بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۋىل شارۋاشىلىعى جانە اۋىل – قىستاق مينيسترلىگى ءبيدايدا بولاتىن كۇل دەرتىنەن ساقتانۋ – تىزگىندەۋدى كۇشەيتەدى

2021.04.14 14:44     كەلۋ قاينارى : حالىق تورابى

  شينحۋا اگەنتتىگىنىڭ ءتىلشىسى يۇي ۋىنجيڭ 4 – ايدىڭ 13 – كۇنى بەيجيڭنەن حابارلايدى. قازىر حۋاڭحى – حۋايحى – حايحى قاتارلى ءبيداي وندىرەتىن وڭىرلەر ءونىم مولشەرىن قالىپتاستىرۋدىڭ شەشۋشى كەزەڭىنە ءوتتى. اۋىل شارۋاشىلىعى جانە اۋىل – قىستاق مينيسترلىگى 4 – ايدىڭ 13 – كۇنى حىنان ولكەسىنىڭ شۇيچاڭ قالاسىندا ءبيدايدا بولاتىن كۇل دەرتىنەن ساقتانۋ – تىزگىندەۋ جونىندەگى جۇمىس باسىنداعى ساراپتاۋ ءماجىلىسىن اشتى، ماجىلىستە ءارقايسى جەرلەردەن شەشۋشى مەزگىلدە ساقتانۋ – تىزگىندەۋ شارالارىن مىقتى ۇستاپ، ءبيدايدا بولاتىن كۇل دەرتىنىڭ كەڭ كولەمدى تارالۋىنىڭ زالالىن باتىل تەجەۋ تالاپ ەتىلدى.

  ۇعىسۋعا قاراعاندا، بيىل ەلىمىزدە باتىس وڭتۇستىكتەگى وڭىرلەر، حانشۇي وزەنى الابى، حۋاڭحى – حۋايحى الابىنىڭ وڭتۇستىك بولىگى قاتارلى ءبيدايدا بولاتىن كۇل دەرتى قىستا كوبەيەتىن وڭىرلەردە باكتەريا قاينارى مول، تۋىلۋى ەرتە، تارالۋى كەڭ بولعان. بىلتىر قىستان بەرى، ءار دارەجەلى اۋىل شارۋاشىلىعى جانە اۋىل – قىستاق تاراۋلارى «تۇيىندە الاستاپ، جاپپاي تارالۋىنان ساقتانۋ»، ءبىرتۇتاس ساقتانۋ، ءبىرتۇتاس جونگە سالۋدى كۇشەيتۋ قاتارلى شارالاردى قولدانىپ، ساقتانۋ – تىزگىندەۋدە كەزەڭدىك ونىمدىلىكتەرگە قول جەتكىزگەن. 4 – ايدىڭ 13 – كۇنىنە دەيىن، بۇكىل ەلىمىز بويىنشا ءبيدايدا بولاتىن كۇل دەرتىنىڭ تۋىلۋ مولشەرى 12 ميلليون مۋ بولىپ، 10 ولكەگە، 400 نەشە اۋدانعا (قالا، رايون) سايادى. 3 – ايدىڭ ورتا شەنىنەن بەرى، دەرتىڭ اۋا اعىسىمەن ىلەسىپ سولتۇستىككە قاراي كەڭەيۋ، شىعىسقا قاراي ويىسۋ بەتالىسى كورنەكتى بولعان، دەرتتىڭ تارالۋ كولەمى بۇرىنعى جىلدارداعىدان كورنەكتى مولشەردە زور بولعان، حۋاڭحى – حۋايحى – حايحى الابى قاتارلى ءبيداي ەگىلەتىن وڭىرلەردە بۇل دەرتتىڭ كەڭ كولەمدە تارالۋىنىڭ ىقتيمالدىعى ءالى دە ءبىرشاما زور.

  اۋىل شارۋاشىلىعى جانە اۋىل – قىستاق مينيسترلىگىنىڭ قاتىستى جاۋاپتىسىنىڭ ايتۋىنشا، ءبيدايدا بولاتىن كۇل دەرتى — اۋا اعىسىنا ىلەسىپ، ءوڭىر اتتاپ تارالاتىن اۋىر دەرت ، بىرلەسىپ باقىلاۋ، وڭىرگە ءبولىپ ءبىرجاقتى ەتۋگە، ءسوزسىز، تاباندى بولۋ كەرەك. حانشۇي وزەنى الابى، حۋاڭحى – حۋايحى الابىنىڭ وڭتۇستىك بولىگى قاتارلى دەرت تۋىلعان، تارالا باستاعان ءبيدايلى وڭىرلەردە بىتىراي تارالعان جەرلەرگە باعىتتاي وتىرىپ، «تۇيىندە جويىپ، جاپپاي تارالۋدان ساقتانۋدى»، شوعىرلى، بولىكتەر ارا ۇلاسا تارالعان جەرلەردە ءبىرتۇتاس ساقتانۋ، ءبىرتۇتاس جونگە سالۋ تەبىنىن ارتتىرۋدى كۇشەيتۋ كەرەك؛ حۋاڭحى – حۋايحى – حايحى قاتارلى دەرت تارالۋى مۇمكىن بولعان ءبيدايلى وڭىرلەردە ەرتە باستان ساقتانۋعا تاباندى بولىپ، دەرت تارالۋ ورتالىعىن قاتاڭ مەڭگەرىپ، ۇيلەسىمدى ۋاقىتتا ءبىرتۇتاس ساقتانۋ، ءبىرتۇتاس جونگە سالۋ، شۇعىل جاعدايعا توتەپ بەرۋ بارىسىندا ساقتانۋ – جونگە سالۋ قىزمەتىن ويداعىداي ورىستەتۋ كەرەك.

  وسى جاۋاپتى ادام مىنانى ءبىلدىردى: 4 – ايدىڭ ورتا شەنىنەن 5 – ايدىڭ ورتا شەنىنە دەيىنگى مەزگىل — ءبيدايدا بولاتىن كۇل دەرتىنەن ساقتانۋ – تىزگىندەۋدىڭ شەشۋشى مەزگىلى، ءار دارەجەلى اۋىل شارۋاشىلىعى جانە اۋىل – قىستاق تاراۋلارى ۇيىمداستىرۋ مەن اتتانىسقا كەلتىرۋدى كۇشەيتىپ، ءتۇرلى ساقتانۋ – تىزگىندەۋ شارالارىن تياناقتاندىرۋى جانە ەگجەي – تەگجەيلى اتقارۋى كەرەك. جاۋاپكەرشىلىكتى تياناقتاندىرۋدى، عىلىمي جولمەن باقىلاۋ – باسقارۋدى، زاتتاردى دايىنداۋدى جانە باقىلاۋ – جەتەكشىلىك ەتۋ، تەكسەرۋدى كۇشەيتۋى كەرەك. قاراستى ورىنداردىڭ جاۋاپكەرشىلىگىن تياناقتاندىرىپ، تەحنيكالىق جاقتا جەتەكشىلىك ەتۋدى كۇشەيتىپ، ءار دارەجەلى قازىنا تاراۋلارى بولگەن دەرتتەن ساقتانۋ – تىزگىندەۋگە قاتىستى ارناۋلى قاراجاتتى دەر كەزىندە ويداعىداي پايدالانىپ، ساقتانۋ – تىزگىندەۋگە قاجەتتى زاتتار مەن قىزمەتتەرگە جەدەل ويداعىداي دايىندالۋى قاجەت.

  ماجىلىستە مىنالار تالاپ ەتىلدى: ءار دارەجەلى اۋىل شارۋاشىلىعى جانە اۋىل – قىستاق تاراۋلارى جەدەل ارەكەتتەنىپ، تاعى دا 40 كۇن شايقاس جۇرگىزىپ، ءبيدايدا بولاتىن كۇل دەرتى قاتارلى اۋىر دەرتتەردەن ساقتانۋ – تىزگىندەۋ قىزمەتىن كۇش سالا مىقتى يگەرىپ، دەرت – دەربەزدەردىڭ استىقتان مول ءونىم الۋعا كەسىرىن تيگىزۋىنەن ويداعىداي ساقتانۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار