بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

تاۋدان كوشىپ ءتۇسىپ، جاڭا تۇرمىسپەن قاۋىشتى

دوڭگەلەك داۋلەتتىلىككە ءبىر نيەتپەن ۇمتىلۋ

□ انار بۇلت / شينجياڭ گازەتىنىڭ تىلشىلەرى ءجازيرا نەسىپبەك، حى جياڭ

2021.04.12 13:50     كەلۋ قاينارى : شينجياڭ گازەتى

  4 - ايدىڭ 6 - كۇنى تۇستەن كەيىنگى كۇن نۇرى موڭعۇلكۇرە اۋدانى قاراسۋ قالاشىعى اقشي قىستاعىنا شۋاعىن توگىپ تۇر، قىستاق تۇرعىنى باقكەلدى باتىربەك اۋلاسىنىڭ ءبىر بۇرىشىندا وتىرىپ بار ىنتاسىمەن اعاش تاقتايعا ورنەك ويۋدا.

  كەيبىر قىستاق تۇرعىندارىنىڭ ۇيلەرىنە ۇقسامايتىنى باقكەلدىنىڭ ءۇيىنىڭ اۋلاسىنا سەمەنت توسەلگەن، 130 شارشى مەترلىك ءۇيدىڭ سىرتقى قابىرعاسىنا ورنەك باسىلعان اق ءتۇستى شىنى كەرپىش جاپسىرىلعان، پلاستيكالىق بولاتتان جاسالعان ەسىك - تەرەزەدەن شاڭ - توپىراق كىرمەيدى. ءۇيدىڭ ىشىنە ۇلتتىق ەرەكشەلىككە يە كىلەم توسەلگەن، قوناق بولمەسىنىڭ قابىرعاسىنا وتباسىلىق سۋرەت ءىلىنىپتى، اشەكەيلەنۋى ءساندى دە جايلى، كەزىندە سۋ جاعالاپ، تاۋ ساعالاپ قونىستاناتىن مالشىنىڭ ءۇيى ەكەنىن ەلەستەتۋدىڭ ءوزى قيىن.

  ”مۇستاقان، تەزدەن قوناقتى ۇيگە باستا، مەن كيىمىمدى اۋىستىرىپ الايىن“. ءتىلشىنى كورە سالا باقكەلدى قولىنداعى سايمانىن جەرگە قويا سالىپ، جۇگىرىپ بارىپ قولىن جۋدى. جۇبايى مۇستاقان بەكەش كويلەك تىگىپ جاتىپتى، ۇيىنە قوناق كەلگەنىن كورە سالا ىقىلاستى تۇردە قارسى الا شىقتى.

  ”تاۋدان كوشىپ تۇسكەنىڭىزگە وكىنەسىز بە؟“، - دەپ سۇرادى ءتىلشى ورنىنا جايعاسىپ بولعان سوڭ.

  ”نە ءۇشىن ەرتەرەك كوشىپ تۇسپەگەنىمە وكىنەمىن“. باقكەلدى مەن جۇبايى شايىن، نانىن اكەلىپ ابىگەر، ”بۇرىن وتباسىمىز مال باعۋعا سۇيەنىپ كۇن كورەتىنبىز، ءبىر جىلدىڭ ءتورت ماۋسىمىندا كوشىپ - قونىپ جۇرەمىز، ءار جىلى كوكتەمدە الىنعان ءتولدىڭ امان - ەسەن قاتارعا قوسىلۋىن تىلەپ قانا وتىراتىنبىز، ءبىر جىلدىق تابىسىمىز سول عانا بولاتىن“.

  باقكەلدىنىڭ 2 اعاسى بار بولاتىن، ول ۇيلەنگەن سوڭ اكەسىنىڭ وعان ءبولىپ بەرەر جايلىمى دا جوق ەكەن. باقكەلدى اعالارىنا مال باعىپ بەرىپ، سولاردىڭ جايلىمىنان پايدالانىپ ءوزىنىڭ ازىن - اۋلاق قويىن وسىرەدى. جىل بويى جەلگە جەمىرىلىپ، كۇنگە قاقتالىپ تاپقان اقشاسى ماردىمسىز بولىپ، تاۋ قويناۋىن مەكەندەگەن ەرلى - زايىپتى ەكەۋى كۇن كورىسىن قايتكەندە جاقسارتۋعا بولاتىندىعى جونىندە باس قاتىرادى.2013 - جىلى مالشىلاردى وتىرىقتاندىرۋ ينجەنەرياسىنان باقكەلدى 85 شارشى مەترلىك ۇيگە يە بولادى.

  وزىنە تيەسىلى ءۇيدىڭ بولۋى، راسىندا، قۋانارلىق جاعداي، ءبىراق، باقكەلدىنىڭ كوڭىلى ءالى دە دامىل تاپپايدى، ول بولسا: تاۋدان كوشىپ تۇسكەننەن كەيىن، تۇرمىسىم اۋەلگى قالپىندا تۇرا بەرە مە؟ - دەگەن وي ەدى.

  مالشىلاردى وتىرىقتاندىرۋ − مالشىلاردىڭ كىرىسىن ۇزدىكسىز ورنىقتى ارتتىرۋدى جەبەۋدى، ءوندىرىس تاسىلىنە بۇرىلىس جاساۋدى ماقسات ەتەدى. جاڭا ۇيگە كوشىپ كىرگەننەن كەيىن، اۋەلگى تۇرمىس كۇيىن قالاي وزگەرتۋگە بولادى؟ اۋىل - قالاشىق پەن قىستاق كادرلارى قىستاقتاعى 1 - توپتا ءۇي بولىنگەن 86 مالشى وتباسىنا وتىرىقتى تۇرمىس كەشىرۋدىڭ پايداسى جونىندە ۇگىت جۇرگىزدى.

  ”سول كەزدە كادرلار ماعان اۋداننىڭ ساياحاتتى دامىتۋ جوباسىن باياندادى، تاعى ماعان ءبىر ەسەپ جاساپ بەردى، ول بولسا، ەگەر تاۋدان ءتۇسىپ وتىرىقتانسام قولدانىلمالى تەحنيكا ۇيرەنۋىمە بولادى، ءبىر ايدا تاباتىن اقشام بۇرىنعى جارتى جىلدىق كىرىسىممەن بارابار بولادى، جۇبايىم دا ورنىقتى تۇرمىس كەشىرە الادى“، - دەدى باقكەلدى.

  تاۋدان كوشىپ تۇسەيىك! باقكەلدى ەڭ سوڭىندا وسىنداي بەكىمگە كەلدى.

  باقكەلدى قويىن باسقا مالشىلارعا باقتىرعان سوڭ، جازدا قىستاق تۇرعىندارىنا ەرىپ سىرتقا شىعىپ جۇمىس ىستەپ، قىستا قىستاقتاعى ەگىنشى - مالشىلاردىڭ كاسىپتىك شەبەرلىككە باۋلۋ كۋرسىندا اعاششىلىق، تامشىلىق، دانەكەرلەۋ سياقتىلاردى ۇيرەنىپ، ۇيرەنگەن تەحنيكالارىنا سۇيەنىپ، وتباسىنىڭ تۇرمىسىن بىرتىندەپ جاقسارتا تۇسەدى.

  ”قاراڭدارشى، ءۇيىمنىڭ اۋلاسى مەنىڭ ’زاۆودىم‘، مەن تاپسىرىس قابىلداپ وسى ارادا تاقتاي ماتەريالدارىن ءتىلۋ، ويۋ ارقىلى ءتۇرلى ونىمدەردى جاسايمىن، جىلدىق كىرىسىم 50 مىڭ يۋاننان اسادى“، - دەدى باقكەلدى، اقشا جيناپ العان سوڭ، ول ءۇيىن 130 شارشى مەترگە دەيىن كەڭەيتىپ سالىپتى.

  بۇل وزگەرىستەرمەن سالىستىرعاندا، جۇبايى مۇستاقاننىڭ وزگەرىسى تىپتەن بولەكشە ەدى.

  ”جۇرىڭدەر، سەندەرگە جۇبايىمنىڭ قولونەرىن كورسەتەيىن!“ باقكەلدى قىزۋ مەرەيمەن ءبىزدى ەرتىپ قوناق بولمەسىنە ىرگەلەس بولمەگە كىردى.

  بۇل مۇستاقاننىڭ قىزمەت ءۇيى ەكەن. ۇستىلەرىنە مۇستاقان تىككەن كورمە كيىمى كيگىزىلگەن بىرنەشە مودەل ءتىزىلىپ قويىلعان، قازاق ۇلتىنىڭ ءداستۇرلى كيىمدەرى جانە ەرلەر كاستيۋمى مەن ايەلدەر كويلەگى دە تۇر.

  ”مىنا كويلەكتەر ءداستۇرلى كەستەلەۋ ادىسىمەن توعىسا تىگىلگەن بولىپ، مودالىق قۇرامى بار، ۇلتتىق ەرەكشەلىگى دە ساقتالعان، قىستاق تۇرعىندارى مەن تىككەن كيىمدەردى قاتتى ۇناتادى“، - دەدى مۇستاقان قۋانا.

  مۇستاقان بۇل قولونەردى دە ەگىنشى - مالشىلار كاسىپتىك شەبەرلىككە باۋلۋ كۋرسىنان ۇيرەنگەن. وتىرىقتانۋدىڭ الدىندا مۇستاقان كۇيەۋىنە ەرىپ ءتورت ماۋسىم بويى كوشىپ - قونىپ جۇرەتىن، ونىڭ كۇندە باس قاتىراتىن ەكى ءتۇرلى شارۋاسى: كۇيەۋىنە تاماق ىستەۋ جانە سيىر، قويلارعا قاراۋ ەدى.

  ”مەن ەجەلدەن باسقا جۇمىس ىستەۋگە بولادى دەپ ويلاپ كورمەپپىن، وتىرىقتى تۇرمىس مەنىڭ تۇرمىس ءتاسىلىمدى وزگەرتتى“، - دەدى مۇستاقان.

  كەستە تىگۋ جانە تىگىنشىلىك تەحنيكاسىن يگەرگەن مۇستاقان بۇل كۇندەرى الىس - جاقىنعا اتى تانىس ”كيىم - كەشەك جوبالاۋشىسى“ بولىپ قانا قويماي جانە ءوزىنىڭ ءۇيىن اشەكەيلەپ، حالىقتىق شەبەرحانا ەتىپ وزگەرتىپ سالادى.

  ”2019 - جىلدان بۇگىنگە دەيىن وتباسىمىز 6000 نەشە ادام - رەت ساياحاتشى قابىلداپ، كىرىسىمىز 120 مىڭ يۋانعا تايادى“، - دەدى مۇستاقان ماقتانىشپەن، - وتباسىمىزدىڭ قازىرگى ەڭ ۇلكەن ءۇمىتى − بالالارىمىزدىڭ جاقسى وقىپ، اناعۇرلىم مول ءبىلىم الۋىنا مۇمكىندىك جاساپ، بولاشاقتا قوعامعا جارامدى ادام ەتىپ ەسەيتۋ.

  موڭعۇلكۇرە اۋدانىندا باقكەلدى سياقتى ويلاۋعا دا، ىستەۋگە دە باتىلدىق ەتە الاتىن وتىرىقتانعان مالشىلار تولىپ جاتىر. ولار وتىرىقتانعاننان كەيىن سەنىمدەرى ارتىپ، كوزقاراستارى دا وزگەردى، سىرتقا شىعىپ جۇمىس ىستەۋ، ساياحات كاسىبىن دامىتۋ، وتباسى ەگىس الاڭى تيجاراتى سياقتى كوپ ارنالار ارقىلى كىرىستەرىن ارتتىرىپ، وزدەرىنىڭ دوڭگەلەك داۋلەتكە جەتۋ ارماندارىن ىسكە اسىرۋدا.

  كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار