بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

مەملەكەتتىك دەنساۋلىق ساقتاۋ – سالاماتتىق كوميتەتى: جاڭا تيپتى ايدارشا ۆيرۋس ۆاكسيناسىن ەكتىرۋدى بارلىق ادامنان ءماجبۇرلى تۇردە تالاپ ەتۋ ارەكەتىن ءسوزسىز تۇزەتۋ كەرەك

2021.04.12 13:19   كەلۋ قاينارى : حالىق تورابى



  4 – ايدىڭ 11 – كۇنى مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى اقپار جاريالاۋ ءماجىلىسىن اشىپ، ەلىمىزدىڭ جاڭا تيپتى ايدارشا ۆيرۋس ۆاكسيناسىن ەگۋ ىسىنە قاتىستى جاعدايلاردى تانىستىردى.

  4 – ايدىڭ 10 – كۇنى ساعات 24 كە دەيىن، بۇكىل ەلىمىز بويىنشا جاڭا تيپتى ايدارشا ۆيرۋس ۆاكسيناسىنان 164 ميلليون 471 مىڭ داناسى ەگىلگەن.

  جۋىردا ءىشىنارا جەرلەردە جاڭا تيپتى ايدارشا ۆيرۋس ۆاكسيناسىن ەگۋ قىزمەتىندە تۇرپايىلاندىرۋ، ءتىپتى «ءبىر تاياقپەن ايداۋ» جاعدايى بايقالعان. بۇل جونىندە مەملەكەتتىك دەنساۋلىق ساقتاۋ – سالاماتتىق كوميتەتى مىنانى اتاپ كورسەتتى: ۆاكسينا ەكتىرۋدى بارلىق ادامنان ءماجبۇرلى تۇردە تالاپ ەتۋ ارەكەتىن ءسوزسىز تۇزەتۋ كەرەك.

  جاڭا تيپتى ايدارشا ۆيرۋسقا قاتىستى جويعىش ۆاكسينانىڭ 2 رەتكى ۆاكسينا ەگۋ ارالىعى جونىندەگى ماسەلەگە باعىتتاي وتىرىپ، 2 رەتكى ۆاكسينا ەگۋ ارالىعى 3 اپتادان كەم بولماۋى كەرەك، 2 – رەتكى ۆاكسينانى 8 اپتانىڭ ىشىندە كەشىكتىرمەي ەكتىرۋ كەرەك دەگەن ۇسىنىس بەردى.

  تۇرلىشە ۆاكسينا ونىمدەرىن الماستىرىپ ەكتىرۋگە بولا ما دەگەن ماسەلە جونىندە، ۆاكسينا ەكتىرۋدى باستان – اياق ۇقساس ءبىر ءتۇرلى ۆاكسينا ءونىمى بويىنشا ورىنداعان ءجون دەگەن ۇسىنىس بەردى. ەگەر ۆاكسينا ەكتىرۋشى سىرت جەردە ەكتىرۋ سىندى ەرەكشە جاعدايلارعا ءدوپ كەلىپ، باستان – اياق ءبىر ءتۇرلى ۆاكسينا ءونىمىن ەكتىرۋگە مۇمكىندىك بولماعان كەزدە، باسقا ورىندار وندىرگەن ءبىر تيپتەگى ۆاكسينا ءونىمىن ەكتىرگەنى ءجون.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت