ورتالىق بانكە: سيفىرلى حالىق اقشاسىنىڭ 6 سىناق رايونى قوسىلدى

2021.04.13 13:59   كەلۋ قاينارى : حالىق تورابى

　　جۇڭگو حالىق بانكەسى ماكرولىق بايىپتى باسقارۋ مەكەمەسىنىڭ مەكەمە باستىعى لي بين 4 - ايدىڭ 12 - كۇنى قۇلاققاعىس ەتكەن حابارىنا قاراعاندا، 2019 - جىلدىڭ سوڭىندا سيفىرلى حالىق اقشاسى شىنجىن، سۋجوۋ، شيۇڭ - ان جاڭا رايونى، چىڭدۋ سونداي - اق بولاشاقتاعى قىسقى وليمپيادا جارىس الاڭىنىڭ كورىنىس رايونىندا جالعاستى سىناق ەتىلگەننەن كەيىن، 2020 - جىلى 10 - ايعا بارعاندا شاڭحاي، حاينان، چاڭشا، شي - ان، چيڭداۋ، داليان قاتارلى 6 سىناق رايونى جاڭادان قوسىلعان. قازىر سيفىرلى حالىق اقشاسىن سىناق ەتۋ كولەمى بارعان سايىن كەڭەيىپ، ىستەتىلەتىن جەرى دە بارعان سايىن مولايۋدا. سيفىرلى اقشانى سىناق ەتۋگە قاتىناسقان ادام سانى، اقشا سانى، اۋىستىرعان اقشا مولشەرى ءبىرشاما از، قولدانۋ كولەمى تۇرمىستىق اقى تاپسىرۋ، اس - سۋ قىزمەت وتەۋى، قاتىناس، زات ساتىپ الۋ سياقتى تۇتىنۋ سالالارىنا ىستەتىلۋدە. قازىر سيفىرلى حالىق اقشاسى جالپى جاقتان سىناق ەتۋ كەزەڭىندە تۇر، ناقتى قولدانىسقا بەرىلەتىن ۋاقىتى ٵلى بەلگىسىز.

　　كەلۋ قاينارى: حالىق تورابى