جەڭىس مۇناي الابى عىلىم – تەحنيكانىڭ دەم بەرۋىمەن ساپالى دامۋعا بەت الدى
60 جىلدا 81 مۇناي – گاز الابى بايقالدى، انىقتالعان مۇنايدىڭ گەولوگيالىق قورى 5 ميلليارد 587 ميلليون توننا بولدى
2021.04.19 16:11 كەلۋ قاينارى : حالىق تورابى
«حالىق گازەتى»، 4 - ايدىڭ 17 - كۇنى، جينان (تىلشىلەر شۇي جينگىڭ، لي رۇي). بيىل جەڭىس مۇناي الابىنىڭ بايقالعانىنا 60 جىل تولدى. حۋاڭحى وزەنىنىڭ تەڭىزگە قۇيار اۋزىنا ورنالاسقان جەڭىس مۇناي الابى قازىرگە دەيىن جيىنى ءبىر ميلليارد 250 ميلليون توننا مۇناي ءوندىرىپ، بۇكىل ەلدىڭ ۇقساس مەزگىلدەگى قۇرلىقتاعى مۇناي ءونىمىنىڭ 5/1 ىن ۇستادى، قازىر جىلىنا 23 ميلليون 400 مىڭ توننادان استام تۇراقتى ءونىم الىندى.
جەڭىس مۇناي الابىندا شىعىس، باتىس بولەكتەگى ەكى ۇلكەن بارلاۋ رايونى بار. شىعىس بولەكتەگى بايىرعى رايوننىڭ 36 مىڭ شارشى كيلومەتر كەلەتىن جەر استىندا بۇكىل جەر شارىنداعى مۇناي ءتۇرىنىڭ 3/2 ىنەن استامى بار، ءبىراق مۇناي قورىنىڭ تارالۋى ءبىرشاما بىتىراڭقى، بارلاۋ، اشۋ قيىندىعى دۇنيە ءجۇزى جاعىنان مويىندالادى. قيىن - قىستاۋ بارلاۋ - اشۋ شارت - جاعدايىندا قايتكەندە تىڭ تابىستارعا قول جەتكىزۋگە بولادى؟
«شەشۋشى ءتۇيىن ءالى دە عىلىم - تەحنيكالىق العاباسارلىققا سۇيەنۋ كەرەك، ءسوز جوق، مۇناي، تابيعي گاز بارلاۋ كومەسكى كۇشى ەڭ زور جەرلەردە قامال الۋعا تالپىنىپ، مۇناي، تابيعي گاز اشۋ ەڭ قيىن جەرلەردە جاڭالىق اشۋدى يگەرۋ كەرەك». جۇڭگو مۇناي - حيميا توبى سەرىكتەستىگى باس ديرەكتورىنىڭ كومەكشىسى، جەڭىس مۇناي باسقارۋ مەكەمەسى پارتكومىنىڭ شۋجيى كۇڭ فانچۇن بىلاي دەپ تانىستىردى: «13 – بەسجىلدىق» كەزىندە مۇناي الابى بارلاۋ - اشۋ سالاسىندا 9 ءتۇرلى نازاريادا، 18 ءتۇرلى شەشۋشى تەحنيكادا تىڭ تابىستارعا قول جەتكىزدى.
ءداستۇرلى جەر سىلكىنىسى تەحنيكاسىنان پايدالانىپ جەر استىنداعى جۇقا، كىشكەنە، ۇساقتالعان، تەرەڭ گەولوگيالىق جاڭا نىسانانى انىق پارىقتاۋعا مۇمكىندىك جوق، قايتكەندە جەر قاباتىنىڭ ءتىپتى دە انىق «CT سۋرەتىن» تۇسىرۋگە بولادى؟ «بۇرىن ۇلكەن تورمەن بالىق اۋلاپ، ىلىنگەنىن قاناعات تۇتۋشى ەدىك؛ قازىر تىعىز توقىلعان تورمەن عانا بالىق اۋلاۋعا بولادى» دەدى جەڭىس مۇناي الابى زات بارلاۋ - زەرتتەۋ ورنىنىڭ باس ينجەنەرى شاڭ شينمين. «بالىق تورىن تىعىز توقۋ» ءۇشىن، جەڭىس مۇناي الابى جالاڭ، جوعارى تىعىزدىقتاعى جەر سىلكىنىسى تەحنيكاسىنان قامال الىپ، ىلگەرىندى - كەيىندى 16 وڭىرگە قولدانىپ، 530 ميلليون توننا بايلىقتى بايقادى.
جەڭىس مۇناي الابىنىڭ باتىس بولەكتەگى بارلاۋ رايونى سانالاتىن شينجياڭ جوڭعار ويپاتىندا تالاي رەت بارلاۋدان ناتيجە شىقپادى. جەڭىس مۇناي الابى «بىتىراندى بولەكتەردى بىرىكتىرىپ الىس ارالىقتان جەتكىزۋ» سىندى مۇناي، تابيعي گازدى ساقتاۋ ۇلگىسىن جاراتتى، 3 جىلدا 3 جاڭا مۇناي الابى بايقالدى، مۇناي گەولوگيالىق قورى 100 ميلليون توننادان اسىپ، ءۇرتىس 5 جىل ءبىر ميلليون توننادان استام تۇراقتى ءونىم الىندى.
تەحنيكالىق العاباسارلىق پەن نازاريالىق جاسامپازدىقتىڭ ارقاسىندا جەڭىس مۇناي الابى 60 جىلدان بەرى جيىنى 81 مۇناي - گاز الابىن بايقاپ، مۇناي گەولوگيالىق قورى 5 ميلليارد 587 ميلليون توننا ەكەنىن انىقتادى.
مۇناي انىقتالعان سوڭ، ونىڭ قالاي اشۋ ماسەلەسى دە جەڭىمپاز ادامنىڭ اقىل - پاراساتىن سىنايدى. جەڭىس مۇناي الابى بولىمشە سەرىكتەستىگىنىڭ ورىنباسار باس ديرەكتورى جاڭ زۇڭچۇڭ بىلاي دەپ تانىستىردى: كوپ جىلدىق اشۋ ارقىلى جەڭىس مۇناي الابىنىڭ سۋ قۇرامى بارعان سايىن جوعارىلادى، قازىر جالپىلىق سۋ قۇرامى %92 تەن استى، مۇنى «سۋدان مۇناي الۋ» دەسەك تە بولادى؛ «سۋ قۇرامى ەرەكشە جوعارى مەزگىلدە قازۋ مولشەرىن جوعارىلاتۋ تەحنيكاسىنان» قامال الىنعاننان كەيىن، «13 - بەسجىلدىق» كەزىندە اشىلعان مۇناي جيىنى 10 ميلليون توننادان استام ارتتى؛ بۇدان سىرت، ىلگەرىندى - كەيىندى پوليمەرلەنگەن مۇناي، ەكى نەگىزدىك قوسپا مۇناي، سۋى ىعىستىرىلعان كۇردەلى مۇناي سياقتى «مۇناي قىرۋ» تەحنيكاسى تاپقىرلانىپ، 70 ميلليون تونناعا جۋىق مۇناي ءوندىرىلدى.
اشۋ بارىسىندا قورعاپ، قورعاۋ بارىسىندا اشىپ، قورشاعان ورتانى قورعاۋدى ماڭداي الدى ورىنعا قويۋدا تاباندى بولىپ، ەنەرگيا ۇنەمدەۋدى، بىلعانىشتىڭ شىعارىلۋىن ازايتۋدى، كومىرتەگىن تومەندەتۋدى تۇتاس تىزبەككە ءسىڭىردى. جەڭىس مۇناي الابى كومىرتەگى قوس توتىعىن جەر استىنا ىعىستىرىپ مۇناي الىپ، كومىرتەگىنىڭ بەيتاراپتانۋىن جەبەپ، قازىرگە دەيىن 7 بولەككە 420 مىڭ توننا كومىر قىشقىل گازىن قۇيدى، مۇنىڭ ىشىندە 390 مىڭ تونناسى پەشەتتەلدى، بۇل 250 مىڭ اۆتوموبيلدىڭ ءبىر جىلدىق ىعىستىرۋ مولشەرىنە بارابار. شىعىس بولەكتەگى مۇناي رايوندارىنىڭ ءوندىرىس بارىسى تازا ەنەرگيامەن تولىق قامتۋدى جۇزەگە اسىردى، ەنەرگيانىڭ سارىپ بولۋ جالپى مولشەرى مەن ءبىر توننا مۇناي، تابيعي گاز الۋداعى ەنەرگيا جۇمسالىمى ءۇرتىس 6 جىل تومەندەدى.
جەڭىس مۇناي الابى بولىمشە سەرىكتەستىگىنىڭ باس مەڭگەرۋشىسى نيۋ شۇيۋىن بىلاي دەپ تانىستىردى: «14 – بەسجىلدىق» جوبا مەزگىلىندە جەڭىس مۇناي الابى جاڭا ەنەرگياسىنىڭ سالىستىرماسى قازىرگى %5 تەن %20 كە كوتەرىلىپ، حۋاڭحى وزەنى الابىنىڭ ەكولوگياسىن قورعاۋعا جانە ساپالى دامۋعا اناعۇرلىم ۇلەس قوستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
