شينجياڭنىڭ بازارلانعان ساۋدا ەلەكتر مولشەرى 300 ميلليارد كيلوۆات - ساعاتتان استى
2021.04.02 15:41 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 3 - ايدىڭ 31 - كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، 2016 - جىلى بازارلانعان ساۋدا باستاپ اتقارىلعاننان قازىرگە دەيىن شينجياڭ ەلەكتر قۋاتىنىڭ بازارلانعان ساۋدا ەلەكتر مولشەرىنىڭ جيىنتىعى 300 ميلليارد كيلوۆات - ساعاتتان اسقان، 3500 بازار تۇلعاسى ونان يگىلىكتەنىپ، جارىققا شىققان رەفورما تيىمدىلىگى كاسىپورىندارعا مولشەرمەن 20 ميلليارد يۋان پايدا جەتكىزىپ، جوعارى، تومەن جەلىدەگى كاسىپ سالاسى مەن جاڭا ەنەرگيا كاسىبىنىڭ دامۋىن ءبىرشاما زور دارەجەدە جەبەگەن.
ۇعىسۋعا قاراعاندا، 300 ميلليارد كيلوۆات - ساعات ەلەكتر مولشەرىن بۇكىل مەملەكەتتەگى ءبىر ميلليارد 400 ميلليون تۇرعىن 100 كۇن مولشەرىندە تۇتىنادى ەكەن، ول 91 ميلليون 650 مىڭ توننا ولشەمدى كومىردى ورتەۋدەن تۋىنداعان ەلەكتر قۋاتىنا بارابار بولىپ، ەلىمىزدىڭ 2020 - جىلى سىرتتان ەنگىزگەن وڭدەلمەگەن كومىر مولشەرىنىڭ ％43ىن يەلەگەن.
3 - ايدىڭ 31 - كۇنىنە دەيىن بازارلانعان ساۋدا ەلەكتر مولشەرىندە تىكە ساۋدالانعان ەلەكتر مولشەرى 214 ميلليارد 600 ميلليون كيلوۆات - ساعاتقا جەتىپ، جالپى ەلەكتر مولشەرىنىڭ ％71.39ىن يەلەگەن؛ ەلەكتر تاراتۋ ۇقىعىنىڭ بالامالىق ساۋداسى 58 ميلليارد 800 ميلليون كيلوۆات - ساعات بولىپ، جالپى ەلەكتر مولشەرىنىڭ ％19.56ىن يەلەگەن؛ وتكەرمەلەۋ ساۋداسى 24 ميلليارد 400 ميلليون كيلوۆات - ساعات بولىپ، جالپى ەلەكتر مولشەرىنىڭ ％8.12ىن يەلەگەن؛ ەلەكترمەن جىلىتۋ ساۋداسى 2 ميلليارد 800 ميلليون كيلوۆات - ساعات بولىپ، جالپى ەلەكتر مولشەرىنىڭ ％0.93ىن يەلەگەن.
2016 - جىلى 3 - ايدا شينجياڭ بۇكىل مەملەكەت بويىنشا تۇڭعىش ولكە دارەجەلى ەلەكتر قۋاتى ساۋدا تۇعىرى − شينجياڭ ەلەكتر قۋاتى ساۋدا ورتالىعى شەكتى سەرىكتەستىگىن قۇردى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگى ەلەكتر تاراتۋ كاسىپورنى، ەلەكتر تورى كاسىپورنى، ەلەكتر ساتۋ سەرىكتەستىگى جانە ەلەكتر قۋاتى قاريدارلارى سياقتى ءارقايسى بازار تۇلعالارىمەن بىرلەسىپ، ءونىمدى بازار باسەكەسى مەحانيزمىن قالىپتاستىرۋدى ىلگەرىلەتتى. سەرىكتەستىك قۇرىلعاننان بەرى ەلەكتر قۋاتى ءتۇزىلىسى رەفورماسىن ۇزدىكسىز تەرەڭدەتىپ، جارنالىق تۇزىمگە وزگەرۋدى اياقتاتىپ، ەلەكتر قۋاتىن بازارلانعان ساۋداعا بۇكىلدەي ەنگىزۋدى جۇزەگە اسىرىپ، بازارلانعان ساۋدا تۇرلەرىندە ۇزدىكسىز جاڭالىق اشىپ، جاڭا ەنەرگيا ساۋداسى شەكتەمەسىن كۇشىنەن قالدىرىپ، قاريدارلاردىڭ بۇكىلدەي تازا ەلەكتر تۇتىنۋ قاجەتىن قاناعاتتاندىرىپ، شينجياڭ ەلەكتر قۋاتى بازارىنىڭ دامۋىن جەبەدى.
2016 - جىلى شينجياڭنىڭ ەلەكتر قۋاتى بازارلانعان ساۋداسىندا تەك 3 ساۋدا ءتۇرى عانا بار ەدى، تۇتاس جىلدا 6 رەت ساۋدا ۇيىمداستىرىلىپ، ساۋدالانعان ەلەكتر مولشەرى 19 ميلليارد 700 ميلليون كيلوۆات - ساعات عانا بولاتىن. 2020 - جىلعا كەلگەندە 7 ساۋدا ءتۇرى بارلىققا كەلىپ، تۇتاس جىلدا 65 رەت ساۋدا ۇيىمداستىرىلىپ، ساۋدالانعان ەلەكتر مولشەرى 73 ميلليارد 600 ميلليون كيلوۆات - ساعاتقا جەتتى.
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
