شەكارا اتتاعان قۇمار ويىنىمەن، تەلەگراف – ينتەرنەت ارقىلى الدامكوستىك ىستەۋمەن شۇعىلدانعان 89 ادامنىڭ پاسپورتىنىڭ كۇشىنەن قالدىرىلعانى جاريالاندى
2021.04.07 13:50 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شيۇڭ فىڭ 4 – ايدىڭ 6 – كۇنى بەيجيڭنەن حابارلايدى. ءتىلشىنىڭ 4 – ايدىڭ 6 – كۇنى مەملەكەتتىك كوشى – قوندى باسقارۋ مەكەمەسىنەن ۇعىسۋىنشا، جۋىردا مەملەكەتتىك كوشى – قوندى باسقارۋ مەكەمەسى شەكارا اتتاعان قۇمار ويىنىمەن، تەلەگراف – ينتەرنەت ارقىلى الدامكوستىك ىستەۋمەن شۇعىلدانعان زاڭعا قايشى قىلمىستىق ارەكەتتەردى قاتاڭ جونگە سالىپ، شەكارا اتتاعان قۇمار ويىنىنا، الدامكوستىككە ساياتىن ارەكەتتەرمەن شۇعىلدانعان 89 ادامنىڭ پاسپورتىنىڭ زاڭ بويىنشا كۇشىنەن قالدىرىلعانىن، ولاردىڭ ءۇش جىل ىشىندە شەكارادان شىعۋىنا تيىم سالىنعانىن جاريالادى.
جاڭا تيپتى ايدارشا ۆيرۋس وكپە قابىنۋ ىندەتى تارالعاننان بەرى، مەملەكەتتىك كوشى – قوندى باسقارۋ مەكەمەسى شەكارادان كىرىپ – شىعۋعا قاتىستى ساياساتتاردى دەر كەزىندە، ۇيلەسىمدى تۇردە رەتكە سالىپ، جۇڭگو ازاماتتارىن ەرەكشە قاجەت بولماعان جاعدايدا شەكارادان شىقپاۋعا جەتەلەدى، قوعامنىڭ ءار سالاسىنداعىلار بۇل ساياساتتاردى جاپپاي قولدادى ءارى بۇعان تۇسىنىستىكپەن قارادى، جۇڭگو ازاماتتارىنىڭ شەكارادان شىعۋ سانى زور مولشەردە تومەندەدى. الايدا، ءالى دە ءىشىنارا ادامدار زاڭعا قايشى ۇيىمداردىڭ الداۋىنا نەمەسە ءتۇرلى شىرعالارعا ۇشىراپ، ساياحاتتاۋ، جۇمىس ىستەۋ دەگەن جەلەۋمەن شىعىس وڭتۇستىك ازياداعى مەملەكەتتەرگە بارىپ، شەكارا اتتاعان قۇمار ويىنى، تەلەگراف جانە ينتەرنەت ارقىلى الدامكوستىك ىستەۋ قاتالى زاڭعا قايشى قىلمىستىق ارەكەتتەرمەن شۇعىلدانىپ، ەلىمىز ازاماتتارىنىڭ مال – مۇلكىنىڭ حاۋىپسىزدىگىنە اۋىر زيان جەتكىزگەن، سونىمەن بىرگە، وسىنىڭ سالدارىنان بارىمتالاۋ، بوپسالاۋ قاتارلى قىلمىستاردى جانە قارا – سۇرقيا كۇشتەرگە قاتىسى بار ورەسكەل قىلمىستاردى وتكىزۋگە دەيىن بارىپ، ەلىمىزدىڭ ەكونوميكاسىنىڭ حاۋىپسىزدىگى مەن قوعامىنىڭ ورنىقتىلىعىنا حاۋىپ ءتوندىرىپ، ەلىمىزدىڭ وبىرازىنا زيان جەتكىزدى.
وسى جونىندە مەملەكەتتىك كوشى – قوندى باسقارۋ مەكەمەسى قوعام حاۋىپسىزدىگى ورگاندارىنىڭ حالىقارالىق سەلبەستىك جاساۋ، قىلمىستىق ىستەردى بارلاۋ، اماندىق ساقتاۋ قاتارلى تاراۋلارىمەن بىرگە، قاتىستى مەملەكەتتەردىڭ كوشى – قوندى باسقارۋ تاراۋلارىمەن زاڭ اتقارۋ جاعىنداعى سەلبەستىكتەردى ىرىقتىلىقپەن كۇشەيتىپ، زاڭ بويىنشا شەكارادان كىرىپ – شىعۋ ىستەرىن باسقارۋ – مەڭگەرۋ تەبىنىن كۇشەيتتى. بۇل جولى شەكارادان شىعۋىنا شەكتەۋ سالۋ شاراسى اتقارىلعان ادامداردىڭ ءبىر ءبولىمى قوعام حاۋىپسىزدىگى ورگاندارى دەلو تۇرعىزىپ، تەكسەرۋ جۇرگىزىپ جاتقان قىلمىس كۇماندىلارى، ەندى ءبىر ءبولىمى زاڭسىز قونىستانۋ، زاڭسىز كاسىپتەنۋ سەبەبىنەن باسقا مەملەكەتتەر ەلىمىزگە قايتارعان ادامدار، تاعى ءبىر ءبولىمى باتىس وڭتۇستىك شەكارا ارقىلى زاڭسىز تۇردە شەكارادان شىقپاقشى بولعاندا قولعا تۇسكەندەر.
مەملەكەتتىك كوشى – قوندى باسقارۋ مەكەمەسى مىنانى ەسكەرتەدى: ينتەرنەت كەڭىستىگى زاڭنان تىسقارى قالمايدى، شەكارا سىرتى دا زاڭعا قايشى ەلەمەنتتەردىڭ ۇجىماعى ەمەس. مەملەكەتتىك كوشى – قوندى باسقارۋ قۇرىلىمدارى شەكارا اتتاعان قۇمار ويىنى، تەلەگراف – ينتەرنەت ارقىلى الدامكوستىك ىستەۋ سياقتىلارعا قاتىناسقان زاڭعا قايشى قىلمىستىق ەلەمەنتتەرگە باستان – اياق «مۇلدە جول بەرمەۋ» پوزيتسياسىن ۇستانادى، الدا – جالدا بىرەۋلەر زاڭنىڭ قىزىل سىزىعىنان اتتاماق بولسا، تۇگەلدەي زاڭ بويىنشا قاتاڭ ءبىرجاقتى ەتىلەدى ءارى شەكارادان شىعۋىنا زاڭ بويىنشا شەكتەمە قويىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
