شينجياڭ ۇيعۇر اۆتونوميالى رايونى چيڭميڭدە قۇرباندارعا ازا ءبىلدىرۋ قيمىلىن وتكىزدى
چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين قاتارلىلار قاتىناستى
2021.04.06 16:19 كەلۋ قاينارى : شينجياڭ گازەتى
انار بۇلت/شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 4 - ايدىڭ 4 - كۇنى ۇرىمجىدەن حابارلايدى. 4 - ايدىڭ 4 - كۇنى تۇستەن بۇرىن اۆتونوميالى رايون چيڭميڭدە ءۇرىمجى قالاسىنداعى قۇرباندار قابىرستانىندا قۇرباندارعا ازا ءبىلدىرۋ قيمىلىن وتكىزدى. اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە شينجياڭ ءوندىرىس - قۇرىلىس بيڭتۋانىنىڭ باسشىلارى ءۇرىمجى قالاسىنداعى ءار ۇلت، ءار سالا كادىر - بۇقاراسىنىڭ ۋاكىلدەرىمەن بىرگە حالىق قاھارماندارىنا ىززەتپەن گۇل شارباق قويىپ، قاھارمانداردىڭ ۇشان - تەڭىز ۇلى ەڭبەگىن ەسكە الىپ، قۇرباندار رۋحىن اسقاقتاتىپ، شۇعىلالى تاريحتى ەسكە ساقتاپ، ەكپىندەي ىلگەرىلەۋگە كۇش - قۋات ۇيىستىردى.
چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، ۋاڭ حايجياڭ، ياڭ چىڭ، شۇي حايرۇڭ، ەركىن تۇنياز، تيان ۋىن، لي يفي، ۋاڭ ميڭشان قاتارلىلار قيمىلعا قاتىناستى.
ءۇرىمجى قالاسىنداعى قۇرباندار قابىرستانى ايبىندى دا جىم - جىرت، توڭىرەگى قاراعايلارمەن كومكەرىلگەن، ەسكەرتكىش مۇنارا اسقاق بوي سوزىپ تۇر. ساعات 10نان 45 مينۋت وتكەندە حالىق قاھارماندارىنا گۇل شارباق قويۋ سالتى رەسمي باستالدى. بۇكىل الاڭ جىم - جىرتتىققا شومدى، شينجياڭنىڭ ازاتتىعى مەن قۇرىلىس ىستەرى ءۇشىن ەرلىكپەن باسىن ءباي تىككەن قۇرباندارعا، بولشەكتەۋشىلىككە قارسى تۇرۋ كۇرەسى مەن لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ەرلىكپەن باسىن ءباي تىككەن قۇرباندارعا ءۇنسىز ازا ءبىلدىردى.
شارشى توپتىڭ الدىنا اۆتونوميالى رايوندىق پارتكوم، اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى، ءۇرىمجى قالاسىنداعى ءار ۇلت، ءار سالا كادر - بۇقاراسىنىڭ ۋاكىلدەرى اتىنان ۇسىنىلعان 7 گۇل شارباق قاز - قاتار ءتىزىلدى. گۇل شارباقتاردىڭ قىزىل تورعىن لەنتاسىنا ۇلكەن التىن تۇسپەن جازىلعان ”حالىق قاھارماندارى ماڭگى جاسايدى“ دەگەن سوزدەر ەرەكشە جارقىراپ، شينجياڭداعى 25 ميلليوننان استام ءار ۇلت پەرزەنتتەرىنىڭ اعا بۋىن توڭكەرىستىك قۇرباندارعا، قاھارمان قۇرباندارعا دەگەن شەكسىز ساعىنىشى مەن وسكەلەڭ قۇرمەتىن جەتكىزىپ تۇر.
تەرەڭ سەزىمگە تولى «گۇل قويۋ مۋزيكاسىنا» ىلەسە، 14 قۇرمەت قاراۋىلى گۇل شارباقتاردى اقىرىن كوتەرىپ، حالىق قاھارماندارى ەسكەرتكىشىنە قاراي باياۋ قادام تاستاپ، گۇل شارباقتاردى ەسكەرتكىشتىڭ تۇعىرىنا اكەلىپ قويدى.
چىن چۋانگو، شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، ۋاڭ حايجياڭ قاتارلىلار باياۋ باسىپ باسپالداقپەن تۇعىرعا شىعىپ، كوز الماي قاراپ تۇردى، گۇل شارباقتاردىڭ تورعىن لەنتاسىن ىجداعاتپەن رەتتەدى. ودان سوڭ اۆتونوميالى رايوننىڭ باسشىلارى جانە ءار ۇلت، ءار سالا كادر - بۇقاراسىنىڭ ۋاكىلدەرى توڭكەرىستىك قۇربانداردىڭ قابىرىنىڭ الدىنا كەلىپ، شەكسىز، وسكەلەڭ قۇرمەت سەزىمىمەن ۋ ماۋلين، لين جيلۋ، چىن تانچيۋ، ماۋ زىمين، چياۋ گوجىن قاتارلى قۇربانداردىڭ قابىرىنا قۇرمەتپەن قاراپ تۇرىپ، توڭكەرىستىك قۇربانداردىڭ وشپەس ەڭبەگىن تەرەڭ سۇيىسپەنشىلىكپەن ەسكە الدى.
ىززەتپەن گۇل شارباق قويۋ سالتى اياقتالعان سوڭ، چىن چۋانگو، شوكىرات زاكىر قاتارلىلار ءۇرىمجى قۇرباندار ىزگى ىستەرى كورمە سارايىنا كىرىپ، ”تيانشانداعى وشپەس ەسكەرتكىش“ نەگىزگى تاقىرىبىنداعى كورمەنى ەكسكۋرسيالادى. ءاربىر قىمباتتى مادەني ەسكەرتكىشتەر، توپ - توپ تاريحي ماتەريالدار، تولىپ جاتقان اسەرلى اڭگىمەلەر توڭكەرىستىك قۇربانداردىڭ شۇعىلالى ەڭبەكتەرىن بايانداپ، ولاردىڭ وزگەشە كۇرەس ساپارىن ەستەلىككە العان. چىن چۋانگو، شوكىرات زاكىر ءالسىن - ءالى توقتاي قالىپ، ۇزاق - ۇزاق ۇڭىلە قاراپ، ءتۇسىندىرۋدى مۇقيات تىڭداپ، قۇربانداردى شىن ىقىلاستارىمەن ساعىنا ەسكە الدى. چىن چۋانگو بىلاي دەپ اتاپ كورسەتتى: پارتيانىڭ 100 جىلدىق ۇلى كۇرەس ساپارىنان ۇزدىكسىز العا باسۋدىڭ اقىل - پاراساتى مەن كۇش - قۋاتىن قابىلداپ، كوممۋنيستەردىڭ رۋحاني تامىرىن ۇزدىكسىز جالعاستىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، تاريح پەن ءداۋىر جۇكتەگەن كەلەلى مىندەتتى اناعۇرلىم ويداعىداي ارقالاپ، قىزىل گەندى، توڭكەرىستىڭ الاۋىن ۇرپاقتان - ۇرپاققا جالعاپ، توڭكەرىستىك ارداگەر قۇرباندار نەگىزىن سالعان ىستەردى ۇزدىكسىز العا ىلگەرىلەتىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋىمىز كەرەك.
قيمىلعا قاتىناسقان ءار ۇلت، ءار سالا كادر - بۇقاراسى مىنالاردى ءبىلدىردى: سان - ساناقسىز توڭكەرىستىك ارداگەر قۇرباندار مەن قاھارمان قۇرباندار باسىن ءباي تىگىپ، ىستىق قانىن توگىپ، ءبىزدى بۇگىنگى باقىتتى، تاماشا تۇرمىسقا جەتكىزدى. قۇربانداردىڭ وسكەلەڭ قاسيەتى مەن توڭكەرىستىك رۋحىنا مۇراگەرلىك ەتىپ، ساۋلەلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا ساپارعا قادام قوياتىن، جاڭا داۋىردە ەكپىندەي ىلگەرىلەيتىن قۋاتتى كۇش - قۋات ۇيىستىرىپ، ورنىقتىلىق، دامۋ قىزمەتتەرىن ويداعىداي تىڭعىلىقتى ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا بەلسەنە ۇلەس قوسۋعا قۇلشىنامىز.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القاسىنىڭ قۇرامىنداعىلار، قارۋلى ساقشى شينجياڭ باس اترەتىنىڭ اسكەري، ساياسي نەگىزگى باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، ءۇرىمجى قالاسىنداعى ءارقايسى ءىرى باسشىلىق القانىڭ قۇرامىنداعىلار جانە ورگاننىڭ كادر - قىزمەتكەرلەر ۋاكىلدەرى، ت. ب، قيمىلعا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
