سانجى شۋەيۋانى وقۋشىلار ۇيىمى:
شىندىقتىڭ جاي - جاپسارىن ايتىپ، نەگىزسىز سوزدەرگە تويتارىس بەرەمىز
2021.04.15 15:17 كەلۋ قاينارى : شينجياڭ گازەتى
ءبىر ءبولىم حالىقارالىق ايگىلى ماركالار مەن حالىقارالىق قۇرىلىمدار ايتىلمىس ”زورلىقپەن ەڭبەككە سالۋ“ دەگەندى جەلەۋ ەتىپ، شينجياڭ ماقتاسىن ىستەتۋدەن باس تارتامىز دەپ داۋرىقتى. سانجى شۋەيۋانىنىڭ وقۋشىلار ۇيىمى شۋەيۋانداعى بارلىق وقۋشىلار اتىنان بۇنى قاتاڭ جازعىرادى! شىندىقتى بىلمەي، دۇرمەككە ىلەسىپ دۇرلىككەندەر ءبىز وقۋشىلار ايتقان شىندىق پەن ءىستىڭ جاي - جاپسارىنا قۇلاق تۇرىڭدەر.
راپحات ابىلەت بىلاي دەدى: قازىر شينجياڭ تاريحتاعى ەڭ جاقسى دامۋ مەزگىلىندە تۇر، تيانشان الابىندا ەكونوميكا قارىشتاپ دامىعان، حالىق تۇرمىسى قاۋىرت جاقسارعان، قالا مەن اۋىلدا ۇلكەن وزگەرىس بولعان، ۇلتتار بارىنشا ىنتىماقتاسقان شىت جاڭا بەينە جارىققا شىقتى. امەريكا مەن باتىستاعى جۇڭگوعا قارسى كۇشتەر بۇلدىرۋگە سۇقتانىپ وتىر، ءبىراق ولار جۇڭگو حالقىنىڭ ىنتىماعىنا ءسال قارادى. ءبىز شىندىقتىڭ تۇبىندە وتىرىك - وسەكتەردىڭ ءشيىن شىعارىپ، تاريحتىڭ كۇرەسىنىنە كومىپ تاستايتىندىعىنا كامىل سەنەمىز. مەنىڭ اۋىلىم حوتاندا ادامدار كەدەيلىكتەن ارىلۋ ءۇشىن وڭاتىن تاۋىپ سىرتقا شىعىپ جۇمىس ىستەۋگە تىرىسادى. مەنىڭ ساباقتاستارىمنىڭ، بالا كۇننەن بەرگى دوستارىمنىڭ اراسىندا ەگىنشىلىكپەن اينالىساتىندار، جۇمىس ىستەيتىندەر بار، جەردى كوتەرمەگە الىپ ماقتا ەگىپ، ماقتا ەگەتىن ىرگەلى وتباسىنا اينالعاندار دا بار.
ۋ شياۋشۋان بىلاي دەدى: مەنىڭ اۋىلىمدا ماقتا اتىزدارى كەڭ كوسىلىپ جاتادى، ماقتا ەگۋ، ماقتا جيناۋ الدەقاشان جوعارى دەڭگەيدە ماشينالاسقان. ماقتا ءبىزدىڭ تۇرمىسىمىزعا مولشىلىق جانە تابىس شاتتىعىن اكەلىپ، بىزگە جارقىن ءومىر تۋرالى ءتاتتى ارمان سيلادى. شينجياڭداعى ءار ۇلت باۋىرلاستار ماقتا ءوندىرۋ، ماقتا ونىمدەرىن وڭدەۋ بارىسىندا تاتۋ - ءتاتتى سيلاسىپ، بىرگە ۇيرەنىپ، بىرگە اۋقاتتانىپ جاتسا، بۇعان امەريكا مەن باتىستاعى جۇڭگوعا قارسى كۇشتەر ورشەلەنە ”زورلىقپەن ەڭبەككە سالدى“ دەپ كۇيە جاعىپتى. بۇل ءبىر ماسقارالىق ويىن، بۇل ماسقارالىق ويىنعا ارام نيەت جاسىرىنعان، ساياسي قاسكۇنەمدىك پەن ساياسي ماقسات جۇكتەلگەن. شينجياڭدا قازىر ەكونوميكا دامىعان، قوعام ورنىقتى، ۇلتتار ىنتىماقتى، ءبىز، ءسوز جوق، ونى ەسەلەپ قادىرلەۋىمىز، ەسەلەپ ايالاۋىمىز كەرەك.
ياڭ يانشيا بىلاي دەدى: اشىق اسپان، اقشا بۇلت، اينالانىڭ ءبارى اپپاق ماقتا مەنىڭ بالا كۇنىمدەگى ەستەلىكتەردىڭ ىشىندەگى جان سۇيىنتەرلىك كورىنىستەر. ءداۋىردىڭ العا باسۋى مەن عىلىم - تەحنيكانىڭ دامۋىنا مەڭزەس، قازىر ماقتا اتىزىندا كوبىنەسە ماشينالار قايشالىسىپ جۇرەدى، ماقتانى قولمەن جيناۋ بىرتىندەپ تاريحقا اينالعان. شينجياڭدىق بولعان ءبىز ماقتامەن ماقتانامىز، ماقتا ءۇشىن ەڭبەك ەتسەك ءوزىمىزدى باقىتتى سەزىنەمىز. مەن ايتىلمىس ”زورلىقپەن ەڭبەككە سالۋ“ ماسەلەسىن جەلەۋ ەتىپ جۇڭگونى قىسپاققا العىسى كەلەتىندەردەن سەندەر كوزبە - كوز تەكسەرۋ - زەرتتەۋ جۇرگىزىپ كوردىڭدەر مە دەپ سۇراعىم كەلەدى. سەندەردىڭ سۋبيەكتيۆ دولبارلارىڭ شينجياڭعا، جۇڭگونىڭ ماقتا كاسىپ تىزبەگىنە زالال جەتكىزىپ قانا قويماي، وزدەرىڭنىڭ مۇددەلەرىڭدى دە زياندايدى.
ءبىز پاك تە ادالمىز، ءبىز دوس پەيىلدى اشىق - جارقىنبىز، ءبىزدىڭ شينجياڭنىڭ ورنىقتىلىعى مەن دامۋىن قورعايتىن ەركىمىز بولاتتاي بەرىك. سانجى شۋەيۋانىنىڭ وقۋشىلار ۇيىمى وسى ارادا مىنانى دارىپتەيدى: قالىڭ جاس وقۋشىلار ىنتىماقتاسىپ، ايقىن پوزيتسيا ءبىلدىرىپ، دۇنيە ءجۇزى حالقىنا ءبىزدىڭ ءۇنىمىزدى جەتكىزىپ، شينجياڭعا ورىنسىز كۇيە جاققان وتىرىك - وسەكتەردىڭ ءوز - وزىنەن پاش بولۋىنا مۇمكىندىك جاسايىق!
كەلۋ قاينارى: «شينجياڭ گازەتى» - تيانشان تورى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
