شي جينپيڭ بەينە ەكران تاسىلىمەن فرانسيا، گەرمانيا باسشىلارىمەن باس قوسۋ وتكىزدى
2021.04.19 16:06 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 16 - كۇنى، بەيجيڭ. 4 - ايدىڭ 16 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە بەينە ەكران تاسىلىمەن فرانسيا زۇڭتۇڭى ماكرونمەن، گەرمانيا زۇڭليى مەركەلمەن جۇڭگو، فرانسيا، گەرمانيا باسشىلارىنىڭ باس قوسۋىن وتكىزدى. ءۇش ەل باسشىلارى كليمات وزگەرىسىنە سەلبەسىپ توتەپ بەرۋ، جۇڭگو - ەۆروپا قاتىناسى، ىندەتكە قارسى اتتانۋ سەلبەستىگى، سونداي - اق كەلەلى حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىردى.
شي جينپيڭ بىلاي دەپ دارىپتەدى: مەن ادامزاتتىڭ تاعدىرلاس ورتاق تۇلعاسىن قۇرۋدى باستان - اياق قۋاتتاپ كەلەمىن، كليمات وزگەرىسىنە توتەپ بەرۋدە فرانسيامەن، گەرمانيامەن سەلبەستىكتى كۇشەيتۋدى قالايمىن. مەن جۇڭگونىڭ 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى شەككە جەتكىزۋگە، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا كۇش سالاتىنىن جاريالادىم، بۇل جۇڭگونىڭ دۇنيە جۇزىندەگى ەڭ ۇلكەن وركەندەپ كەلە جاتقان ەل رەتىندە تۇتاس جەر شارى بويىنشا ەڭ جوعارى كومىر قىشقىل گازىن ىعىستىرۋ كۇشەمەلىلىگىن تومەندەتۋ شاماسىن ورىنداپ، دۇنيە ءجۇزى تاريحىنداعى ەڭ قىسقا ۋاقىتتا كومىر قىشقىل گازىنىڭ شىعارىلۋىن ەڭ جوعارى شەككە جەتكىزۋدەن كومىر قىشقىل گازىن بەيتاراپتاندىرۋعا دەيىنگى بارىستى جۇزەگە اسىراتىنىن اڭعارتادى. مۇنىڭ ءبىر رەتكى قاتاڭ شايقاس ەكەنى داۋسىز. جۇڭگو جاق ايتقانىن، ءسوز جوق، ورىندايدى، ىسىنەن، ءسوز جوق، ناتيجە شىعارادى، ءبىز كومىر قىشقىل گازىنىڭ شىعارىلۋىن ەڭ جوعارى شەككە جەتكىزۋدى، كومىر قىشقىل گازىن بەيتاراپتاندىرۋدى ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىنا ەنگىزىپ، جاسىل، تومەن كومىرتەكتى اينالمالى ەكونوميكانى دامىتۋدى جاپپاي ىلگەرىلەتەمىز. جۇڭگو «<مونرەال كەلىسىم شارتىنىڭ> كيگالي تۇزەتىلگەن جوباسىن» قابىل الىپ، سۋتەك فتور كومىرتەكتى قوسىلىستارى سياقتى كومىرتەگى قوس توتىعى ەمەس پارنيكتىك گازداردى قاداعالاۋدى كۇشەيتۋدى ۇيعاردى. كليمات وزگەرىسىنە توتەپ بەرۋ − بۇكىل ادامزاتتىڭ ورتاق ءىسى، ول وڭىرلىك گەوساياسيدىڭ كوزىرىنە، وزگە ەلگە شابۋىلداۋدىڭ نىساناسىنا، ساۋدا قامالىنىڭ سىلتاۋىنا اينالماۋعا ءتيىس. جۇڭگو جاق ءادىل، ورتاق، ءبىراق پارىقتى بولۋ جاۋاپكەرلىگىندە، ءارقايسىسىنىڭ ءوز قابىلەتىنە قاراۋ پرينسيبىندە تاباندى بولىپ، «بىرلەسكەن مەملەكەتتەر ۇيىمى كليمات وزگەرىسى جۇلگەلىك شارتىن» جانە ونىڭ «پاريج كەلىسىمىن» تياناقتاندىرۋدى ىلگەرىلەتىپ، كليمات وزگەرىسى جونىندەگى وركەندەپ كەلە جاتقان ەلدەر سەلبەستىگىن بەلسەندى