەدى ءارى اكىمدى جانە زاڭ شىعارۋ كەڭەسىن سايلاۋ ءادىسىن رەتتەدى، الداعى جەردە ”وتانشىلدار شياڭگاڭدى باسقارۋ“ پرينسيبىن جالپى بەتتىك تياناقتاندىرۋعا شىنايى كەپىلدىك ەتەتىن، شياڭگاڭ قوعامىنداعى ءار سالانىڭ بىركەلكى ات سالىسۋىنا شىنايى كەپىلدىك ەتەتىن، شياڭگاڭ ەرەكشە اكىمشىلىك رايونىنىڭ باسقارۋ - جونگە سالۋ رولىن ءونىمدى جوعارىلاتۋىنا شىنايى كەپىلدىك ەتەتىن، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا جانە شياڭگاڭنىڭ ۇزاق ۋاقىت گۇلدەنۋىنە، ورنىقتى بولۋىنا قامتاماسىزدىق ازىرلەيتىن شياڭگاڭ ەرەكشەلىگىنە يە جاڭا دەموكراتيالىق سايلاۋ ءتۇزىمى ورنايتىن بولادى.
”وتانشىلدار شياڭگاڭدى باسقارۋدى“ باسا دارىپتەۋ شياڭگاڭ قوعامىنىڭ ساياسي ومىرىندە ”ءبىر تۇستىلىكپەن“ اينالىسۋ ەمەس، قايتا ورتالىق ۇكىمەتكە قارسى تۇرىپ، شياڭگاڭدى بىلىقتىراتىن وتاندى سۇيمەيتىن ەلەمەنتتەردىڭ شياڭگاڭ ەرەكشە اكىمشىلىك رايونىنىڭ بيلىك ورگاندارىنا كىرۋىنە جول بەرمەۋ، شياڭگاڭنىڭ ورتالىق ۇكىمەتكە قارسى تۇرىپ، شياڭگاڭدى بىلىقتىراتىنداردىڭ جانە سىرتقى جاۋ كۇشتەردىڭ مەملەكەت بيلىگىن اۋداراتىن بازاسىنا اينالۋىنان ساقتانۋ. سايلاۋعا قاتىناسۋ نيەتى بار ءارقانداي قايراتكەردىڭ ”وتانشىلدار“ ولشەمىنە ۇيلەسسە بولعانى زاڭ بويىنشا سايلاۋعا قاتىناسۋىنا، زاڭ بويىنشا سايلانۋىنا بولادى. سونىمەن بىرگە سايلاۋ كوميتەتى مەن زاڭ شىعارۋ كەڭەسىنىڭ كولەمىن، قۇرامىن جانە جارىققا شىعۋ ءتاسىلىن رەتتەۋ ارقىلى وزگەرىس ەنگىزىلگەننەن كەيىنگى سايلاۋ ءتۇزىمى شياڭگاڭ تۇرعىندارىنىڭ ساياسيعا ات سالىسۋ ءورىسىن كەڭەيتتى، دەموكراتيالىق فورمانى بايىتتى، شياڭگاڭداعى قالىڭ تۇرعىنداردىڭ ءتۇبىرلى مۇددەسى مەن تۇتاس تۇلعالىق مۇددەسىن قورعاۋ ساپالى دەموكراتيا مەن قوعامدىق ادىلدىكتى جۇزەگە اسىرۋ نىساناسىنا جەتۋگە تىپتەن پايدالى. مەيلى بۇرىن، قازىر، الدە بولاشاقتا بولسىن، ورتالىقتىڭ شياڭگاڭنىڭ ءىس جۇزىندىك جاعدايىنا ۇيلەسەتىن، شياڭگاڭ قوعامىنداعى ءار سالانىڭ، ءار جىكتىڭ بىركەلكى ات سالىسۋىن ايگىلەيتىن، شياڭگاڭ قوعامىنىڭ تۇتاس تۇلعالىق مۇددەسى مەن قالىڭ حالىق بۇقاراسىنىڭ ىرىس - قۇتىن جەبەيتىن دەموكراتيالىق ءتۇزىمدى تارتىپپەن بىرتىندەپ ىلگەرىلەتىپ دامىتۋ جونىندەگى ساياساتى وزگەرگەن جوق، ورتالىقتىڭ ”ءبىر ەل، ەكى تۇزىمگە“ تاباندى بولۋ باعىتى وزگەرمەيدى.
