حان جىڭ مەملەكەتتىك جاسىلداندىرۋ كوميتەتىنىڭ جالپى ماجىلىسىندە مىنانى دارىپتەدى
شي جينپيڭ ەكولوگيالىق وركەنيەت يدەياسىن مۇقيات امالياتتا ايگىلەپ، مەملەكەت جەرىن جاسىلداندىرۋ ىستەرىنىڭ دامۋىن كۇش سالا ىلگەرىلەتۋ كەرەك
2021.04.09 15:47 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 8 - كۇنى، بەيجيڭ. مەملەكەتتىك جاسىلداندىرۋ كوميتەتىنىڭ جالپى ءماجىلىسى 4 - ايدىڭ 8 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى، مەملەكەتتىك جاسىلداندىرۋ كوميتەتىنىڭ مەڭگەرۋشىسى حان جىڭ ماجىلىسكە قاتىناستى ءارى ءسوز سويلەدى. ءماجىلىس باس شۋجي شي جينپيڭنىڭ ماڭىزدى ءسوزىنىڭ جانە نۇسقاۋىنىڭ، بەكىتۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن دايەكتىلەندىرىپ، تياناقتاندىرىپ، قاتىستى قۇجاتتاردى قاراپ، «13 - بەسجىلدىق» كەزىندەگى مەملەكەت جەرىن جاسىلداندىرۋ قىزمەتىن قورىتىندىلاپ، «14 - بەسجىلدىق» جوبا مەزگىلىندەگى جانە 2021 - جىلعى مەملەكەت جەرىن جاسىلداندىرۋداعى ءتۇيىندى مىندەتتەردى اقىلداسىپ ورنالاستىردى.
حان جىڭ بىلاي دەپ اتاپ كورسەتتى: شي جينپيڭ جولداستى ۇيىتقى ەتكەن پارتيا ورتالىق كوميتەتى مەملەكەت جەرىن جاسىلداندىرۋ قىزمەتىنە وسكەلەڭ ءمان بەرىپ، مەملەكەت جەرىن جاسىلداندىرۋ ىستەرىنىڭ دامۋى جونىندە ءبىرقىدىرۋ ماڭىزدى ورنالاستىرۋ جاساپ، وسى قىزمەتتى ويداعىداي ىستەۋگە ءتۇبىرلى تياناق ازىرلەدى. «13 - بەسجىلدىق» جوبا مەزگىلىندە ەلىمىزدىڭ مەملەكەت جەرىن جاسىلداندىرۋدا تىڭ تابىستارعا قول جەتتى، الايدا نەمقۇرايدى قاراۋعا بولمايتىن كەيبىر ماسەلەلەرگە دە ءدوپ كەلىپ وتىرمىز. مەملەكەت جەرىن جاسىلداندىرۋدى عىلمي ىلگەرىلەتۋ − جاڭا دامۋ ۇستانىمىن دايەكتىلەندىرىپ، كورىكتى جۇڭگو قۇرۋدىڭ تابيعي تالابى، كومىرتەگىن ىعىستىرۋدى جوعارى شەككە جەتكىزىپ، كومىرتەگىن بەيتاراپتاندىرۋ نىساناسىنداعى ستراتەگيالىق تالعام. شي جينپيڭ ەكولوگيالىق وركەنيەت يدەياسىن مۇقيات امالياتتا ايگىلەپ، مەملەكەت جەرىن جاسىلداندىرۋ ىستەرىنىڭ دامۋىن كۇش سالا ىلگەرىلەتىپ، ەكولوگيالىق وركەنيەت قۇرۋعا جانە كليمات وزگەرىسىنە توتەپ بەرۋگە تىڭ دا اناعۇرلىم زور ۇلەس قوسۋ كەرەك.
حان جىڭ مىنالاردى دارىپتەدى: مەملەكەت جەرىن جاسىلداندىرۋدى عىلمي ىلگەرىلەتۋدە «قاي جەردە ورمان ءوسىرۋ»، «نەندەي ورمان ءوسىرۋ»، «ورماندى قالاي ءوسىرۋ»، «قالاي باسقارۋ» ماسەلەسىن ايقىنداۋ كەرەك. مەملەكەت جەرى كەڭىستىگىنىڭ ورنالاسۋىن كۇش سالا ساپالىلاندىرىپ، جاسىلداندىرۋعا پايدالانىلاتىن جەردى عىلمي بەلگىلەپ، جىلدىق جاسىلداندىرۋ مىندەتىن ۇيلەسىمدى ورنالاستىرىپ، تياناقتاندىرۋ كارتاسىن دالمە - ءدال باسقارىپ، ەگىستىك جەردى بەلگىلەمەگە قايشى يەمدەنىپ جاسىلداندىرۋ، ورمان وسىرۋگە قاتاڭ تيىم سالۋ كەرەك. حۋاڭحى وزەنى، چاڭجياڭ وزەنى، ءۇش تەرىستىك سياقتى وڭىرلەردى ماڭىزدى ءتۇيىن ەتىپ، كۇشتى شوعىرلاندىرا وتىرىپ ەگىستىككە اينالعان ورماندى، جايىلىمدى قالپىنا كەلتىرۋ، بەيجيڭ - تيانجين قۇمدى بوران قاينارىن جونگە سالۋ سياقتى مەملەكەتتىڭ ءتۇيىندى ەكولوگيالىق ينجەنەريالارىن ويداعىداي اتقارۋعا ۇيىمداستىرۋ كەرەك. جەرگىلىكتى جاعدايعا قاراي ىستەۋدەن، نەنى ەگۋگە ۇيلەسسە، سونى ەگۋدەن جازباي، جاسىلداندىرىلعان سورتتاردىڭ الۋان تۇرلىلەنۋىنە، جەرگىلىكتەنۋىنە ءمان بەرىپ، ورمان اراسىنداعى شارۋاشىلىق سياقتى حالىقتى اۋقاتتاندىرۋ جاسىل كاسىبىن عىلمي دامىتۋ كەرەك. ەكولوگيالىق جۇيەنىڭ ىشكى زاڭدىلىعىنا بويسۇنىپ، قورعاۋدى ماڭداي الدى ورىنعا قويۋدا، تابيعاتتى قالپىنا كەلتىرۋدى نەگىز ەتۋدە تاباندى بولىپ، تاۋ، سۋ، ورمان، اتىز، كول، جايىلىم، ءشولدى جالپى تۇلعالىق قورعاۋدى، جۇيەلى قالپىنا كەلتىرۋدى، جان - جاقتى جونگە سالۋدى ىلگەرىلەتىپ، قاراعاي جىپشەلى قۇرت اۋرۋىنان ساقتانۋ - ەمدەۋ سياقتى عىلمي زەرتتەۋدەن قامال الۋدى مىقتى يگەرۋ كەرەك. جالپى حالىق مىندەتتى اعاش ەگۋ ورىستەتىلگەنىنىڭ 40 جىلدىعىن وراي ەتىپ، بازا قۇرىلىسىن كۇشەيتىپ، ۇگىت سەرپىنىن ارتتىرىپ، مىندەتتى اعاش ەگۋدىڭ جەلى ءىشى - سىرتىندا توعىسپالى دامۋىن ىلگەرىلەتىپ، جالپى حالىقتىڭ مىندەتتى اعاش ەگۋىن تاباندىلىقپەن ىلگەرىلەتۋ كەرەك.
حان جىڭ مىنالاردى اتاپ كورسەتتى: مەملەكەت جەرىن جاسىلداندىرۋدىڭ تىرەكتىك قامتاماسىزداندىرۋ جۇيەسىن كۇشەيتۋ كەرەك. ءتۇزىم قۇرىلىسىن كۇشەيتىپ، ورمان شارۋاشىلىعى مەن جايىلىمنىڭ كومىرتەگىن اينالىمعا سالۋ جوباسىن جاساپ، كوللەكتيۆتىك ورمان ۇقىعى ءتۇزىمى رەفورماسىن تەرەڭدەتىپ، ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن جەدەل ورناتىپ، ەكولوگيالىق تولەم بەرۋ مەحانيزمىن كەمەلدەندىرۋ كەرەك. ۇيىمدىق باسشىلىقتى كۇشەيتىپ، ورمان باستىعى ءتۇزىمىن جاپپاي اتقارىپ، قوسىن قۇرىلىسىن مىقتى يگەرىپ، ءار دارەجەلى جاسىلداندىرۋ كوميتەتتەرىنىڭ رولىن ويداعىداي ساۋلەلەندىرۋ كەرەك. زاڭدى قاتاڭ اتقارىپ، ورماندى جەرلەردى، جايىلىمداردى پايدالانۋدى باسقارۋدى كۇشەيتىپ، جابايى حايۋاناتتار اتكەزشىلىگىنە قاتاڭ سوققى بەرۋ كەرەك. ءار دارەجەلى ۇكىمەتتەردىڭ، قاتىستى تاراۋلاردىڭ ورتتەن ساقتانۋ جاۋاپكەرلىگىن قاتاڭ تياناقتاندىرىپ، قىزمەتتىڭ ۇشتاسۋىن جانە سايكەسۋىن كۇشەيتىپ، كومەسكى قاتەرلەردى ءبىر - بىرلەپ تەكسەرۋدى كۇشەيتىپ، قازىنا، قارجى ۇسىنىلىمىن ارتتىرىپ، ورماندى، جايىلىمدى ورتتەن ساقتاۋ قىزمەتىن شىن مانىندە ويداعىداي يگەرۋ كەرەك.
مەملەكەتتىك كەڭەستىڭ قاتىستى تاراۋلارىنداعى، مەملەكەتتىك جاسىلداندىرۋ كوميتەتىنە مۇشە ورىندارداعى قاتىستى جاۋاپتى جولداستار ماجىلىسكە قاتىناستى، مەملەكەتتىك ورمان، جايىلىم مەكەمەسىنىڭ جاۋاپتىلارى مالىمەت جاسادى، مەملەكەتتىك دامۋ جانە رەفورما كوميتەتىنىڭ، قازىنا مينيسترلىگىنىڭ، قاتىناس - تاسىمال مينيسترلىگىنىڭ، سۋ يگىلىگى مينيسترلىگىنىڭ، كوممۋنيستىك جاستار وداعى ورتالىق كوميتەتىنىڭ قاتىستى جاۋاپتىلارى لەبىز ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