ورىستەتەدى. دامىعان ەكونوميكالىق تۇلعالاردىڭ شىعارۋدى ازايتۋ ارەكەتى تەبىنىندە ونەگە بولۋىن ءارى كليمات قارجىسى بويىنشا قاراجات شىعارۋ ۋادەسىن باستاماشىلدىقپەن ورىنداپ، وركەندەپ كەلە جاتقان ەلدەردىڭ كليمات وزگەرىسىنە توتەپ بەرۋىنە تەحنيكا، قابىلەت قۇرىلىسى سياقتى جاقتاردان تولىق قولداۋ كورسەتۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: قازىرگى كەزدە جاڭا تيپتى ايدارشا ۆيرۋس وكپە قابىنۋ ىندەتى ءالى دە بۇكىل دۇنيە جۇزىندە ءورشىپ، دۇنيە ءجۇزى ەكونوميكاسىن جانداندىرۋ مىندەتى ايرىقشا اۋىرلاستى. جۇڭگو - ەۆروپا قاتىناسى جاڭا دامۋ ورايىنا ءدوپ كەلدى، ءتۇرلى سىن - سايىسقا دا تاپ بولدى. ستراتەگيالىق تۇرعىدان جۇڭگو - ەۆروپا قاتىناسى دامۋىنىڭ ۇلكەن بەتالىسى مەن نەگىزگى ارناسىن مىقتاپ يگەرۋ كەرەك. جۇڭگو جاق جوعارى دەڭگەيدەگى سىرتقا ەسىك اشۋدى كەڭەيتىپ، فرانسيا، گەرمانيا كاسىپورىندارىن قامتىعان سىرتقى ساۋداعا قارجى قوسۋ كاسىپورىندارىنا تەڭ، ءادىل، كەمسىتپەيتىن شارۋاشىلىق - ساۋدا ورتاسىن ازىرلەيدى، ەۆروپا جاقتىڭ دا جۇڭگو كاسىپورىندارىنا وسىنداي بەلسەندى پوزيتسيامەن مامىلە جاساپ، جۇڭگو جاقپەن بىرگە جۇڭگو - ەۆروپا جاسىل، سيفرلى سەرىكتەستىك قاتىناسىن زورايتۋىن، قۇدىرەتتەندىرۋىن، ىندەتكە قارسى اتتانۋ سياقتى سالالارداعى سەلبەستىكتى كۇشەيتۋىن ءۇمىت ەتەدى. جۇڭگو جاق «ۆاكسينا ۇلتشىلدىعىنا» قارسى تۇرادى، يممۋنيتەت جىلعاسىن قولدان جاساۋعا قارسى تۇرادى، فرانسيانى، گەرمانيانى قامتىعان حالىقارالىق قوعاممەن بىرگە وركەندەپ كەلە جاتقان ەلدەردىڭ دەر كەزىندە ۆاكسيناعا قول جەتكىزۋىنە قولداۋ كورسەتەدى جانە كومەكتەسەدى. جۇڭگو جاق حالىقارالىق وليمپيادا كوميتەتىمەن سەلبەسىپ وليمپيادا سپورت جينالىسىنا قاتىناساتىن سپورتشىلارعا ۆاكسينا ازىرلەۋدى قالايدى.
ماكرون مىنانى ءبىلدىردى: فرانسيا جاق جۇڭگو جاقتىڭ 2060 - جىلدان بۇرىن كومىر قىشقىلىن بەيتاراپتاندىرۋدى جۇزەگە اسىرۋعا كۇش سالاتىنىن جاريالاعانىن قارسى الادى، وسى ءبىر كەلەلى ۋادە جۇڭگو جاقتىڭ ىرىقتىلىقپەن ماڭىزدى جاۋاپكەرلىك ارقالاعانىن ايگىلەدى. فرانسيا جاق جۇڭگو جاقپەن بىرگە فرانسيا - جۇڭگو، ەۆروپا - جۇڭگو ەكونوميكالىق قاتىناسىن ونان ارى دامىتۋدى ىلگەرىلەتىپ، افريكانىڭ جاسىل دامۋدى جۇزەگە اسىرۋىنا قول ۇستاسا كومەكتەسۋدى ءارى وركەندەپ كەلە جاتقان ەلدەردىڭ قارىزىن ازايتۋعا، قايتارۋ ۋاقىتىن كەشەۋىلدەتۋگە كومەكتەسۋگە بىرگە قۇلشىنىس جاساۋدى قالايدى. ۆاكسينا ءىرى ەلدەر باسەكەسىنىڭ قۇرالىنا اينالماۋى ءتيىس، فرانسيا جاق جۇڭگو جاقپەن بىرگە ۆاكسينانى ءادىل ۇلەستىرۋ جونىندە سەلبەستىكتى كۇشەيتۋدى، يران يادروسى سياقتى وڭىرلىك ماسەلەلەردە سايكەستىكتى كۇشەيتۋدى قالايدى.
