بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ماقتا كاسىپ سالاسىنىڭ ۇزدىكسىز اقاۋسىز دامۋىن باتىل قورعايمىز

2021.04.01 13:59     كەلۋ قاينارى : شينجياڭ گازەتى

  شينجياڭ ماقتا قوعامى، شينجياڭ اۋىل شارۋاشىلىق عىلمي قوعامى مالىمدەمە جاريالادى:

  شينجياڭ حالقى كىرشىكسىز دە اپپاق ماقتانىڭ ارقاسىندا باقىتتى ءومىر ءسۇرىپ وتىر

  شينجياڭ ماقتا قوعامى:

  شينجياڭ ماقتا كاسىپ سالاسىنىڭ ۇزدىكسىز اقاۋسىز دامۋىن باتىل قورعايمىز


  جۋىقتا M&H، NIKE قاتارلى شەتەلدىڭ ماركالى كيىم - كەشەك ءوندىرۋ ساۋداگەرلەرى شينجياڭدا ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەگەندى جەلەۋ ەتىپ، جۇڭگونىڭ شينجياڭ ماقتاسىن اشىقتان - اشىق قارالادى جانە داتتادى، مۇنىڭ ءمانى − امەريكاداعى، باتىس جاقتاعى جۇڭگوعا قارسى كۇشتەردىڭ جۇڭگونىڭ شينجياڭىنداعى توقىما، كيىم - كەشەك قامداۋ تىزبەگىن جانە قاتىستى ونىمدەردى شەكتەۋ ارقىلى ”شينجياڭ ارقىلى جۇڭگونى تەجەۋ“ ارام نيەتىنە جەتۋگە ۇرىنۋ بولىپ تابىلادى. ولاردىڭ پاسىق قىلىقتارى شينجياڭنىڭ، ءتىپتى، جۇڭگونىڭ ماقتا توقىماشىلىعى كاسىپ سالاسىنىڭ ات - اتاعىنا ورەسكەل زالال كەلتىرىپ، جۇڭگونىڭ ىشكى ىسىنە ورەسكەل كيلىگىپ، شينجياڭداعى ءار ۇلت حالقىنىڭ كوڭىل كۇيىنە اۋىر قاياۋ سالدى. شينجياڭ ماقتا قوعامى جانە شينجياڭنىڭ ماقتا كاسىپ سالاسىنداعى قايراتكەرلەر بۇنى قاتاڭ جازعىرادى جانە وعان باتىل قارسى تۇرادى!

  شينجياڭ − ەلىمىزدىڭ ەڭ ۇلكەن ساپالى ماقتا ءوندىرىس بازاسى جانە توقىما - وڭدەۋ بازاسى. شينجياڭ ماقتاسىنىڭ ەگىس كولەمى، تازا ماقتانىڭ بىرلىك ءتۇسىمى، جالپى ءتۇسىمى جانە تاۋار ماقتانىڭ شىعارىلۋ مولشەرى ۇدايى 27 جىل بۇكىل مەملەكەتتە 1 - ورىندى يەلەپ كەلەدى. ۇزاق جىلدان بەرى شينجياڭ ماقتا كاسىپ سالاسىنىڭ كولەمدەنۋ، شوعىرلانۋ جانە ماشينالاسۋ بەتالىسىنا قاراي دامۋىن ارقاۋ ەتىپ، ءبىز قىرۋار ادام كۇشىن، زات كۇشىن، قازىنا كۇشىن جۇمساپ، تولىق قوعامدانعان ءوندىرىس قىزمەت وتەۋ جۇيەسىن جانە اقاۋسىز ۇيىمدىق جۇيەنى ورناتىپ، عىلمي باسقارۋ جانە جۇمىس جۇرگىزۋ ۇلگىسىن قالىپتاستىرىپ، ماقتاشىلاردىڭ ەگىمشىلىك بارىسىنداعى ەڭبەك كۇشەمەلىلىگىن بارىنشا جەڭىلدەتىپ، باسىم كوپشىلىك ەگىنشىلەردى اتىز باپتاۋدىڭ جانە دەنە ەڭبەگىنىڭ اۋىر جۇمىسىنان بوساتتىق. قازىر شينجياڭنىڭ باسىم كوپشىلىك ماقتا اتىزىندا ەگۋدەن تەرۋگە دەيىنگى جالپى بارىستىڭ ماشينالاسۋى جۇزەگە اسقان. ايتشى قانە، ”زورلىقپەن ەڭبەككە سالۋ“ دەگەندى قايدان كورىپ تۇرسىڭ؟

  شينجياڭ ماقتا قوعامى قۇرىلعاننان بەرى شينجياڭ ماقتا كاسىپ سالاسىنا قىزمەت وتەۋگە كۇش سالىپ كەلەدى، جاقىنعى جىلدارى، وتە - موتە، قوعامنىڭ دارىندىلار باسىمدىعىن ساۋلەلەندىرىپ، كەدەي وڭىرلەرگە بارىپ، تەحنيكا، نىسان، قارجى جەتكىزىپ، شينجياڭنىڭ كەدەيلىكتەن ارىلتۋدان قامال الۋ جانە اۋىل - قىستاقتى گۇلدەندىرۋ ۇلى ىسىنە بەلسەنە ات سالىستى. قاشقار ايماعى جاڭا ءشار اۋدانى حانارىق قالاشىعىنىڭ تاكان قىستاعى كەزىندە اۋىر كەدەي قىستاق بولاتىن، 2019 - جىلى قوعامنىڭ القالار كەڭەسىنىڭ ماماندارى وسى جەردە ”ماقتانىڭ جاڭا سورتىن جانە جوعارى ءونىمدى ەگىمشىلىك تەحنيكاسىن جالپىلاستىرۋ، قولدانۋ“ نىسانىن ۇيىمداستىرىپ اتقاردى. قاجىماس قۇلشىنىستىڭ ارقاسىندا 2020 - جىلى اتالعان قىستاقتاعى ارحيۆ تۇرعىزىلىپ، كارتچكالاندىرىلعان 50 كەدەي وتباسى كەدەيلىكتەن ارىلدى، تەك ماقتانىڭ وزىنەن ءار وتباسىنىڭ جىلدىق كىرىسى ورتا ەسەپپەن 3500 يۋان ارتتى. كىشكەنتاي ماقتا سول جەردەگى قىستاق تۇرعىندارىنىڭ كەدەيلىكتەن ارىلۋىنىڭ، بايۋ جولىنا ءتۇسۋىنىڭ ۇلكەن كاسىپ سالاسىنا اينالدى. قازىرگى تاڭدا ەگىنشىلەردىڭ ماقتا ەگۋ بەلسەندىلىگى جاپپاي تاسقىنداعان. ايتشى قانە، ”زورلىقپەن ەڭبەككە سالۋ“ دەگەندى قايدان كورىپ تۇرسىڭ؟

  ماقتا ەگۋدەن تۇسكەن تابىس وڭتۇستىك شينجياڭداعى ۇيعۇر باۋىرلاستاردى قامتىعان شينجياڭ ماقتا ەگىنشىلەرىنىڭ ماڭىزدى ەكونوميكالىق كىرىس قاينارى، ماقتادان تۇسكەن تابىس ءار وتباسى كىرىسىنىڭ %50 − 30ىن قۇرايدى، نەگىزگى ماقتا ءوندىرىس اۋماقتارىندا بۇل كورسەتكىش %75 − 65كە دەيىن بارادى. شينجياڭ ماقتاسى شەكتەلسە، كاسىپ سالاسىنىڭ دامۋى ويراندالىپ، زياننىڭ ەڭ ۇلكەنىن ءار ۇلت ماقتا ەگىنشىلەرى تارتادى. ايتشى قانە، ولار شىنىمەن ۇيعۇر بۇقاراسىنىڭ قامىن جەپ وتىر ما؟

  امەريكاداعى، باتىس جاقتاعى جۇڭگوعا قارسى كۇشتەردىڭ ويدان شىعارعان شىندىققا جاناسپايتىن سوزدەرى بارىپ تۇرعان وتىرىك - وسەك. M&H، NIKE قاتارلى شەتەلدىڭ ماركالى كيىم - كەشەك ءوندىرۋ ساۋداگەرلەرى امەريكاداعى، باتىس جاقتاعى جۇڭگوعا قارسى كۇشتەردىڭ يلەۋىندەگى اۋمەسىر ەسەرسوقتاردىڭ كەبىن كيگەنىن وزدەرى دە بىلمەي وتىر. ولار وتىرىك - وسەكپەن جانە جالعان ينفورماتسيالارمەن شينجياڭنىڭ جاراسىمدىلىعى مەن ورنىقتىلىعىن بۇلدىرۋگە، جۇڭگونىڭ گۇلدەنۋىنە، دامۋىنا كەدەرگى بولۋعا سۇقتانۋدا. شىندىقتىڭ الدىندا ولار وزدەرىنىڭ وسەك - وتىرىكتەرىنىڭ قانشالىقتى بىلجىراق ەكەنىن اڭعارماعانىنا تاڭبىز، ولاردىڭ ءسوز - ارەكەتتەرىنىڭ شينجياڭداعى 25 ميلليون ءار ۇلت پەرزەنتتەرىنىڭ جازعىرۋىنا قالارى داۋسىز، ءبىر ميلليارد 400 ميلليون جۇڭگو حالقىنىڭ نالەتىنە قالارى داۋسىز، بارلىق قارالاۋ مەن وتىرىك - وسەكتەردىڭ پاش بولارى ءشۇباسىز.

  شينجياڭ ماقتا قوعامى شينجياڭ ماقتا كاسىپ سالاسىنىڭ جوعارى ساپالى دامۋىنا ۇزدىكسىز ىرىقتى تۇردە قىزمەت وتەپ، قالىڭ ماقتاشىلار ءۇشىن اقىل - كەڭەس، ءادىس - شارا كورسەتىپ، عىلىم - تەحنيكا قىزمەتكەرلەرى ءۇشىن بىرلەسىپ جاڭالىق اشۋ، اۋىس - كۇيىس جاساۋ تۇعىرىن ورناتىپ، جوعارى ساپالى ماقتا ءوندىرۋ ءۇشىن اناعۇرلىم جاقسى عىلىم - تەحنيكالىق قىزمەت وتەۋ ۇسىنىپ، شينجياڭنىڭ جوعارى ساپالى ماقتاسىنىڭ بۇكىل ەلگە بەت الۋىنا، اتاعىنىڭ كۇللى دۇنيەگە تارالۋىنا مۇمكىندىك جاسايدى!

  كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار