ۋاڭ ياڭ ىشكى موڭعۇلدا تەكسەرۋ - زەرتتەۋ جۇرگىزگەندە مىنانى دارىپتەدى
جۇڭحۋا ۇلتى ورتاق تۇلعاسى تانىمىن بەرىك ورناتىپ، وتانىمىزدىڭ سولتۇستىك شەكارا ءوڭىرىنىڭ حاۋىپسىزدىك، ورنىقتىلىق قالتقىسىن مىقتاپ قۇرۋ كەرەك
2021.04.15 16:20 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 14 – كۇنى، كوكحوت (ءتىلشى سۇن تيەشياڭ). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ تاياۋدا ىشكى موڭعۇل اۆتونوميالى رايونىندا تەكسەرۋ - زەرتتەۋ جۇرگىزدى. ول مىنالاردى دارىپتەدى: باس شۋجي شي جينپيڭنىڭ ۇلت قىزمەتى جونىندەگى ماڭىزدى پايىمداۋلارى مەن ىشكى موڭعۇل قىزمەتى جونىندەگى ماڭىزدى نۇسقاۋىنىڭ رۋحىن تولىق، دۇرىس ءتۇسىنىپ، دايەكتىلەندىرىپ، جاڭا داۋىردەگى ۇلت قىزمەتىنىڭ تاريحي ورنىن ىشكەرىلەي يگەرىپ، جۇڭحۋا ۇلتى ورتاق تۇلعاسى تانىمىن بەرىك ورناتۋ سىندى نەگىزگى جەلىنى مىقتاپ يگەرىپ، دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتىپ، ورتاقتىق پەن ايىرماشىلىقتىڭ قاتىناسىن دۇرىس تانىپ جانە ءبىر جاقتى ەتىپ، ۇلت سالاسىنداعى تەرەڭ قاتپارلى ماسەلەلەردى كۇش سالا شەشىپ، «ۇلگىلى اۆتونوميالى رايوننىڭ» وسكەلەڭ داڭقىن ويداعىداي قورعاپ، ۇلتتارى ىنتىماقتى، قوعامى ورنىقتى، شەكارا ءوڭىرى تىنىش بولۋ سىندى تاماشا جاعدايدى ۇزدىكسىز بەكەمدەۋ جانە دامىتۋ كەرەك.
ۋاڭ ياڭ 4 - ايدىڭ 12 - كۇنىنەن 14 - كۇنىنە دەيىن تەكسەرۋ - زەرتتەۋ گرۋپپاسىن باستاپ ىشكى موڭعۇلعا كەلىپ، 4 گرۋپپا ۇيىمداستىرىپ، كوكحوت، باۋتوۋ، تۇڭلياۋ، شيلينعول قاتارلى جەرلەرگە بارىپ، پارتيا، ۇكىمەت ورگاندارىن، قالا الەۋمەتتىك اۋماقتارىن، اۋىل - قىستاق، مال شارۋاشىلىق رايوندارىن، ءتۇرلى مەكتەپتەردى، عىلمي زەرتتەۋ قۇرىلىمدارىن، مادەنيەت ورىندارىن ارالاپ، ءار دارەجەلى كادرلارمەن، مامان - وقىمىستىلارمەن، ءار ۇلت بۇقاراسىمەن بەتپە – بەت سۇحپات وتكىزدى ءارى اڭگىمە ءماجىلىسىن اشىپ، قاتىستى جاقتاردىڭ ۇسىنىس - پىكىرلەرىن تىڭدادى. ۋاڭ ياڭ مىنالاردى اتاپ كورسەتتى: ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، بۇل − جاڭا داۋىردەگى ۇلت قىزمەتىن ويداعىداي ىستەۋدىڭ ەڭ ۇلكەن ارتقى كورىنىسى. جۇڭحۋا ۇلتى ورتاق تۇلعاسى تانىمىن بەرىك ورناتۋ − ۇلتتىڭ گۇلدەنۋىن جۇزەگە اسىرۋداعى نەگىزدىك ستراتەگيالىق ينجەنەريا. جۇڭحۋا ۇلتىنىڭ كوپ نەگىزدى، ءبىر تۇلعالى جاعدايى جونىندەگى تانىمدى تەرەڭدەتىپ، جۇڭحۋا ۇلتى ورتاق تۇلعاسىنىڭ تاريحىن زەرتتەۋدى كۇشەيتىپ، ءار ۇلت كادرلارى مەن بۇقاراسىن ءبىزدىڭ ۇلان - بايتاق جەرىمىزدى ءار ۇلت بىرگە اشقانىن، ۇزاق تاريحتى ءار ۇلت بىرگە جازعانىن، شۇعىلالى مادەنيەتتى ءار ۇلت بىرگە جاراتقانىن، ۇلى رۋحتى ءار ۇلت بىرگە جەتىلدىرگەنىن ءارقاشان ەستە بەرىك ساقتاۋعا تاربيەلەپ، جەتەكتەپ، تاريحتى حالىق جاراتقانىن، ۇلتتاردىڭ ارالاسۋى، ىشتەسۋى، توعىسۋى جۇڭحۋا ۇلتىنىڭ دامۋىن، العا باسۋىن ىلگەرىلەتەتىن سارقىلماس قوزعاۋشى كۇش ەكەنىن جەتە تانىپ، ۇلتتاردىڭ تاريحي ۇلەسى مەن تاريحي تۇلعالاردىڭ رولىن وبيەكتيۆ باعالاۋ كەرەك. ۇلت تانىمى مەن جۇڭحۋا ۇلتى ورتاق تۇلعاسى تانىمىنىڭ قاتىناسىن دۇرىس يگەرىپ، جۇڭحۋا مادەنيەتىن شىنايى مويىنداۋدى كۇشەيتۋ نەگىزىندە، ءار ۇلت مادەنيەتىن جالعاستىرۋ، قورعاۋ جانە جاڭالىق اشۋ، توعىستىرۋ كەرەك. مەملەكەتتە ءبىر تۇتاس قولدانىلاتىن ءتىل - جازۋدى جالپىلاستىرۋدى جەدەلدەتىپ، مەملەكەت ءبىر تۇتاس قۇراستىرعان وقۋلىقتاردى جالپىلاستىرۋ، قولدانۋ قىزمەتىن تىڭعىلىقتى ىستەپ، ءار ۇلت بۇقاراسىنىڭ عىلىم، مادەنيەت بىلىمدەرىن اناعۇرلىم جاقسى قابىلداۋىنا، جۇمىستانۋ قابىلەتىن جوعارىلاتۋىنا جانە وسى زامانعى قوعاممەن توعىسۋىنا مۇمكىندىك جاساۋ كەرەك.
ۋاڭ ياڭ بىلاي دەپ دارىپتەدى: ۇلتتىق وڭىرلىك اۆتونوميا ءتۇزىمى ەلىمىزدىڭ بىرلىككە كەلگەن كوپ ۇلتتى مەملەكەت بولۋ سىندى نەگىزگى مەملەكەت جاعدايىنا ۇيلەسەدى، قۇدىرەتتى ومىرشەڭدىك كۇشكە يە. بارلىق ۇلتتىق اۆتونوميالى جەر − پارتيانىڭ باسشىلىعىنداعى جەرلەر، بۇكىل ەلدەگى ءار ۇلت حالقىنىڭ ورتاق مەنشىگىندەگى جەرلەر. اۆتونوميالى جەرلەر اۆتونوميا ۇقىعىن جۇرگىزگەندە، مەملەكەتتىڭ نەگىزگى زاڭى مەن زاڭدارىنىڭ جانە اكىمشىلىك جارلىقتارىنىڭ اتقارىلۋىنا كەپىلدىك ەتۋدى العى شارت ەتىپ، سوتسياليستىك زاڭ - ءتۇزىمنىڭ تۇتاستىعىن قورعاۋى كەرەك. داۋىرمەن بىرگە العا باسىپ، ۇلت ساياساتىن سارالاپ، باعالاپ جانە رەتتەپ، كەمەلدەندىرىپ، ۇلتتىق فاكتور مەن وڭىرلىك فاكتوردى ۇشتاستىرۋدا تاباندى بولىپ، جەرگىلىكتى جاعدايعا قاراي ىستەپ، دالمە - ءدال شارا قولدانىپ، بايىپتىلىقپەن ورنىقتى ىلگەرىلەۋ كەرەك.
يوۋ چۋان تەكسەرۋ - زەرتتەۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