مەركەل مىنانى ءبىلدىردى: گەرمانيا، فرانسيا، جۇڭگو ءۇش ەلدىڭ سەلبەستىكتى كۇشەيتىپ، كليمات وزگەرىسىنە توتەپ بەرۋى توتەنشە ماڭىزدى. جۇڭگونىڭ مەملەكەتتىڭ ءوز كۇشىنە سۇيەنىپ ۇلەس قوسۋ نىساناسىن جاريالاۋى ۇلى ماقساتقا يە، سونداي - اق باسەكەگە باي، بۇكىل دۇنيە ءجۇزىنىڭ كليمات وزگەرىسىنە توتەپ بەرۋى جونىنەن توتەنشە ماڭىزدى، ەۆروپا جاق جۇڭگو جاقپەن بىرگە ساياساتتىق بايلانىس پەن ۇشتاسۋدى كۇشەيتۋدى قالايدى. جۇڭگونىڭ ەڭ الدىمەن ەكونوميكانىڭ ارتۋىن جانداندىرۋى − دۇنيە ءجۇزى جونىنەن جاعىمدى جاڭالىق. گەرمانيا جاق جۇڭگونىڭ «14 – بەسجىلدىق» جوباسىن اتقارۋىنىڭ گەرمانيا - جۇڭگو، ەۆروپا - جۇڭگو سەلبەستىگىنە الا كەلگەن ماڭىزدى ورايىنا ءمان بەرەدى، جۇڭگو جاقپەن بىرگە ءوزارا تيىمدىلىك جاسايتىن، ءوزارا پايدا جەتكىزەتىن ەكونوميكا - ساۋدا سەلبەستىگىن تەرەڭدەتىپ، سيفرلى ەكونوميكا، توراپ حاۋىپسىزدىگى سياقتى ماسەلەلەردە بايلانىستى كۇشەيتۋدى، ءار ەل كاسىپورىندارىنىڭ ءبارىن تەڭ كورىپ، ساۋدا قامالىنان ساقتانۋدى قالايدى. ەكى جاقتىڭ بىرگە قۇلشىنىپ، «ەۆروپا - جۇڭگو قارجى قوسۋ كەلىسىمىن» تەزىرەك بەكىتىپ اتقارۋدى ىلگەرىلەتۋىن ءۇمىت ەتەمىن.
ءۇش ەل باسشىلارى ءبىر اۋىزدان بىلاي دەپ قارادى: كوپ جاقتىلىقتا تاباندى بولىپ، «پاريج كەلىسىمىن» جاپپاي تياناقتاندىرىپ، ءادىل دە ۇيلەسىمدى، سەلبەسىپ تەڭ يگىلىككە كەنەلەتىن دۇنيە جۇزىلىك كليماتتى جونگە سالۋ جۇيەسىن بىرگە قۇرىپ، كليمات جونىندەگى باسشىلار باس قوسۋىنىڭ بەلسەندى، بىركەلكى، ناقتى جەتىستىكتەرگە قول جەتكىزۋىن ىلگەرىلەتۋ؛ كليمات جونىندە ساياساتتىق تىلدەسۋ مەن جاسىل دامۋ سالاسىنداعى سەلبەستىكتى كۇشەيتىپ، كليمات وزگەرىسىنە توتەپ بەرۋدى جۇڭگو - ەۆروپا سەلبەستىگىنىڭ ماڭىزدى تىرەگى ەتىپ تۇلعالاۋ؛ كۇنميڭ «ورگانيزمدەردىڭ الۋان تۇرلىلىگى جونىندەگى شارتىنىڭ» 15 - رەتكى شارتتاسقان جاقتار جينالىسى، گلازگو «بىرلەسكەن مەملەكەتتەر ۇيىمى كليمات وزگەرىسى جۇلگەلىك شارتىنىڭ» 26 - رەتكى شارتتاسقان جاقتار جينالىسى، مارسەل 7 - كەزەكتى دۇنيە جۇزىلىك تابيعاتتى قورعاۋ جينالىسى سياقتى ماڭىزدى كوپ جاقتى كەڭەستىك ءتارتىپتى ءبىر تۇتاس جوسپارلاپ، ويداعىداي وتكىزىپ، دۇنيە جۇزىلىك قورشاعان ورتانى جونگە سالۋدىڭ جاڭا ارناسىن تۇلعالاۋ؛ «جاڭا تيپتى ايدارشا ۆيرۋس وكپە قابىنۋ ۆاكسيناسىن اتقارۋ جوسپارىن» قولداپ، ادامداردىڭ سالامات، حاۋىپسىز، ءتارتىپتى بارىس - كەلىسىن جەبەپ، كاسىپ تىزبەگىنىڭ ىركىلىسسىزدىگىن، ورنىقتىلىعىن قورعاپ، حالىقارالىق ەكونوميكا - ساۋدا سەلبەستىگىنىڭ ەرتەرەك قالىپقا ءتۇسۋىن ىلگەرىلەتۋ؛ وركەندەپ كەلە جاتقان ەلدەردىڭ ەنەرگيامەن قامداۋىنىڭ جوعارى ءونىمدى، تازا، كوپ جاقتى بەتالىسقا قاراي دامۋىن قولداۋ كەرەك.
ياڭ جيەچى، ۋاڭ ي، حى ليفىڭ قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
