لي جانشۋ بيولوگيالىق حاۋىپسىزدىك زاڭىن اتقارۋ اڭگىمە ماجىلىسىندە مىنانى دارىپتەدى
جالپى تۇلعالىق مەملەكەت حاۋىپسىزدىگى كوزقاراسىندا تاباندى بولىپ، دامۋ مەن حاۋىپسىزدىك ستراتەگياسىن ءبىر تۇتاس جوسپارلاۋ تۇرعىسىنان بيولوگيالىق حاۋىپسىزدىك زاڭىن ويداعىداي اتقارۋ كەرەك
2021.04.02 17:00 كەلۋ قاينارى : حالىق تورابى
«حالىق گازەتى»، 4 - ايدىڭ 1 - كۇنى، بەيجيڭ (ءتىلشى جاڭ تيانپەي). مەملەكەتتىك حالىق قۇرىلتايى تۇراقتى كوميتەتى 4 - ايدىڭ 1 - كۇنى تۇستەن بۇرىن بەيجيڭدە بيولوگيالىق حاۋىپسىزدىك زاڭىن اتقارۋ اڭگىمە ءماجىلىسىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ اڭگىمە ماجىلىسىنە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ بيولوگيالىق حاۋىپسىزدىك جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جالپى تۇلعالىق مەملەكەت حاۋىپسىزدىگى كوزقاراسىندا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاۋ ستراتەگيالىق تۇرعىسىنان بيولوگيالىق حاۋىپسىزدىك زاڭىن جاپپاي، ءونىمدى اتقارۋ كەرەك.
لي جانشۋ بىلاي دەپ اتاپ كورسەتتى: شي جينپيڭ جولداستى ۇيىتقى ەتكەن پارتيا ورتالىق كوميتەتى بيولوگيالىق حاۋىپسىزدىك قىزمەتىنە وسكەلەڭ ءمان بەرىپ، مەملەكەتتىڭ بيولوگيالىق حاۋىپسىزدىك ستراتەگياسى، ساياساتى جانە بيولوگيالىق حاۋىپسىزدىككە بايلانىستى زاڭ شىعارۋ جونىندە ءبىرقىدىرۋ كەلەلى ورنالاستىرۋ جاسادى. مەملەكەتتىك حالىق قۇرىلتايى تۇراقتى كوميتەتى پارتيا ورتالىق كوميتەتىنىڭ شەشىم، ورنالاستىرۋلارىن باتىل دايەكتىلەندىرىپ، تياناقتاندىرىپ، بىلتىر 10 - ايدا بيولوگيالىق حاۋىپسىزدىك زاڭىن قاراپ ماقۇلدادى. بۇل − بيولوگيالىق حاۋىپسىزدىك سالاسىنداعى نەگىزدىك، جالپىلىق، جۇيەلى، جەتەكشىلىك سيپاتتى زاڭ، ونىڭ جاريالانۋى مەن اتقارىلۋى بەلەستىك رول اتقارادى، بۇل ەلىمىزدىڭ بيولوگيالىق حاۋىپسىزدىگىنىڭ زاڭ بويىنشا جونگە سالۋدىڭ جاڭا كەزەڭىنە وتكەنىن كورسەتەدى. بۇل زاڭنىڭ شىعارىلۋى بيولوگيالىق حاۋىپسىزدىك سالاسىندا مەملەكەتتىڭ بيولوگيالىق حاۋىپسىزدىك ستراتەگياسى، زاڭى، ساياساتى سىندى «ءۇش جاق ءبىر تۇلعالاندىرىلعان» بيولوگيالىق حاۋىپسىزدىك قاتەرىنەن ساقتانۋ - تىزگىندەۋ جانە جونگە سالۋ جۇيەسىن قالىپتاستىرىپ، سالماقتى جۇقپالى اۋرۋلار مەن حايۋانات، وسىمدىك ىندەتىنەن ساقتانۋدىڭ زاڭدىق ءتۇزىمىن كۇشەيتىپ، «ادامدى نەگىز ەتۋ» سىندى زاڭ شىعارۋ پرينسيبىن شوعىرلى ايگىلەپ، بيولوگيالىق تەحنيكانىڭ دامۋىن مەملەكەتتىڭ دامۋىنا، حالىقتىڭ باقىتىنا، ادامزات وركەنيەتىنىڭ العا باسۋىنا اناعۇرلىم ويداعىداي قىزمەت ەتتىردى.
لي جانشۋ بىلاي دەپ اتاپ كورسەتتى: بيىل − «14 – بەسجىلدىق» جوبا مەن جاپپاي سوتسياليستىك وسىزاماندانعان مەملەكەت قۇرۋدىڭ باستاما جىلى. بيولوگيالىق حاۋىپسىزدىك زاڭى 4 - ايدىڭ 15 - كۇنىنەن باستاپ اتقارىلادى، ۇيرەنۋ، ۇگىتتەۋ، دايەكتىلەندىرۋ قىزمەتىن شىن مانىندە ويداعىداي يگەرىپ، زاڭنىڭ جاپپاي، ءونىمدى اتقارىلۋىنا كەپىلدىك ەتۋ كەرەك. ءبىرىنشى، زاڭدا بەلگىلەنگەن ماڭىزدى تۇزىمدەردى جاپپاي دايەكتىلەندىرىپ، تياناقتاندىرىپ، زاڭداعى بەلگىلەمەلەرمەن تارماقتار بويىنشا سالىستىرىپ، باقىلاۋ، ولشەۋ، ساقتاندىرۋ جۇيەسىن جەدەل ورناتىپ، زاڭ بويىنشا زاڭدا بەلگىلەنگەن ساقتانۋ، تىزگىندەۋ شارالارىن قولدانۋ كەرەك. ەكىنشى، ۇكىمەتتىڭ زاڭدا بەلگىلەنگەن مىندەتى مەن زاڭدىق جاۋاپكەرلىگىن جاپپاي تياناقتاندىرىپ، باسشىلىق مىندەتىن، باقىلاۋ - باسقارۋ مىندەتىن جانە قىزمەت جاۋاپكەرلىگىن قاتاڭ اتقارىپ، زاڭدى دايەكتى اتقارۋدىڭ قىزمەت بىرىككەن كۇشىن قالىپتاستىرۋ كەرەك. ءۇشىنشى، زاڭ اتقارۋدى، ءادىليانى جاپپاي كۇشەيتىپ، زاڭنىڭ قاتاڭدىعى مەن بەدەلىن شىنايى كۇشەيتىپ، مەملەكەتتىڭ زورلىقتى كۇشىمەن زاڭنىڭ ءونىمدى اتقارىلۋىن قامتاماسىزداندىرۋ كەرەك. ءتورتىنشى، مەملەكەتتىڭ بيولوگيالىق حاۋىپسىزدىك زاڭ - ەرەجە جۇيەسىن، تۇزىمدىك قامتاماسىز ەتۋ جۇيەسىن جەدەل ورناتىپ، زاڭ شىعارۋ، زاڭعا وزگەرىس ەنگىزۋ قىزمەتىن ءبىر تۇتاس ىلگەرىلەتىپ، سايكەستى زاڭ - ەرەجە، تۇزىمدەردى جەدەل كەمەلدەندىرۋ كەرەك.
لي جانشۋ مىنالاردى تالاپ ەتتى: بيولوگيالىق حاۋىپسىزدىك زاڭى اتقارىلعاننان كەيىن مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرى مەن تۇراقتى كوميتەتتىڭ قىزمەت قۇرىلىمدارى ۇزدىكسىز ىلەسىپ، ارناۋلى تاقىرىپتا تەكسەرۋ - زەرتتەۋ جۇرگىزۋى نەمەسە زاڭنىڭ اتقارىلۋىن تەكسەرۋى كەرەك. جەر - جەردەگى حالىق قۇرىلتايى تۇراقتى كوميتەتتەرى ءوز جەرىنىڭ ءىس جۇزىندىك جاعدايىمەن ۇشتاستىرىپ، قاتىستى جەرگىلىكتى زاڭ - ەرەجەلەردى شاعىن كولەمدە، ەگجەي - تەگجەيلى، جاسامپازدىقپەن جاساۋدا، وعان وزگەرىس ەنگىزۋدە تاباندى بولۋى كەرەك. زاڭ جونىندەگى ۇگىتتى كۇشەيتىپ، تۇتاس قوعامدا زاڭعا قۇرمەت ەتەتىن، زاڭدى ۇيرەنەتىن، زاڭعا بويسۇناتىن، زاڭدى قولداناتىن زاڭمەن جونگە سالۋ ورتاسىنىڭ قالىپتاسۋىن ىلگەرىلەتۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى ۋاڭ چىن اڭگىمە ءماجىلىسىن باسقاردى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى شىن يۋەيۋە، ديڭ جۇڭلي ماجىلىسكە قاتىناستى.
ورتالىق مەملەكەت حاۋىپسىزدىگى كەڭسەسىنىڭ، مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ، سىرتقى ىستەر مينيسترلىگىنىڭ، عىلىم - تەحنيكا مينيسترلىگىنىڭ، اۋىل شارۋاشىلىعى، اۋىل - قىستاق مينيسترلىگىنىڭ، ەكولوگيالىق ورتا مينيسترلىگىنىڭ، ءادىليا مينيسترلىگىنىڭ جاۋاپتىلارى اڭگىمە ماجىلىسىندە ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
