1 - توقساندا حالىق اقشاسى قارىز اقشاسى 7 تريلليون 670 ميلليارد يۋان ارتتى
ءتىپتى دە كوپ امانات – قارىز بايلىعى تۇلعالىق شارۋاشىلىققا بەت الدى (جاڭا ساندى مالىمەت، جاڭا ءتۇيىن)
«حالىق گازەتىنىڭ» تىلشىلەرى ۋ چيۋيۇي، جۇي يۇنپىڭ
2021.04.16 16:30 كەلۋ قاينارى : حالىق تورابى
گۋاڭدۇڭ ولكەسى پيڭيۋان اۋدانى دۇڭشى قالاشىعى لياڭتيڭ قىستاعىنا بارساڭىز، شارۋالاردىڭ ۇيلەرىنىڭ توبەسىندەگى قاز - قاتار تىزىلگەن كوك ءتۇستى فوتوۆولت تاقتالارى جۇرت نازارىن ايرىقشا اۋداردى. «مىنالارعا ءوزىم ءبىر تيىن اقشا جۇمساعان جوقپىن، كەيىن زەينەتكەرلىك قامتاماسىزداندىرۋىنان دا يگىلىكتەنەتىن بولدىم». 52 جاستاعى لين جينرۇڭ بىلاي دەدى: بيىل 2 - ايدا مەن ميجوۋداعى كىجيا قىستاق بانكەسىنەن 200 مىڭ يۋان قارىز اقشا الىپ فوتوۆولت جابدىقتارىن ورناتتىم، ەلەكتر شىعارۋ كىرىسى قارىز اقشانى تولىق قايتارۋعا جەتەدى، 10 جىلدا قارىزدى قايتارىپ بولعاننان كەيىن، ءوزىم جىلىنا 30 مىڭ يۋانعا جۋىق كىرىس كىرگىزەمىن.
فوتوۆولتتىق ەلەكتر تاراتۋ شارۋالاردىڭ كىرىسىن ارتتىرۋدىڭ جاڭا ارناسىنا اينالۋدا، الايدا، ءبىر رەتتىك جوعارى سومالى قارجى قوسۋ جالپىلاستىرۋداعى قيىن ماسەلەگە اينالدى. جۇڭگو حالىق بانكەسى گۋاڭجوۋ بولىمشە بانكەسىنىڭ جەتەكشىلىگىندە، ميجوۋ قالالىق ورتالىق تارماق بانكەسى قاراستى رايونداعى فينانس قۇرىلىمدارىن «جاسىل فوتوۆولتتىق قارىز اقشا» الۋعا جەتەكتەپ، شارۋالاردىڭ جاسىل، تومەن كومىرتەكتى تۇتىنۋ ارقىلى جاقسى تۇرمىس كەشىرۋىنە كومەكتەستى.
«14 – بەسجىلدىقتىڭ» العاشقى جىلىندا فينانس ساپالى دامۋعا ۇزدىكسىز قوزعاۋشى كۇش قوستى. جۇڭگو حالىق بانكەسى 4 - ايدىڭ 12 – كۇنى جاريالاعان ساندى مالىمەتتە كورسەتىلۋىنشە، بيىل 1 - توقساندا ەلىمىزدىڭ حالىق اقشاسى قارىز اقشاسى 7 تريلليون 670 ميلليارد يۋان ارتىپ، وتكەن جىلعى جوعارى نەگىزدىك سان نەگىزىندە سايكەس مەزگىلدەگىدەن 574 ميلليارد 100 ميلليون يۋان ارتىپ، تۇلعالىق شارۋاشىلىقتىڭ دامۋىنا پارمەندى قولداۋ كورسەتكەن.
− حالىق اقشاسىنىڭ قارىز اقشاسى 7 تريلليون 670 ميلليارد يۋان ارتۋىنىڭ استارىندا ءتىپتى دە كوپ امانات – قارىز بايلىعىنىڭ تۇلعالىق شارۋاشىلىققا اعىلۋى جاتىر.
جىجياڭ ولكەسى ۋىنجوۋ قالاسى داباي تاۋىنىڭ باۋرايىندا يۇڭجيا اۋدانى بولۇن اۋىل شارۋاشىلىعىن دامىتۋ شەكتى سەرىكتەستىگىنىڭ جاۋاپتىسى چىن كىشياڭ اتىزدا قاربالاس جۇمىس ىستەپ جاتتى، ول: «بيىل كوكتەم ەرتە كەلدى، تۇقىم مەن تىڭايتقىشتى دەر كەزىندە تولىقتاپ بەرۋ قاجەت، قارجى اينالىمى ءبىز ءۇشىن وتە ماڭىزدى» دەدى.
كاسىپورىننىڭ قارجى قاجەتىن ۇعىسقاننان كەيىن جۇڭگو اۋىل شارۋاشىلىق بانكەسىنىڭ ۋىنجوۋ بولىمشە بانكەسى ارناۋلى قارجى قۇراۋ جوباسىن جاساپ، 2 ميلليون يۋان جالپىعا ءتيىمدى قارىز اقشانى دەر كەزىندە تاراتتى. «فينانس جاعىنان قولداۋعا يە بولدىق، يۇڭجيا ەرەكشە ەكولوگيالىق اۋىل شارۋاشىلىق ونىمدەرى كاسىبى ءتىپتى دە جاقسى داميتىن بولدى» دەدى چىن كىشياڭ.
فينانس قان تامىرى ىركىلىسسىز بولعاندا عانا، تۇلعالىق شارۋاشىلىق گۇلدەنەدى. 1 - توقساندا ەلىمىزدىڭ تۇلعالىق شارۋاشىلىققا تاراتقان حالىق اقشاسى قارىز اقشاسى سايكەس مەزگىلدەگىدەن 658 ميلليارد 900 ميلليون يۋان ارتتى. «قارىز اقشا ورنىقتى، ۇيلەسىمدى ارتىپ، تۇلعالىق شارۋاشىلىقتىڭ قاجەتىن ءونىمدى قاناعاتتاندىردى» دەدى حالىق بانكەسى اقشا ساياساتى مەڭگەرمەسىنىڭ باستىعى سۇن گوفىڭ.
− حالىق اقشاسىنىڭ قارىز اقشاسى 7 تريلليون 670 ميلليارد يۋان ارتۋىنىڭ استارىندا فينانستىڭ عىلىم - تەحنيكادا جاڭالىق جاراتۋ سياقتى ءتۇيىندى سالالاردى قولداۋ تەبىنىنىڭ كۇشەيۋى جاتىر.
30 مىڭ شارشى مەتردەن استام زات اينالىمى تاسىمال قويماسىندا مىڭنان استام كوك قۇلتەمىر ارلى - بەرلى قاربالاس جۇمىس ىستەۋدە، وسى قۇلتەمىرلەردى شاڭحاي كۋايساڭ زەردەلى عىلىم - تەحنيكا شەكتى سەرىكتەستىگى زەرتتەپ جاساعان. زەرتتەۋ، اشۋ ۇسىنىلىمىنىڭ ۇزدىكسىز ارتۋىنا بايلانىستى، بۇل كاسىپورىن نەشە ونداعان تۇردەگى زات اينالىمى قۇلتەمىرىن زەرتتەپ جاسادى. «عىلىم - تەحنيكالىق كاسىپورىنداردىڭ مال - مۇلكى از، كەپىلگە قوياتىن بۇيىمدارى تاپشى، ءداستۇرلى امانات - قارىز تالابىنا جەتۋى قيىن». سەرىكتەستىكتىڭ كاپيتال بازارى باس باقىلاۋشىسى جاڭ ۋىنجيە بىلاي دەدى: بيىل جىل باسىندا قۇرىلىس بانكەسىنىڭ شاڭحاي بولىمشە بانكەسى ىرىقتىلىقپەن ىزدەپ كەلدى، كەپىل قويۋ تالاپ ەتىلمەيتىن، ءوسىمى تومەن 30 ميلليون يۋان قارىز اقشا بەرۋگە نيەت ءبىلدىردى، قۇرىلىس بانكەسىنىڭ قاراماعىنداعى امانات سەرىكتەستىگىمەن سەلبەسىپ جارنا ۇقىعىنا 50 ميلليون يۋان قارجى قوسىپ سەرىكتەستىككە كىرىپ، كاسىپورىننىڭ دامۋىنا قۋاتتى ومىرشەڭدىك كۇش ۇستەدى.
2 - ايدىڭ سوڭىنا دەيىن قارىز اقشا الىپ قولداۋعا يە بولعان عىلىم - تەحنيكالىق ورتا، شاعىن كاسىپورىندار 91 مىڭعا جەتىپ، قارىز اقشا قالدىق سوماسى 919 ميلليارد 700 ميلليون يۋان بولىپ، جىل باسىنداعىدان %4.37 ارتتى.
− حالىق اقشاسىنىڭ قارىز اقشاسى 7 تريلليون 670 ميلليارد يۋان ارتۋىنىڭ استارىندا قارجى ونىمدىلىگىنىڭ جوعارىلاۋى، شاعىن، ۇساق كاسىپورىندارعا توتە جەتۋى جاتىر.
«مەملەكەتتىڭ ابزال ساياساتى، شىنىندا، شاعىن كاسىپورىندارعا دەر كەزىندە كورسەتىلگەن كومەك بولدى». جىجياڭ انجيسنور نازىك جابدىقتار شەكتى سەرىكتەستىگىنىڭ جاۋاپتىسى ياۋ گىنفا بىلاي دەدى: تاياۋدا سەرىكتەستىگىمىزدىڭ نەگىزگى شيكىزات باعاسى جوعارىلاپ، 5 ميلليون يۋان قارىز اقشانىڭ مەرزىمى تولدى، ورتالىق بانكەنىڭ تۇلعالىق شارۋاشىلىققا توتە جەتكىزۋ اقشا ساياساتى قۇرالدارىنىڭ شابىتتاندىرۋىندا، انجي اۋىل شارۋاشىلىق - ساۋدا بانكەسى كاسىپورىن ءۇشىن قارىز اقشانى كەشىكتىرىپ، وسىمىمەن قايتارىپ بەرىپ، كاسىپورىننىڭ قالىپتى ءوندىرىس اياق الىسىنا كەپىلدىك ەتۋمەن بىرگە، 100 دەن استام قىزمەتكەردىڭ ورنىعىپ ىستەۋىنە مۇمكىندىك جاراتتى.
2020 - جىلى 6 - ايدا حالىق بانكەسى تۇلعالىق شارۋاشىلىققا توتە جەتكىزۋ 2 اقشا ساياساتى قۇرالىن بەلگىلەپ، ورتالىق بانكەنىڭ قارجىسىنان پايدالانىپ، بانكەلەردى شاعىن، ۇساق كاسىپورىندارعا قارىز اقشا بەرۋدە «ۇزارتۋعا تيىستىلەرىن مۇمكىندىگىنشە ۇزارتۋعا» ىنتالاندىرىپ، سەنىمدى قارىز اقشانى اينالىمعا سالۋدى بارىنشا ارتتىردى. بيىل 3 - ايدا حالىق بانكەسى ەكى ءتۇرلى توتە جەتكىزۋ قۇرالىنىڭ اتقارىلۋ مەرزىمىن بيىل جىل سوڭىنا دەيىن ۇزارتۋدى جاريالادى.
سۇن گوفىڭ مىنانى ءبىلدىردى: حالىق بانكەسى پەريود اتتاعان ساياساتتىق جوبانى ويداعىداي جاساپ، اقشا امانات - قارىزىنىڭ ۇيلەسىمدى ارتۋىن ساقتاپ، فينانس قۇرىلىمدارىن تۇلعالىق شارۋاشىلىقتىڭ ۇلاسپالىلىعىن، ورنىقتىلىعىن، باياندىلىعىن كۇشەيتۋگە جەتەكتەپ، ەكونوميكانىڭ ساپالى دامۋىنا ۇيلەسىمدى اقشا - فينانس ورتاسىن ازىرلەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
