يدەيالىق دەڭگەيدى شىنايى جوعارىلاتىپ، ءىس جۇزىندىكتى تياناق ەتىپ، دۇرىس جولدان جازباي، جاڭالىق اشتى −
پارتيا تاريحىن ۇيرەنۋ تاربيەسىن جوعارى ولشەممەن، جوعارى ساپامەن ويداعىداي ورىستەتتى (100 جىلدىق كۇرەس جولىندا جاڭا جورىق باستاۋ - پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋ)
«حالىق گازەتىنىڭ» تىلشىلەرى
2021.04.13 17:09 كەلۋ قاينارى : حالىق تورابى
بىرنەشە كۇننەن بەرى جەر - جەر، تاراۋلار، ورىندار باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، ءادىس - امالدى جاڭالاپ، پارتيا تاريحى بىلىمدەرىن ۇگىتتەپ، قالىڭ پارتيالى كادرلاردى پارتيا تاريحىن ۇيرەنۋگە، يدەيانى تۇسىنۋگە، ناقتى ءىس ىستەۋگە، جاڭا جاعداي اشۋعا تاربيەلەپ جانە جەتەكتەپ، ۇيرەنۋ ونىمدىلىگىن قىزمەتتىڭ قوزعاۋشى كۇشىنە جانە ونىمدىلىگىنە ۇزدىكسىز اينالدىردى.
قالىڭ پارتيالى كادرلار يدەيالىق دەڭگەيدى شىن مانىندە جوعارىلاتىپ، ءىس جۇزىندىكتى تياناق ەتىپ، دۇرىس جولدان جازباي، جاڭالىق اشىپ، ۇيرەنۋ تاربيەسىنىڭ ءتۇرلى مىندەتتەرىن جوعارى ولشەممەن، جوعارى ساپامەن ورىنداپ، پارتيا قۇرىلعانىنىڭ 100 جىلدىعىن ۇزدىك ناتيجەمەن قارسى الاتىندىقتارىن ءبىلدىردى.
ۇيىمدىق باسشىلىقتى كۇشەيتىپ، پارتيا تاريحىن ۇيرەنۋ تاربيەسىندە ناقتى ونىمدىلىككە قول جەتكىزۋگە كەپىلدىك ەتتى
جەر - جەر، تاراۋلار، ورىندار پارتيا تاريحىن ۇيرەنۋ تاربيەسىنە وسكەلەڭ ءمان بەرىپ، ۇيىمدىق باسشىلىقتى كۇشەيتىپ، دەن قويا ءبىر تۇتاس جوسپارلاپ، پارتيا تاريحىن ۇيرەنۋ تاربيەسىنىڭ تىڭعىلىقتى ونىمدىلىككە قول جەتكىزۋىنە كەپىلدىك ەتتى.
ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى جۇمىلدىرۋ ءماجىلىسىن اشىپ، باس شۋجي شي جينپيڭنىڭ ماڭىزدى ءسوزى مەن پارتيا ورتالىق كوميتەتىنىڭ ۇقتىرۋىنىڭ رۋحىن ىشكەرىلەي ۇيرەنىپ، ءتۇسىنىپ، كوميتەت ورگانىنىڭ پارتيا تاريحىن ۇيرەنۋ تاربيەسى جونىندە ىشكەرىلەي جۇمىلدىرىپ، ورنالاستىرۋ جاسادى. ءماجىلىس مىنالاردى تالاپ ەتتى: باس شۋجي شي جينپيڭنىڭ «نە ءۇشىن ۇيرەنەمىز» جونىندەگى ماڭىزدى پايىمداۋلارىن ىشكەرىلەي ۇيرەنىپ، ءتۇسىنىپ، پارتيا ورتالىق كوميتەتىنىڭ اۋقىمعا قاراي قايتا اتتانىپ، ۇدەرە العا تارتىپ، جاڭا جاعداي اشۋ ستراتەگيالىق سىناعىن ىشكەرىلەي ءتۇسىنىپ، باسىپ وتكەن جولداردى ۇمىتپايتىن، جاڭا جورىققا ەكپىندەي ىلگەرىلەيتىن ساياسي جاۋاپكەرلىكپەن وزىندىك توڭكەرىس جاساۋ، بولاشاق ۇلى ءىستى مۇرات تۇتۋ سىندى تاريحي سەرگەكتىكتى بەكەمدەۋ كەرەك. باس شۋجي شي جينپيڭنىڭ «نەنى ۇيرەنۋ» جونىندەگى ماڭىزدى پايىمداۋلارىن ىشكەرىلەي ۇيرەنىپ، ءتۇسىنىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى نەگىزگى جەلى ەتىپ، ماركسيزمدى جۇڭگوشالاندىرۋدىڭ كەلەلى نازاريالىق جەتىستىكتەرى، پارتيانىڭ حالىقتى ىنتىماقتاستىرىپ جانە باستاپ قول جەتكىزگەن ۇلى تابىستارى، پارتيانىڭ ۇزاق ۋاقىت كۇرەس جاساۋ بارىسىندا سومداعان ۇلى رۋحى، پارتيانىڭ توڭكەرىس، قۇرىلىس، رەفورمانى ءساتتى ىلگەرىلەتۋدەگى باعالى تاجىريبەلەرى سياقتى ماڭىزدى مازمۇنداردى جۇيەلى ۇيرەنىپ، تاريحتى ۇيرەنۋ ارقىلى قاعيدانى ءتۇسىنۋ، تاريحتى ۇيرەنۋ ارقىلى سەنىمدى ارتتىرۋ، تاريحتى ۇيرەنۋ ارقىلى ءمورالدى اسقاقتاتۋ، تاريحتى ۇيرەنۋ ارقىلى ۇمتىلا ىستەۋ كەرەك. باس شۋجي شي جينپيڭنىڭ «قالاي ۇيرەنۋ» جونىندەگى ماڭىزدى پايىمداۋلارىن ىشكەرىلەي ۇيرەنىپ، ءتۇسىنىپ، ساياسي جەتەكشىلىكتى كۇشەيتىپ، تۇلعالىق جاۋاپكەرلىكتى ناقتىلاندىرىپ، عىلمي ادىستە تاباندى بولىپ، ۇشتاسۋدى، توعىسۋدى ويداعىداي يگەرىپ، پارتيا تاريحىنان العان مول قورەكتىكتى قىزمەت مىندەتىن ادالدىقپەن اتقارۋدىڭ، جاۋاپكەرلىك ارقالاۋدىڭ سارقىلماس قوزعاۋشى كۇشىنە اينالدىرىپ، پارتيا ورتالىق كوميتەتى جۇكتەگەن كەلەلى بورىشتى باتىل ورىنداۋ كەرەك.
ەڭ جوعارى حالىق سوتى مەكەمەسى پارتيا تاريحىن ۇيرەنۋ تاربيەسىندە تاريحي قاعيدالاردا تاباندى بولدى، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭ زاڭمەن جونگە سالۋ يدەياسىن ۇيرەنۋ، ۇگىتتەۋ، تالقىلاۋ، امالياتتان وتكىزۋ قيمىلىن ىشكەرىلەي ورىستەتتى؛ تاريحتى ۇيرەنۋدە، سەنىمدى ارتتىرۋدا تاباندى بولىپ، پارتيانىڭ 100 جىلدىق كۇرەسىنىڭ شۇعىلالى بارىسىن ەستە بەرىك ساقتادى؛ تاريحتى ۇيرەنۋدە، ءمورالدى قاستەرلەۋدە تاباندى بولىپ، حالىق ءادىلياسىنىڭ تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، «مەن بۇقارا ءۇشىن ناقتى ءىس ىستەيمىن» امالياتتىق قيمىلىن مۇقيات ۇيىمداستىردى؛ تاريحتى ۇيرەنۋدە، ىسكە كىرىسۋدە تاباندى بولىپ، پارتيا تاريحىن ۇيرەنۋ تاربيەسىن ورىستەتۋدى زاڭ بويىنشا مىندەت اتقارىپ، جاۋاپكەرلىكتى ادا ەتۋمەن، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جەلىلەس قيمىلدارىن ويداعىداي جۇرگىزۋمەن، قوسىندى تاربيەلەۋ، رەتتەۋ، حاۋىپ - قاتەرگە، سىن - سايىسقا توتەپ بەرۋ قابىلەتى مەن دەڭگەيىن جوعارىلاتۋمەن ۇشتاستىردى.
ەڭ جوعارى حالىق پروكۋراتۋراسى بۇكىل ەلدەگى پروكۋراتۋرا ورگاندارى مەن پروكۋراتۋرا قىزمەتكەرلەرىنەن پارتيا تاريحىن ۇيرەنۋ تاربيەسى ارقىلى شي جينپيڭ زاڭمەن جونگە سالۋ يدەياسىن كۇندەلىكتى پروكۋراتۋرا قىزمەتىمەن شىنايى توعىستىرىپ، پروكۋراتۋرانىڭ مىندەت اتقارۋداعى ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن كۇش سالا جوعارىلاتۋدى تالاپ ەتتى. جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسى مەن پروكۋراتۋرا ءتۇزىمىنىڭ تابيعي جانە تىعىز بايلانىسىن ىشكەرىلەي ۇيرەنىپ، جەتە ءتۇسىنىپ، پارتيانىڭ باسشىلىعىنداعى مەملەكەتتىڭ ساياسي ءتۇزىمىنىڭ، زاڭ - ءتۇزىمىنىڭ، پروكۋراتۋرا ءتۇزىمى قۇرىلىسىنىڭ «قىزىل گەنىن» بەكەمدەپ، دۇرىس ساياسي بەتالىستى باستان - اياق بەكەمدەدى. پارتيا تاريحىن ۇيرەنۋ تاربيەسىن ساياسي - زاڭ قوسىنىن تاربيەلەۋمەن، رەتتەۋمەن ساباقتاستىرىپ، تاربيەلەۋ، رەتتەۋ جەتىستىكتەرى ارقىلى ۇيرەنۋ تاربيەسىنىڭ ونىمدىلىگىن سىننان وتكىزىپ، ساياسي - زاڭ قوسىنىن تاربيەلەۋدىڭ، رەتتەۋدىڭ تەرەڭدەۋىن، ناقتىلانۋىن ىلگەرىلەتتى.
سىرتقى ىستەر مينيسترلىگى ۇيرەنۋ تاربيەسىن ورنالاستىرعاندا مىنالاردى دارىپتەدى: ديپلوماتيا ىستەرى دامۋىنىڭ تاريحي ىرىقتىلىعىن يگەرىپ، دۇنيە ءجۇزىنىڭ جالپى اۋقىمى مەن قازىرگى جۇڭگونىڭ تاريحي ورنىن جىعا تانىپ، سىرتقى حاۋىپ - قاتەر مەن سىن - سايىسقا توتەپ بەرۋ قابىلەتى مەن دەڭگەيىن جوعارىلاتۋ كەرەك. جۇڭگو كوممۋنيستىك پارتياسىنىڭ حيكاياسىن ويداعىداي بايانداۋعا كۇش سالىپ، حالىقارالىق قوعامنىڭ جۇڭگو كوممۋنيستىك پارتياسى مەن جۇڭگوشا سوتسياليزم جولىن اناعۇرلىم كوپ تۇسىنۋىنە، قولداۋىنا جانە تانۋىنا، مويىنداۋىنا قول جەتكىزۋ كەرەك.
ۇيىمدىق باسشىلىقتى كۇشەيتىپ، باسشىلىق جاۋاپكەرلىگىن ناقتىلاندىردى. ورتالىق كوميتەت بىرلىكساپ ءبولىمى، ورتالىق توراپ حاۋىپسىزدىگى جانە ينفورماتسيالاندىرۋ كەڭسەسى، ورتالىق تايۋان ىستەرى كەڭسەسى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، جاراتىلىستىق بايلىق مينيسترلىگى ۇيىمدىق باسشىلىقتى كۇشەيتۋگە باسا ءمان بەرىپ، ساياسي جەتەكشىلىكتى كۇشەيتىپ، باسشى كادرلار ۇلگى بولىپ، الدىڭعى لەكتە ءجۇرىپ، «ءبىر قىزمەت ورنىندا ەكى جاۋاپكەرلىك ارقالاۋدى» ناقتىلاندىرىپ، قۋزاۋ - جەتەكشىلىك ەتۋدى كۇشەيتىپ، پارتيا تاريحىن ۇيرەنۋ تاربيەسىنىڭ ءتۇيىندى مىندەتتەرىن يگەرىپ، پارتيا تاريحىن ۇيرەنۋ تاربيەسىنىڭ ناقتى ونىمدىلىككە قول جەتكىزۋىنە كەپىلدىك ەتتى.
تاريحتان تاجىريبە قابىلداپ، ەكپىندەي ىلگەرىلەۋدىڭ كۇشىن تاسقىنداتتى. ونەركاسىپ جانە ينفورماتسيالاندىرۋ مينيسترلىگى، ءادىليا مينيسترلىگى، جۇڭگو حالىق بانكەسى، قازىنالىق باقىلاۋ مەكەمەسى پارتيا تاريحىن ۇيرەنۋدى قىزمەتتىڭ ساپالى دامۋىن ىلگەرىلەتۋمەن، وزەكتى قىزمەتتى ويداعىداي ىستەۋمەن تىعىز ۇشتاستىرىپ، ۇيرەنۋ ونىمدىلىگىن «ەكىنى قورعاۋدىڭ» ءىس جۇزىندىك ارەكەتىنە اينالدىردى. قوعام حاۋىپسىزدىگى مينيسترلىگى، قوسىننان شەگىنگەن اسكەريلەر ىستەرى مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى بۇقاراعا قىزمەت وتەۋگە دەن قويىپ، پارتيا تاريحىن ۇيرەنۋدى بۇقارا «اسىعىپ، قينالىپ، ۋايىمداپ، كۇتىپ وتىرعان» ماسەلەلەردى شەشۋمەن ۇشتاستىرىپ، «ناقتى ءىس ىستەۋ» ءتىزىمىن جاساۋ ءارى ونىمدىلىگىن قاداعالاپ سۇراۋ سياقتى تاسىلدەر ارقىلى بۇقارا ەڭ كوڭىل ءبولىپ وتىرعان، ەڭ تىكە رەال ماسەلەلەردى شەشتى.
بۇقارالىق ۇيىمدار دا پارتيا ورتالىق كوميتەتىنىڭ ورنالاستىرۋلارىن مۇقيات تياناقتاندىرىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتتى. مەملەكەتتىك باس جۇمىسشى ۇيىمى جۇمىسشى - قىزمەتكەرلەر بۇقاراسىمەن تىعىز بايلانىس جاساۋ ابزالدىعىن ساۋلەلەندىرىپ، «مەن بۇقارا ءۇشىن ناقتى ءىس ىستەيمىن» امالياتتىق قيمىلىن ورىستەتتى؛ كوممۋنيستىك جاستار وداعى ورتالىق كوميتەتى پارتيا تاريحىن ۇيرەنۋ تاربيەسىن ادام تاربيەلەۋ قىزمەت تىزبەگىنە ءونىمدى ەنگىزىپ، وداق مۇشەلەرىن، جاستار مەن ورەندەردى مۇرات - سەنىمدى بەكەمدەۋگە جەتەكتەدى؛ مەملەكەتتىك ايەلدەر بىرلەستىگى قىزىل بايلىقتان تولىق پايدالانىپ، ايەلدەر بىرلەستىگىندەگى پارتيالى كادرلار اراسىندا ەرەكشەلىگى ايقىن، فورماسى الۋان ءتۇرلى ۇيرەنۋ تاربيەسىن ورىستەتتى.
جەر - جەر، تاراۋلار، ورىندار سايكەستى باسشىلىق قۇرىلىمدارى مەن قىزمەت قۇرىلىمدارىن قۇرۋ ارقىلى جاۋاپكەرلىكتى بەكەمدەپ، ناقتىلاندىرىپ، قالىڭ پارتيالى كادرلار اراسىندا پارتيا تاريحىن ۇيرەنۋ تاربيەسى ورلەۋىن كوتەردى.
فورمادا، ادىستە جاڭالىق جاراتىپ، باعىتتامالىلىعى مەن ونىمدىلىگىن ۇزدىكسىز كۇشەيتتى
جەر - جەر، تاراۋلار، ورىندار مول قىزىل بايلىقتان ويداعىداي پايدالانىپ، ناق مايداندا ەكسكۋرسيالاۋ، ۇيرەنۋ، قىزىل اڭگىمەلەردى ءتۇسىندىرۋ سياقتى فورمالار ارقىلى پارتيا تاريحىن ۇيرەنۋ تاربيەسىن كوكەيگە ۇيالاتتى.
ج ك پ ورتالىق كوميتەتى بايلانىس ءبولىمىنىڭ قىزمەتكەرلەرى تاياۋدا حۋنان ولكەسىنىڭ شاۋشان قالاسىنا بارىپ، پارتيا تاريحىن ۇيرەنۋ تاربيەسىن ارناۋلى تاقىرىپتا ۇيرەنىپ، ماۋ زىدۇڭ جولداستىڭ ەسكەرتكىش سارايىن جانە ج ك پ شاۋشان ەرەكشە ياچەيكاسىنىڭ تاريحي كورمە سارايىن ەكسكۋرسيالاپ، تاريحتى ەسكە الىپ، اۋەلگى ماقساتتى قايتا ەسكە الدى.
شينجياڭ ۇيعۇر اۆتونوميالى رايونى جۇمىلدىرۋ جينالىسىندا مىنالاردى تالاپ ەتتى: ۇيرەنۋ تاربيەسى ارقىلى جالپى جاعدايدى يگەرۋ، حاۋىپ - قاتەرگە، سىن - سايىسقا توتەپ بەرۋ، ءىس جۇزىندىك قىزمەتتى ىلگەرىلەتۋ قابىلەتى مەن دەڭگەيىن ۇزدىكسىز جوعارىلاتىپ، جاڭا داۋىردە شەكارا وڭىرگە تامىر تارتىپ، شەكارا وڭىرگە ۇلەس قوسۋ كەرەك. شينجياڭداعى ءار دارەجەلى پارتيا ۇيىمدارى ۇيرەنۋ تاربيەسىن تىڭعىلىقتى ورىستەتىپ، ءار ۇلت كادرلارى مەن بۇقاراسىن دۇرىس تاريح كوزقاراسىن، ۇلت كوزقاراسىن، مەملەكەت كوزقاراسىن، مادەنيەت كوزقاراسىن ورناتۋعا جەتەكتەدى. شينجياڭنىڭ قۇتىبي اۋدانىندا قازاق ۇلتتىق اۋىلى قۇرعان ات ءۇستى ۇگىت اترەتى مال شارۋاشىلىق رايوندارىنا بارىپ پارتيا تاريحى جونىندە ۇگىت - لەكسيا جاسادى. مالشى انەل ءداۋىت ۇلىنىڭ ۇيىندە حوش ءيىسى اڭقىعان ءسۇتتى شاي جان تەبىرەنتەدى، ات ءۇستى ۇگىت اترەتىنىڭ مۇشەسى سادەتقان ءازىمباي قىزى ايتقان قىزىل اڭگىمە ادامدى وزىنە باۋرايدى.
جىجياڭ ولكەسى چۇيجوۋ قالاسى چۇيجياڭ رايونى «قىزىل ءتۇستى شۇعىلالى جىلدار» اتىنداعى پارتيا تاريحى جەلىلەس ۇگىت - لەكسيا قيمىلىن ورىستەتىپ، پارتيا تاريحى ۇگىت - لەكسياسى ورلەۋىن كوتەردى. حىنان ولكەسى لينجوۋ قالالىق پارتكومنىڭ نازاريا ۇيرەنۋ وزەكتى گرۋپپاسى شوعىرلى ۇيرەنۋ، قىزىلتۋ توعانىن قايتا باسۋ، پارتياعا كىرۋ سەرتىن قايتا ەسكە ءتۇسىرۋ سياقتى تاسىلدەر ارقىلى پارتيا تاريحىن ۇيرەنۋ تاربيەسىن ورىستەتتى. حۋنان - حۋبەي توڭكەرىستىك بازاسىنىڭ ماڭىزدى قۇرامداس بولەگى رەتىندە حۋبەي ولكەسى جيانشى اۋدانى قىزىل بايلىقتى تولىق اشىپ، قۇرباندار قابىرستانى سياقتى قىزىل وقۋ - اعارتۋ بازاسىنا سۇيەنىپ، پارتيا تاريحىن ۇيرەنۋ تاربيەسىن ورىستەتتى. حاينان ولكەسى چيۇڭيا توڭكەرىستىك كۇرەسىنىڭ حيكاياسىن تولىق اشىپ، پارتيا تاريحىن ۇيرەنۋ تاربيەسىنىڭ جاندى وقۋلىعى ەتتى. گۇيجوۋ ولكەسى زۇن - ي قالاسى زۇن - ي ءماجىلىسىنىڭ كورمە سارايى، قىزىل ارميا باس ساياسي ءبولىمىنىڭ كونە جۇرتى سياقتى توڭكەرىستىك ءداستۇرلى تاربيە بازالارى مەن پارتيا تاريحى تاربيە شەبى سياقتى مول قىزىل بايلىقتارعا سۇيەنىپ پارتيا مۇشەلەرىن قىزىل گەندى جالعاستىرۋعا تاربيەلەدى، جەتەكتەدى.
سىچۋان ۇزاق جورىق كادرلار شۋەيۋانى يا - ان جياجينشان بولىمشەسى قىزىل ءتۇستى باستان كەشىرۋ فورماسىنداعى وقىتۋدان پايدالانىپ، پارتيا تاريحى ساباقحاناسىن توڭكەرىستىك كونە ورىنعا كوشىرىپ، كۋرسانتتاردىڭ قىزىل ءتۇستى ىزبەن بىرگە پارتيانىڭ تاڭداۋلى ستيلىن سەزىنۋىنە مۇمكىندىك جاسادى. «وسى ۇزاق جورىقتى قايتا باسساق، باقىتتى تۇرمىستىڭ وڭاي - وسپاق قولعا كەلمەگەنىن، ارقالاعان جاۋاپكەرلىگىمىزدىڭ اۋىر ەكەنىن ءتىپتى دە انىق سەزىنەمىز» دەدى لىشان قالاسى جيڭيان اۋدانىنداعى جاس كادر، كۋرسانت لي لان - يىڭ.
جەر - جەر جەرگىلىكتى جاعدايمەن ۇشتاستىرىپ، كوپشىلىك ۇناتاتىن فورمامەن پارتيا تاريحى بىلىمدەرىن ۇگىتتەپ، پارتيا تاريحىن ۇيرەنۋ تاربيەسىن جانداندىرىپ، پارتيا مۇشەلەرىنىڭ تىڭعىلىقتى ۇيرەنۋىنە كەپىلدىك ەتتى.
حىبەي ولكەسىنىڭ سانحى قالاسىنداعى جيەرۇي كىتاپ ءۇيى 3 - قاباتىنداعى قيمىل ورتالىعى ەرتەمەن دۋمانعا بولەندى ... قىزىل كىتاپتار ارناۋلى اۋماعىندا پارتيا تاريحى تۇرىندەگى كىتاپتار كوزدىڭ جاۋىن الادى. الەۋمەتتىك اۋماقتاعى تۇرعىندار، باستاۋىش، ورتا مەكتەپ وقۋشىلارى قورالانا وتىرىپ، ساقا پارتيا مۇشەلەرىنىڭ پارتيا تاريحى جونىندەگى اڭگىمەلەرىن تىڭداپ، قىزىل ساپاردى باستادى. سانحى قالاسى پارتيا تاريحىن ۇيرەنۋ تاربيەسىندە «پارتيا تاريحىن ۇيرەنۋ قىزىل كىتاپتار ءۇيى» ۇلگى ءتۇيىنىن قالىپتاستىرىپ، «پارتيا تاريحىن ۇيرەنۋ قىزىل ساباقحاناسىن» اشىپ، بۇقارانىڭ تىلىمەن جانە بۇقارانىڭ ماڭايىنداعى ىستەرمەن قىزىل رۋحتى تاراتتى.
سانشي ولكەلىك مادەنيەت - ساياحات مەڭگەرمەسى نازاردى قىزىل نەگىزگى تاقىرىپقا شوعىرلاندىرىپ، «حۋاڭحى وزەنىن، ۇلى قورعاندى جانە تايحاڭ تاۋىن جىرلاۋ» حور كونسەرتى سياقتى بۇقارالىق مادەنيەت قيمىلدارى ماركاسىن جاراتىپ، «عاسىرلىق ارمان قۋۋ، جاڭا جول اشۋ» مازمۇنىنداعى 8 قىزىل ساياحات سارا جەلىسىن اشتى؛ انحۇي ولكەسى گۋاڭدى قالاسى جاس ۇگىتشىلەردى پارتيا تاريحى ۇگىت - تاربيەسىن ورىستەتۋگە جۇمىلدىرىپ، «باسىپ وتكەن قىزىل ساباقحانا» سياقتى ەرىكتى قىزمەت وتەۋ نىساندارىنا سۇيەنىپ، جەرگىلىكتى توڭكەرىستىك جۇرتتارمەن جانە ەسكەرتكىش سارايلارىمەن ۇشتاستىرىپ، سارا قىزىل لەنيا قالىپتاستىرىپ، پارتيالى كادرلارعا ارت – ارتىنان پارتيا تاريحىن ۇيرەنۋ ساباقتارىن ءوتتى.
كوممۋنيستىك جاستار وداعى لانجوۋ قالالىق كوميتەتى «جاقسى جاستاردىڭ پارتيا تاريحىن جاقسىلاپ ايتۋى» قيمىلىن ورىستەتىپ، تاڭداۋلى جاس لەكتورلار قوسىنىن قۇرىپ، «شاعىن ءارى تارتىمدى» ۇگىت - لەكسيا ءتاسىلىن قولدانىپ، جاستاردىڭ جانىنا، پارتيا مۇشەلەرى مەن بۇقارانىڭ جانىنا بارىپ، اۋىل - قىستاق، الەۋمەتتىك اۋماق، شيپاحانا، مەكتەپ سياقتى جەرلەرمەن تىعىز ۇشتاستىرىپ، پارتيانىڭ نازارياسىن ۇگىتتەپ، پارتيا تاريحىن باعىتتامالى تۇردە سويلەدى.
شيزاڭ شەكارادان كىرىپ - شىعۋ شەكارا قورعانىس تەكسەرۋ باس پۋنكتى لحاسا شەكارادان كىرىپ - شىعۋ شەكارا قورعانىس تەكسەرۋ پۋنكتى جەلى ءىشى - سىرتىن ۇشتاستىرۋ ءتاسىلى ارقىلى پارتيا تاريحىن ۇيرەندى. حالىق ساقشىلارى جەلىدە «پارتيا تاريحى حيكاياسىنان 100 لەكسيانى» ۇيرەنىپ، تان گۋانسان ەسكەرتكىش باقشاسىنا بارىپ ەكسكۋرسيالادى. مىندەت وتەۋ 1 - اترەتىنىڭ ساقشىسى ميماسىرىن: «پارتيا تاريحىن ۇيرەنۋ − ءبىر رەتكى رۋحاني تازارۋ، ءبىز مۇرات - سەنىمدى بەكەمدەپ، ءىس تىندىرۋ ىنتاسىن تاسقىنداتتىق» دەدى.
ۇيرەنۋ مەن قولدانۋدى ۇشتاستىرۋعا ءمان بەرىپ، «بۇقارا ءۇشىن ناقتى ءىس ىستەيمىن» امالياتتىق قيمىلىن ويداعىداي ورىستەتتى
حالىق ءۇشىن ومىرگە كەلدى، حالىقتىڭ ارقاسىندا گۇلدەندى، باستان - اياق حالىقپەن بىرگە بولۋ، حالىقتىڭ مۇددەسى ءۇشىن كۇرەسۋ − پارتيامىزدىڭ پارتيا قۇرىپ، پارتيانى گۇلدەندىرىپ، پارتيانى قۇدىرەتتەندىرۋدەگى ءتۇبىرلى شىعار ءتۇيىنى جانە تابان تىرەر تياناعى.
جەر - جەر، تاراۋلار، ورىندار ۇيرەنۋ مەن قولدانۋدى ۇشتاستىرۋعا، ۇيرەنگەندى قولدانۋعا ءمان بەرىپ، پارتيا تاريحىن ۇيرەنۋدى تاجىريبەلەردى قورىتىندىلاۋمەن، رەالدىقتى سەزىنۋمەن، قىزمەتتى ىلگەرىلەتۋمەن ۇشتاستىرىپ، ءىس جۇزىندىك ماسەلەلەردى شەشۋمەن ۇشتاستىرىپ، «بۇقارا ءۇشىن ناقتى ءىس ىستەيمىن» امالياتتىق قيمىلىن ويداعىداي ورىستەتتى.
بەيجيڭ قالاسى چاۋياڭ رايونى پارتيا تاريحىن ۇيرەنۋ تاربيەسىن «جىلدىق 3 ىسكە» ءسىڭىرىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن، «14 – بەسجىلدىق» جوبانىڭ باستاماسىن، سونداي - اق بەيجيڭ قىسقى وليمپيادا سپورت جارىسىنىڭ، مۇگەدەكتەر وليمپياداسىنىڭ دايىندىق جۇمىستارىن تياناق ەتىپ، ءتۇرلى مىندەتتەردىڭ تياناقتانۋىن ىلگەرىلەتتى. چاۋياڭ رايونى پارتيا تاريحىن ۇيرەنۋ تاربيەسىمەن ۇشتاستىرۋ نەگىزىندە بيىل نازاردى «ارىز - شاعىمدى قابىلداپ، دەرەۋ ءبىتىرۋ» رەفورماسىن تەرەڭدەتۋگە ءتۇيىندى تۇردە شوعىرلاندىرىپ، قالا تۇرعىندارىنىڭ ارىز - شاعىم مولشەرى مول، شارپيتىن كولەمى كەڭ بولۋ ماسەلەلەرىن ارقاۋ ەتىپ، ماسەلەنىڭ شەشىلۋىن بەلسەنە ىلگەرىلەتىپ، بۇقارانى اناعۇرلىم زور تابىس سەزىمىنە بولەدى.
تاڭحۋ - باۋتوۋ تەمىر جولىنىڭ اسقار تاۋعا ورنالاسقان جۇمىس سەحى، سەح پارتيا باس ياچەيكاسىنىڭ شۋجيى جاۋ جۇننىڭ باستاۋىندا تەمىر جول جۇمىسشىسى بولىپ ىستەيتىن 95 – جىلداردىڭ ءبىر توپ تۇلەگى قاقاعان ايازعا قاراماي، جول لەنياسىن تەكسەرىپ، رەليس تاعانىن قورعاۋمەن قاربالاس بولۋدا. پارتيا تاريحىن ۇيرەنۋ تاربيەسى بارىسىندا سەح جاستاردىڭ ەرەكشەلىگىمەن ۇشتاستىرىپ، ساقا جولداستاردى جۇمىس رايونىنا بارىپ، بەيجيڭ - سۇييۋان تەمىر جولىنداعى جۇمىسشى قوزعالىسىنىڭ سول كەزدەگى اسەرلى ساتتەرىن بايانداۋعا ۇسىنىس ەتىپ، جاس پارتيا مۇشەلەرىن ءىس جۇزىندىك ارەكەت ارقىلى تەمىر جولدى ويداعىداي قورعاۋعا تاربيەلەدى.
پارتيا تاريحىن ۇيرەنۋ تاربيەسى ورىستەتىلگەننەن بەرى چيڭحاي ولكەسىنىڭ جيۋجى اۋدانى پارتيا مۇشەلەرىنىڭ اتويشى قوسىنى، پارتيا مۇشەلەرىنىڭ قىستاقتارعا، كووپەراتيۆتەرگە كىرۋى، پارتيا مۇشەلەرىنىڭ ۇلگىلى قىزمەت ورنى سياقتى امالياتتىق قيمىلداردى كەڭ كولەمدە ورىستەتتى. جيۋجى اۋداندىق پارتكومنىڭ شۋجيى سۇڭ جيجىن بىلاي دەدى: «پارتيانىڭ حيكاياسىن جاقسى بايانداپ قانا قويماي، ونان دا ماڭىزدىسى، پارتيا تاريحىن ۇيرەنۋ تاربيەسى بارىسىندا تۋىنداعان سەنىم مەن ىنتا - جىگەردى قيىندىقتاردان قامال الۋدىڭ، ءىس تىندىرىپ، ناتيجە شىعارۋدىڭ قۇدىرەتتى قوزعاۋشى كۇشىنە جانە ءىس جۇزىندىك ونىمدىلىگىنە اينالدىرامىز».
نيڭشيا حۇيزۋ اۆتونوميالى رايونى شىزۇيشان قالاسى حۇينۇڭ رايونىنىڭ اكىمشىلىك ىستەر زالىندا كومەكشى ساقشى ليۋ رۇيپيڭ تۇرعىندارعا كاسىپ بىتىرۋمەن قاربالاس بولۋدا. بىرنەشە كۇننىڭ الدىندا بۇقارا اكەلگەن سيلىق جالاۋشاسىن تاپسىرىپ العان ول بىلاي دەدى: «بۇقارا ءۇشىن بەلسەنە ناقتى ءىس ىستەپ، قيىن ماسەلەلەردى شەشكەندە عانا بۇقارانىڭ جاقسى باعاسىن الامىز. مەن پارتيا تاريحىن ۇيرەنۋ تاربيەسىنىڭ ونىمدىلىگىن قىزمەت قوزعاۋشى كۇشىنە اينالدىرىپ، قىزمەت ورنىمدى تياناق ەتىپ، حالىق ءۇشىن قىزمەت ىستەيمىن».
تاريحتى تۇسىنگەندە عانا الىسقا كوز جىبەرۋگە، تاريحتى تۇسىنگەندە ۇزاق ساپار باسۋعا بولادى. جەر - جەر، تاراۋلار، ورىندار پارتيا تاريحىن ۇيرەنۋ تاربيەسىن تاماشا ۇيرەنۋ ستيلىمەن ورىستەتىپ، حالىق ءۇشىن قىزمەت ىستەپ، قيىن ماسەلەلەردى شەشۋدى پارتيا تاريحىن ۇيرەنۋ تاربيەسىنىڭ ونىمدىلىگىن سىنايتىن «سىنتاس» ەتىپ، قالىڭ پارتيالى كادرلاردىڭ ءىس تىندىرىپ، يگىلىك جاراتۋ رۋحىن ۇزدىكسىز نىعايتىپ، بۇقاراعا قىزمەت وتەۋ قابىلەتى مەن ونەرىن جەتىلدىرۋدە.
(«حالىق گازەتىنىڭ» تىلشىلەرى مىڭ شياڭفۋ، جاڭ ياڭ، جياڭ لين، جياڭ جيە، ۋاڭ حانچاۋ، جوۋ ياجۇن، ۋاڭ حاۋنان، فۋ ۋىن، فاڭ مين، جاڭ چىڭ، فان حاۋتيان، ارداق، چىڭ حۋان، فۋ ميڭلي، چين رۇيجيە، چيۇڭداجوگا)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