زاڭنىڭ ومىرشەڭدىك كۇشى اتقارىلۋىندا، زاڭنىڭ بەدەلى دە اتقارىلۋىندا. مەملەكەتتىك حالىق قۇرىلتايى تۇراقتى كوميتەتى قاجەتكە ساي شياڭگاڭ ەرەكشە اكىمشىلىك رايونىنىڭ سايلاۋ تۇزىمىنە اۋەلگى ءبىرىنشى قوسىمشا حۇجاتىمەن، ەكىنشى قوسىمشا حۇجاتىمەن سالىستىرعاندا اناعۇرلىم ناقتى بەلگىلەمە شىعارىپ، ءارى وسى رەتكى شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرەتىن زاڭ شىعارۋ ويىن دالمە - ءدال تياناقتاندىرۋعا شىنايى كەپىلدىك ەتتى، ءارى شياڭگاڭ ەرەكشە اكىمشىلىك رايونىنىڭ جەرگىلىكتى ورىننىڭ قاتىستى زاڭدارىنا وزگەرىس ەنگىزۋىنە نەگىز ازىرلەدى. كەلەسى قادامدا شياڭگاڭ ەرەكشە اكىمشىلىك رايونى مەملەكەتتىك حالىق قۇرىلتايىنىڭ قارارى مەن مەملەكەتتىك حالىق قۇرىلتايى تۇراقتى كوميتەتىنىڭ وزگەرىس ەنگىزگەننەن كەيىنگى شياڭگاڭ ءتۇبىرلى زاڭىنىڭ ءبىرىنشى قوسىمشا حۇجاتى جانە ەكىنشى قوسىمشا حۇجاتى بويىنشا شياڭگاڭ ەرەكشە اكىمشىلىك رايونىنىڭ جەرگىلىكتى قاتىستى زاڭدارىنا وزگەرىس ەنگىزىپ، قاتىستى سايلاۋ قيمىلدارىن زاڭ بويىنشا ۇيىمداستىرىپ، جۇيەگە ءتۇسىرىپ، باسقارىپ، شياڭگاڭنىڭ ساياسي ءتۇزىمىنىڭ ورنىقتى اينالىمىن قورعاۋ كەرەك.
ساياسات تابىستى بولسا، ەل بەرەكەلى بولادى، جۇرت بەرەكەلى بولسا، شارۋاشىلىق گۇلدەنەدى. ”وتانشىلدار شياڭگاڭدى باسقارۋ“ ”ءبىر ەل، ەكى ءتۇزىم“ باعىتىنا بۇكىلدەي ۇيلەسەدى، وتانشىلدار عانا شياڭگاڭدى ويداعىداي جونگە سالا الادى. شياڭگاڭنىڭ سايلاۋ ءتۇزىمىنىڭ كەمەلدەنۋىنە ىلەسە، وتانشىلداردى نەگىزگى تۇلعا ەتكەن شياڭگاڭدى باسقاراتىنداردىڭ باسشىلىعىندا، شياڭگاڭنىڭ قالىپتى ارناعا، ءسوزسىز، قايتا ورالىپ، تەرەڭ قاتپارلى ماسەلەلەردى زەيىن - زەردەنى شوعىرلاندىرا وتىرىپ شەشىپ، ەكونوميكانى دامىتىپ، حالىق تۇرمىسىن جاقسارتىپ، تۇتاس قوعام بىرگە اڭساپ وتىرعان تاماشا ساياسات ارقىلى شەبەرلىكپەن جونگە سالۋدى جۇزەگە اسىراتىندىعىنا؛ شياڭگاڭنىڭ، ءسوزسىز، تىڭنان قايتا اتتانىپ، باياندى تىنىشتىقتىڭ نۇرلى جولىنا ءتۇسىپ، ”شىعىس مەرۋەرتىنىڭ“ تاماشا بولاشاعىن جاراتىپ، ”ءبىر ەل، ەكى ءتۇزىمنىڭ“ شىت جاڭا تاراۋىن جازاتىندىعىنا سەنەمىز!
(شينحۋا اگەنتتىگىنىڭ 3 - ايدىڭ 30 - كۇنى بەيجيڭنەن بەرگەن حابارى)
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
