لي جانشۋ حۋاڭحى وزەنىن قورعاۋ جونىندەگى زاڭ شىعارۋ اڭگىمە ءماجىلىسىن باسقارىپ اشقاندا مىنانى دارىپتەدى
زاڭ شىعارۋ ورتاق تانىمىن ۇيىستىرىپ، زاڭ شىعارۋ اياق الىسىن جەدەلدەتىپ، حۋاڭحى وزەنىن قورعاۋعا، دامۋدى جەبەۋگە ءتيىمدى، حالىقتى باقىتقا كەنەلتەتىن كەمەلدى زاڭ شىعارۋ كەرەك
2021.04.15 16:18 كەلۋ قاينارى : حالىق تورابى
«حالىق گازەتى»، 4 - ايدىڭ 14 – كۇنى، شي – ان. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 4 - ايدىڭ 13 - كۇنى شانشي ولكەسىنىڭ شي - ان قالاسىندا حۋاڭحى وزەنىن قورعاۋ جونىندە زاڭ شىعارۋ اڭگىمە ءماجىلىسىن باسقارىپ اشقاندا مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋ جونىندەگى ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىم، ورنالاستىرۋلارىن جاپپاي دايەكتىلەندىرىپ، زاڭ شىعارۋ ورتاق تانىمىن ۇيىستىرىپ، زاڭ شىعارۋ اياق الىسىن جەدەلدەتىپ، حۋاڭحى وزەنىن قورعاۋعا، دامۋدى جەبەۋگە ءتيىمدى، حالىقتى باقىتقا كەنەلتەتىن كەمەلدى زاڭ شىعارۋ كەرەك.
لي جانشۋ بىلاي دەپ اتاپ كورسەتتى: حۋاڭحى وزەنى الابىنىڭ ەكولوگياسىن قورعاۋ جانە ساپالى دامۋ − شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى مەن باياندى دامۋىن كوزدەي وتىرىپ تۇراقتاندىرعان مەملەكەتتىك ستراتەگيا. پارتيانىڭ 18 - قۇرىلتايىنان بەرى باس شۋجي شي جينپيڭ حۋاڭحى وزەنىن تالاي رەت ناق مايداندا تەكسەرىپ، ماڭىزدى نۇسقاۋ بەرىپ، تالاپ قويىپ، حۋاڭحى وزەنى الابىنىڭ ەكولوگياسىن قورعاۋدى جانە ساپالى دامۋدى ىلگەرىلەتۋگە جەتەكشىلىك ەتىپ، تياناق ازىرلەدى. حۋاڭحى وزەنىن قورعاۋ بايلانىسىمەن زاڭ شىعارۋدا شي جينپيڭ ەكولوگيالىق وركەنيەت يدەياسىن دايەكتىلەندىرىپ، جاڭا دامۋ ۇستانىمىن دايەكتىلەندىرىپ، باس شۋجي شي جينپيڭنىڭ نۇسقاۋى مەن تالابىن جانە پارتيا ورتالىق كوميتەتىنىڭ شەشىم، ورنالاستىرۋلارىن زاڭ تارماقتارىندا تولىق ايگىلەپ، حۋاڭحى وزەنىن قورعاۋدىڭ، جونگە سالۋدىڭ ءونىمدى ساياساتىن، مەحانيزمىن، ءتۇزىمىن امالياتتىڭ سىنىنان وتەتىندەي دارەجەدە زاڭ شىعارىپ تۇراقتاندىرۋ كەرەك. ەكولوگيانى الدىمەن ەسكەرۋدە، جاسىل دامۋدا، سۋ مولشەرىنە قاراي ىستەۋدە، سۋ ۇنەمدەۋدى ماڭىزدى ورىنعا قويۋدا تاباندى بولىپ، جەرگىلىكتى جاعدايعا قاراي ىستەپ، تۇرلەر بويىنشا شارا قولدانىپ، ءبىر تۇتاس جوسپارلاپ، سايكەستى ىلگەرىلەتىپ، جاپپاي قورعاۋدى بىرگە ويداعىداي يگەرىپ، جاپپاي جونگە سالۋدى سايكەستى ىلگەرىلەتىپ، ساپالى دامۋدى جۇزەگە اسىرۋدى ىلگەرىلەتۋ كەرەك.
لي جانشۋ مىنالاردى دارىپتەدى: حۋاڭحى وزەنىنىڭ ەكولوگيالىق ورتاسىن قورعاۋ، جونگە سالۋ جانە ساپالى دامۋ ديالەكتيكالىق بىرلىك قاتىناسىندا بولادى. حۋاڭحى وزەنىن قورعاۋ بايلانىسىمەن زاڭ شىعارۋدا «سۋ» سىندى «جەلى» مەن «الاپ» سىندى «اۋماقتى» ارقاۋ ەتىپ، جاراتىلىستىق ەكولوگيانىڭ ماڭگىلىك تەپە - تەڭدىگىن، جاراتىلىستىق بايلىقتىڭ باياندى پايدالانىلۋىن، حالىق بۇقاراسىنىڭ ماڭگىلىك تىنىشتىعىن زاڭدىق جاقتان قولداۋ كەرەك. ءبىرىنشى، ەكولوگيانى قورعاۋدى، قالپىنا كەلتىرۋدى كورنەكتىلەندىرۋ كەرەك. شەكتەن تىس كيلىگۋدەن، شەكتەن تىس پايدالانۋدان تابيعي قالپىنا كەلتىرۋگە، تىنىقتىرۋعا قاراي بۇرىلىس جاساپ، حۋاڭحى وزەنى الابىنىڭ ەكولوگياسىنىڭ ءالسىز بولۋ جاعدايىن وزگەرتىپ، جوعارى، ورتا، تومەنگى اعارعا تۇرلىشە قورعاۋ، جونگە سالۋ شارالارىن قولدانۋ كەرەك. ەكىنشى، الاپتاردىڭ ەكولوگيالىق ورتاسىن قورعاۋ جوباسىن كورنەكتىلەندىرىپ، ەكولوگيالىق ورتا كەڭىستىگىن باسقارۋ - مەڭگەرۋدى تياناقتاندىرۋ كەرەك. حۋاڭحى وزەنى الابىنداعى نەگىزگى فۋنكتسيالىق رايون جوباسىن جاپپاي تياناقتاندىرىپ، ەكولوگيالىق قىزىل سىزىقتى بەلگىلەۋ كەرەك. ءۇشىنشى، تۇتاس الاپتاعى سۋ بايلىعىن ۇنەمدى، شوعىرلى پايدالانۋدى كورنەكتىلەندىرۋ كەرەك. «سۋعا قاراي قالانى، جەردى، ادامدى، كاسىپتى تۇراقتاندىرۋدى» جەتەكشى ەتىپ، سۋ بايلىعىن قورعاۋدىڭ، پايدالانۋدىڭ ەڭ قاتاڭ ءتۇزىمىن ورناتۋ كەرەك. ءتورتىنشى، لاستاۋ جۇيەسىن جونگە سالۋدى كورنەكتىلەندىرۋ كەرەك. قورشاعان ورتانى باقىلاۋ - باسقارۋدىڭ ەڭ قاتاڭ ءتۇزىمىن، سۋدىڭ لاستانۋىنان ساقتانۋ - جونگە سالۋدىڭ ەڭ قاتاڭ ءتۇزىمىن ورناتۋ كەرەك. بەسىنشى، سۋ مەن ءشولدى تىزگىندەۋ سىندى وسى ماڭىزدى ءتۇيىندى كورنەكتىلەندىرۋ كەرەك. سۋ مەن ءشولدى تىزگىندەۋ جۇيەسى مەن مەحانيزمىن ورناتىپ جانە كەمەلدەندىرىپ، تاسقىننان ساقتانۋدىڭ، اپاتتى ازايتۋدىڭ جالپىلىق جۇيەسى قۇرىلىسىن كۇشەيتۋ كەرەك. التىنشى، الاپتاردىڭ ەكولوگيالىق ورتا حاۋىپ - قاتەرىن باسقارۋ - مەڭگەرۋدى كورنەكتىلەندىرۋ كەرەك. توسىن تۋىلعان قورشاعان ورتا وقيعالارىن باقىلاۋ - مەڭگەرۋ، ساقتاندىرۋ جۇيەسىن ورناتىپ، شۇعىل جاعدايعا توتەپ بەرۋ جوباسى جۇيەسىن كەمەلدەندىرۋ كەرەك.
لي جانشۋ مىنالاردى اتاپ كورسەتتى: حۋاڭحى وزەنىن قورعاۋ بايلانىسىمەن زاڭ شىعارۋدا باستان - اياق مىنا ەكى ءتۇيىندى دارىپتەۋ جانە شوعىرلى تۇردە كورنەكتىلەندىرۋ كەرەك: بىرەۋى، حۋاڭحى وزەنى الابىنىڭ ەكولوگياسىن قورعاۋ جانە جونگە سالۋ، بىرەۋى، حۋاڭحى وزەنى الابىنىڭ ساپالى دامۋى. حۋاڭحى وزەنىن قورعاۋ بايلانىسىمەن زاڭ شىعارۋدىڭ نەگىزگى اۋەنى − قورعاۋ جانە جونگە سالۋ. قورعاۋ مەن جونگە سالۋ − العى شارت، نەگىز، حۋاڭحى وزەنىن ويداعىداي قورعاپ، حۋاڭحى وزەنىن ويداعىداي جونگە سالعاندا عانا ساپالى دامۋدى ەڭ نەگىزگى كەپىلمەن قامداۋعا، ساپالى دامۋدان ءسوز اشۋعا بولادى. حۋاڭحى وزەنى مادەنيەتىنە مۇراگەرلىك ەتۋ جانە ونى قورعاۋ − حۋاڭحى وزەنى الابىنىڭ ساپالى دامۋىنىڭ ماڭىزدى مازمۇنى، زاڭ بارىسىندا حۋاڭحى وزەنى مادەنيەتىن جالعاستىرۋدى، قورعاۋدى كۇشەيتۋ كەرەك.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى شىن يۋەيۋە ماجىلىسكە قاتىناستى.
مەملەكەتتىك حالىق قۇرىلتايىنىڭ قورشاعان ورتا جانە بايلىقتى قورعاۋ كوميتەتىندەگى، مەملەكەتتىك حالىق قۇرىلتايى تۇراقتى كوميتەتىنىڭ كەڭسەسىندەگى، مەملەكەتتىك كەڭەستىڭ قاتىستى تاراۋلارىنداعى، حۋاڭحى وزەنى الابىنداعى 9 ولكە، اۆتونوميالى رايوننىڭ حالىق قۇرىلتايى تۇراقتى كوميتەتىندەگى جاۋاپتى جولداستار، مەملەكەتتىك حالىق قۇرىلتايىنىڭ ءىشىنارا ۋاكىلدەرى ماجىلىسكە قاتىناستى.
لي جانشۋ تاعى حۋاڭحى وزەنىن قورعاۋ بايلانىسىمەن زاڭ شىعارۋ جونىندە شانشيدە تەكسەرۋ - زەرتتەۋ جۇرگىزىپ، نەگىزگى ساتىداعى جولداستاردىڭ قاتىستى ۇسىنىس - پىكىرلەرىن تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
