وقۋ – اعارتۋ مينيسترلىگى قۇجات جاريالادى! مىناداي 12 ءتۇرلى كىتاپتى مەكتەپ اۋلاسىنا ەنگىزۋگە تيىم سالىنادى
2021.04.06 14:17 كەلۋ قاينارى : حالىق تورابى
جۋىردا وقۋ – اعارتۋ مينيسترلىگى «ورتا، باستاۋىش مەكتەپتەردەگى ساباقتان سىرت وقيتىن كىتاپتاردى مەكتەپ اۋلاسىنا ەنگىزۋدى باسقارۋ ءادىسىن» (تومەندە قىسقارتىلىپ «ءادىس» دەپ اتالادى) باسىپ تاراتتى. ءتىلشىنىڭ 4 – ايدىڭ 2 – كۇنى تۇستەن بۇرىن اشىلعان وقۋ – اعارتۋ مينيسترلىگىنىڭ حابارلاندىرۋ ماجىلىسىنەن ۇعىسۋىنشا، «ادىستە» ورتا، باستاۋىش مەكتەپ وقۋشىلارىنا ساباقتان سىرت وقۋعا تانىستىرۋعا نەمەسە تاڭداۋعا بولمايتىن 12 ءتۇرلى ناشار كىتاپتاردىڭ تىزىمدىگى بەرىلگەن، پارتيا تاريحىن، مەملەكەت تاريحىن، اسكەري تاريحتى ازىلدەپ اڭگىمەلەيتىن، مەملەكەت حاۋىپسىزدىگىنە زيان جەتكىزەتىن، عىلىمي سيپاتتى قاتەلىك ساقتالعان، بەلگىلەمەگە قايشى تۇردە ساۋدالىق جارنامالار ەنگىزىلگەن، الەۋمەتتىك ءتارتىپ پەن ءمورالعا قايشى كەلەتىن ت.ب. كىتاپتار تيىم سالىناتىن تىزىمدىككە ەنگىزىلگەن.
«ادىسكە» قاراعاندا، مىناداي 12 ءتۇرلى كىتاپ تيىم سالىناتىن تىزىمدىككە ەنگىزىلەدى:
پارتيانىڭ لۋشيانى مەن باعىت – ساياساتتارىنا قايشى كەلەتىن، پارتيا مەن مەملەكەت باسشىلارىن، قاھارماندار مەن ۇلگىلىلەردى قارالايتىن، ولاردى ۇنامسىز كورسەتەتىن، پارتيا تاريحىن، مەملەكەت تاريحىن، ارميا تاريحىن ازىلدەپ اڭگىمەلەيتىن كىتاپتار؛
مەملەكەتتىڭ داڭقى مەن مۇددەسىنە زيان جەتكىزەتىن، جۇڭگوعا قارسى، جۇڭگوعا داق سالاتىن، جۇڭگونى ۇنامسىز كورسەتكەن مازمۇندار بار كىتاپتار؛
مەملەكەت قۇپيالىعىن اشكەرەلەيتىن، مەملەكەت حاۋىپسىزدىگىنە زيان جەتكىزەتىن كىتاپتار؛
مەملەكەتتىڭ ءبىرتۇتاستىعىنا، يەلىك ۇقىعى مەن تەرريتوريا تۇتاستىعىنا زيان جەتكىزەتىن كىتاپتار؛
دىنگە قاتىستى ساياساتقا قايشى كەلگەن مازمۇندار قامتىلعان، ءدىني تالىمدەر، شاريعاتتار جانە ءدىني قاعيدالار ۇگىتتەلگەن كىتاپتار؛
ۇلتتىق ساياساتتارعا قايشى كەلگەن مازمۇندار بار، ۇلتتىق وشپەندىلىككە، ۇلتتىق كەمسىتۋگە جەلىكتىرىپ، ۇلتتار ىنتىماعىن بۇلدىرەتىن نەمەسە ۇلتتاردىڭ سالت – داستۇرىنە، ادەتىنە قۇرمەت ەتپەيتىن كىتاپتار؛
وزىمشىلدىك، جاڭا ليبەراليزم، تاريحي تەرىستەمپازدىق قاتارلى قاتە كوزقاراستاردى ۇگىتتەگەن، شەتەلگە جارامساقتانۋ نىسايى بار كىتاپتار؛
تۇرپايى، انايى مازمۇندار قاتارلى ناشار نىسايلار بار، ستيلى ناشار، يدەياسى كىناراتتى، تابيعاتتان تىسقارى كۇشتى، تىلسىمشىلدىكتى جانە سايتان، ءتاڭىر بار دەگەن سياقتى سوقىر سەنىمدى ۇگىتتەگەن، انايى، شارۋ، زورلىقتى كۇش، بۇرىس ۋاعىز، قۇمارپازدىق، ەسىرتكى تۇتىنۋ، ءوزىن ءوزى ولتىرۋگە جەتەلەۋ، قىلمىس وتكىزۋگە جەلىكتىرۋ قاتارلى قۇن باعدارىندا ماسەلە بار كىتاپتار؛
باسقالاردى قورلاعان جانە باسقالارعا جالا جاپقان، باسقالاردىڭ زاڭدى ۇقىق – مۇددەسىنە زيان جەتكىزگەن كىتاپتار؛
عىلىمي جاقتا قاتەلىك بار كىتاپتار؛
بەلگىلەمەگە قايشى تۇردە ساۋدالىق جارناما نەمەسە ءتۇرى وزگەرگەن ساۋدالىق جارناما، ۇيلەسىمسىز جالعانىمدار ەنگىزىلگەن، بەلگىلەمەگە قايشى تۇردە «وقۋ – اعارتۋ مينيسترلىگى تانىستىرعان»، «جاڭا ساباق ولشەمىندە بەلگىلەنگەن» دەگەن سياقتى سوزدەردى قولدانعان كىتاپتار؛
باسقا دا الەۋمەتتىك ءتارتىپ پەن سالتقا، ءمورالدىق ولشەمگە، زاڭ – تۇزىمدەرگە قايشى كەلىپ، قوعامدا ناشار ىقپال تۋدىرعان كىتاپتار.
ءتىلشى مىناعان نازار اۋدارعان، «ادىستە» تاعى مىنالار ايقىن كورسەتىلگەن: ءارقانداي ورىندار مەن جەكەلەردىڭ مەكتەپ اۋلاسىندا لەكسيا، كۋرىس قاتارلىلاردى ۇيىمداستىرۋ ارقىلى ساباقتان سىرت كىتاپتاردى ساتۋىنا بولمايدى. مەكتەپتەر سيعا بەرىلگەن ساباقتان سىرت كىتاپتاردىڭ كەلۋ قاينارىن ايقىنداۋى، مەكتەپ نەمەسە جوعارى دارەجەلى وقۋ – اعارتۋدى اكىمشىلىك جاقتان باسقارۋ قۇرىلىمدارى تەكسەرۋدەن، بەكىتۋدەن وتكىزۋى، قۇن باعدارى مەن ۇيلەسىمدىلىگىنە قاتىستى بەكىتۋدەن وتكىزۋ تالاپتارىن ايقىنداۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
