بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2021.04.08 14:10     كەلۋ قاينارى : حالىق تورابى

  ينتەرنەتتىڭ قارقىنىن تەزدەتىپ، اقىسىن تومەندەتۋدى ۇزدىكسىز ىلگەرىلەتىپ، كاسىپورىندارعا، حالىققا اناعۇرلىم كوپ تيىمدىلىك جاساۋدى ورنالاستىردى؛ جۇمىسشى - قىزمەتكەرلەردىڭ نەگىزگى ەمدەلۋىن قامسىزداندىرۋ، امبۋلاتوريالىق قاراجاتتارىن ءبىر جاعادان باس، ءبىر جەڭنەن قول شىعارىپ قامتاماسىزداندىرۋ مەحانيزمىن ورناتۋ جانە كەمەلدەندىرۋ شارالارىن بەلگىلەپ، جەكەلەردىڭ ەسەپ قارجىسىن پايدالانۋ كولەمىن كەڭەيتىپ، بۇقارانىڭ ەمدەلۋ اۋىرتپالىعىن جەڭىلدەتتى

  شينحۋا اگەنتتىگى، 4 - ايدىڭ 7 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 7 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ينتەرنەتتىڭ قارقىنىن تەزدەتىپ، اقىسىن تومەندەتۋدى ۇزدىكسىز ىلگەرىلەتىپ، كاسىپورىندارعا، حالىققا اناعۇرلىم كوپ تيىمدىلىك جاساۋدى ورنالاستىردى؛ جۇمىسشى - قىزمەتكەرلەردىڭ نەگىزگى ەمدەلۋىن قامسىزداندىرۋ، امبۋلاتوريالىق قاراجاتتارىن ءبىر جاعادان باس، ءبىر جەڭنەن قول شىعارىپ قامتاماسىزداندىرۋ مەحانيزمىن ورناتۋ جانە كەمەلدەندىرۋ شارالارىن بەلگىلەپ، جەكەلەردىڭ ەسەپ قارجىسىن پايدالانۋ كولەمىن كەڭەيتىپ، بۇقارانىڭ ەمدەلۋ اۋىرتپالىعىن جەڭىلدەتتى.

  ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، تاياۋ جىلداردان بەرى ينتەرنەتتىڭ قارقىنىن تەزدەتىپ، اقىسىن تومەندەتۋ قىزمەتىندە كورنەكتى ونىمدىلىككە قول جەتىپ، تۇراقتى كەڭ جولاقتى ينتەرنەت پەن جىلجىمالى ينتەرنەتتىڭ قارقىنى بارىنشا جوعارىلاپ، اقىسى بارىنشا تومەندەپ، بۇقارانىڭ تۇرمىس ساپاسىن جوعارىلاتىپ، كاسىپورىنداردىڭ وزىندىك قۇنىن تومەندەتۋدە تىرەكتىك رول اتقارىپ، جۇمىستانۋدى، يگىلىك جاراتۋدى، سيفرلى ەكونوميكانىڭ دامۋىن جانە جاڭا قوزعاۋشى كۇشتىڭ جەتىلۋىن جەبەدى. «ۇكىمەت قىزمەتىنەن باياندامانىڭ» تالابىن تياناقتاندىرىپ، ينتەرنەتتىڭ قارقىنىن تەزدەتىپ، اقىسىن تومەندەتۋدى اناعۇرلىم ىلگەرىلەتىپ، ينتەرنەت جانە قىزمەت وتەۋ ساپاسىن جوعارىلاتۋ كەرەك. ءبىرىنشى، G5 مەن مىڭ مەگابايتتىق وپتيكالىق ينتەرنەت قۇرىلىسىن قولدانۋدى كۇش سالا ىلگەرىلەتۋ كەرەك. مىڭ مەگابايتتىق وپتيكالىق ينتەرنەتتىڭ دارەجەسىن جوعارىلاتۋ جانە وتباسىلارعا ەنگىزىلۋىن وزگەرتۋ قىزمەتىن ورىستەتىپ، قالالاردىڭ «مىڭ مەگابايتتىق ينتەرنەتتى وتباسىلارعا دەيىن جەتكىزۋ» قۋاتىن نەگىزىنەن ازىرلەۋىن ىلگەرىلەتىپ، بيىل مىڭ مەگابايت وپتيكالىق ينتەرنەت جەتكىزىلگەن وتباسىلاردى 200 ميلليوننان اسىرۋ كەرەك. كەڭ جولاقتى ينتەرنەتتىڭ اكىمشىلىك قىستاقتاردى جاپپاي قامتۋىن ىلگەرىلەتۋ ءارى ءوندىرىس جۇمىس رايونى، ماڭىزدى قاتىناس جولى لەنياسى سياقتى ءتۇيىندى وڭىرلەرگە قاراي كەڭەيتۋ كەرەك. ەكىنشى، نەگىزدىك تەلەگراف كاسىپورىندارىنىڭ ورتا، شاعىن كاسىپورىنداردىڭ كەڭ جولاقتى ينتەرنەتى مەن ارناۋلى لەنياسىنىڭ ورتاشا اقىسىن تاعى دا %10 تومەندەتۋىنە جەتەكشىلىك ەتىپ، قارتتار، مۇگەدەكتەر سياقتى ەرەكشە قاۋىمعا اقى جاعىنان جەڭىلدىك بەرۋ كەرەك. ءۇشىنشى، ساۋدا عيماراتتارىنىڭ كەڭ جولاقتى ينتەرنەتتى مونوپوليالاپ ەنگىزۋ، باعانى زورلىقپەن قوسۋ سياقتى ارەكەتتەرىن باتىل وڭاپ، كليەنت تۇتىنۋشىلارىنىڭ قارقىندى تەزدەتىپ، اقىنى تومەندەتۋدىڭ تيىمدىلىگىنەن يگىلىكتەنۋىنە كەپىلدىك ەتۋ كەرەك. كەڭ جولاقتى ينتەرنەتكە ەنگىزۋ كاسىبىنىڭ بازارعا كىرۋ شارتىن لايىقتى تومەندەتىپ، حالىقتىق كاسىپورىنداردىڭ ات سالىسۋىنا قولداۋ كورسەتىپ، بازاردىڭ ءادىل باسەكەسى ارقىلى اقىنىڭ تومەندەۋىن جەبەۋ كەرەك. ءتورتىنشى، تەلەگراف نەگىزدىك قۇرىلعىلارىن بىرگە قۇرۋدى، ودان بىرگە يگىلىكتەنۋدى كۇشەيتىپ، ينتەرنەت بايلىعىنان پايدالانۋ ونىمدىلىگىن جوعارىلاتۋ كەرەك. ينتەرنەت جەلىسى ارالىعىنىڭ كەڭەيۋىن ىلگەرىلەتىپ، جەلى اتتاعان حابارلاسۋ ساپاسىن جاقسارتۋ كەرەك.

  ءماجىلىس بىلاي دەپ اتاپ كورسەتتى: ەلىمىز جاڭا كەزەكتى ەمدەۋ، ءدارى - دارمەك، دەنساۋلىق ساقتاۋ رەفورماسى ارقىلى دۇنيە ءجۇزى بويىنشا كولەمى ەڭ ۇلكەن، ءبىر ميللياردتان استام ادامعا يگىلىك جەتكىزەتىن نەگىزگى ەمدەۋ قامسىزداندىرۋ تورىن قۇردى، بۇل بۇقارانىڭ ەمدەلۋ اۋىرتپالىعىن جەڭىلدەتۋدە، ەمدەلۋ قىمبات بولۋ ماسەلەسىن شەشۋدە ماڭىزدى رول اتقاردى. تاياۋ جىلداردان بەرى كوپتەگەن ناۋقاسقا ساياتىن جوعارى قان قىسىمى، قانتتى نەسەپ اۋرۋى سياقتى امبۋلاتوريالىق سوزىلمالى، سالماقتى اۋرۋلار ەمدەۋ قامسىزداندىرۋىنىڭ ەسەپتەن كوتەرۋىنە ەنگىزىلدى. كەلەسى قادامدا ەمدەۋ، ءدارى - دارمەك، دەنساۋلىق ساقتاۋ رەفورماسىن تەرەڭدەتىپ، جۇمىسشى - قىزمەتكەرلەردىڭ نەگىزگى ەمدەۋ قامسىزداندىرۋىنداعى ءوزارا كومەكتەسۋ، ءبىر جاعادان باس، ءبىر جەڭنەن قول شىعارىپ قامتاماسىزداندىرۋ فۋنكتسياسىن كۇشەيتىپ، ءتىپتى دە كوپ امبۋلاتوريا قاراجاتىن ەمدەۋ قامسىزداندىرۋىنداعى ەسەپتەن كوتەرۋ كولەمىنە ەنگىزىپ، ناۋقاستاردىڭ اۋىرتپالىعىن ونان ارى جەڭىلدەتۋ كەرەك. ءماجىلىس مىنالاردى بەلگىلەدى: ءبىرىنشى، دەنساۋلىققا زاردابى زور، قاراجات سالماعى اۋىر بولعان امبۋلاتوريالىق سوزىلمالى، سالماقتى اۋرۋلار مەن كوپ تۋىلاتىن اۋرۋلاردىڭ، ۇنەمى كەزىگەتىن اۋرۋلاردىڭ ادەتتەگى امبۋلاتوريا قاراجاتىن ءبىر تۇتاس جوسپارلاۋ قورىنا بىرتىندەپ ەنگىزۋ كەرەك. ساياسات كولەمىندە تولەۋ سالىستىرماسىن %50 تەن باستاپ، زەينەتكەرلەرگە لايىقتى بەيىمدەلۋ، بۇدان كەيىن قوردىڭ كوتەرىمدىلىك قۋاتىنىڭ ارتۋىنا بايلانىستى قامتاماسىزداندىرۋ ورەسىن بىرتىندەپ جوعارىلاتۋ كەرەك. ەكىنشى، جەكەلەردىڭ ەسەبىن ەنگىزۋ ءادىسىن جاقسارتۋ كەرەك. قىزمەتتەگى جۇمىسشى - قىزمەتكەرلەردىڭ جەكە تاپسىراتىن اقىسى ءالى دە سول ادامنىڭ جەكە ەسەبىنە، مەكەمە - ورىننىڭ تاپسىراتىن اقىسى تۇگەلدەي ءبىر تۇتاس جوسپارلانعان قورعا كىرگىزىلەدى؛ زەينەتكەرلەردىڭ جەكە ەسەبى ءبىر تۇتاس جوسپارلانعان قوردان نورما بويىنشا ءبولىپ شىعارىلادى، جوسپارلانعان سوما بىرتىندەپ ءبىر تۇتاس جوسپارلانعان رايونداردىڭ وسى رەفورمانىڭ سول جىلعى نەگىزگى زەينەتاقىسىنىڭ ورتاشا دەڭگەيىنىڭ %2 ىنە رەتتەلەدى. ءۇشىنشى، جەكەلەردىڭ ەسەپ – قيساپتان پايدالانۋ كولەمىن كەڭەيتىپ، وتباسى مۇشەلەرىنىڭ ورتاق پايدالانىپ قيىنشىلىقتان وتۋىنە جول بەرۋ كەرەك، مۇنى بەلگىلەنگەن ەمدەۋ قۇرىلىمدارىندا ەمدەلۋدە، سونداي – اق بەلگىلەنگەن ءدارى بولشەك ساتۋ دۇكەنىنەن ءدارى – دارمەك، ەمدەۋ جابدىقتارى جانە ەمدەۋگە جۇمسالاتىن ماتەريال ساتىپ الۋدا تۋىلعان قاراجاتتى جەكەلەر ۇستىنە الۋدا پايدالانۋعا بولادى، ءۇي ىشىندەگىلەردىڭ قالا – اۋىل تۇرعىندارىنىڭ نەگىزدىك ەمدەۋ قامسىزداندىرۋىنا قاتىناسۋى سىندى جەكەلەر تاپسىراتىن قاراجاتتى تولەۋ جاعىندا ىزدەنىس جاساۋ كەرەك. ءتورتىنشى، ەمدەۋ قامسىزداندىرۋ قورىن باقىلاۋ - باسقارۋدى كۇشەيتىپ، تەكسەرۋ، ىشكى تىزگىندەۋ سياقتى تۇزىمدەردى كەمەلدەندىرىپ، وتىرىكتەن بالنيتساعا جاتۋ، قامسىزداندىرۋ اقىسىنان الدامشىلىقپەن يگىلىكتەنۋ سياقتى بەلگىلەمەگە قايشى ارەكەتتەردى قاتاڭ تەكسەرىپ ءبىر جاقتى ەتىپ، امبۋلاتوريامەن سەلبەسىپ ۇيلەسىمدى اقى تولەۋ مەحانيزمىن كەمەلدەندىرۋ كەرەك. ءماجىلىس مىنالاردى دارىپتەدى: ولكە دارەجەلى ۇكىمەتتەردىڭ 3 جىل اينالاسىندا وتپەلى كەزەڭ بەلگىلەپ، رەفورما نىساناسىن بىرتىندەپ ءتارتىپتى جۇزەگە اسىرۋىنا بولادى. ءماجىلىس سونىمەن بىرگە مىنانى تالاپ ەتتى: قالا - اۋىل تۇرعىندارىنىڭ نەگىزگى ەمدەلۋىن قامسىزداندىرۋدى ءبىر تۇتاس جوسپارلاۋدى قاتار كەمەلدەندىرۋ ءارى قامتاماسىزداندىرۋ دەڭگەيىن بىرتىندەپ جوعارىلاتۋ كەرەك.

  ءماجىلىس باسقا دا ىستەردى اقىلداستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار