بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي جانشۋ موڭعۇليا مەملەكەتتىك ۇلكەن حۋرالىنىڭ ءتوراعاسى زاندانشاتارمەن كەڭەس وتكىزدى

2021.04.01 15:52     كەلۋ قاينارى : حالىق تورابى

  شينحۋا اگەنتتىگى، 3 - ايدىڭ 31 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 3 - ايدىڭ 31 - كۇنى بەيجيڭدەگى حالىق سارايىندا بەينە ەكران تاسىلىمەن موڭعۇليا مەملەكەتتىك ۇلكەن حۋرالىنىڭ ءتوراعاسى زاندانشاتارمەن كەڭەس وتكىزدى.

  چارلي جانشۋ بىلاي دەدى: ءتوراعا شي جينپيڭ جۇڭگو مەن موڭعۇليا ماڭگى كوڭىلدەرى جاقىن، سۇيىسپەنشىلىكتەرى توعىسقان، مۇددەلەرى ۇشتاسقان دوس كورشى جانە تاتۋ كورشى بولۋى كەرەك دەپ ايقىن اتاپ كورسەتكەن بولاتىن. جۇڭگو موڭعۇليانى باستان - اياق توڭىرەكتىك ديپلوماتيانىڭ ماڭىزدى ورنىنا قويىپ، موڭعۇليامەن تاتۋ كورشىلىك، دوستىق قاتىناستى تەرەڭدەتۋگە جانە دامىتۋعا وسكەلەڭ ءمان بەرەدى. تاياۋ جىلداردان بەرى ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ساياسي سەنىمدىلىگى كۇشەيىپ، ەكونوميكا - ساۋدا سەلبەستىگىنىڭ تابىسى مول بولىپ، حالىقتىڭ سۇيىسپەنشىلىگى كۇن سايىن تەرەڭدەدى. جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى مەن ىقپالى الدىندا جۇڭگو مەن موڭعۇليا ءبىرىن - ءبىرى ءتۇسىنىپ، ءبىرىن - ءبىرى قولداپ، كورشى ەلدەر اراسىنداعى سەلبەسىپ ىندەتكە قارسى اتتانۋدىڭ ۇلگىسىن ورناتىپ، ادامزاتتىڭ تاعدىرلاس ورتاق تۇلعاسى ۇستانىمىن جاندى ءتۇسىندىردى. كەيىنگى ىندەت جاعدايىن كوزدە ۇستاي وتىرىپ، جۇڭگو مەن موڭعۇليا ساياسي سەنىمدىلىكتى ۇزدىكسىز كۇشەيتىپ، ءوزارا پايدا جەتكىزۋ، ءوزارا تيىمدىلىك جاساۋ سەلبەستىگىن ىشكەرىلەي ورىستەتىپ، «ءبىر بەلدەۋ، ءبىر جول» دارىپتەمەسى مەن «ساحارا جولى» دارىپتەمەسىنىڭ ۇشتاسۋىن، تياناقتانۋىن جەدەلدەتىپ، ەكى ەل حالىقتارىنا ءتىپتى دە زور باقىت جاراتىپ، جۇڭگو مەن موڭعۇليانىڭ جان - جاقتى ستراتەگيالىق سەرىكتەستىك قاتىناسىنىڭ ىشكەرىلەي دامۋىن ىلگەرىلەتۋى كەرەك.

  لي جانشۋ بىلاي دەپ اتاپ كورسەتتى: جۇڭگو مەملەكەتتىك حالىق قۇرىلتايى موڭعۇليانىڭ مەملەكەتتىك ۇلكەن حۋرالىمەن ۇزاق ۋاقىت دوستىق بارىس - كەلىستى ساقتادى. 2014 - جىلى پارلامەنت مەرزىمدى اۋىس - كۇيىس مەحانيزمىن ورناتقاننان بەرى ەكى جاقتىڭ اۋىس - كۇيىسى مەن سەلبەستىگى اناعۇرلىم جوعارى دەڭگەيگە كوتەرىلدى. جاڭا جاعدايدا زاڭ شىعارۋ قۇرىلىمدارى اراسىنداعى دوستىق بارىس - كەلىستى ۇزدىكسىز كۇشەيتىپ، ەكى ەل باسشىلارى كەلىسكەن ماڭىزدى ورتاق تانىم مەن ەكى جاقتى سەلبەستىك كەلىسىمىنىڭ تياناقتانۋىن ىلگەرىلەتۋگە پەيىلمىز. ءبىرىنشى، يكەمدى ءتاسىل ارقىلى جوعارى جىكتەگىلەردىڭ ءجيى بارىس - كەلىسىن ساقتاپ، ارناۋلى كوميتەتتەر مەن دوستىق گرۋپپالارىنىڭ باعىتتامالى اۋىس - كۇيىسىن جەبەۋ كەرەك. ەكىنشى، ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ نەمەسە شىعارىپ، «ءبىر بەلدەۋ، ءبىر جولدى» بىرگە قۇرۋدى جانە ءار سالاداعى ناقتى سەلبەستىكتى زاڭدىق كەپىلمەن قامداۋ كەرەك. ءۇشىنشى، مەملەكەتتى زاڭمەن جونگە سالۋ، ەكونوميكانى دامىتۋ، حالىق تۇرمىسىن جاقسارتۋ، ورنىقتىلىقتى قورعاۋ سياقتى جاقتارداعى تاجىريبە اۋىسۋدى كۇشەيتىپ، بىرگە دامۋدى جەبەۋ كەرەك.

  زاندانشاتار بىلاي دەدى: تاياۋ جىلداردان بەرى ەكى جاقتىڭ بىرگە قۇلشىنۋىندا موڭعۇليا مەن جۇڭگونىڭ ءار سالاداعى ناقتى سەلبەستىگى باياندى دامىدى. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا موڭعۇليا مەن جۇڭگو ءبىر - بىرىنە قارايلاسىپ، ەكى ەل حالىقتارىنىڭ دوستىعى ونان ارى تەرەڭدەدى. جۇڭگو 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ءساتتى اشىلعانىن قۇتتىقتايمىن. موڭعۇليا مەملەكەتتىك ۇلكەن حۋرالى جۇڭگو مەملەكەتتىك حالىق قۇرىلتايىمەن اۋىس - كۇيىستى، سەلبەستىكتى كۇشەيتىپ، موڭعۇليا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىن جەبەۋگە بەلسەندى ۇلەس قوسۋعا پەيىل.

  مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى بايماچىلين كەڭەسكە قاتىناستى.

  كەلۋ قاينارى: جالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار