بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۋىل شارۋاشىلىق سالىعىن كۇشىنەن قالدىرۋدى باستاما ەتتى –

اۋىل شارۋاشىلىعى، اۋىل – قىستاق، شارۋالار ىستەرىنىڭ دامۋ كومەسكى كۇشى اناعۇرلىم نىعايدى (100 جىلدىق كۇرەس جولىندا جاڭا جورىق باستاۋ)

«حالىق گازەتىنىڭ» تىلشىلەرى چيۋ حايفىڭ، ۋاڭ ۋىنجىڭ 

2021.04.09 15:52     كەلۋ قاينارى : حالىق تورابى

  جۇڭگونىڭ اۋىل شارۋاشىلىق مۇراجايىندا بيىكتىگى 99 سانتيمەتر كەلەتىن ءۇش سيراقتى مىس قازاندىقتىڭ − ەگىنشىلىك سالىعىمەن قوشتاسۋ قازاندىعىنىڭ ءمۇسىنى بار. وسى «باعالى اسىل» قايسى ءبىر ايگىلى ادامنىڭ تۋىندىسى ەمەس، قايتا حىبەي ولكەسى ليڭشوۋ اۋدانىنداعى قاراپايىم ەگىنشى ۋاڭ ساننيدىڭ وزدىگىنەن سومداعانى، بۇل جۇڭگونىڭ اۋىل شارۋاشىلىعى، اۋىل - قىستاق دامۋ تاريحىنداعى ءىرى ءىس − 2006 - جىلى 1 - ايدىڭ 1 - كۇنىنەن باستاپ اۋىل شارۋاشىلىق سالىعىنىڭ كۇشىنەن قالدىرىلۋىن ەستەلىككە العان.

  «مەن ەگىنشىنىڭ ۇلىمىن، اتا - بابالارىمىز ۇرپاقتار بويى ەگىنشىلىكپەن شۇعىلدانعان. بۇل كۇندە ءبىز ەگىنشىلىككە قوش ايتتىق، مەن ەگىنشىلەر اتىنان وسى قازاندىقتى جاسادىم...» قازاندىقتاعى قاراپايىم ويما جازۋدا ءجۇز ميلليونداعان ەگىنشىنىڭ پارتيانىڭ اۋىل شارۋاشىلىعى، اۋىل – قىستاق، شارۋالار ساياساتىن قولداپ – قۋاتتايتىنى جانە وعان العىس ايتاتىنى بەينەلەنگەن.

  اۋىل - قىستاقتان جينالاتىن، اۋىل شارۋاشىلىعىنان كەلەتىن ءارى ەگىنشىلەر تىكەلەي ۇستىنە الاتىن اۋىل شارۋاشىلىق سالىعى ەلىمىزدە 2 مىڭ 600 جىلدان استام ۋاقىت جالعاستى. جاڭا جۇڭگو قۇرىلعاننان كەيىن اۋىل شارۋاشىلىق سالىعى نەداۋىر مەزگىل ىشىندە مەملەكەتتىڭ قازىنالىق كىرىسىنىڭ ماڭىزدى قاينارى بولىپ كەلدى، 1949 - جىلدان 2005 - جىلعا دەيىن ەلىمىزدىڭ اۋىل شارۋاشىلىق سالىعىنىڭ جالپى كىرىسى 420 ميلليارد يۋانعا جەتتى.

  اۋىل شارۋاشىلىق سالىعىنان سىرت، ەگىنشىلەر تاعى دا تۇرلىشە المان - سالىقتى ۇستىنە الاتىن. وتكەن عاسىردىڭ 80 - جىلدارىنىڭ ورتا، سوڭعى مەزگىلىنە قادام تاستاعان مەزگىلدە وعان سالىق سيپاتىنداعى ءتۇرلى قاراجات قوسىلىپ، ەگىنشىلەردىڭ اۋىرتپالىعى ماسەلەسى بىرتىندەپ كورنەكتىلەنىپ، وعان ورتالىق ايرىقشا نازار اۋدارعان بولاتىن.

  بۇل جاعدايدى قالاي وزگەرتۋگە بولادى؟ بۇل ءۇشىن تالاي جىلعا جالعاسقان ەگىنشىلەردىڭ اۋىرتپالىعىن جەڭىلدەتۋ جانە اۋىل - قىستاق سالىق - اقى رەفورماسى باستالدى.

  1990 - جىلدان باستاپ ورتالىق كوميتەت ارت - ارتىنان كوپتەگەن قۇجات ءتۇسىرىپ، ەگىنشىلەرگە قاراتىلعان ءتۇرلى اقى الۋ، ايىپ سالۋ جانە سالىق سالۋ ماسەلەسىن ءمان بەرىپ شەشتى.

  ۇستىنەن وڭاۋ، ونان دا ماڭىزدىسى، تۇبىرىنەن وڭاۋ قاجەت. ەگىنشىلەردىڭ اۋىرتپالىعىن جەڭىلدەتۋدىڭ تۇبىرىنەن وڭاۋ شاراسى جاعىندا ىزدەنىس جاساۋ ءۇشىن، ورتالىق قىزمەت ءتۇيىنىن بىلىقپالىقتى جونگە سالۋدان، اۋىرتپالىقتى جەڭىلدەتۋدەن اۋىل - قىستاق سالىق - اقى رەفورماسىنا ويىستىرۋدى ۇيعاردى. 1998 - جىلى مەملەكەتتىك كەڭەستىڭ اۋىل - قىستاق سالىق - اقى رەفورماسى قىزمەت گرۋپپاسى قۇرىلىپ، اۋىل - قىستاق سالىق - اقى رەفورماسىنىڭ شىمىلدىعى اشىلدى.

  وسىدان كەيىن اۋىل - قىستاق سالىق - اقى رەفورماسىن تۇيىندە سىناق ەتۋ قىزمەتى جاپپاي ورىستەتىلىپ، اۋىل شارۋاشىلىق سالىعىن كۇشىنەن قالدىرۋ نىساناسى ايقىن ورتاعا قويىلىپ، بۇكىل ەل بويىنشا اۋىل شارۋاشىلىق سالىق مولشەرى تومەندەتىلىپ، حيلۇڭجياڭ، جيلين ولكەلەرىندە اۋىل شارۋاشىلىق سالىعىن بۇكىلدەي كەشىرىم ەتۋ تۇيىندە سىناق ەتىلىپ، تەمەكى جاپىراعىنان باسقا اۋىل شارۋاشىلىق ەرەكشە ءونىم سالىعى، مال شارۋاشىلىق سالىعى كۇشىنەن قالدىرىلدى... 2005 - جىلى 12 - ايدىڭ 29 - كۇنىنە كەلگەندە، 10 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19 - ءماجىلىسى 2006 - جىلى 1 - ايدىڭ 1 - كۇنىنەن باستاپ «جۇڭحۋا حالىق رەسپۋبليكاسىنىڭ اۋىل شارۋاشىلىق سالىعى ەرەجەسىن» كۇشىنەن قالدىرۋدى ۇيعاردى. سونىمەن ءبىر بايىرعى سالىق ءتۇرى اياقتالدى.

  حابار تارالىسىمەن ۇلان - بايتاق اۋىل - قىستاق دۋمانعا بولەندى. تاريحتا بولىپ كورمەگەن وسى ءىرى وقيعا جالپى ەگىنشىنىڭ ەسىندە مىقتاپ ورناپ قالدى، كەيبىرەۋلەر قۋانعانىنان ۇيىقتاي المادى. اتىز باسىندا قاربالاستىقتىڭ بەينەسى كوبەيدى، بۇرىن سىرتقا شىعىپ جۇمىس ىستەگەن كوپتەگەن ەگىنشى قىستاققا قايتىپ ەگىن ەكتى. نەگىزگى ساتى كادرلارى مەن بۇقارانىڭ قاتىناسى دا قويۋلاي ءتۇستى.

  اۋىل شارۋاشىلىق سالىعىن كۇشىنەن قالدىرۋدى باستاما ەتىپ، ەلىمىز اۋىل - قىستاقتىڭ جالپىلىق رەفورماسىن ونان ارى ىلگەرىلەتىپ، كوپ بەرۋ، از الۋ، جانداندىرۋدا تاباندى بولىپ، قازىنانىڭ اۋىل شارۋاشىلىعىن قولداۋ، قارجى قوسۋ تەبىنىن ۇزدىكسىز ارتتىرىپ، اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتتارىن ىركەس - تىركەس شىعارىپ، تياناقتاندىرىپ، اۋىل شارۋاشىلىعىن، اۋىل - قىستاقتى، شارۋالاردى دامىتۋدىڭ كومەسكى كۇشىن ونان ارى تاسقىنداتتى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار