كەيبىرەۋدىڭ جۇڭگو قازاقستانعا لاستايتىن كاسىپورىندارىن جوتكەپ جاتىر دەگەن جازعىرۋى جونىندە ساۋدا مينيسترلىگى جاۋاپ قايتاردى: شىندىققا جاناسپايتىن، بوتەن نيەتپەن ايتىلعان ءسوز
2021.04.09 13:24 كەلۋ قاينارى : حالىق تورابى
شينحۋا اگەنتتىگىنىڭ تىلشىلەرى يۇي جياشين، ۋاڭ يۇيشياۋ 4 – ايدىڭ 8 – كۇنى بەيجيڭنەن حابارلايدى. كەيبىر سىنشىلاردىڭ ەلىمىز قورشاعان ورتانى لاستايتىن كاسىپورىنداردى قازاقستانعا جوتكەپ جاتىر دەگەن جازعىرۋى جونىندە ساۋدا مينيسترلىگىنىڭ مالىمدەمەشىسى گاۋڭ فىڭ 4 – ايدىڭ 8 – كۇنى: بۇل شىندىققا جاناسپايتىن، بوتەن نيەتپەن ايتىلعان ءسوز، — دەپ جاۋاپ قايتاردى.
گاۋ فىڭ ساۋدا مينيسترلىگىنىڭ سول كۇنى اشقان كەزەكتى اقپار جاريالاۋ ماجىلىسىندە جوعارىداعىداي مالىمدەدى. شەتەل اقپارات قۇرالدارىنىڭ قازاقستاندا جۋىردا تاعى دا جۇڭگوعا قارسىلىق ءبىلدىرۋ قيمىلى تۋىلدى دەپ حابارلاعانى جونىندە، گاۋ فىڭ: بۇل ات توبەلىندەي ادامداردىڭ جالعاستى تۇردە جات نيەتپەن دابىرالاۋى، — دەدى.
گاۋ فىڭ بىلاي دەدى: قازاقستان — «ءبىر بەلدەۋ، ءبىر جولدى» بىرگە قۇرۋ دارىپتەمەسى العاش رەت ورتاعا قويىلعان جەر. جۋىرداعى جىلداردان بەرى، جۇڭگو مەن قازاقستاننىڭ ەكونوميكا – ساۋدا سالاسىنداعى جەتىستىكتەرى مول بولىپ، ەكى ەل حالقى يگىلىككە كەنەلدى. ول بىلاي دەپ تانىستىردى: جۇڭگو جاقتىڭ ساناعىنا قاراعاندا، بيىل 1 – ايدان 2 – ايعا دەيىن، جۇڭگو مەن قازاقستاننىڭ ەكى جاقتى ساۋداسىنىڭ ارتۋ مولشەرى %20 بولىپ، قۋاتتى جاندانۋ بەتالىسىن بايقاتقان. قازاقستاننىڭ ۇن، زىعىر، تۇيە ءسۇتى تالقانى قاتارلى ساپالى، جاسىل اۋىل شارۋاشىلىعى ونىمدەرى جۇڭگوداعى مىڭداعان وتباسىلاردىڭ داستارقانىنان ورىن الدى. 2020 – جىلى قازاقستان ارقىلى وتەتىن جۇڭگو – ەۆروپا كەزەكشى پويەزدەرى ون مىڭعا تاياعان. 2020 – جىلدىڭ سوڭىنا دەيىن، ەلىمىزدىڭ قازاقستانداعى بارلىق سالالارعا تىكەلەي قوسقان قارجىسىنىڭ ساقتالعان مولشەرى 7 ميلليارد 831 ميلليون يۋان بولىپ، قازاقستاننىڭ كاسىپتەندىرۋ، ەكونوميكانى دامىتۋ ىستەرىندە ماڭىزدى رول اتقارعان.
ول بىلاي دەپ تانىستىردى: جاڭا ەنەرگيا، ەكولوگيالىق اۋىل شارۋاشىلىعى، مەديتسينا قاتارلى سالالاردى ۋاكىل ەتكەن جاسىل ەكونوميكالىق سەلبەستىك ورنىقتى ىلگەرىلەتىلۋدە. مىسالى: قازاقستاننىڭ جامبىل وبلىسىنداعى 100 مەگابايتتىق جەل ەلەكتر ستانسياسى ءساتتى تۇردە ەلەكتر تورىنا قوسىلىپ، توك تاراتا باستادى، بۇل جەرگىلىكتى ورىننىڭ 1000 توننادان استام كۇكىرت قوس توتىعىن، 300 مىڭ تونناعا جۋىق كومىرتەگى قوس توتىعىن از شىعارۋىنا كومەكتەسەدى.
گاۋ فىڭ بىلاي دەدى: جۇڭگو جاق تاتۋلىق، شىنايىلىق، تيىمدىلىك جاساۋ، كەڭ پەيىلدىلىك تانىمىن ۇزدىكسىز ۇستانىپ، بىرگە كەڭەسۋ، بىرگە كوركەيتۋ، ورتاق يگىلىكتەنۋ پرينسيپىندە تاباندى بولىپ، قازاقستانمەن بىرگە قۇلشىنىپ، ءارقايسى سالالارداعى ناقتى سەلبەستىكتەردى تەرەڭدەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
