A كلاستاعى جارنالاردىڭ شينجياڭ تاقتاسى ۇدايى بىرنەشە كۇن ورلەدى
2021.04.01 13:50 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى كاڭ حاۋيان 3 - ايدىڭ 30 - كۇنى ۇرىمجىدەن حابارلايدى. 3 - ايدىڭ 30 - كۇنى A كلاستاعى جارنالاردىڭ 3 ۇلكەن جارنا كورسەتكىشى توپتىق جوعارىلاپ، شينجياڭ تاقتاسى الدىڭعى قاتاردا جاپپاي ءوستى. سول كۇنگى سوڭعى باعاعا دەيىن شينجياڭ تاقتاسىنىڭ ءوسۋ شاماسى ％4.33 بولىپ، 47 جارنا ءوسىپ، 17 جارنا قىمباتتىق دوعارىممەن توقتادى. وسىعان دەيىن شينجياڭ تاقتاسى ۇدايى 5 ايىرباس كۇنىندە ءوسۋ بەتالىسىن ساقتادى.
شينجياڭ تاقتاسىمەن ءبىر ۋاقىتتا، شينجياڭنىڭ ءشيتى ماقتاسىن وندىرەتىن ”ماقتا شونجارى“ شينساي جارناسى (شينجياڭ سايرام وسى زامانعى اۋىل شارۋاشىلىعى شەكتى جارنا سەرىكتەستىگى) 3 - ايدىڭ 25 - كۇنىنەن بەرى ۇدايى كوپ كۇن قىمباتتىق دوعارىمعا جەتىپ، 30 - كۇنى بازار جابىلعانداعى ءوسۋ شاماسى ％10.02تى كورسەتىپ، ءوسۋ بەتالىسى قارقىندىلىعىن ساقتادى. بەيكى قازىنا - ەكونوميكا تالداۋشىسى بىلاي دەدى: جۋىقتا BCI (شۆەتساريا ساپالى ماقتانى دامىتۋ قوعامى) مەن ونىڭ قاراستىلىعىنداعى مۇشەسى M&H قاتارلى ماركالار شينجياڭ ماقتاسىن قولدانۋدى شەكتەۋگە قاتىستى مالىمدەمەلەر جاريالاپ، ەلىمىز تۇتىنۋشىلارىنىڭ ساتىپ الۋدان باس تارتۋىنا ۇشىرادى. وسى حاباردىڭ ىقپالىنا ۇشىراعان بولسا كەرەك، ماقتا كاسىبىنە ساياتىن ءبىرتالاي اۋىل شارۋاشىلىعى ەگىمشىلىك جارنالارى ۇدايى بىرنەشە كۇن ءوستى.
شينجياڭ تاقتاسىندا شينساي جارناسى، شياڭلي جارناسى، گۋاننۇڭ جارناسى، شيننۇڭكايفا سياقتى ەگىن، مال شارۋاشىلىعى، جەم - ءشوپ، بالىقشىلىققا قاتىستى جەكە جارنالار دا ۇزدىكسىز ورلەپ، جارنا تالقى مىنبەرىندە ”جۇڭگونى باتىل قولدايمىز، شينجياڭدى باتىل قولدايمىز“، ”كۇيە جاعۋعا قارسى تۇرىپ، شينجياڭنىڭ ماقتاسىن قولدايمىز“ دەگەن تاقىرىپتا كوپتەگەن قىزۋ تالقىلار شىقتى.
ءىس جۇزىندە، اۋىل شارۋاشىلىعى ەگىمشىلىگىنە قاتىستى جەكە جارنالار عانا ەمەس، 30 - كۇنى شينجياڭ تاقتاسىنداعى جۇڭشين يان جارناسى، شينجياڭ قاتىناس قۇرىلىسى، جۇڭيوۋ ينجەنەرياسى، تيانفۋ ەنەرگياسى سياقتى كوپتەگەن جارنالار قىمباتتىق دوعارىممەن توقتادى. تالداۋشىلار قازىر جۇڭگو مەن يراننىڭ جان - جاقتى سەلبەستىك جوسپارىنا قول قويۋى دا ءتيىمدى فاكتورلاردىڭ ءبىرى بولدى دەپ وتىر. شينجياڭ حۇڭيۋان باعالى قاعازدار شەكتى سەرىكتەستىگىندەگى ليۋ فاميليالى قارجى قوسۋ - قارجى باسقارۋشىنىڭ تانىستىرۋىنشا، شينجياڭ تاقتاسىنىڭ ۇدايى بىرنەشە كۇنگى قىزۋ ءوسۋى بۇكىل ەل حالقىنىڭ شينجياڭ ەكونوميكاسىن قولداعان ىستىق ىنتاسىنىڭ ىقپالىنا ۇشىراپ قانا قويماي، شينجياڭداعى ءبىر ءبولىم اسكەري ونەركاسىپ، ەنەرگيا كاسىپورىندارىنىڭ جارناسى دا ۇزدىكسىز كۇشەيگەن. ايتالىق، مەملەكەتتىك ستراتەگيالىق جاڭادان وركەندەگەن كاسىپ سالاسى PBATقا (بيودەگراداتسيالىق ماتەريال) قارجى سالعان شينجياڭ تيانيە، كومىرتەكتى كرەمني كريستال جاپىراقشانى ءوندىرۋشىنى ساتىپ الماق بولىپ جاتقان تيانفۋ ەنەرگياسى، كومىرتەگى بەيتاراپتاندىرۋ ۇعىمى ۇستەلگەن جۇڭتاي حيمياسى سياقتىلاردىڭ بارلىعىنان بازار ۇلكەن ءۇمىت كۇتىپ وتىر ەكەن.
شينجياڭ تاقتاسىنداعى ءبىرتالاي جارنانىڭ ۇدايى بىرنەشە كۇن اۋقىمدى ءوسۋىنىڭ ارقاسىندا جارناسى بازارعا شىعارىلعان سەرىكتەستىكتەردىڭ ءبىر ءبولىمى جارنا باعاسىنداعى ەرەكشە وزگەرىستەر تۋرالى حابارلاندىرۋ جاريالاپ، جارناگەرلەرگە اقىلمەن قارجى قوسۋدى ەسكەرتتى. ۇعىسۋىمىزشا، شينجياڭ باعالى قاعازداردى باقىلاۋ - باسقارۋ مەكەمەسى جۋىقتا وتكىزگەن ”جارناسى بازارعا شىعارىلعان كاسىپورىنداردىڭ ساپاسىن كوتەرۋ كۋرسىندا“ شينجياڭنىڭ جارناسى بازارعا شىعارىلعان سەرىكتەستىكتەردىڭ جارنا مەڭگەرۋشىلەرىنىڭ، ناقتى مەڭگەرۋشى ادامدارىنىڭ باستى كاسىبىن تياناق ەتىپ، عىلمي شەشىم قابىلداپ، ورنىقتى دا اقاۋسىز دامىپ، جارناسى بازارعا شىعارىلعان سەرىكتەستىكتىڭ دامۋ ساپاسىن تۇبىرىنەن جوعارىلاتىپ، ”باسشى قاز“ رولىن اناعۇرلىم ويداعىداي ساۋلەلەندىرۋ كەرەكتىگىن اتاپ كورسەتكەن.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
