لي كىچياڭ مەملەكەت مەنشىگىندەگى كاسىپورىنداردى قوعامدىق ىستەردى ءبىتىرۋ فۋنكتسياسىنان اجىراتۋ جانە تاريحتان قالعان ماسەلەلەردى شەشۋ قىزمەتى جونىندەگى مەملەكەتتىك تەلەۆيزور – تەلەفون ماجىلىسىنە ماڭىزدى بەكىتۋ سالىپ مىنانى دارىپتەدى
جاۋاپكەرلىكتى اناعۇرلىم ناقتىلاندىرىپ، جەرگىلىكتى جاعدايعا قاراي ىستەپ، كاسىپورىندارعا قاراي شارا قولدانىپ، مەملەكەت مەنشىگىندەگى كاسىپورىنداردى قوعامدىق ىستەردى ءبىتىرۋ فۋنكتسياسىنان اجىراتۋ جانە تاريحتان قالعان ماسەلەلەردى شەشۋدەگى سىرگە جيار قىزمەتتى جاپپاي، تىڭعىلىقتى، ويداعىداي ىستەۋ كەرەك
2021.04.02 16:57 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 1 - كۇنى، بەيجيڭ. مەملەكەت مەنشىگىندەگى كاسىپورىنداردى قوعامدىق ىستەردى ءبىتىرۋ فۋنكتسياسىنان اجىراتۋ جانە تاريحتان قالعان ماسەلەلەردى شەشۋ قىزمەتى جونىندەگى مەملەكەتتىك تەلەۆيزور – تەلەفون ءماجىلىسى 4 - ايدىڭ 1 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتۋ سالدى. بەكىتۋدە مىنالار اتاپ كورسەتىلدى: مەملەكەت مەنشىگىندەگى كاسىپورىنداردى قوعامدىق ىستەردى ءبىتىرۋ فۋنكتسياسىنان اجىراتۋ جانە تاريحتان قالعان ماسەلەلەردى شەشۋ − پارتيا ورتالىق كوميتەتى، مەملەكەتتىك كەڭەس جاساعان كەلەلى شەشىم، ورنالاستىرۋ. تاياۋ جىلداردان بەرى جەر - جەر، قاتىستى تاراۋلار جانە مەملەكەت مەنشىگىندەگى قاتىستى كاسىپورىندار ۇزدىكسىز قامال الىپ، قيىنشىلىقتاردى جەڭىپ، وسى قىزمەتتە شەشۋشى ناتيجەگە قول جەتكىزۋدى ىلگەرىلەتىپ، كوپ جىلدان بەرى مەملەكەت مەنشىگىندەگى كاسىپورىندار رەفورماسىنىڭ دامۋىنا تۇساۋ بولىپ كەلگەن قيىن ماسەلەلەردى نەگىزىنەن شەشتى. قاجىرلىلىقپەن قۇلشىنعان جولداستارعا شىنايى سالەم جولدايمىن! شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، جاۋاپكەرلىكتى اناعۇرلىم ناقتىلاندىرىپ، جەرگىلىكتى جاعدايعا قاراي ىستەپ، كاسىپورىنداردىڭ جاعدايىنا قاراي شارا قولدانىپ، قالعان قيىن ماسەلەلەردى ويداعىداي شەشىپ، قاتىستى ساياساتتىق شارالاردى ۇشتاستىرۋدى كۇشەيتىپ، مەملەكەت مەنشىگىندەگى كاسىپورىنداردى قوعامدىق ىستەردى ءبىتىرۋ فۋنكتسياسىنان اجىراتۋ جانە تاريحتان قالعان ماسەلەلەردى شەشۋدەگى سىرگە جيار قىزمەتتى جاپپاي تىڭعىلىقتى ىستەپ، رەفورما جەتىستىكتەرىن بەكەمدەپ، حاۋىپ - قاتەر مەن كومەسكى قاتەرلەردەن ساقتانىپ جانە ونى شەشىپ، مەملەكەت مەنشىگىندەگى كاسىپورىنداردىڭ باسەكەلىك قۋاتىن ءونىمدى جوعارىلاتۋعا، قوعامدىق قامتاماسىزداندىرۋ جۇيەسى مەن الەۋمەتتىك قىزمەت وتەۋ جۇيەسىن كەمەلدەندىرۋگە، ساپالى دامۋدى ىلگەرىلەتۋگە تىڭ ۇلەس قوسۋ كەرەك!
مەملەكەتتىك كەڭەستىڭ مۇشەسى، مەملەكەتتىك كەڭەس مەملەكەت مەنشىگىندەگى كاسىپورىندار رەفورماسىنا باسشىلىق ەتۋ گرۋپپاسى باستىعىنىڭ ورىنباسارى ۋاڭ يۇڭ ماجىلىسكە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ مەملەكەت مەنشىگىندەگى كاسىپورىندار رەفورماسىن تەرەڭدەتۋ جونىندەگى ماڭىزدى پايىمداۋلارىن ىشكەرىلەي دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالاپتارىن تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارى بويىنشا، جاۋاپكەرلىك شارالارىن اناعۇرلىم كۇشەيتىپ، تىزە قوسا قامال الىپ، قيىنشىلىقتاردى جەڭىپ، رەفورمانىڭ سىرگە جيار جۇمىستارىن بار كۇشپەن ورىنداپ، مەملەكەت مەنشىگىندەگى كاسىپورىنداردىڭ بازار باسەكەسىنە ءادىل قاتىناسۋىن، ساپالى دامۋدى جەدەل جۇزەگە اسىرۋىن اناعۇرلىم ويداعىداي ىلگەرىلەتۋ كەرەك.
ۋاڭ يۇڭ بىلاي دەپ اتاپ كورسەتتى: بۇكىل ەل بويىنشا مەملەكەت مەنشىگىندەگى كاسىپورىنداردى قوعامدىق ىستەردى ءبىتىرۋ فۋنكتسياسىنان اجىراتۋ جانە تاريحتان قالعان ماسەلەلەردى شەشۋدەگى نەگىزگى تۇلعالىق مىندەت نەگىزىنەن ورىندالدى، ءبىراق كەيىنگى قىزمەتتەر ءالى دە وتە اۋىر. جەر - جەر، قاتىستى تاراۋلار جانە مەملەكەت مەنشىگىندەگى كاسىپورىندار مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتىن ىشكەرىلەي اتقارۋدى تۇتقا ەتىپ، جاۋاپكەرلىكتى قاتاڭ تياناقتاندىرىپ، سايكەستى ساياساتتاردى كەمەلدەندىرىپ، ءبىر كاسىپورىن ءبىر شارا بەلگىلەپ، ناقتى جوبا جاساپ، ءتۇيىندى، قيىن تۇيىندەردەن قامال الۋدى كۇشەيتىپ، رەفورما مىندەتىنىڭ ۋاعىندا، جوعارى ساپامەن جاپپاي ورىندالۋىنا كەپىلدىك ەتۋى كەرەك. قۋزاۋ - جەتەكشىلىك ەتۋدى، تەكسەرۋدى كۇشەيتىپ، «قايىرىلا قاراۋدى» دەر كەزىندە ۇيىمداستىرىپ ورىستەتىپ، باياندى مەحانيزم ورناتىپ جانە كەمەلدەندىرىپ، رەفورما جەتىستىكتەرىن جاپپاي بەكەمدەۋ كەرەك. رەفورمانى ىلگەرىلەتۋدە پارتيانىڭ جاپپاي باسشىلىق ەتۋىندە تاباندى بولىپ جانە ونى كۇشەيتىپ، پارتيا تاريحىن ۇيرەنۋ تاربيەسىمەن ۇشتاستىرىپ، پارتيا قۇرىلىسىنىڭ جەتەكشىلىك رولىن شىنايى ساۋلەلەندىرىپ، ۇگىتتەۋ، جەتەكتەۋ جانە جۇمىسشى - قىزمەتكەرلەر بۇقاراسىنىڭ يدەيالىق - ساياسي قىزمەتىن ىشكەرىلەي جاقسى ىستەپ، رەفورمانىڭ ءساتتى، ورنىقتى ىلگەرىلەۋىنە بار كۇشپەن كەپىلدىك ەتىپ، كاسىپورىندار مەن قوعامنىڭ جاراسىمدىلىعى مەن ورنىقتىلىعىن قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
