IMF بيىل دۇنيە ءجۇزى ەكونوميكاسى %6 ارتادى دەپ مەجەلەدى

2021.04.07 15:21   كەلۋ قاينارى : حالىق تورابى

　　سۋرەتتە: 4 – ايدىڭ 6 – كۇنى ا ق ش – نىڭ ۋاشينگتون قالاسىندا حالىقارالىق اقشا قورى ۇيىمىنىڭ (IMF) باس ەكونوميسى گيتا گوفينات اقپار جاريالاۋ ماجىلىسىنە قاتىناستى. شينحۋا اگەنتتىگىنىڭ ءتىلشىسى ليۋ جيە فوتوسى

　　شينحۋا اگەنتتىگىنىڭ ءتىلشىسى شۇي يۋان، گاۋ پان 4 – ايدىڭ 6 – كۇنى ۋاشينگتوننان حابارلايدى. حالىقارالىق اقشا قورى ۇيىمى (IMF) 4 – ايدىڭ 6 – كۇنى «دۇنيە ءجۇزى ەكونوميكاسىنا نازار سالۋ مالىمەتىن» جاريالاپ، 2021 – جىلى دۇنيە ءجۇزى ەكونوميكاسى %6 ارتادى، ارتۋ قارقىنى قازىرگى مەجەدەگىدەن جوعارى بولادى دەپ مەجەلەدى.

　　مالىمدەمەدە بىلاي دەلىنگەن: باستى ەكونوميكالىق تۇلعالاردىڭ قازىنالىق جاقتان قولداۋ كورسەتۋىنىڭ جانە بيىل سوڭعى جارىم جىلدا ۆاكسينانىڭ كەڭ كولەمدە ەگىلۋىنە بايلانىستى ەكونوميكانىڭ قايتا جاندانۋىنىڭ جارىققا شىعۋىنان ءۇمىت زور بولۋىنىڭ سەپتىگىن تيگىزۋىندە، دۇنيە ءجۇزى ەكونوميكاسىنىڭ بيىل %6 ارتۋىنان ءۇمىت زور، بۇل مەجە 1 – ايداعى مەجە قۇنى نەگىزىندە 0.5 پايىز جوعارىلاتىلعان. سونىمەن بىرگە، دۇنيە جۇزىندەگى باستى ەكونوميكالىق تۇلعالاردىڭ بۇرىن – سوڭدى بولماعان توتەپ بەرۋ شارالارىن اتقارۋىنا بايلانىستى جاڭا تيپتى ايدارشا ۆيرۋس وكپە قابىنۋ ىندەتىنىڭ دۇنيە ءجۇزى ەكونوميكاسىنا بولعان سوققىسى 2008 – جىلداعى حالىقارالىق فينانس داعدارىسىنان از بولۋى مۇمكىن.

　　مالىمەتتەگى مەجەگە قاراعاندا، بيىل دامىعان ەكونوميكالىق تۇلعالاردىڭ ەكونوميكاسى %5.1 ارتادى، جاڭا گۇلدەنگەن بازارلار مەن دامۋ ۇستىندەگى ەكونوميكالىق تۇلعالاردىڭ ەكونوميكاسىنىڭ ارتۋ مولشەرى %6.7 بولادى. مۇندا ا ق ش – نىڭ ەكونوميكاسىنىڭ ارتۋ مولشەرى %6.4 بولادى، ەۆروپا وداعىنىڭ ەكونوميكاسىنىڭ ارتۋ مولشەرى %4.4 بولادى، جاپونيانىڭ ەكونوميكاسىنىڭ ارتۋ مولشەرى %3.3 بولادى. سونىمەن بىرگە، IMF جۇڭگونىڭ ەكونوميكاسىنىڭ بيىلعى ارتۋ مولشەرى %8.4 بولادى دەپ مەجەلەگەن، بۇل 1 – ايداعى مەجە قۇنىنان 0.3 پايىز جوعارىلاتىلعان.

　　بولاشاققا كوز جىبەرگەندە، IMF بىلاي دەپ قارايدى: دۇنيە ءجۇزى ەكونوميكاسىنىڭ ارتۋ بولاشاعى اسا تۇراقسىز، باستىسى ىندەتتىڭ جاعدايى مەن ساياساتتىق ارەكەتتەردىڭ ونىمدىلىگى قاتارلىلارعا بايلانىستى بولادى. IMF 2022 – جىلى دۇنيە ءجۇزى ەكونوميكاسىنىڭ ارتۋ مولشەرى %4.4 كە دەيىن تومەندەيدى، ورتا مەرزىمدىك ارتۋ قارقىنى %3.3 كە دەيىن اقىرىندايدى دەپ مەجەلەگەن، بۇل ىندەتتىڭ قامداۋداعى كومەسكى كۇشكە زيان جەتكىزۋى جانە ىندەتتىڭ الدىندا جارىققا شىققان ەڭبەككۇش مولشەرىنىڭ ارتۋىنىڭ باياۋلاۋى قاتارلى ماسەلەلەردىڭ بايقالا باستاۋىنىڭ بەلگىسى. ساياساتتىق كەڭىستىكتىڭ شەكتەمەگە ۇشىراۋىنا بايلانىستى جاڭا گۇلدەنگەن بازارلار مەن كىرىسى تومەن، دامۋ ۇستىندەگى ەكونوميكالىق تۇلعالار ورتا مەرزىمدە اناعۇرلىم اۋىر سوققىعا ۇشىراۋى مۇمكىن دەپ مەجەلەنۋدە.

　　IMF ۇيىمىنىڭ باس ەكونوميسى گيتا گوفينات مىنانى ءبىلدىردى: جۇرتتىڭ جاپپاي ۆاكسينا ەكتىرۋىنە جانە ىندەت كەزىندەگى قىزمەت تاسىلىنە بىرتىندەپ ۇيلەسۋىنە، باستى ەكونوميكالىق تۇلعالاردىڭ قوسىمشا قازىنالىق قولداۋ ساياساتتارىن شىعارۋىنا بايلانىستى، دۇنيە ءجۇزى ەكونوميكاسىنىڭ داعدارىستان ءوتۋ بولاشاعى بارعان سايىن ايقىندالا ءتۇستى، الايدا، ءالى دە قاتاڭ سىناقتارعا ءدوپ كەلىپ وتىر.

　　كەلۋ قاينارى: حالىق تورابى