جۇڭگو ەكونوميكاسى ءۇرتىس ورنىقتى قالپىنا كەلدى (جاڭا ساندى مالىمەت، جاڭا ءتۇيىن، ورنىقتى باستاما)

«حالىق گازەتىنىڭ» ءتىلشىسى لۋ يانان

2021.04.19 16:10 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　مەملەكەتتىك ساناق مەكەمەسى 4 – ايدىڭ 16 – كۇنى جاريالاعان 1 - توقسانداعى باستى ساندى مالىمەتتە كورسەتىلۋىنشە، العاشقى ەسەپكە قاراعاندا، 1 - توقساندا ەل ءىشى ءوندىرىس جالپى ءونىم قۇنى 24 تريلليون 931 ميلليارد يۋان بولعان، سالىستىرمالى باعا بويىنشا ەسەپتەگەندە، سايكەس مەزگىلدەگىدەن %18.3 ارتقان، 2020 – جىلدىڭ 4 – توقسانىنداعىمەن ساقينا ءتارىزدى كورسەتكىش بويىنشا %0.6 ارتقان؛ 2019 – جىلدىڭ 1 – توقسانىنداعىدان %10.3 ارتىپ، وتكەن جىلعى نەگىزدىك ساننىڭ ءبىرشاما تومەن بولۋىنىڭ ۇقساس مەزگىلدەگىمەن سالىستىرعاندا ارتۋ قارقىنىنا جاساعان ىقپالىن شىعارىپ تاستاپ، 2019 – جىلعى ۇقساس مەزگىلدەگى ساندى مالىمەتتى نەگىز ەتىپ ەسەپتەگەندە ارتۋ قارقىنى ورتا ەسەپپەن %5.0 بولعان.

　　«1 - توقساندا ەل ءىشى ءوندىرىس جالپى ءونىم قۇنى سايكەس مەزگىلدەگىدەن %18.3 ارتىپ، وتكەن جىلعى نەگىزدىك سان ءبىرشاما تومەن بولۋ، جۇمىسشى – قىزمەتكەرلەردىڭ سول جەردىڭ وزىندە كوكتەم مەرەكەسىن وتكىزۋ قىزمەت كۇنىنىڭ ارتۋى سياقتى سالىستىرۋعا بولمايتىن فاكتورلاردىڭ ىقپالىنا ۇشىرادى؛ ەندى ءبىر جاعىنان، 1 - توقساندا ساقينا ءتارىزدى كورسەتكىش بويىنشا %0.6 ارتىپ، 2 جىلدا ورتا ەسەپپەن %5.0 ارتتى، بۇل ەلىمىز ەكونوميكاسىنىڭ ورنىقتى قالپىنا كەلگەنىن ايگىلەدى». مەملەكەتتىك ساناق مەكەمەسىنىڭ اقپارات مالىمدەمەشىسى ليۋ ايحۋا بىلاي دەدى: قىس پەن كوكتەمدەگى ىندەتتىڭ سىناعى مەن سىرتقى ورتانىڭ تۇراقسىزدىعى الدىندا ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ جەتىستىكتەرىن ءبىر تۇتاس جوسپارلاۋ بەكەمدەلدى جانە كەڭەيدى. «جالپى تۇلعالىق جاقتان العاندا، ەلىمىز ەكونوميكاسى ءۇرتىس ورنىقتى قالپىنا كەلىپ، تاماشا باستاما جاراتتى».

　　ىشكى قوزعاۋشى كۇش ۇزدىكسىز كۇشەيدى. تۇتىنۋعا كوز جىبەرسەك، 3 - ايدا ەلىمىزدىڭ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەس مەزگىلدەگىدەن %34.2 ارتىپ، 1 – ايدان 2 - ايعا دەيىن 0.4 پايىز تەزدەدى. قارجى قوسۋعا كوز جىبەرسەك، 1 - توقساندا جوعارى تەحنيكالى كاسىپكە قارجى قوسۋ مەن قوعامدىق سالالارعا قارجى قوسۋ 2 جىلدا ورتا ەسەپپەن جەكە - جەكە %9.9 جانە %9.6 ارتىپ، قارجى قوسۋ قۇرىلىمى ۇزدىكسىز ساپالىلاندى. يمپورتقا كوز جىبەرسەك، 3 - ايدا زات يمپورتى سايكەس مەزگىلدەگىدەن %27.7 ارتتى، بيىل جىل باسىنان بەرى تۇڭعىش رەت ەكسپورتتىڭ ارتۋ قارقىنىنان جوعارى بولدى، ىشكى سۇرانىمنىڭ قالپىنا كەلۋ اۋقىمى ۇزدىكسىز بەكەمدەلدى، كۇشەيدى.

　　جۇمىستانۋ، زات باعاسى جالپى جاقتان ورنىقتى بولدى. 1 - توقساندا بۇكىل ەلدەگى قالا – قالاشىقتا تەكسەرىلگەن كاسىپسىزدىك شاماسى ورتا ەسەپپەن %5.4 بولىپ، سايكەس مەزگىلدەگىدەن 0.4 پايىز تومەندەدى. مۇنىڭ ىشىندە 3 - ايدا %5.3 بولىپ، سايكەس مەزگىلدەگىدەن 0.6 پايىز تومەندەپ، 2 - ايداعىدان 0.2 پايىز تومەندەدى. 1 - توقساندا بۇكىل ەل بويىنشا قالا - قالاشىقتا تىڭنان 2 ميلليون 970 مىڭ ادام جۇمىستانىپ، تۇتاس جىلدا بەلگىلەنگەن نىسانا - مىندەتتىڭ %27 ى ورىندالدى. زات باعاسىنان قاراعاندا، 1 - توقساندا تۇرعىنداردىڭ تۇتىنۋ باعاسى سايكەس مەزگىلدەگىمەن تەڭەستى، مۇنىڭ ىشىندە 3 - ايدا تۇرعىنداردىڭ تۇتىنۋ باعا كورسەتكىشى (CPI) الدىڭعى ايداعى %0.2 تومەندەۋدەن %0.4 جوعارىلاۋعا بۇرىلىس جاسادى، ارتۋ جاعدايى ءبىرشاما كوڭىلدەگىدەي بولدى.

　　قامداۋ ساپاسى ساپالىلانىپ، جوعارىلادى. 1 - توقساندا كولەمدەنگەن جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن %31.2 ارتتى، 2 جىلدا ورتا ەسەپپەن %12.3 ارتتى؛ جابدىق جاساۋ كاسىبىنىڭ ارتقان قۇنى سايكەس مەزگىلدەگىدەن %39.9 ارتتى، 2 جىلدا ورتا ەسەپپەن %9.7 ارتىپ، كولەم قالىپتاستىرعان جوعارى ونەركاسىپتىڭ جالپى تۇلعالىق ارتۋ قارقىنىنان تەز بولدى. 1 - توقساندا جوعارى تەحنيكالى كاسىپكە قوسىلعان قارجى بىلتىرعى سول تۇستاعىدان %37.3 ارتىپ، 2 جىلدا ورتا ەسەپپەن %9.9 ارتىپ، جالپى قوسىلعان قارجىدان 7 پايىز تەز بولدى. بۇدان سىرت، 1 - توقساندا زەيىندىك تومەن كومىرتەكتى ونىمدەردىڭ ءونىم مولشەرى تەز ارتىپ، جاڭا ەنەرگيالى اۆتوموبيل، ونەركاسىپ قۇلتەمىرى، ميكرو كومپيۋتەر جابدىقتارىنىڭ ءونىم مولشەرى سايكەس مەزگىلدەگىدەن جەكە – جەكە 3.1 ەسە، 1.1 ەسە، %73.6 ارتىپ، 2 جىلداعى ورتاشا ارتۋ قارقىنى ەكى ورىندى ساننان استى. العاشقى ەسەپكە قاراعاندا، 1 - توقساندا ىشكى ءوندىرىستىڭ جالپى قۇنىنداعى ەنەرگيانىڭ بىرلىكتىك جۇمسالىمى سايكەس مەزگىلدەگىدەن %3.1 تومەندەگەن.

　　ساپا مەن ونىمدىلىك ورنىقتى جوعارىلادى. كاسىپورىندارعا كوز جىبەرسەك، 1 – ايدان 2 - ايعا دەيىن ونەركاسىپ كاسىپورىندارىنىڭ جالپى پايدا سوماسى سايكەس مەزگىلدەگىدەن 1.79 ەسە، 2 جىلدا ورتا ەسەپپەن %31. 2 ارتتى؛ كولەم قالىپتاستىرعان قىزمەت وتەۋ كاسىپورىندارى زيان تارتۋدان پايدا تابۋعا ءوتىپ، پايدا جالپى سوماسىن 169 ميلليارد يۋانعا جەتكىزدى. تۇرعىندارعا قاراعاندا، 1 - توقساندا بۇكىل ەلدەگى تۇرعىنداردىڭ كىسى باسىنا تۋرا كەلەتىن يگەرىلمەلى كىرىسى سايكەس مەزگىلدەگىدەن %13.7 ارتقان، 2 جىلدا ورتا ەسەپپەن %4.5 ارتقان؛ اۋىل – قىستاق تۇرعىندارىنىڭ كىرىسىنىڭ ارتۋى قالا – قالاشىق تۇرعىندارىنىكىنەن تەز بولعان.

　　كاسىپورىننىڭ مەجەسى ورنىقتىلىق بارىسىندا جاقساردى. 3 - ايدا جۇڭگونىڭ جاساۋ كاسىبى ساتىپ الۋ ديرەكتورىنىڭ كورسەتكىشى (PMI) %51.9 بولىپ، الدىڭعى ايداعىدان 1.3 پايىز جوعارىلاپ، ءۇرتىس 13 اي وركەندەۋ مانىندە تۇردى؛ جاساۋ كاسىبىنە جاتپايتىن ساۋدا قيمىلىنىڭ كورسەتكىشى %56.3 بولىپ، 4.9 پايىز جوعارىلادى؛ جالپىلىق PMI ءوندىرۋ كورسەتكىشى %55.3 بولىپ، 3.7 پايىز جوعارىلادى؛ جاساۋ كاسىبى كاسىپورىندارىنىڭ ءوندىرىس - تيجارات قيمىلىنىڭ مەجەلى كورسەتكىشى، جاساۋ كاسىبىنە جاتپايتىن كاسىپورىنداردىڭ كاسىپتىك قيمىلىنىڭ مەجەلى كورسەتكىشى %60 اينالاسىندا بولىپ، ءبىرشاما جوعارى ورەنى ساقتادى.

　　«بيىل 1 - توقساندا ەكونوميكانىڭ قالپىنا كەلۋ جاعدايى ۇزدىكسىز جالعاسۋدا، بەلسەندى فاكتورلار كوبەيۋدە». ليۋ ايحۋا مىنانى ءبىلدىردى: قازىر تۇتاس دۇنيە جۇزىندە ىندەت ءالى دە تارالۋدا، سىرتقى ورتادا ءبىرشاما كۇشتى ورنىقسىزدىق، تۇراقسىزدىق بار؛ ىشكى ەكونوميكانى قالپىنا كەلتىرۋدىڭ نەگىزى ءالى بەرىك ەمەس، ۇزاق ۋاقىت ءومىر ءسۇرىپ كەلە جاتقان قۇرىلىمدىق قايشىلىق ءالى دە كورنەكتى. كەلەسى قادامدا ورنىقتىلىق نەگىزىن ۇزدىكسىز بەكەمدەپ، ىلگەرىلەۋ كۇشىن توپتاپ، قامتاماسىز ەتۋدىڭ تومەنگى شەگىن ساقتاپ، ماكرولىق ساياساتتىڭ ۇلاسپالىلىعىن، تۇراقتىلىعىن، باياندىلىعىن ساقتاپ، رەفورما جاساۋدى، ەسىك اشۋدى، جاڭالىق اشۋدى تەرەڭدەتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، ەكونوميكانىڭ ساپالى دامۋىن تىڭعىلىقتى ىلگەرىلەتۋ كەرەك.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved